በልዩ የኢኮኖሚ ዞን ውስጥ ገብተው እንዲሰሩ የሚፈቀድላቸው ባንኮች የውጪ ምንዛሪ አገልግሎት የመስጠት ግዴታ እንዳለባቸው ተነገረ።

መጋቢት 9/2018

የልዩ ኢኮኖሚ ዞን አዋጅ በህዝብ ተወካዮች ምክር ቤት ፀድቆ ስራ ላይ መዋሉ ይታወቃል።

አዋጁ ከደነገጋቸው ግዴታዎች አንዱ በልዩ የኢኮኖሚ ዞኖች ውስጥ በሚቋቋም የአንድ መስኮት አገልግሎት ባንኮችም ገብተው አገልግሎት መስጠት አለባቸው የሚለው እንደሆነ ተጠቅሷል።

አሁን ላይ በኢትዮጵያ 32 ባንኮች እንዳሉ ያመለከተው የኢትዮጵያ ብሄራዊ ባንክ ከእነዚህ መካከል ከ15 እስከ 20 የሚሆኑት በልዩ የኢኮኖሚ ዞኖች ገብተው ለመስራት የሚያስችላቸውን ፍቃድ ይወስዳሉ ተብሎ ይጠበቃል ብሏል።

የዉጪ ባንኮችም ፍቃድ ይወስዳሉ ተብሎ እንደሚጠቅ ተናግሯል።

ከአዋጁ መወጣት በፊት በልዩ የኢኮኖሚ ዞኖች በዋናነት አገልግሎት ሲሰጥ የቆየው የኢትዮጵያ ንግድ ባንክ እንደሆነ ተጠቅሷል።

በልዩ የኢኮኖሚ ዞኖች ገብተው ለመስራት ፍቃድ የሚወስዱ ባንኮች የውጭ ምንዛሪ አገልግሎት የመስጠት ግዴታ እንዳለባቸው ተነግሯል።

የባንክ አገልግሎት መስጠት የሚችሉት ግን በዚያው በልዩ የኢኮኖሚ ዞን ውስጥ ላሉ የማህበረሰብ አባላት ብቻ ነው ተብሏል።

በአንድ ልዩ የኢኮኖሚ ዞን ውስጥ የሚሰሩ ባንኮችን ቁጥር ብሄራዊ ባንክ ሊወስን እንደሚችልም ተጠቅሷል።

ባንኮቹ ቅርንጫፍ መክፈት ይችላሉ የተባለ ሲሆን ንዑስ ቅርንጫፍ ግን መክፈት እንደማይፈቀድላቸው ተመልክቷል፡፡

ብሄራዊ ባንክ በልዩ የኢኮኖሚ ዞኖች ለሚሰሩ የፋይናንስ ተቋማት ባወጣው መመሪያ ዙሪያ በስካይ ላይት ሆቴል ውይይት እየተካሄደ ነው።

ሙሉ ዘገባውን ያድምጡ…..

ንጋቱ ረጋሳ

የሸገርን ወሬዎች፣ መረጃ እና ፕሮግራሞች ይከታተሉ…

YouTube : https://shorturl.at/18TS1

WhatsApp : https://shorturl.at/8vwRx

X :- https://x.com/shegerfm?s=2

Recent Posts