top of page

መጋቢት 25፣2016 - ኢትዮጵያ እና ፑንትላንድ ዘርፈ ብዙ ግንኙነቶችን ለማሻሻል መስማማታቸው ተነገረ

ኢትዮጵያ እና  የሶማሊያ ፌዴራላዊ መንግስት አካል ሆና የቆየችው ፑንትላንድ ዘርፈ ብዙ ግንኙነቶችን ለማሻሻል መስማማታቸው ተነገረ፡፡

 

ፑንትላንድ ከእንግዲህ ከሞቃዲሾ ጋር ያለኝን ማንኛውንም ዓይነት ግንኙነት አቋርጫለሁ ማለቷ ይታወሳል፡፡

 

የውጭ ጉዳይ ሚኒስትር ዴኤታ  አምባሳደር ምስጋኑ አርጋ፤ በፑንትላንድ የገንዘብ ሚኒስትር  መሀመድ ፋራህ መሀመድ የተመራ ከፍተኛ የሚኒስትሮች ልዑካን ቡድንን ዛሬ በጽህፈት ቤታቸው ተቀብለው አነጋግረዋል።

 

አዲስ የተመረጠው የፑንትላንድ መንግስት ከኢትዮጵያ ጋር ያለውን የሁለትዮሽ ግንኙነት ለማጠናከር ፍላጎት እንዳለው አስረድቷል ተብሏል።

 

በንግድ፣ በኢንቨስትመንት፣ በኢነርጂ እና በመሠረተ ልማት መስክ ለሚኖር ትብብር ትኩረት እንደሚሰጥ ተጠቅሷል።

 

ኢትዮጵያ በተለይ በጸጥታና በትምህርት ዘርፍ ለፑንትላንድ እያደረገች ላለው ድጋፍ ልዑካን ቡድኑ ምስጋና አቅርቧል።

ኢትዮጵያ ከፑንትላንድ ጋር ያላት ግንኙነት እንዲጠናከር ቁርጠኛ መሆኗን ለሚኖራት ግንኙነት ቁርጠኛ መሆኗን አምባሳደር ምስጋኑ ተናግረዋል።

 

የፑንትላንድ አስተዳደር ከእንግዲህ ከሶማሊያ ፌዴራላዊ መንግስት ጋር አንዳችም ግንኙነት አይኖረኝም ያለው የፌዴራሉ ምክር ቤት ህገ መንግስታዊ ማሻሻያ ማድረጉን ተከትሎ እንደሆነ ተነግሯል፡፡

 

ለፌዴራል መንግስቱ እውቅና የነፈገው የፑንትላንድ አስተዳደር ከእንገዲህ ራሴን የቻልኩ ነፃ መንግስት ነኝ ማለቱ ተሰምቷል፡፡

 

ንጋቱ ሙሉ

 

የሸገርን ወሬዎች፣ መረጃ እና ፕሮግራሞች ይከታተሉ…

 

 

 

ShegerFM: @ShegerFMRadio102_1

 

コメント


bottom of page