ህዳር 20፣2017 - በአዲስ አበባ የባቡር ትራንስፖርት አገልግሎት ታሪፍ በእጥፍ ጨመረ

በአዲስ አበባ በቀላል ባቡር ትራንስፖርት አገልግሎት ታሪፍ በእጥፍ(100% ) ጭማሪ መደረጉን የአዲስ አበባ ትራንስፖርት ቢሮ ተናግሯል፡፡

በዚህም አሁን 10 ብር እየተከፈለበት የነበው ታሪፍ 20 ብር ሆኗል፡፡

የተደረገው የታሪፍ ጭማሪ ከታህሳስ 01፣2017 ዓ.ም ጀምሮ ተግባራዊ የሚደረግ ነው ተብሏል፡፡

የአዲስ አበባ ቀላል ባቡር ትራንስፖርት አገልግሎት ድርጅት በሁለት አቅጣጫ (ከሰሜን ወደ ደቡብ/ከጊዮርጊስ - ቃሊቲ/ እና ከምስራቅ ወደ ምዕራብ/ከአያት - ጦር ሀይሎች/ የትራንስፖርት አገልግሎት እየሰጠ እንደሆ አስረድቷል፡፡

በየቀኑ በአስር ሺዎች የሚቆጠር ህዝብ እያጓጓዘ ይገኛል ሲል ቢሮው ተናግሯል፡፡