ባለፈው ዓመት የጥራት ጉድለት አለባቸው ከተባሉት ማዳበሪያዎች ውስጥ 4 መርከብ የሚሆነው ማስመለስ መቻሉን የኢትዮጵያ የግብርና ሥራዎች ኮርፖሬሽን ተናገረ፡፡

መጋቢት 10/2018

ከዚህ በኋላ ተመሳሳይ ችግር እንዳይገጥም ለማድረግ ከኢትዮጵያ መረጃ ደህንነት አገልግሎት ኢንሳ ጋር አብሮ እየሰራ መሆኑን ኮርፖሬሽን ጠቅሷል፡፡

ከዚህ ቀደም በተቋሙ 5.6 ቢሊዮን ብር በመመዝበር የተቋሙ ከፍተኛ የስራ ኃላፊዎች በህግ ጥላ ስር መዋላቸው ይታወሳል፡፡

የተቋሙ ኃላፊዎች ሰርተውታል ከተባሉ ጥፋቶች መካከል ጥራቱን ያልጠበቀ ማዳበሪያ ግዢ መፈፀም አንዱ ነበር፡፡

ታዲያ በዚህ ዓመት ይህ ስህተት እንዳይደገም አዲስ አሰራር ስራ ላይ መዋሉን የኢትዮጵያ ግብርና ስራዎች ኮርፖሬሽን ዋና ስራ አስፈፃሚ ወ/ሮ የሺእመቤት ነጋሽ ነግረውናል፡፡

ባለፈው ዓመት በ2 መርከቦች ላይ ተጭኖ የነበረ የአፈር ማዳበርያ ፍተሻ ሲደረግለት ጥራት ጉድለት ተገኝቶበት ነበር ሲሉም ያስረዳሉ፡፡

አሁን የማዳበርያ ግዢ በቀጥታ ከአምራች ድርጅቶች ጋር ግንኙነት በማድረግ ነው ግዢ እየተፈፀመ ያለው በዚህ ዓመትም የተገዛው የማዳበርያ ግዢ በዚህ መንገድ የተገዛ ማዳበሪያ ወደ ሀገር ቤት እየገባ ነው ብለዋል፡፡

ከዚህ በፊት የነበረው ችግር እንዳይደገም አሰራሮች ወደ ዲጂታል ለመቀየር ከኢትዮጵያ መረጃ አገልግሎት ጋር ስራዎች እየተሰራ ነው ሲሉም ጠቅሰዋል፡፡

ኢትዮጵያ በየአመቱ ከ2. 4 ሚሊዮን ሜትሪክ ቶን በላይ ማዳበርያ ግዢን ታደርጋለች ያሉት ወይዘሮ የሺእመቤት ነጋሽ ለዚህ አመት ከሚያስፈልገው ውስጥ 1 ነጥብ 5 ሚሊዮን ሜትሪክ ቶን የአፈር ማዳበርያ ወደ ሀገር ቤት ገብቷል ይላሉ፡፡

ከዚህ በፊት የጥራት ጉድለት ተገኝቶባቸው ከነበሩ ማዳበርያዎች ውስጥ ከሻጮች ጋር በተደረገ ድርድር 4 መርከብ የሚሆነው ጥራቱን ያልጠበቀ ማዳበሪያ መመለስ ተችሏልም ሲሉ ይናገራሉ፡፡

ተቋሙ ከዚህ በኋላ በሚገዙ የማዳበርያ ግዢዎች ከነጋዴዎች ጋር ከመገናኘት ይልቅ ቀጥታ ከአምራቾች ጋር ግንኙነት እንዲፈጠር ይደረጋል በዚህ ዓመትም ስራው ተጀምሯል ተብሏል፡፡

ሙሉ ዘገባውን ያድምጡ…..

በረከት አካሉ

የሸገርን ወሬዎች፣ መረጃ እና ፕሮግራሞች ይከታተሉ…

YouTube : https://shorturl.at/18TS1

WhatsApp : https://shorturl.at/8vwRx

X :- https://x.com/shegerfm?s=2

Recent Posts