ሰኔ 17፣ 2016 - የአዲስ አበባ የፖለቲካ ፓርቲዎች የጋራ ምክር ቤት በሀገራዊ ምክክር ከፈረሱት ሀገራት ተርታ እንዳንሆን እፈልጋለሁ አለ

የአዲስ አበባ የፖለቲካ ፓርቲዎች የጋራ ምክር ቤት በሀገራዊ ምክክር ከፈረሱት ሀገራት ተርታ እንዳንሆን እፈልጋለሁ አለ፡፡

የጋራ ምክር ቤቱ ሰብሳቢ ሙሉጌታ አበበ በምክክሩ ከዳኑ ሀገራት ተርታ እንጂ ከፈረሱ ሀገራት ምድብ እንዳንሆን መጠንቀቅ አለብን ብለዋል፡፡

በምክክር የዳኑ ሀገራት እንዳሉ ሁሉ የፈረሱም ሰላሉ እሱ ያሰጋናል ያለው ምክር ቤቱ አንድ ሀገር ስለሆነ ያለን ችግር ፈቺ ምክክር ማድረግ ይጠበቃል ሲል ተናግሯል፡፡

በምክክር ከዳኑ እና ከተሻገሩ ሀገራት እንጂ መግባባት ለመፍጠር በተደረጉ ምክክሮች ከተበተኑ ሀገራት ተርታ እንደንሆን መስራት አለብን ሲሉ ሰብሳቢው ሙሉጌታ አበበ ነግረውናል፡፡

በስልጣን ላይ ያሉትም ሆነ ተፎካካሪዎች ያለችን አንድ ሀገር ነው እንጂ ሌላ ሀገር የለንም ያሉት አቶ ሙሉጌታ ሁላችንም የአንድ እናት ልጆች ነን ተቀያሪ ሀገር ስለሌለን በምክክር ከዳኑ ሀገሮች ተርታ እንድንሆን የጋራ ምክር ቤቱ ይፈልጋል ብለዋል፡፡

ለዚህም ደግሞ በምክክር ከዳኑ እና ከተሻገሩ ሀገራት ደግ ደግ ተሞክሮ መውሰድ ያስፈልጋል ተብሏል፡፡

ምክክሩ ስር ነቀል ለውጥ እንዲመጣ እንደሚፈልግ ተናግሮ ለዚህም ሁሉንም ያሳተፈ መሆን አለበት ሲል የአዲስ አበባ የፖለቲካ ፓርቲዎች የጋራ ምክር ቤት ተናግሯል፡፡

የጋራ ምክር ቤቱ 16 የፖለቲካ ፓርቲዎችን በአባልነት የያዘ ነው፡፡

ከነዚህ ውስጥም ስለ ምክክሩ በ14 ፓርቲዎች መካከል የጋራ መግባባት መኖሩን የምክር ቤቱ ሰብሳቢ ሙሉጌታ ነግረውናል፡፡

0:00