top of page

ጥር 23፣2016 - ኃይሌ ሆቴሎች እና ሪዞርቶች ዘጠነኛ መዳረሻውን በወላይታ ሶዶ ከፈተ

በሌላ በኩል ሻሸመኔ በተቃጠለብኝ ሆቴል ምንም አይነት ማካካሻ ከመንግስት አልተደረገልኝም ሲሉ ሻለቃ ኃይሌ ገብረስላሴ ተናግሯል፡፡


ወላይታ ላይ ተሰርቶ ዛሬ መከፈቱ የተነገረው የሻለቃ ኃይሌ ሆቴል እና ሪዞርት 1.1 ቢልየን ብር ወጪ ተደርጎበታል የተባለ ሲሆን ባለ 4 ኮኮብ ደረጃ መሆኑንም ተነግሯል፡፡


ከ15 እስከ 500 ሰዎች መያዝ የሚችሉ የስብሰባ ኣዳራሾች እና 107 መኝታ ክፍሎች እንዳሉት ሲነገር ሰምተናል፡፡

ሆቴሉ ለ300 ሰዎች የስራ እድል ይፈጥራል ተብሎ ይጠበቃል፡፡



ኃይሌ ሆቴሎችና ሪዞርቶች በቅርቡ በጅማ፣ ደብረብርሃን፣ ኮንሶ እና የወደመው የሻሸመኔ ወደ አገልግሎት የሚገቡ ሆቴሎችና ሪዞርቶች ናቸው ተብሏል፡፡


በኦሮሚያ ክልል ሻሸመኔ ከተማ ላይ ተፈጥሮ በነበረው አለመረጋጋት ከፍተኛ ውድመት ከደረሰባቸው አገልግሎት ሰጪ ተቋማት ውስጥ የኃይሌ ሆቴል አንዱ መሆኑ ይታወሳል፡፡


ሻለቃ ኃይሌ ገብረስላሴ በሻሸመኔ የወደመው ሆቴል መልሶ ስራ እንዲጀምር እየሰራሁ ቢሆንም ከመንግስት እስካሁን ምንም አይነት ድጋፍ አላገኘሁም፣ ማካካሻ ግን እጠብቃለሁ ብሏል፡፡


ያሬድ እንዳሻው


የሸገርን ወሬዎች፣ መረጃ እና ፕሮግራሞች ይከታተሉ…



bottom of page