የሸገር መሰናዶ አዘጋጆች

ከቤት እስከ ከተማ-ማህደር ገ/መድህን
512

ከቤት እስከ ከተማ በአርክቴክቸር በምህንድስና በግንባታ እና በከተማ አኗኗር ላይ የሚያተኩር ሳምንታዊ ፕሮግራም ነው፡፡ ፕሮግራሙ በታህሳስ 25, 2000 ዓ.ም የተጀመረ ሲሆን በማህደር ገብረመድህን ቦርጋ (አርክቴክት - UIA, AEA, ACI) እና በማህሌት ለገሠ (ጋዜጠኛ) እየተዘጋጀ ይቀርባል፡፡ በአርክቴክቸር፣ በምህንድስና፣ በኮንስትራክሽን እና በከተማ አኗኗር ዙሪያ ዝግጅቶችን ስናቀርብ በርካታ አርክቴክቶች፣ ኢንጂነሮች እና ከኢንደስትሪው ጋር ቅርበት ያላቸው ባለሙያዎች ጋብዘን ሙያዊ ልምዶቻቸውን ለአድማጮች፣ ለባለሙያዎች፣ ለመንግስት እና ለግል ተቋማት፣ አካፍለዋል፡፡

የከቤት እስከ ከተማ ዓላማ ስለአርክቴክቸር ምህንድስና ግንባታ እና የከተማ አኗኗር በሙያው ውስጥ ያሉ ባለሙያዎችን ውይይት ማዳበር እና በማህበረሰቡ ዘንድ ስለሙያዎቹ ግንዛቤ መፍጠር፣ ከእነዚህም ውይይቶች በሚቀርቡ የመፍትሄ ሃሳቦች የኢትዮጵያን ከተሞች ለኑሮ የሚመቹ እንዲሆኑ አስተዋፅኦ ማድረግ ነው፡፡

በፕሮግራማችን ላይ በከተማችን እና በሀገራችን ኮንስትራክሽን ኢንደስትሪ በከተማ አኗኗር ዙሪያ ወሳኝ የሆኑ ሃሳቦች እና የተለያዩ ጥናቶች ከመቅረባቸው በተጨማሪ እስከ ሐምሌ 20 2005 ዓ.ም ድረስ 20 ዓለም አቀፍ ከተሞችን በመጎብኘት መልካም ልምዶቻቸውን በቀጥታ ያካፈልንባቸውን ተወዳጅ ፕሮግራሞች አቅርበናል፡፡ የአዲስ አበባን የከተማ ታሪክ፣ አኗኗር እና ልዩ ባህሪያትን የሚገልፁ መረጃዎችን በማሰባሰብ በአዲስ አበባ የመጀመሪያ የሆነውን ‹‹ጉዞ ከቤት እስከ ከተማ›› በማዘጋጀት የከተማው ነዋሪ እና ጎብኚዎች ስለከተማዋ አርክቴክቸር እና ታሪክ የተደራጀ መረጃ እንዲያገኙ ለጉብኝት በሚያመች ክፍት አውቶብስ በመጠቀም የከተማዋን ዋና ዋና ቦታዎች ያስጎበኛል፡፡ ከቤት እስከ ከተማ ላይ በአቅራቢዎች እና በተጋባዥ እንግዶች የቀረቡ ፕሮግራሞች በሙሉ በጥናት ላይ የተመሠረቱ ናቸው፡፡

በየፕሮግራሙ ከአድማጮች የመጡ የስልክ፣ የአጭር የፅሁፍ መልዕክቶች እና የኢሜይል እና የማህበረሰብ ድረገፆች ላይ የሚላኩልን መልዕክቶች በህትመት እና በዲጂታል የመረጃ ማህደራችን ውስጥ ተቀምጠው ይገኛሉ፡፡

ስልክ +2519 20612010

Facebook link: kebeteskeketemaonshegerfm102.1

Twitter: @KebetEskeketema