ግንቦት 5 2017 - የአሮሚያ ኅብረት ሥራ ባንክ ደንበኞቼ በ"ኮፔይ ኢ-ብር" መተግበሪያ አማካኝነት የተጠቀሙበትን የኤሌክትሪክ አገልግሎት መክፈል ይችላሉ ሲል ተናገረ።

ይህንን ለማድረግ የሚያስችል ስምምነት የኦሮሚያ ኅብረት ሥራ ባንክ ፕሬዚዳንት አቶ ደርቤ አስፋው እና የኢትዮጵያ የኤሌክትሪክ አገልግሎት ዋና ስራ አስፈፃሚ ጌቱ ገረመው ተፈራርመዋል ።

የኦሮሚያ ኅብረት ስራ ባንክ ከ17 ሚሊዮን በላይ ደንበኞች በ"ኮፔይ ኢ-ብር "የሞባይል መተግበሪያ አማካኝነት የኤሌክትሪክ ክፍያቸውን ከዛሬ ጀምሮ መፈፀም ይችላሉ ብሏል።

የባንኩ ደንበኞች ያልሆኑ ሰዎችም ባንኩ ባሉት 35 ሺህ በላይ ወኪሎች ጋር ሄደው ክፍያቸውን መፈፀም ይችላሉ ሲባል ሰምተናል።

ክፍያውን በUSDD 841 ላይ መክል እንደሚቻል ተነግሯል ።

የኦሮሚያ ኅብረት ባንክ ኮፔይ ኢ-ብር አስካሁን ድረስ ከ3 ትሪሊዮን ብር በላይ እንደተገላበጠበት ፕሬዚዳንቱ ጠቅሰዋል።

የዛሬው የክፍያ ሥርዓት ስምምነት ደንበኞች ያለ ውጣ ውረድ በጊዜና ቦታ ሳይገደቡ ካሉበት፥ የሥራ ቀን፣ ሰንበትና የበዓላት ቀን ሳይል በፈለጉት ጊዜ የኤሌክትሪክ አገልግሎት ከፍያቸውን መፈጸም የሚያስችላቸው ነው ተብሏል።

የኦሮሚያ ኅብረት ሥራ ባንከ ዋና ሥራ አስፈጻሚ ደርቤ አስፋው በኮፔይ ኢ-ብር የኤሌክትሪክ ከፍያን ለመፈጸም በዛሬው ቀን የተጀመረው ዲጂታል አገልግሎት የማህበረሰቡን አኗኗር የመለወጥ ዓላማውን ዕውን በማድረግ ድርሻ እንደሚኖረው ተናግረዋል ።

የኢትዮጵያ ኤሌክትሪክ አገልግሎት ካሉት 5 ሚሊዮን በላይ ደንበኞቹ 90 በመቶዎቹ በዲጂታል የክፍያ ሥርዓት የኤሌክትሪክ ፍጆታቸውን እንደሚፈፅሙ ስራ አስፈፃሚው ጌቱ ገረመው አስረድተዋል።

እስካሁን ድረስ የኤሌክትሪክ አገልግሎት ደንበኞች በቴሌ ብር ፣ በኢትዮጵያ ንግድ ባንክ፣ አዋሽ ባንክ እና ሳፋሪኮም ኢትዮጵያ ክፍያዎችን ሲከፍሉ መቆየታቸው ያስታወሱት የኢትዮጵያ ኤሌክትሪክ አገልግሎት ዋና ስራ አስፈፃሚው ጌቱ ገረመው የኦሮሚያ ኅብረት ስራ ባንክ ወደዚህ መግባቱ የክፍያ አሰባሰቡን ቀላል እንደሚያደርግላቸው አስረድተዋል።

ተህቦ ንጉሴ

የሸገርን ወሬዎች፣ መረጃ እና ፕሮግራሞች ይከታተሉ…

📌 Telegram; https://t.me/ShegerFMRadio102_1

📌 YouTube: https://shorturl.at/P4mpX

📌 WhatsApp: https://tinyurl.com/ycxjmm3s

📌 Tiktok: https://bit.ly/44Dd6Il

📌 Linkedin : https://shorturl.at/21bFN