top of page
  • sheger1021fm

ታህሳስ 6፣ 2015- በታለመለት የነዳጅ ድጎማ ስርዓት ዙሪያ የሚስተዋሉ ችግሮች አፋጣኝ የማስተካከያ እርምጃ እንዲወሰድባቸው ተጠየቀ


በታለመለት የነዳጅ ድጎማ ስርዓት ዙሪያ የሚስተዋሉ ችግሮች አፋጣኝ የማስተካከያ እርምጃ እንዲወሰድባቸው ተጠየቀ።


የህዝብ ዕንባ ጠባቂ ተቋም በታለመለት የነዳጅ ድጎማ ስርዓት አፈፃፀም ዙሪያ ያስጠናውን ጥናት ዛሬ በአዳማ ከተማ ባዘጋጀው መድረክ ላይ ይፋ አድርጓል።


የጥናቱ ውጤት እንዳሳየው የነዳጅ ድጎማ አሰራሩ የተለያዩ ጠንካራ እና ደካማ ውጤቶች ታይተውበታል።


የነዳጅ ብክነትን መቀነሱ እና ተጨማሪ ገቢ ለመንግስት ማስገኘቱ የድጎማ ስርዓቱ ጠንካራ ጎኖች ተብለው ከተነሱት መካከል ናቸው።


የድጎማ አሰራሩ በ1 ወር ብቻ 1 ቢሊየን ብር ግምት ያለው ነዳጅ ከብክነት እንዲድን አግዟል የተባለ ሲሆን ወደ 3.5 ቢሊየን ብር ግምት ያለው ገቢ ለመንግስት አስገኝቷል ተብሏል።


በድጎማ ስርዓቱ አፈፃፀም ዙሪያ ታይተዋል ከተባሉ ችግሮች መካከል ደግሞ አንዳንድ ማደያዎች የነዳጅ እጥረት የተፈጠረ በማስመሰል በህገወጥ መንገድ በእጥፍ ዋጋ ነዳጅ ይሸጣሉ የሚለው ይገኝበታል።


በተሽከርካሪዎች ላይ ያልነበረ የነዳጅ ማጠራቀሚያ ጋን ወይም ሳልቫቲዮ በመግጠም ድጎማው ለማይመለከተው ወገን ነዳጅ መቅዳት የሚለውም ሌላው ነው።


በአንዳንድ ማደያዎች በቴክኖሎጂ አሰራር ወይም ቴሌ ብር ለመሸጥ ፍላጎት ማጣት ይታያልም ተብሏል።


ስልጣናቸውን ተገን አድርገው ቤተሰቦቻቸውን በህገወጥ የነዳጅ ንግድ የሚያሳትፉ የመንግስት ተሿሚዎች አሉም ነው የተባለው።


በአሽከርካሪዎች በኩል ደግሞ የድጎማ ስርዓቱ ተጠቃሚ ሆነው ለህብረተሰቡ የትራንስፖርት አገልግሎት ከመስጠት ይልቅ በኮንትራት ስራ ላይ የተሠማሩ እንዳሉ ተጠቅሷል።


ነዳጅ በድጎማ እየገዙ በመንግስት ከተቀመጠው ታሪፍ በላይ የሚያስከፍሉ እንዳሉም ተነግሯል።


በነዳጅ ድጎማ አሰራር ዙሪያ የሚታዩ እነዚህ እና መሠል ችግሮች አፋጣኝ የማስተካከያ እርምጃ እንዲወሰድባቸው ተጠይቋል፡፡


ንጋቱ ረጋሳ


ሸገርን ወሬዎች፣ መረጃ እና ፕሮግራሞች ይከታተሉ…

https://bit.ly/33KMCqz

Recent Posts

See All

2014 የትምህርት ዘመን 12 ክፍል ብሔራዊ ፈተና ካስፈተኑ ትምህርት ቤቶች መካከል 1,161 ትምህርት ቤቶች አንድም ተማሪ ማሳለፍ አልቻሉም ተባለ፡፡ በሌላ በኩል 7 ትምህርት ቤቶች ያስፈተኗቸው ሁሉም ተማሪዎች የማለፊያ ነጥብ አምጥተዋል ሲሉ የትምህርት ሚኒስትሩ ፕ/ር ብርሃኑ ነጋ ተናግረዋል፡፡ ያስፈተኗቸውን ተማሪዎ

በኢትዮጵያ በተለይ ባለፉት 2 ዓመታት የነበረው ጦርነት እና እዚህም እዚያም የሚያጋጥሙ ግጭቶች ሀገሪቱን ብዙ ዋጋ አስከፍሏታል፡፡ የውጭ ቀጥተኛ ኢንቨስትመንት ደግሞ አንደኛው ተጎጂ ዘርፍ ነው፡፡ የውጭ ሀገር ኢንቨስተሮች ኢትዮጵያ ውስጥ መዋዕለ ነዋያቸውን ለማፍሰስ እጃቸው ሲሰበስቡ ቆይተዋል፡፡ ከሰላም ስምምነቱ በኋላ

የኢትዮጵያ የትምህርት ጥራት መውደቁ በተለያዩ አስረጂዎች የተረጋገጠ ነው፡፡ 4ኛ ክፍል ካጠናቀቁት ተማሪዎች 52 በመቶዎቹ ማንበብ አይችሉም፡፡ የዘንድሮ 12 ክፍል መልቀቂያ ፈተናን ከወሰዱት ውስጥ ከ50 በመቶ በላይ ያመጡም 3.3 በመቶ መሆናቸውን ሰምተናል፡፡ በቅርብ ዓመታት ስራ ለጀመሩ ዩኒቨርስቲዎች መምህራን ለመቅ

bottom of page