ጥር 13፣ 2017 - የቦሌ አራብሳ የአይሲቲ ፓርክ የመንገድ ግንባታ በተያዘው ዓመት ተጠናቆ ወደ ስራ ይገባል ተባለ

የቦሌ አራብሳ የአይሲቲ ፓርክ የመንገድ ግንባታ በተያዘው ዓመት ተጠናቆ ወደ ስራ ይገባል ተባለ፡፡

የግንባታ ሂደቱ 25 በመቶ የደረሰው ይህ የቦሌ አራብሳ የአይሲቲ ፓርክ መንገድ 1.4 ቢሊየን ብር ከመንግስት በኩል እንደተመደበለት ሰምተናል፡፡

መንገዱ 6 ኪሎ ሜትር ርዝመትና 60 ሜትር የጎን ስፋት እንዲኖረው ተደርጎ እየተሰራ ነው ተብሏል፡፡

ይህ መንገድ የቦሌ አራብሳ ነዋሪዎች ወደ አይሲቲ ፓርክ እንዲሁም ከቦሌ #ኤርፖርት ወደ ጎሮ የሚገናኝ በመሆኑ በአጭር ርቀት ወደ መሐል ከተማ የሚያገናኛቸው ነው ሲሉ የአዲስ አበባ መንገዶች ባለስልጣን የሕዝብ ግንኙነት ሀላፊ አቶ እያሱ ሰለሞን ነግረውናል፡፡

በአጠቃላይ የመንገድ ግንባታ ፕሮጀክቱን የአፈር ቆረጣ፣ የድሬኔጅ መስመር ዝርጋታ የድልድይ ግንባታ ስራዎች እየተከናወነ ነው ብለውናል፡፡

በተያያዘም #የአየር_ጤና ወለቴ መንገድ በኤሌክትሪክ መስመር ዝርጋታ መዘግየት ምክንያት በታሰበለት ፍጥነት እየተከናወነ አይደለም ተብሏል፡፡

ችግሩን ለመፍታት ከተቋሙ ጋር እየተነጋገርን ነው ሲሉ የህዝብ ግንኙነት ሀላፊው አቶ እያሱ ሰለሞን ነግረውናል፡፡

ሙሉ ዘገባውን ያድምጡ…..

0:00

ወንድሙ ሀይሉ