የኢትዮጵያ ነዳጅና ኢነርጅ ባለስልጣን የቀድሞ ም/ዋና ዳይሬክተርን ዲቦራ ፉፋን ጨምሮ የ5 ተከሳሾች ላይ ቀርቦ የነበረው ከባድ የሙስና ክስ ተቋረጠ።

8 minutes ago
1 min read

ሰኔ 3/2018

የፌደራል ከፍተኛ ፍርድ ቤት የልደታ ምድብ 3ኛ የሙስና ጉዳዮች ወንጀል ችሎት "በገበያ ላይ የነዳጅ እጥረት እንዲከሰት አድርገዋል"የተባሉ የኢትዮጵያ ነዳጅና ኢነርጂ ባለስልጣን ምክትል ዋና ዳይሬክተርን ጨምሮ በ13 ተከሳሾች ላይ የተመሰረተውን የከባድ ሙስና ወንጀል ክስ የ5ቱ እንዲቋረጥ መደረጉን አስታውቋል፡፡

የክስ መቃወሚያ እንዲያቀርቡ ሰኔ 1 ቀን 2018 ዓ.ም ቀጠሮ ተይዞ የነበረ ሲሆን በችሎቱ የክስ መቃወሚያውና የአቃቢ ህግ መልስ ተነቦ የክስ ማሻሻያያ እንዲደረግና ባልቀረቡ ተከሳሾች በጋዜጣ እንዲጠሩ ፍ/ቤቱ አዝዞ ለሰኔ 18/ 2018 ዓ/ም ቀጠሮ ተሰጥቶ ነበር።

ይሁንና የ5ቱ ተከሳሾች ማለትም 1ኛ ተከሳሽ ዲቦራ ፉፋ ፣4ኛ ተከሳሽ ይላቅ አወቀ፣ 5ኛ ተከሳሽ አበላ ግዛው እንዲሁም ፖሊስ አፋልጉኝ አውጥቶባቸው የነበረው 9ኛ ተከሳሽ ይልቃል የኔሰው እና 10 ተከሳሽ የኛ ፔትሮሊየም ኀ/የ/ግ/ ማህበር ክሳቸው እንዲቋረጥ ተወስኗል፡፡

ክሱ የተቋረጠው፣ ፍትህ ሚኒስቴር ክሱ አንዲቋረጥ አቤቱታ በማቅቡ አንደሆነ ፍረድ ቤቱ ጠቅሷል፡፡

4ኛ ተከሣሽ አቶ ይላቅ እወቀ ይብለው እና 5ኛ ተከሣሽ አቶ አበላ ግዛው በሪ በዚህ የክስ መዝገብ የቀረበባቸው 3ኛ ክስን በተመለከተ ብቻ በመሆኑና ክሱ የተቋረጠ ስለሆነ የአዲስ አበባ የቂሊንጦ ማረሚያ ቤት ተከሳሾች በሌላ ወንጀል የማይፈለጉ መሆኑን በማረጋገጥ ከእስር እንዲለቃቸው የእስር መፍቻ ትዕዛዝ እንዲፃፍ ታዟል።

9ኛ ተከሣሽ ይልቃል የኔሰው ዘለቀ እና 10ኛ ተከሣሽ የኛ ፔትሮሊየም ኃ/የተ/የግል /ማኅበር በዚህ የክስ መዝገብ የቀረበባቸው ከባድ የሙስና ወንጀል ክስን በተመለከተ ብቻ በመሆኑና ክሱ የተቋረጠ ስለሆነ 9ኛ ተከሣሽን (አቶ ይልቃል የኔሰው) በተመለከተ የጋዜጣ ጥሪ እንዲደረግ የተሰጠው ትዕዛዝ እንዲሁም 10ኛ ተከሣሽን (የኛ ፔትሮሊየም) በተመለከተ ፖሊስ በአድራሻቸው አፈላልጎ እንዲያቀርበው የተሰጠው ትዕዛዞች ቀሪ እንዲሆኑ ታዟል።

ገዛ ጌታሁን

የሸገርን ወሬዎች፣ መረጃ እና ፕሮግራሞች ይከታተሉ…

Website፡ https://www.shegerfm.com/

YouTube : https://shorturl.at/18TS1

Telegram : https://shorturl.at/68aeK

Facebook፡ https://shorturl.at/tm5Q4

WhatsApp : https://shorturl.at/8vwRx

X :- https://x.com/shegerfm?s=2

LinkedIn: https://shorturl.at/Vfe6i