ሰኔ 12 2017 - በህጋዊም ሆነ በህገ ወጥ መንገድ ወደ አረብ ሀገራት እና ሌሎችም ሀገራት የሚሄዱ ኢትዮጵያውያን ቁጥር ቀላል የሚባል አይደለም

ያልፍልኛል ነገዬ የተሻለ ይሆናል ብለው በህጋዊም ሆነ በህገ ወጥ መንገድ ባህር ተሻግረው ወደ አረብ ሀገራት እና ሌሎችም ሀገራት የሚሄዱ ኢትዮጵያውያን ቁጥር ቀላል የሚባል አይደለም፡፡

በህገ-ወጥ መንገድ ከሀገር የሚወጡት ኢትዮጵያውያን ቀን ሌት ሳይሉ ተጉዘው፣ ባህር አቋርጠው እድል ከቀናቸው ያሰቡበት ቦታ ይደርሳሉ፡፡

እዚያ ከደረሱ በኋላም ግን ሁሉም ነገር እንዳሰቡት ሳይሆንላቸው ይቀርና ብዙ ፈተናዎችን ይጋፈጣሉ፡፡

ገሚሱ ሰውነቱ ላይ ጣል ያደረገውን ጨርቅ ብቻ ይዞ ባዶ እጁን ወደ ሀገሩ ይመለሳል፣ ገሚሱ ህይወቱን ያጣል፣ ከፊሉ ደግሞ የጤና መታወክ ያጋጥማቸው እና ወደ ሀገራቸው ይመለሳሉ፡፡

በህጋዊ የሚሄዱትም ቢሆን እንደዚህ ዓይነት ችግሮች ሲያጋጥማቸው ማየት አልያም ደግሞ ረጅም ዓመታትን ሰርተው ምንም ዓይነት አንጡራ ሀብት ሳይኖራቸው ይመለሳሉ፡፡

መንግስትም ከስደት ተመላሽ ሰዎች ወደ ሀገራቸው ሲመለሱ በሚያጋጥሟቸው ችግሮች ተመልሰው ለስደት እንዳይዳረጉ የስራ እድልን እየፈጠርኩላቸው ነው ሲልም ይሰማል፡፡

በዚህም መሰረት የአዲስ አበባ የስራ እና ክህሎት ቢሮ በተሰጠኝ ሀላፊነት መሰረት ከስደት ወደ ሀገራቸው የተመለሱ ሰዎች የስራ እድል እንዲፈጠርላቸው እያደረኩ ነው ብሏል፡፡

ከስደት ተመላሾች የስራ እድል እንዲፈጠርላቸው ከማድረግ ባለፈ የተሰዳጅ ቁጥርን እንዲቀንስ እየሰራሁ ነው ያለው ቢሮው ለዚህም በመደበኛ ፕሮግራም የስራ እድሎችን እያመቻቸ መሆኑን ተናግሯል፡፡

ፋሲካ ሙሉወርቅ

የሸገርን ወሬዎች፣ መረጃ እና ፕሮግራሞች ይከታተሉ…

📌 Telegram; https://t.me/ShegerFMRadio102_1

📌 YouTube: https://shorturl.at/P4mpX

📌 WhatsApp: https://tinyurl.com/ycxjmm3s

📌 Tiktok: https://bit.ly/44Dd6Il