ጥቅምት 25፣2017 - የቢዋይዲ ተሽከርካሪዎች ወደ ኢትዮጵያ የሚያስመጣው ሞቢሊቲ-ኢ የኤሌትሪክ ተሽከርካሪዎችን ወደ ሃገር ውስጥ ለማስገባት ስምምነት ተፈራረመ

የቢዋይዲ(BYD) ተሽከርካሪዎች ወደ ኢትዮጵያ ገበያ የሚያስመጣው ሞቢሊቲ-ኢ በዓመት 1,000 የኤሌትሪክ ተሽከርካሪዎችን ወደ ሃገር ውስጥ ለማስገባት የሚያስችል የመግባቢያ ስምምነት ከሁለት ኩባንያዎች ጋር ተፈራረመ።

ስምምነቱ የተፈረመው በሞቢሊቲ-ኢ፣ ፓክ-ግሩፕና በሃንሰም-ግሩፕ መካከል ነው።

በየዓመቱ 1,000 የኤሌክትሪክ ተሽከርካሪዎች ወደ ሀገር ውስጥ ለማስገባት የሚያስችለው ስመምነት የተፈረመው ሞቢሊቲ-ኢ ከድጋፍ ማይክሮፋይናንስ ጋር በመተባበር 17 የቢዋይዲ ሴጉል ተሽከርካሪዎችን ለባለመኪኖች ባስረከበበት ስነ-ስርዓት ወቅት ነው።

ሞቢሊቲ-ኢ ከድጋፍ ማይክሮፋይናንስ ጋር በመተባበር ለደንበኞች ያስረከባቸው የኤሌክቲሪክ መኪናዎች በ14 በመቶ የቅድመ ክፍያ ብድር አገልግሎት እንደሆነ ተነግሯል።

እያንዳንዳቸው ተሽከርካሪዎችም ከ2.8 ሚሊየን ብር በላይ ያወጣሉ የተባለ ሲሆን ምንም እንኳን በማክሮ ኢኮኖሚ ማሻሻየው ምክንያት ዋጋቸው ቢጨምር ደንበኞች ግን ቀድሞ በገቡት ስምምነት መሰረት መኪኖቻቸውን መረከባቸው ተጠቅሷል።

ሁለተኛው ዙር የርክክብ ስነ-ስርዓትም በሁለት ሰምንት ውስጥ እንደሚፈፀም የሞቢሊቲ-ኢ ዋና ስራ አስፈፃሚው አቶ ምኒሊክ ጌታቸው ተናግረዋል።

ንጋቱ ሙሉ