በምርጫ ወቅት "በታንዛኒያ እና በዩጋንዳ "ላይ የተስተዋለው የኢንተርኔት ገደብ ወይም እቀባ በኢትዮጵያ እንዳይኖር የአፍሪካ ህብረትን ጨምሮ ሌሎች ተቋማት ምክረ ሃሳብ ማቅረባቸውን ተናገሩ።

14 hours ago
2 min read

ግንቦት 12/2018

የአፍሪካ ህብረት ምርጫውን ለመታዘብ በቂ ዝግጅት ማድረጉን እና የምርጮ ቦርድ ውሳኔን በመጠበቅ ላይ እንደሚገኝ አስረድቷል።

ይህ የተነገረው ግንቦት 10 ቀን 2018 ዓ.ም የኢትዮጵያ ሰብዓዊ መብቶች ድርጅቶች ህብረት ፓራዳይም ኢንሼቲቭ ከተሰኘ መንግስታዊ ካለሆነ ተቋም ጋር በመሆን በዲጂታል መብት ላይ ባሰናዳው ወይይት ላይ ነው።

በራዲሰን ብሉ (Radison blue) ሆቴል በተካሄደው ውይይቱ ላይ የአፍሪካ ህብረት፣ የተባበሩት መንግስታት ድርጅት የትምህርት የሳይንስ የባህል ተቋም ዩኔስኮ ፣ የኢንፎርሜሽን መረብ ደህንነት አስተዳደር ፣ የኢትዮ ቴሌኮም ፣ የሳፋሪኮም ኢትዮጵያ እና የሌሎች ተቋማት እና ማህበራት ተወካዮች ተገኝተዋል።

የምርጫ ወቅት ከፍተኛ መረጃ የሚመነጭበት እና ልውውጥ የሚደረግብት ስለሆነ ለዚህ የሚያግዝ ጥራት ያለው ኢንተርኔት ተደራሽ ማድረግ እንደሚያስፈልግ የኢትዮጵያ ሰብአዊ መብቶች ድርጅቶች ህብረት ዳይሬክተር አቶ መሱድ ገብየሁ አሳስበዋል፡፡

ጥራት ያለው ኢንተርኔት ተደራሽ ማድረግ ምርጫው ተዓማኒ እንዲሆን ከማድረግ ባለፈ የዜጎችን ሃሳብን በነጻነት የመግለጽ መብትን መጠበቅ ጭምር መሆኑ ተጠቅሷል፡፡

አቶ መሱድ ጥራት ያለው ኢንተርኔት ከማድረስ በተጨማሪ የተዛባ እና ሃሰተኛ መረጃን ቁጥጥር የሚደረግበትን መላ መፈለግ እንደሚያስፈልግም አስረድተዋል፡፡

በተጨማሪም የኢንተርኔት መቆራረጥ "በአንዳንድ አካባቢዎች " ባለፈው 6ኛው ሀገራዊ ምርጫ ላይ መከሰቱን ያስታወሱት አቶ መሱድ ያለፈው ችግር በአሁኑ 7ኛው ሀገራዊ ምርጫ ላይ እንዳይደገም ሊደረግ ይገባል ብለዋል፡፡

የኢትዮጵያ ሲቪል ማህበራት ድርጅቶች ህብረት ለምርጫ የሚዲያ ክትትል ሀላፊ እና የውይይቱ ተሳታፊ ነዋል አቡበከር ጥራት ያለው ኢንተርኔት ዜጎች በምርጫ ወቅት ለሚወስኑት ውሳኔ በቂ መረጃ እንዲኖራቸው ስለሚያግዝ ጥራት ያለው ኢንተርኔት ተደራሽ ማድረግ አስፈላጊ መሆኑን ተናግራለች፡፡