በኢንዱስትሪ ፓርኮችና በከፍተኛ ት/ት ተቋማት የሚገኙ ወጣቶች ለኤችአይቪ ተጋላጭነትን ለመቀነስ የኮንዶም አቅርቦትና ግንዛቤው ላይ መሰራት አለበት ተባለ፡፡

መጋቢት 24/2018

በኢንዱስትሪ ፓርኮች እንዲሁም በከፍተኛ ትምህርት ተቋማት ላይ የሚገኙ ወጣቶች ለኤች አይ ቪ ተጋላጭነትን ለመቀነስ የኮንዶም አቅርቦትና ግንዛቤው ላይ መሰራት አለበት ተባለ፡፡

በስራቸው እና ዕድሜያቸው ምክንያት ለኤች አይ ቪ እጅግ ተጋላጭ ከሆኑት ውስጥ በኢንዱስትሪ ፓርኮች ውስጥ ያሉ ወጣቶች በተለይ ሴቶች ይገኙበታል ተብሏል፡፡

ለዚህም የጤና ሚኒስቴር ከለጋሽ ዓለም አቀፍ ተቋማት ጋር በመሆን ኮንዶም በነፃ እያቀረበ መሆኑን ነገር ግን ይህም ቢሆን በቂ አለመሆኑን ተናግሯል፡፡

በጤና ሚኒስቴር የኤች አይቪ ኤድስ መከላከልና መቆጣጠር መሪ ስራ አስፈጻሚ የሆኑት አቶ ፍቃዱ ያደታ እንደሚናገሩት በተለይ በኢንዱስትሪ ፓርኮች ላይ ተቀጥረው ከሚሰሩት ውስጥ አብዛኛዎቹ ወጣቶች በመሆናቸው የኤች አይ ቪ ተጋላጭነታቸውን መቀነስ ላይ ይበልጥ መስራት ያስፈልጋል ብለዋል፡፡

በኢንዱስትሪ ፓርኮች ውስጥ የሚሰሩ ሰዎች አብዛኛው ሴት ወጣቶች ናቸው፤ ሴት ወጣቶች ደግሞ በይበልጥ ተጋላጭ ክፍሎች በመሆናቸው በነጻ ኮንዶም ሊቀርብላቸው ከሚገባው ክፍሎች አንደኛዎቹ ናቸውና በነፃ በእያንዳንዱ ኢንዱስትሪ ፓርክ ውስጥ የጤና ሚኒስቴር ከአጋሮቹ ጋር በመሆን ኮንዶም በነፃ ያቀርባል ብለዋል፡፡

በዓለም አቀፍ ለጋሾች ድጋፍ መቀነስና በሌሎችም ችግሮች ምክንያት የኮንዶም አቅርቦቱ ከሚጠበቀው በታች በመሆኑ ግን በመስሪያ ቤቶችና ሌሎች ለኤች አይቪ ተጋላጭ የሆኑ ሰዎች ባሉባቸው ቦታዎች ላይ ኮንዶም እንደልብ ማቅረብ አልተቻለም ብለዋል አቶ ፍቃዱ፡፡

ዓለም አቀፍ ድጋፎችም የቀነሱ ከመምጣታቸው ጋር ተያይዞ በመንግስት እና በተወሰኑ አጋሮች የሚገዛው ኮንዶም እጅግ ተጋላጭ ለሆኑት እንጂ በየትኛውም መንግስት መስሪያ ቤትና በየት/ቤቱ በሁሉም ቦታ ላይ ማቅረብ አይቻልም ብለዋል፡፡

በሌላ በኩል የከፍተኛ ትምህርት ተቋማት ተማሪዎችም ላይ ኤች አይ ቪ በመከላከል በኩል የሚጠበቁ ስራዎች አሉ የሚሉት መሪ ስራ አስፈጻሚው ነገር ግን ያለው ሀብት ውስን በመሆኑ የተወሰኑት ላይ ብቻ እየሰራን ነው ሲሉ ይጠቅሳሉ፡፡

በአገሪቱ አንዳንድ አካባቢዎች ያለው የሰላም ችግር የግንዛቤ ማነስ እና በቸልተኝነት አዲስ በኤች አይ ቪ የሚያዙ ሰዎች በተለይ ወጣት ሴቶች ቁጥር እየጨመረ መሆኑ ተነግሯል፡፡

ይህ በወጣቶች ላይ የሚታየው ከፍተኛ የኤች አይ ቪ ተጋላጭነት ስጋት ጠንካራ የመከላከል ስራ ይጠይቃልም ተብሏል፡፡

በኢትዮጵያ በየዓመቱ አዲስ በኤች አይ ቪ ከሚያዙ ሰዎች ውስጥ እድሜያቸው ከ15-24 የሆኑ ወጣቶች 34 በመቶውን እንደሚይዙ ጥናት ያሳያል፡፡

ሙሉ ዘገባውን ለማድመጥ….

ምህረት ስዩም

የሸገርን ወሬዎች፣ መረጃ እና ፕሮግራሞች ይከታተሉ…

Website፡ https://www.shegerfm.com/

YouTube : https://shorturl.at/18TS1

Telegram : https://shorturl.at/68aeK

Facebook፡ https://shorturl.at/tm5Q4

WhatsApp : https://shorturl.at/8vwRx

X :- https://x.com/shegerfm?s=2

LinkedIn: https://shorturl.at/Vfe6i

Tiktok : https://shorturl.at/lhYiv

Instagram: https://shorturl.at/9X4S7