በኦሮሚያ ክልል የሚከሰቱ የበሽታ ወረርሽኞችን እና አጣዳፊ የምግብ እጥረት ችግሮችን ለመከላከል የሚያስችል ፕሮጀክት ይፋ ሆነ።

3 minutes ago
1 min read

ሚያዝያ 15/2018

ይህንን ፕሮጀክት ይፋ ያደረገው ፈያ ኢንተግሬትድ ዴቬሎፕመንት ኦርጋናይዜሽን ሲሆን ፕሮጀክቱ ለ6 ወር እንደሚቆይ እና 4.5 ሚሊዮን ዶላር እንደተመደበለትም ሰምተናል።

የድርጅቱ መስራች እና ዋና ዳይሬክተር አንበሱ ቶላ (ዶ/ር) እንዳሉት ይህ ባለብዙ ዘርፍ የአስቸኳይ ጊዜ ምላሽ ፕሮጀክት በጤና፣ በሥርዓተ-ምግብ እና በንፁህ መጠጥ ውሃ ዘርፎች ላይ ያተኮረ ነው ሲሉ ነግረውናል።

የ4.5 ሚሊየን የአሜሪካ ዶላር የተመደበለት ፕሮጀክቱ ለዚህም በአሜሪካ መንግሥት የሚደገፈው የኢትዮጵያ ሰብዓዊ ፈንድ (EHF) ድጋፍ አድርጓል።

የፕሮጀክቱ ዋና ግብ በኦሮሚያ ክልል 5 ዞኖች በተመረጡ 7 ወረዳዎች ውስጥ ለሚገኙ 295 ሺህ ገደማ የሚሆኑ ተጋላጭ የኅብረተሰብ ክፍሎችን ፤ በችግር ምክንያት የሚከሰቱ የህመም እና የሞት መጠኖችን ፈጣን ምላሽ በመስጠት መቀነስ ነው ተብሏል።

ፈያ ኢንተግሬትድ ዴቬሎፕመንት ኦርጋናይዜሽን ከ24 ዓመታት በላይ የተቸገሩ ሰዎቸን ሲያግዝ የቆየ ሀገር በቀል የልማት ድርጅት ነው።

በዛሬው ዕለት 17ኛ ጠቅላላ ጉባዔውን እያደረገ ይገኛል።

ሙሉ ዘገባውን ለማድመጥ……

ማርታ በቀለ

የሸገርን ወሬዎች፣ መረጃ እና ፕሮግራሞች ይከታተሉ…

Website፡ https://www.shegerfm.com/

YouTube : https://shorturl.at/18TS1

Telegram : https://shorturl.at/68aeK

Facebook፡ https://shorturl.at/tm5Q4

WhatsApp : https://shorturl.at/8vwRx

X :- https://x.com/shegerfm?s=2

LinkedIn: https://shorturl.at/Vfe6i