አዲስ የኤሌክትሪክ ቆጣሪ ለሚያስገቡ ደንበኞች የሁለት አመት የክፍያ ስርዓት ማመቻቸቱን የኢትዮጵያ ኤሌክትሪክ አገልግሎት ተናገረ።

ሚያዝያ 21/2018

በገንዘብ እጥረት ምክንያት ለአዲስ የኤሌክትሪክ ቆጣሪ የሚያስፈልገውን ክፍያ ከፍለው አገልግሎት ማግኘት ላልቻሉ ደንበኞች የተዘረጋው ይህ አሰራር እስከ 2 ዓመት በሚደርስ የክፍያ ስርዓት እንዲከፍሉ የሚያደርግ ነው ተብሎለታል።

ተቋሙ ወደ ስራ ያስገባውን አዲስ አገልግሎት ተጠቃሚ መሆን የሚችሉትም የነጠላ ፌዝ ቆጣሪ ተጠቃሚ ደንበኞች ናቸው የተባለ ሲሆን የመኖሪያ ቤት እና አነስተኛ ንግድ ቤቶችን ያጠቃልላል ተብሏል።

ይህንን አሰራር የጀመርኩት ጥናትን መሰረት አድርጌ ነው ያለው አገልግሎቱ በርካታ ደንበኞቼ በገንዘብ እጥረት ምክንያት አዲስ ቆጣሪ ማስገባት መቸገራቸውን ጥናቱ አሳይቷል ብሏል።

ደንበኛው የጊዜ ገደብ ክፍያ አገልግሎቱን ተጠቃሚ ለመሆን የቆጣሪ ማስገመቻ ሙሉ ክፍያ መክፈል ያስፈልገዋል የተባለ ሲሆን ከጠቅላላ የማስቀጠያ ክፍያ ላይ 10 በመቶውን መክፈል ይጠበቅበታል ተብሏል።

ሙሉ ዘገባውን ያድምጡ……

ፋሲካ ሙሉወርቅ

የሸገርን ወሬዎች፣ መረጃ እና ፕሮግራሞች ይከታተሉ…

YouTube : https://shorturl.at/18TS1

WhatsApp : https://shorturl.at/8vwRx

X :- https://x.com/shegerfm?s=2