ነሐሴ 14፣2016 - የማክሮ ኢኮኖሚ ማሻሻያውን ተከትሎ በዝቅተኛ የኑሮ ደረጃ ላይ ለሚገኙ የመንግስት ሰራተኞች መንግስት የደሞዝ ማሻሻያ አደርጋለሁ ማለቱ ይታወሳል

የማክሮ ኢኮኖሚ ማሻሻያውን ተከትሎ በዝቅተኛ የኑሮ ደረጃ ላይ ለሚገኙ የመንግስት ሰራተኞች መንግስት የደሞዝ ማሻሻያ አደርጋለሁ ማለቱ ይታወሳል፡፡

ዝቅተኛ የደመወዝ ወለል መወሰን አለበት በሚል የኢትዮጵያ ሰራተኞች ማህበራት ኮንፌድሬሽን በተደጋጋሚ ተናግሯል፡፡

መንግስት ለራሴ ሰራተኞች #የደመወዝ_ጭማሪ አደርጋለሁ ቢልም ከፍተኛ የሆነ እና ብዛት ያለው የማህበረሰብ ክፍል በግሉ ዘርፍ ተሰማርቷል ይህ የደመወዝ ጭማሪ እነሱንም ታሳቢ ሊያደርግ ይገባል ያሉት የምጣኔ ሀብት ባለሞያው ደግዬ(ዶ/ር) ጎሹ ናቸው፡፡

መንግስት ደመወዝ እጨምራለሁ ማለቱ ተገቢ ሆኖ ሳለ የገበያ ሁኔታ እና ህገወጥ ነጋዴዎችን በቋሚነት መቆጣጠር ካልቻለ ለውጥ ሊያመጣ እንደማይችል እና ከሚጨመርለት ደመወዝ በላይ ሊያወጣ እንደሚችል የነገሩን ደግሞ #የኢትዮጵያ_ሰራተኞች_ማህበራት_ኮንፌዴሬሽን ፕሬዝዳንት ካሳሁን ፎሎ ናቸው፡፡

መንግስት ለነጋዴው ማህበረሰቡ የዋጋ ተመን እንዲያወጣለት ሳይሆን የተጋነነ ዋጋ እንዳያወጣ በቂ የሆነ ቁጥጥር ማድረግ አለበት ሲሉም ፕሬዝዳንቱ አክለዋል፡፡

የተደረገው ማሻሻያ መልካም ጎን አለው ያሉት ፕሬዝዳንቱ ከስራ ዕድል ፈጠራ ጋር በተያያዘ ወደ ኢትዮጵያ የሚመጡ ባለሀብቶች ለሰራተኛው የስራ እድል ከመፍጠር ጋር የተሻለ የሆነ ነገሮች ይታይናል ሲሉ አስረድተዋል፡፡

ማርታ በቀለ