ነሐሴ 23፣2016 - በይፋ ወደ ስራ የገባው ካፒታል ገበያ ቁጥጥር ማጣሪያ ማዕቀፍ ተብሎ የሚጠራው አሰራር በዝርዝር ምንድነው?

የኢትዮጵያ ካፒታል ገበያ ባለስልጣን በገበያው ገብተው መሳተፍ የሚፈልጉ ተዋንያን የሚሰሩበትን ሁኔታ የሚፈትሸበት ሜዳ አለ።

ይህ መንገድ በኢትዮጵያ የፋይናንስ ሴክተርና እና በቁጥጥር ማዕቀፍ የእድገት ሂደት ወሳኝ ምዕራፍ ተድርጎ ሊቆጠር የሚችል እና ትልቅ ጅምር መሆኑን ባለስልጣኑ ያምናል።

በመሆኑም የካፒታል ገበያ ቁጥጥር ማጣሪያ ማዕቀፍ( #Regulatory_Sandbox ) ዛሬ በይፋ መጀመሩ ተሰምቷል።

የቁጥጥር ማዕቀፍ ማጣርያው የኢትዮጵያን የፋይናንስ ገበያ ያሻግራል ተብሏል።

የቁጥጥር ማጣርያ ማዕቀፉ የተቀረጸው የፋይናንስ ቴክኖሎጂዎችን (FinTechs)፣ አነስተኛ እና መካከለኛ #ኢንተርፕራይዞችን (SMEs) እና በሌሎች ኢንተርፕራይዞች የሚፈጠሩ አዳዲስ የካፒታል ገበያ ምርቶችን ለመፈተሽ ነው።

ይህ መንገድ ሌሎች አገልግሎቶችን እና የንግድ ሞዴሎችንም በባለስልጣኑ የቅርብ ክትትል እየተደረገባቸው የሚሞከሩበት የስራ ከባቢ እንዲኖር ያደርጋል።

#የኢትዮጵያ_ካፒታል_ገበያ የቁጥጥር ማጣርያ ማዕቀፍ አዳዲስ ስራ ፈጣሪዎች፣ በስራ ያሉትን የቁጥጥር ደንቦችንና መመሪያዎችን መከተል ሳይጠበቅባቸው አዳዲስ የካፒታል ገበያ አገልግሎቶቻቸውን እንዲሞክሩ የተዋቀረ ቁጥጥር የሚደረግበት የሙከራ ሜዳ ነው።

ይህ ልዩ ማዕቀፍ ተቆጣጣሪ ተቋማትም ሆኑ ፈጣሪዎች የአዳዲስ የፋይናንስ ምርቶች እና አገልግሎቶችን ተፅዕኖ፣ ደህንነት እና ውጤታማነት በተጨባጭና ግልፅ በሆኑ መለኪያዎች ውስጥ በማለፍ ለገበያው የማይስማሙ ችግሮችን በመለየት የተሻለውን ለመገምገም ያስችላቸዋል።

ለመሆኑ ዛሬ በይፋ ወደ ስራ የገባው ካፒታል ገበያ ቁጥጥር ማጣሪያ ማዕቀፍ(Regulatory Sandbox) ተብሎ የሚጠራው አሰራር በዝርዝር ምንድነው?

0:00

ተህቦ ንጉሴ