top of page

ታህሳስ 2፣2016 - ኤም ፔሳ ሳፋሪኮም ከ1 ሚሊዮን በላይ ደንበኞቼን ልሸልም ነው አለ

የፋይናንስ አገልግሎት አቅራቢው ኤም ፔሳ ሳፋሪኮም ከአንድ ሚሊዮን በላይ ደንበኞቼን ልሸልም ነው አለ፡፡

 

የሽልማት  መርኃ ግብሩ ''ተረክ በ ኤም ፔሳ’’ እንደተባለ ሰምተናል፡፡

 

ኤም ፔሳ ሳፋሪኮም አዲስ ተጠቃሚ እና ግብይታቸውን በፔሳ ሳፋሪኮም የሚያካሄዱ ከ1 ሚሊዮን በላይ ደንበኞችን፣ ወኪሎችን እና ነጋዴዎችን የሚሸልምበት  መርኃ ግብሩ ከታህሳስ 1 ቀን እስከ መጋቢት 2 ቀን 2016 ዓ.ም ድረስ ለ90 ቀናት የመቆይ መሆኑን ኩባንያው አስረድቷል፡፡

 

ተረክ ኤም ፔሳ፤ ደንበኞች ስለ ዲጂታል የፋይናንስ አገልግሎት የተሻለ ግንዛቤ ለመፍጠር እና አጠቃቀሙን ለማጎልበት ያለመ መርኃ ግብር ነው ተብሏል፡፡ 



 4 ተሸከርካሪዎች፣ 12 ባጃጆች፣ 2160 የሞባይል ስልክ ቀፎዎች እና የአየር ሰዓት ስጦታዎቹ መሆናቸውን ኩባንያው በዛሬው እለት በሰጠው መግለጫ ጠቅሷል፡፡

 

ደንበኞች፣ ወኪሎች እና ነጋዴዎች በ ኤም ፔሳ  ለሚያደርጉት ለእያንዳንዱ የ20 ብር ግብይት አንድ እጣ  የስልክ መልእክት ይላክላቸዋል ተብሏል።

 

ደንበኞች ኤም ፔሳን መጠቀም በመጀመራቸው ብቻ 5 እጣዎችን ያገኛሉ ተብሏል።

 

የሎተሪ እጣ አሸናፊ ደንበኞች ከብሔራዊ ሎተሪ ባልሥልጣን ጋር በመተባበር በየሁለት ሳምንቱ ይለያሉ ሲል ኩባንያው አስረድቷል።

 

ኤም ፔሳ ሳፋሪኮም ከኢትዮጵያ ብሔራዊ ባንክ በገኘው የፋይናንስ አገልግሎት አቅራቢነት ፍቃድ በነሐሴ ወር 2015 ዓ.ም ጀምሮ አገልግሎች ማቅረብ ላይ መሆኑን ተናግሯል።

 

 

የሸገርን ወሬዎች፣ መረጃ እና ፕሮግራሞች ይከታተሉ… https://bit.ly/33KMCqz


 

 

bottom of page