ጥር 19፣2017 - ከነገ ጀምሮ ከፊጋ - ወደ ሳፋሪ በሁለቱም አቅጣጫች መንገዶች ላልተወሰኑ ቀናት ዝግ እንደሚሆኑ ተነገረ፡፡

ከነገ ጀምሮ ከፊጋ - ወደ ሳፋሪ በሁለቱም አቅጣጫች መንገዶች ላልተወሰኑ ቀናት ዝግ እንደሚሆኑ ተነገረ፡፡

የአዲስ አበባ ትራፊክ ማኔጅመንት ባለስልጣን ከነገ ጥር 20 ቀን 2017 ዓ.ም ጀምሮ ከፊጋ - ወደ ሳፋሪ እንዲሁም ከሳፋሪ -ወደ ፊጋ የሁለቱም አቅጣጫ መንገዶቹ ላልተወሰኑ ቀናት ዝግ እንደሚሆን ተናግሯል፡፡

በአዲስ አበባ በ2ኛው ዙር ከሚለሙት የኮሪደር መስመሮች መካከል የሰሚት- ጎሮ መንገድ አንደኛው መሆኑ አስታውሶ ከዚሁ ጋር በተያያዘ በለሚ ኩራ ክ/ከተማ የሲ ኤም ሲ- ፔፕሲ - ጎሮ - መንገድ ልዩ ቦታው ሳፋሪ መብራት አካባቢ ብሪቲሽ ትምህርት ቤት አጠገብ የመንገድ ቆረጣ ይከወናል ተብሏል።

በዚህም መሰረት ከነገ ጀምሮ ላልተወሰኑ ቀናት ከፊጋ - ወደ ሳፋሪ እንዲሁም ከሳፋሪ -ወደ ፊጋ የሁለቱም አቅጣጫ መንገዶቹ ዝግ እንደሚሆኑ ባለስልጣን መ/ቤቱ ተናግሯል።

የመንገዱ ተጠቃሚ አሽከርከሪዎች ይህንን አውቀው አማራጭ መንገዶችን እንዲጠቀሙ ሲል የአዲስ አበባ ትራፊክ ማኔጅመንት ባለስልጣን አሳስቧል፡፡