top of page

መጋቢት 6፣2016 - ዲኤምሲ የተባለ ቤት ገንቢ ኩባንያ፤ የመኖሪያ ቤቶች ገንብቶ ለፈላጊዎች ለማቅረብ ስራ መጀመሩን ተናግሯል

ዲኤምሲ (DMC) የተባለ ቤት ገንቢ ኩባንያ፤ እስከ ሶስት የመኝታ ክፍሎች ያላቸው የመኖሪያ ቤቶች ገንብቶ ለፈላጊዎች ለማቅረብ ስራ መጀመሩን ተናግሯል።


የኩባንያው የስራ ሃላፊዎች በሰጡት መግለጫ እንዳሉት ቤቶቹ ከስድስት ሚሊዮን ብር እስከ ሃያ ሚሊዮን ብር በሆነ ክፍያ ለፈላጊዎች የሚተላለፉ ናቸው።


ቅድመ ክፍያው ከአጠቃላይ የቤቱ ዋጋ አስር በመቶ ነው የተባለ ሲሆን፤ ሙሉው ተከፍሎ የሚጠናቀቀው በዘጠኝ ዙር እንደሆነም ተነግሯል።


ቤቶቹ የአልሙኒየም ፎር ቦርድ ቴክኖሎጂን በመጠቀም የሚገነቡ ናቸው ያሉት የዲ ኤም ሲ ሪል ስቴት የማርኬቲንግ ዳይሬክተር አቶ ፋንታሁን ግርማ፤ ለኑሮ ምቹ እንዲሆኑም ዲዛይን ላይ ትኩረት ተሰጥቶ መሰራቱን ተናግረዋል።


ንጋቱ ረጋሳ



የሸገርን ወሬዎች፣ መረጃ እና ፕሮግራሞች ይከታተሉ…




Comentários


bottom of page