ነሐሴ 9፣2016 - ወይዘሮ አለሚቱ ኡሞድ የጋምቤላ ክልል ርዕሰ መስተዳድር በመሆን ተሾሙ፡፡

የጋምቤላ ክልል ምክር ቤት ምክር ቤቱ ሹመቱን ያፀደቀው ዛሬ ባካሄደው 6ኛ የምርጫ ጊዜ 3ኛ የስራ ዘመን 2ኛ አስቸኳይ ጉባኤ ነው።

የአመራር ለውጥ ያስፈለገበት ምክንያት በክልሉ በሠላምና ፀጥታ እንዲሁም በልማት ዘርፍ በርካታ ስራዎች ቢሰሩም የተቀመጡ አቅጣጫዎች ውስንነቶች በመታየታቸው ነው ተብሏል፡፡

በተጨማሪም ከስድስት ዓመት በላይ ክልሉን ሲመሩ የቆዩት የቀድሞው ርዕሰ መስተዳድር አቶ ኡሞድ ኡጁሉ ለሌላ የፓርቲ ተልዕኮ በመፈለጋቸው መሆኑ ተነግሯል።

በምክር ቤቱ የተሾሙት ወይዘሮ አለሚቱ ኡሞድ ቀደም ሲል በጋምቤላ ክልል የሴቶችና ህፃናት ቢሮ በኃላፊነት እንዲሁም በሌሎች ቢሮዎች በኃላፊነት አገልግለዋል።

ወደዛሬው ሹመት እስከመጡበት ድረስም በኢፌዴሪ የሴቶችና ማህበራዊ ጉዳይ ሚኒስቴር የህፃናት ዘርፍ ሚኒስትር ዴኤታ በመሆን ሲያገለግሉ ነበር ሲል ክልሉ ተናግሯል።

ማንያዘዋል ጌታሁን