መጋቢት 6፣2016 - ሰዋሰዉ መልቲሚዲያ እና ሳፋሪኮም ኢትዮጵያ አብረን እንስራ ተባባሉ

ስመምነቱ በሙዚቃ አልበሞች እና በሁነት ዝግጅቶች በጋራ ለመስራት ነው ተብሏል።

ሁለቱ ኩባንያዎች ይህንኑ ለመስራት በዛሬው እለት ተፈራርመዋል።

ከሰዋሰዉ ጋር ከሚሰሩ ድምፃዉያን መካከል አንዱ የሆነዉ እና ከፋሲካ ፆም በኋላ የሚለቀቀዉን የአማኑኤል ሙሴ አልበም፤ ሳፋሪኮም ኢትዮጵያ የስፖንሰርሺፕ ድርሻዉን መዉሰዱ በዛሬዉ እለት ይፋ ተደርጓል ተብሏል።

‘’ጥቁር ዉሃ’’የተሰኘዉ አልበሙም በሳፋሪኮም አጋርነት በሰዋሰዉ መተግበሪያ እንደሚለቀቅ ተነግሯል።

በስመምነቱ መሰረት ድምፃዊያን በመልቲሚዲያው በኩል ለአልበማቸዉ ከሚያገኙት ገንዘብ በተጨማሪ ከስፖንሰር አድራጊዉ ካምፓኒም ክፍያ እና ልዩ የሆኑ ጥቅማ ጥቅሞችን ያገኛሉ ተብሏል።

የሰዋሰዉ መልቲሚዲያ ዋና ስራ አስኪያጅ አቶ ሀብቱ ነጋሽ "ድምፃዊያን የድካማቸዉን ዋጋ እንዲያገኙ ከዚህም በላይ መስራት ይጠበቅብናል ያሉ ሲሆን፤ እንደ ሳፋሪኮም ኢትዮጵያ ያሉ ግዙፍ ካምፓኒዎች ወደ ሀገራችን የሙዚቃ ኢንዱስትሪ መቀላቀላቸዉ ዘርፉን በሚገባ እንደሚደግፈዉም" አንስተዋል።

የኢትዮጵያ የሙዚቃ ኢንዱስትሪ የተቀላቀለው ሰዋሰው  መልቲሚዲያ ከአንድ መቶ በላይ አንጋፋና ወጣት ድምፃዊያንን እና ሙዚቀኞችን በማስፈረም እየሰራ ይገኛል።

ሳፋሪኮም ኢትዮጵያ ዲጁታል ኢትዮጵያን ለመገንባት፤ በሀገሪቱ ውስጥ ጥራት ያለው የቴሌኮም አገልግሎት እንዲሰፋ ለማድረግ በኢትዮጵያ የግል የቴሌኮም አቅራቢ ሆኖ እየሰራ ይገኛል።

የሸገርን ወሬዎች፣ መረጃ እና ፕሮግራሞች ይከታተሉ…

Telegram:  https://tinyurl.com/yc6tfzsw

Website: https://www.shegerfm.com/

Tiktok: https://bit.ly/44Dd6Il