ለረዥም ዓመታት ተቋርጦ የቆየዉ የኢትዮጵያ ዩኒቨርስቲ ተማሪዎች ስፖርት ፌስቲቫል ዉድድር በጅማ ዩኒቨርሲቲ መካሄድ ጀምሯል

ጥር 18/2018

 ለረዥም ዓመታት ተቋርጦ የቆየዉ የኢትዮጵያ ዩኒቨርስቲ ተማሪዎች ስፖርት ፌስቲቫል ዉድድር በጅማ ዩኒቨርሲቲ መካሄድ ጀምሯል::

በዉድድሩ ለመሳተፍ 49 ዩኒቨርሲቲዎች ጅማ ዩኒቨርሲቲ ተገኝተዋል::

15 የተለያዩ እስፖርታዊ ዉድድሮች  ይደረጋሉ ተብሏል::

በዚህ ዉድድር ከ4ሺ አምስት መቶ በላይ ተወዳዳሪዎች ተሳትፈዋል::

ዉድድሩ ከጥር 17 እስከ የካቲት1  2018  ዓ.ም ድረስ  እንደሚደረግም ሰምተናል::

ውድድሩ ከ2017  በነበሩት 10 አመታት ተቋርጦ የቆየ ሲሆነ አምና በመለስተኛ ተሳታፊ ዩኒቨርሲቲዎች በአዲስ አበባ ዩኒቨርስቲ አዘጋጅነት መካሄዱ ይታወሳል። 

በመክፈቻ ስነ-ስርዓቱ ላይ የተገኙት የኢትዮጵያ ባህል እና ስፖርት ሚኒስቴር የስፖርት ልማት ዘርፍ ሚኒስትር ድኤታ አቶ መኪዩ መሀመድ ይህ ዉድድር ከዚህ ቀደም ከተደረጉ ዉድድሮች ለየት ያለነዉ ሲሉ ተናግረዋል::

በዚህም በዘርፍ ተደጋጋሚ ጥያቄ የነበረው  የስፖርት ፖሊሲ መከለስ እና ስፖርትን በህግና ስርዓት ለመምራት የሚያስችል የስፖርት ልማት አዋጅ የሚኒስትሮች ምክር ቤት  ከተወያየበት በኃላ ፖሊሲው እንዲጸድቅ ወደ ህዝብ ተወካዮች ምክር ቤት የተመራበት በመሆኑ የዘንድሮን የኢትዮጵያ ዩኒቨርሲቲዎች ተማሪዎች ስፖርት ፈስቲቫልን ልዩ ከሚያደርጉት መካከል አንዱ እንደሆነ አስረድተዋል ፡፡ 

ጅማ ዩኒቨርስቲ ውድድሩን ለማስተናገድ የመወዳደሪ ስፍራዎችን ከማሰናዳት  ጀምሮ የተለያዩ ስራዎች ሲሰራ መቆየቱን እንዲሁም  አሁን ላይ ሁሉም ተወዳዳሪዎች ቦታ ቦታዎችን እንደያዙ የዩኒቨርስቲው ፕሬዝደንት ጀማል አባፊጣ (ዶ/ር) ተናግረዋል። 

ይህ ውድድር ተቋማቱ  ከእስፖርቱ በተጨማሪ የእርስ በእርስ ግኑኝነታቸውን የሚያጠናክሩበት እንዲሁም የባህል ልውውጥ የሚያደርጉበት መሆኑን ሰምተናል። 

ዉድድሩ እንደሃገርም ቢሆን ተተኪ ስፖርተኞችን ለማፍራት አስተዋፆ የጎላ ነዉ ያሉት የኢትዮጵያ ዩኒቨርስቲዎች ስፖርት ማህበር ፕሬዝደንት አባይ በላይሁን ናቸዉ::

በአጠቃላይ ይህንን ዉድድር ለማሰናዳት ከመቶ ሚሊየን ብር በላይ ወጪ እንደተደረገ የዩኒቨርስቲው ፕሬዝደንት ጀማል አባፊጣ (ዶ/ር) ተናግረዋል::

ማርታ በቀለ

የሸገርን ወሬዎች፣ መረጃ እና ፕሮግራሞች ይከታተሉ…..

YouTube : https://url-shortener.me/2DTR

Telegram :  https://t.me/ShegerFMRadio102_1

Facebook፡ https://url-shortener.me/2DTY

WhatsApp :https://url-shortener.me/2DU0

X : https://x.com/shegerfm?s=2                 

Website፡ https://www.shegerfm.com/                          

LinkedIn :https://url-shortener.me/2DU8

Tiktok : https://url-shortener.me/2DUB

Instagram : https://url-shortener.me/2DUD