ጥር 13፣ 2017 - በበጀት ዓመቱ አጋማሽ በ2,464 ሕገ ወጥ ግንባታዎች ላይ እርምጃ መውሰዱን የደንብ ማስከበር ባለስልጣን ተናግሯል

በ2017 በጀት ዓመት የመጀመሪያ አጋማሽ በ2,464 ሕገ ወጥ ግንባታዎች ላይ እርምጃ መውሰዱን የአዲስ አበባ ከተማ አስተዳደር ደንብ ማስከበር ባለስልጣን ተናግሯል፡፡

ህገወጥ ግንባታ 2464፣ ህገ-ወጥ የመሬት መስፋፋት 11፣ ህገ-ወጥ የመንገድ ላይ ንግድ ከ27,000 በላይ ሰዎች አርምጃ ወስጃለሁ ብሏል፡፡

ከደንብ ተላላፊዎች ከ135 ሚሊየን ብር በላይ መሰብሰቡን ደንብ ማስከበር ባለስልጣን አስረድቷል፡፡

ባለስልጣን መስሪያ ቤቱ ደንብ ተላልፈው ከተገኙ ደንብ ተላላፊዎች ሰበሰብኩት ያለው ከ135 ሚሊዮን ብር በላይ የመንግስት ካዝና ማስገባቱን ተናግሯል።

በህገ-ወጥ የመንገድ አጠቃቀም ከ5,000 ሰዎች በላይ መቅጣቱን የተናገረው ባለስልጣኑ ከህገ-ወጥ የእንስሳት እርድ ደግሞ 821 ሰዎችን ቀጥቻለሁ ብሏል።

ከእነዚህ እና ከሌሎች ባለስልጣኑ ከሚቆጣጠራቸው ህገወጥ ድርጊቶች ከ135 ሚሊየን ብር በላይ መሰብሰቡን የሚናገሩት ዋና ስራ አስኪያጁ ያም ሆኖ ካለፈው ዓመት ተመሳሳይ ወቅት ጋር ግን በከተማዋ 58 በመቶ የደንብ መተላለፍ ቀንሷል ብለዋል።

ፋሲካ ሙሉወርቅ