‘’የተሽከርካሪ አረቦን ክፍያ ጨመረ ስንል የአረቦን ተመኑ ጨምሯል ማለት አይደለም’’

የሰኔ 17/2018

አንድ ተሽከርካሪ ሊያጋጥመው ለሚችለው አደጋ ወይም ጉዳት የንብረቱ ባለቤት በመረጠው የኢንሹራንስ ኩባንያ የተሽከርካሪ ኢንሹራንስ ወይም መድን አገልግሎት ተጠቃሚ ይሆናል፡፡

የተሽከርካሪው ወቅታዊ ዋጋ፣ የተሽከርካሪው ዕድሜና ዓይነት፣ አገልግሎቱ እና የአደጋ ታሪኩን በማየት የኢንሹራንስ ኩባንያዎችም ለአንድ ተሸከርካሪ የሚጠየቀውን የአረቦን መጠንን ይተምናሉ፡፡

ነገር ግን የተሽከርካሪ አረቦን ክፍያ ከጊዜ ወደ ጊዜ ክፍያው እየጨመረ ነው ሲሉ የመኪና ባለቤቶች ቅሬታ ሲያቀርቡ ይሰማል፡፡

የአረቦን ክፍያ ከጊዜ ወደ ጊዜ ጨመረ ስንል የአረቦን ተመኑ ጨምሯል ማለት አይደለም ያሉት በጉዳዩ ላይ ያነጋገርናቸው የቡና ኢንሹራንስ አክሲዮን ማህበር ዋና ስራ አስፈፃሚ አቶ ዳኛቸው መሐሪ ነገር ግን ንብረቱ በገበያው ላይ የሚያሳያው የዋጋ መናር ነው ባለቤቱ በዓመት የሚከፍለውን የብር መተን የሚጨምርበት ብለዋል፡፡

ይህ ማለት አንድ የመኪና ባለቤት የኢንሹራንስ ተቋማት በመሄድ የተሽከርካሪ አረቦን ሲገባ ድርጅቱ ንብረቱ ያለበት የገበያ ዋጋ፣ ይዞታው እና ሌሎች መመዘኛዎችን በማስቀመጥ የአረቦን ተመን ያስቀምጣል፤ በዚያ በተቀመጠው ተመን መሰረት ባለቤቱ ክፍያን ይፈፅማል፡፡

ነገር ግን ባለቤቱ መጀመሪያ ሲከፍለው ከነበረው ክፍያ ከጊዜ ወደ ጊዜ እየጨመረ ከመጣ የአረቦን ተመኑ ጨምሮ ሳይሆን በዚያን ጊዜ የነበረው የንብረት ዋጋ በመናሩ ምክንያት ነው ሲሉ ያስረዳሉ፡፡

በዚህም አሁን ላይ ተሽከርካሪው ያለው የገበያ ዋጋ ከአረቦን ከተመኑ ጋር ሲባዛ ክፍያውም በዚያው ልክ ስለሚጨምር እንጅ የአረቦን ተመኑ በየጊዜው ከፍ ስለሚል አይደለም ሲሉ ያስረዳሉ፡፡

ሙሉ ዘገባውን ለማድመጥ….

ፋሲካ ሙሉወርቅ

የሸገርን ወሬዎች፣ መረጃ እና ፕሮግራሞች ይከታተሉ…

Website፡ https://www.shegerfm.com/

YouTube : https://shorturl.at/18TS1

Telegram : https://shorturl.at/68aeK

Facebook፡ https://shorturl.at/tm5Q4

WhatsApp : https://shorturl.at/8vwRx

X :- https://x.com/shegerfm?s=2

LinkedIn: https://shorturl.at/Vfe6i