ሐምሌ 8 2017 - ከኢትዮጵያ ግዙፍ ፕሮጀክቶች መካከል አንደኛው የአዋሽ ወልዲያ ሐራ ገበያ የባቡር ፕሮጀክት ነው

ባለፉት ዓመታት በሰሜን ኢትዮጵያ በነበረው ጦርነት እና በፕሮጀክቱ ላይ ደርሷል በተባለ ጉዳት ምክንያት የፕሮጀክቱ ስራ ተቋራጭ ኢትዮጵያን ከሶ ለረጅም ግዜ በእንግሊዝ አለም አቀፍ የግልግል ፍርድ ቤት አቁሟታል፡፡

የዚህ ፕሮጀክት ገንቢ የሆነው የቱርኩ ያፒ መርከዚ ስራ ተቋራጭ ለእንግሊዝ የህግ ባለሙያዎች ከፍተኛ ወጭ አውጥቶ ለደረሰበት ጉዳት ኢትዮጵያ 1 ቢሊዮን ዶላር ካሣ እንድትከፍለው ጠይቋል።

ሆኖም ይህ ክስ በአመዛኙ ውድቅ ተደርጎበታል፡፡

ለመሆኑ በዚህ ከፍተኛ ሙግት ውጤት እንዴት ሊገኝ ቻለ?

ኢትዮጵያ ለዚህ አለም አቀፍ ሙግት እነ ማንን አቆመች?

ኢንጂነር ህሊና በላቸው የኢትዮጵያ ምድር ባቡር ኮርፖሬሽን ዋና ስራ አስፈፃሚ ናቸው፤ እሳቸው ለዚህ ጥያቄ ማብራሪያ ሰጥተውናል።

ዋና ስራ አስፈፃሚዋ ክሱ በአመዛኙ ውድቅ እንዲሆን ጥብቅ እና ከፍተኛ ጥረት እንደተደረገ ነግረውናል።

ፍርድ ቤቱ የኢትዮጵያ ምድር ባቡር ኮርፖሬሽን ያቀረበውን ጥብቅ የህግ መከራከሪያና ውሎች አይቷል መባሉን ነግረውናል።

በመሆኑም ያፒ መርከዚ የስራ ተቋራጭ ይከፈለኝ ያለውን 1 ቢሊየን ዶላር የካሳ ጥያቄን ለመሞገት የኢትዮጵያ የህግ ምሁራን አሳትፈዋል ተብሏል።

ተህቦ ንጉሴ

https://tinyurl.com/yydsefvt