ጥር 13፣ 2017 - በህገወጥ መንገድ ለግብይት ሊውል የነበረ ከ13,480 ሊትር በላይ ነዳጅ መያዙን የሀረሪ ክልል ፖሊስ ተናገረ

በህገወጥ መንገድ ሲንቀሳቀስ የነበረ ከ13,480 ሊትር በላይ ነዳጅ በቁጥጥር ስር መዋሉን የሀረሪ ክልል ፖሊስ ኮሚሽን ተናገረ፡፡

በክልሉ ህገ-ወጥ የነዳጅ ግብይትን ለማስቆም በአንድ ወራት በተሰራው ስራ በህገወጥ መንገድ ሲንቀሳቀስ የነበረ 13,480 ሊትር ነዳጅ ከነተጠርጣሪዎቹ በቁጥጥር ስር ውሏል ሲሉ የክልሉ ፖሊስ ኮሚሽን ኮሚሽነር ረምዚ ሱልጣን መናገራቸውን ሰምተናል።

ነዳጁ በቁጥጥር ስር የዋለው በኬላዎች ላይ በተደረገ ፍተሻና ከህብረተሰቡ በደረሰ ጥቆማ በሕገ-ወጥ መንገድ በቤት ውስጥ ተከማችቶ የተገኘ መሆኑን ተነግሯል።

በመኖሪያ ቤታቸው ደብቀው የተገኙ ግለሰቦችም በቁጥጥር ስር ውለው ጉዳያቸው በህግ እየታየ መሆኑን ከኢትዮጵያ ፕሬስ ድርጅት ያገኘነው መረጃ ያሳያል።

ማርታ በቀለ