ኢትዮጵያ የአርብቶ አደሮችን ድንበር ተሻጋሪ ችግሮች ለመፍታት ከአካባቢው ሀገራት ጋር ተባብራ እንደምትሰራ የግብርና ሚኒስትር ዴኤታ ኢፋ ሙለታ(ዶ/ር) ተናገሩ።

ህዳር 13 2018

በአካባቢው ሀገራት የሚገኙ አርብቶ አደሮች ወቅቶችን በመከተል ከቤት እንስሳቶቻቸው ጋር ድንበር ተሻጋሪ እንቅስቃሴ እንደሚያደርጉ ሚኒስትር ዴኤታው አስታውሰዋል።

በዚህ እንቅስቃሴያቸውም ከግጦሽ መሬት እና ውሃ ጋር የተገናኙ ችግሮች ይገጥሟቸዋል ብለዋል።

እነዚህን ችግሮች ለመፍታት ኢትዮጵያ ከአካባቢው ሀገራት ጋር ተቀራርባ እንደምትሰራ ተናግረዋል።

የምስራቅ አፍሪካ የልማት በይነ መንግስታት ድርጅት (IGAD) ትኩረቱን በአካባቢው ሀገራት በሚገኙ አርብቶ አደሮች ላይ ያደረገ ውይይት እዚህ በአዲስ አበባ አካሂዷል።

በውይይቱም በአካባቢው አርብቶ አደሮች መካከል ኢኮኖሚያዊ ትብብርን በማሳደግ ሠላማዊ ግንኙነትን ማጠናከር ማሳደግ እንደሚገባ ተጠቅሷል።

ኢጋድ ጁቡቲ ፤ ኤርትራ ፤ኢትዮጵያ ፤ ኬንያ ፤ ሶማሊያ ፤ ደቡብ ሡዳን፤ ዩጋንዳ እና ሡዳን ያሉበት ስብስብ እንደሆነ ይታወቃል።

በአፍሪካ አህጉር ካሉ 250 ሚሊየን አርብቶ አደሮች ከፍተኛውን ቁጥር የያዙት በእነዚሁ ሀገራት የሚገኙ እንደሆኑ ተጠቅሷል።

የሸገርን ወሬዎች፣ መረጃ እና ፕሮግራሞች ይከታተሉ…

👇👇👇