ህዳር 19፣2017 - ድምፃዊት አስቴር አወቀ እና ሜትሮፖሊታን ሪል ስቴት አብረው ለመስራት ተስማሙ።

ድምፃዊት አስቴር አወቀ እና ሜትሮፖሊታን ሪል ስቴት አብረው ለመስራት ተስማሙ።

ስምምነቱ በዛሬ እለት የሜትሮፖሊታን ሪል ስቴት ሀላፊዎች እና የአስቴር አወቀ ማናጀር አዳነች ወርቁ ይፋ አድርገውታል።

በስምምነቱ መሰረት ድምፃዊት አስቴር አወቀ እና ሜትሮፓሊታን ሪል ስቴት የበጎ አድራጎት ስራዎችን አብረው ይሰራሉ ተብሏል።

ከዚህ በተጨማሪም ኩባንያው የድምፃዊቷን አልበም ስራ ወጪ ይሸፍናል፣ የኮንሰርት፣ የማስታወቂያ ስራዎችንም አብረው ይሰራሉ ሲባል ሰምተናል።

በተለይ በበጎ አድራጎት ስራዎች ኩባንያውና ድምፃዊቷ የሚሰሩት ስራ የሚዲያ ሽፉን እንዲያገኝ ይሰራሉ ተብሏል።

የአብሮ የመስራት ስምምነቱ ለምን ያህል ጊዜ እንደሚቆይ በግልፅ አልተጠቀሰም።

ከተወዳጇ የሙዚቃ ባለሞያ ጋር የተደረገው ይህ የጋራ የስራ ስምምነት ሜትሮፖሊታን ማህበረሰብ አቀፍ ጉዳዮች ላይ ሰፋ ባለ መልኩ ለመሳተፍ ያለውን ቁርጠኝነት የሚያሳይ ነው ተብሏል።

የሶል ሙዚቃ ንግስት የሚል ቅፅል ስም ማትረፍ የቻለችው ድምፃዊት አስቴር አወቀ አዲስ አልበም እንዲሁም የቀድሞ ስራዎችን በድጋሜ እየሰራች መሆኑን ማናጀሯ አዳነች ወርቁ ስትናገር ሰምተናል።

ሜትሮፓሊታን ሪል ስቴት ከሦስት አስርት ዓመታት በላይ በቱርክ እና በአሜሪካ እንዲሁም ላለፉት 9 ዓመታት በኢትዮጵያ በርካታ የሪል ስቴት ፕሮጀከቶችን እያከናወነ ይገኛል ሲባል ሰምተናል።