ጥቅምት 2፣2017 - ዘመን ኢንሹራንስ በ2016 በጀት ዓመት ከታክስ በፊት ብር 181.3 ሚሊዮን ብር አተረፍኩ አለ።

ኩባንያው በዛሬው እለት የባለአክሲዮኖች 6ኛ መደበኛ ጠቅላላ ጉባኤውን ማካሄዱን ለሸገር በላከው መግለጫ ተናግሯል።

#ዘመን ኢንሹራንስ በተጠናቀቀው የበጀት ዓመት 545.3 ሚሊዮን ብር የአረቦን ገቢ መሰብሰቡን ይህም ካለፈው ዓመት ተመሳሳይ ወቅት ጋር ሲነፃፀር የ67.5 በመቶ ጭማሪ እንዳለው አስረድቷል።

በተጠናቀቀው የበጀት ዓመት ኩባንያው በአጠቃላይ 103.3 ሚሊዮን ብር ጠቅላላ የካሳ ክፍያ ከፍያለሁ ያለ ሲሆን፣ ለተሸከርካሪ ዋስትና የተከፈለው የካሣ መጠን ትልቁን ድርሻ ይዟል ብሏል፡፡

ኩባንያው ከመድን ውል ሥራ 166.2 ሚሊዮን ብር ውጤት አግኝቻለሁ ብሏል።

በጀት ዓመቱ ኩባንያው ከታክስ በፊት ብር 181.3 ሚሊዮን ትርፍ አስመዝግቧል፣ የ 74 በመቶ የትርፍ ድርሻ(Earning Per Share) ለባለአክስዮኖች አዳስገኘም ኩባንያው ለሸገር ነግሯል።

ዘመን ኢንሹራንስ ከተመሰረተ 4 ዓመት የሞላው ሲሆን፤ ጠቅላላ ሃብቱን 961.5 ሚሊዮን ብር ያ፤ የተከፈለ ካፒታሉ ደግሞ 234.2 ሚሊዮን ብር ደርሷል ተብሏል።