የሸገር መሰናዶ አዘጋጆች

ብርሀኑ ድጋፌ
345

ለዛ በሳምንት አምስት ቀን በሸገር ኤፍ ኤም 102.1 ሜጋ ኸርዝ የሚተላለፍ የሬዲዮ ፕሮግራም ነው፡፡ ትኩረቱን በሙዚቃ፣ ፊልም፣ መዝናኛ እና ትምህርት ጉዳዩች ላይ ያደረገው ለዛ ሸገር ኤፍ ኤም ስርጭቱን ሲጀምር ጣቢያውን ካሟሸባቸው ቀደምት ፕሮግራሞች መካከል አንዱ ነው፡፡ ለዛ ከሰኞ እስከ ሀሙስ ከቀኑ 6:35 ሰዓት ተኩል እስከ 8 ሰዓት ተኩል ለአድማጭ ጆሮ ጥዑም የሆኑ ሙዚቃዎችን የሚያስደምጥበት “የምሳ ሰዓት የሙዚቃ ግብዣ” የተሰኘ ፕሮግራም አለው፡፡ ሰርክ ሰኞ ምሽት ከ1:30 እስከ 2:30 በሚተላለፈው “የኮሌጆች ክፍለ ጊዜ” ደግሞ የከፍተኛ ትምህርት ተቋማት እና ተማሪዎችን ጉዳይ የሚዳስስ ፕሮግራም ያቀርባል፡፡ ዘወትር ቅዳሜ ከምሽቱ 1:00 እስከ 2:30 ድረስ ለአየር በሚበቃው ፕሮግራሙ ደግሞ የተለያዩ የመዝናኛ ዘርፎችን የሚዳስስ ልዩ ዝግጅት ያስተላልፋል፡፡

የለዛ ፕሮግራም አዘጋጅ እና አቅራቢ የሆነው ብርሃኑ ድጋፌ የሸገር እርሾ በነበረው እና በኤፍ ኤም 97.1 ይተላለፍ በነበረው የጨዋታ ፕሮግራም ተመሳሳይ ይዘት ያላቸውን ዝግጅቶች ለ7 ዓመታት ያህል ሲያቀርብ ቆይቷል፡፡ በአጠቃላይ እስካሁን ከ50 የበለጡ አለምአቀፍ ታዋቂ የመዝናኛ ሰዎችን ቃለምልልስ በማድረግ ከኢትዮጵያውያኑ አድናቂዎቻቸው ጋር አገናኝቷል፡፡ ከነዚህም መሃል ለመጥቀስ ማያ፣ ክሪስ ተከር፣ ዩ 2፣ ቦኖ፣ ሎረን ሂል፣ አልፋ ብሎንዲ፣ ዋይ ክሌፍ ዣን፣ ጃ ሩል፣ ጆ እና ሾን ፖል ይገኙበታል፡፡ ብርሃኑ ወደ ሬድዬ ዓለም ከመዝለቁ በፊት በህትመት ጋዜጠኝነት በርካታ ዓመታትን አሳልፏል፡፡ በኪነጥበባዊ ጉዳዩች ዙሪያ ያጠነጥኑ የነበሩትን “ሆሊውድ” እና “ፕሮፋይል” ጋዜጦች ዋና አዘጋጅ ነበር፡፡

ድጋፍ ሰጪ