መስከረም 9 2018 - የሕፃን እና የወላጅ ትስስርን የሚቆጣጠር የነርቭ ዘዴን ሳይንቲስቶች ማገኘታቸው ተሰማ

የእስራኤል ተመራማሪዎች ኦክሲቶሲን የተባለ የአንጎል ኬሚካል ህፃናት ከወላጆቻቸው የሚለዩበትን ሁኔታ እንዲቋቋሙ እንደሚረዳቸው አረጋግጠናል አሉ።

ግኝቱ በህጻናት እድገት ውስጥ ትልቅ ሚና እንደሚጫወት ያሳያል ሲል ዌይዝማን የሳይንስ ተቋም ተናግሯል ። ይህን ቴክኖሎጂ በመጠቀም፣ የኦክሲቶሲን እንቅስቃሴ ህጻናት ከእናታቸው ሲለዩ በአእምሮ ውስጥ ተጽዕኖ እንደሚያደርስ አረጋግጠናል ብለዋል።

ኦክሲቶሲን ብዙ ጊዜ "የፍቅር ሆርሞን" ተብሎ ይጠራል። ምክንያቱም ማህበራዊ ትስስርን ለመፍጠር ስለሚረዳ ተብሏል። አዲሱ ጥናት እንደሚያሳየው ኦክሲቶሲን ከሰው ልጅ ባሻገር ገና በተወለዱ እንስሳት ስሜታዊ ባህሪ ላይም ተጽዕኖ እንደሚያሳድር ነው።

በጥናቱ ወቅት የኦክሲቶሲን ስርዓት ያላቸው ጨቅላ ህጻናት ከእናታቸው በሚለያዩበት ጊዜ አምርረው ያለቀሱ ሲሆን በተቃራኒው ደግሞ የኦክሲቶሲን ስርዓት የሌላቸው በቀላሉ መላመዳቸውን አስረድተዋል ።

ኦክሲቶሲን ህጻናት ከእናታቸው ጋር ከተገናኙ በኋላ የሚያሳዩት ባህሪ ላይ ተጽዕኖ እንደሚያሳድር ጥናቱ አሳይቷል።

የተመራማሪዎች ቡድን በሴቶች እና በወንዶች መካከል ልዩነቶችን ማግኘታቸውን ጠቁመው ሴት ህጻናት በኦክሲቶሲን እንቅስቃሴ ላይ በተደረጉ ለውጦች የበለጠ መጎዳታቸውን አረጋግጠዋል። ይህም ስሜታዊ እድገት ቀደም ሲል ከታሰበው በላይ በጾታ መካከል ልዩነት ሊፈጥር እንደሚችል ይጠቁማል ብለዋል።

ጥናቱ ከዚህ ቀደም ባሉ የህይወት ተሞክሮዎች ፣ የአዕምሮ ስርዓትን እና ማህበራዊ ባህሪን እንዴት እንደሚቀርጹ አዲስ ግንዛቤ እንደሚሰጥ ተመራማሪዎቹ ጠቁመዋል።

እንደ ኦቲዝም ባሉ ሁኔታዎች ላይ ለወደፊቱ ምርምር ፍንጭ ሊሰጥ እንደሚችል ገልጸዋል ሲል የቻይናው ሚዲያ ሺኑዋ ዘግቧል።

ትዕግሥት ፍሰሃ