ወተት አምራቾች፤ ለእንስሳቶች የሻገቱ እና የተበከሉ መኖ እንዳይሰጡ የኢትዮጵያ ምግብና መድሀኒት ባለስልጣን መከረ።

ህዳር 19 2018

ደህንነቱ ያልተጠበቀ መኖ ለእንስሳቶች መስጠት ለወተት መበከል ትልቅ አስተዋፅኦ አሏቸው ብሏል ባለስልጣን መስሪያ ቤቱ።

የወተት ምርት በባህሪው በጣም ጥንቃቄ የሚሻ በመሆኑ ከእንስሳት መኖ ጀምሮ ተጠቃሚው ድረስ የሚሳተፉ አካላት ወተቱ እንዳይበከል መስራት አለባቸው ብሏል።

በሀገሪቱ መደበኛ ያልሆነ የወተት ሽያጭ በሰፊው እንደሚስተዋልም አስረድቷል።

በተለይም በየሰፈሩ በጄሪካን አየዞሩ ከሚሸጡት ላይ ገዝታችሁ እንድትጠቀሙ አልመክርም ሲልም መስሪያ ቤቱ ጠቅሷል፡፡

ወተት ቶሎ የሚበላሽ እና በፋብሪካ ተመርምሮ እስኪመጣ ተሽጦ ሊያልቅ የሚችል መሆኑ ቁጥጥር የሚያደርገው አካል ስራን ውስብስብ የማድረግ እድሉ ሰፊ ነው ተብሏል።

እንዲህም ሆኖ መደበኛ ባልሆነ ገበያ ከሚሸጠው የወተት ምርት ለቁጥጥሩ በፋብሪካዎች በኩል ተቀነባብሮ የሚሸጠው ወተት የበለጠ ግልፅ ነው ሲል ተናግሯል።

የኢትዮጵያ ምግብና መድሀኒት ባለስልጣን በወተት ደህንነት ላይ ቁጥጥር የሚያደርገው በተለይም ከፋብሪካ ጀምሮ አመራረት፣ አያያዝ እና በማጓጓዝና በሽያጭ ወቅት እንደሆነ ጠቅሷል።

ባለስልጣኑ ይህንን የተናገረው ስለ ወተት ደህንነት አስመልክቶ ዛሬ ለሚዲያ ባለሞያዎች ስልጠና በሰጠበት መድረክ ላይ ነው።

ማንያዘዋል ጌታሁን

የሸገርን ወሬዎች፣ መረጃ እና ፕሮግራሞች ይከታተሉ…

👇👇👇

Recent Posts