• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 23፣2011/ የጎንደር ዩኒቨርስቲ ከ3 ሺ ለሚልቁ የአካባቢው ነዋሪዎች የዓይን ህክምና አገልግሎት መስጠቱን ተናገረ

ዩኒቨርስቲው ባካሄደው የዓይን ህክምና ዘመቻ ተጠቃሚ ለመሆን 4 ሺ ሰዎች ፍላጎት አሳይተዋል ተብሏል፡፡ከእነዚህ መካከል 3 ሺዎቹ የመድሃኒት ህክምና ያገኙ መሆናቸውን ከዩኒቨርስቲው ያገኘነው መረጃ ያመለክታል፡፡ከመድሃኒት ህክምናው በተጨማሪ በዓይን ቆብ ቀዶ ህክምና፣ በዓይን ሞራ ግርዶሽ ቀዶ ህክምናና በመነፅር እይታቸውን መልሰው ያገኙት 323 መሆናቸው ተጠቅሷል፡፡የተጠቀሱት ታካሚዎች የምስራቅ በለሳ ወረዳ ነዋሪዎች ናቸው የተባለ ሲሆን ዩኒቨርስቲው በአካባቢው በሚገኙ የተለያዩ ወረዳዎች የዓይን ህክምና ዘመቻ እያካሄደ መሆኑንም ተናግሯል፡፡

ህክምናውን የሚሰጡት የጎንደር ዩኒቨርስቲ ሪፈራል ሆስፒታል የዓይን ስፔሻሊስት ሀኪሞች ናቸው፡፡የጎንደር ዩኒቨርስቲ እያከናወንኩት ያለው ተግባር ከሚጠበቁብኝ የማህበረሰብ አገልግሎት ግዴታዎቼ መካከል አንዱ ነው ብሏል፡፡

በየነ ወልዴ
አስተያየት ይፃፉ (0 አስተያየት)

ግንቦት 22፣2011/ በእናቷ ማህፀን 3 ወር ከ3 ሳምንት ቆይታ ይህችን አለም የተቀላቀለችው ጨቅላ

በእናቷ ማህፀን 3 ወር ከ3 ሳምንት ቆይታ ይህችን አለም የተቀላቀለችው ጨቅላ እዚ ምድር ላይ ስትመጣ የፖም ፍሬ ታክል ነበር የአለማችን ትንሿ ልጅ ስሟ ሳይቢ ይባላል ሙሉ ወሬን ስሙት


ተህቦ ንጉሴ
አስተያየት ይፃፉ (0 አስተያየት)

ግንቦት 22፣2011/ በአብራሪው ብቃት የኢትዮጵያ አየር መንገድ አውሮፕላን ሊደርስበት ይችል ከነበረ አደጋ መትረፉን የናይጄሪያው ሰሃራ ቲቪ ዘገበ

ትናንት ጠዋት በ3፡00 ሰዓት ግድም ከቦሌ አለም አቀፍ አየር ማረፊያ 393 ሰዎችን አሳፍሮ የተነሳው ET-901 ቦይንግ 777-300 አይሮፕላን ሌጎስ ሲደርስ ያልታሰበ ችግር ገጥሞታል፡፡በበራው ላይ ተሳፍሮ የነበረው የናይጄሪያው የዜና አገልግሎት /NAN/ ዘጋቢ እንደመሰከረው ከአዲስ አበባ እስከ ሌጎስ የነበረው የአምስት ሰዓት በረራ ጤናማና መልካም ነበር፡፡ግን አይሮፕላኑ በሙታላ መሐመድ አይሮፕላን ማረፊያ ለማረፍ ሲሞክር ነፋስ ቀላቅሎ የሚጥል ዝናብ አይሮፕላኑን አቅጣጫውን ስቶ ከመጀመሪያው ማኮብኮብያ ወደ ሶስተኛው ማኮብከቢያ ማረፍ ይጀምራል፡፡

አይሮፕላኑን አቅጣጫውን እንደሳተ የተገነዘበው አብራሪው ወዲያው አውሮፕላኑን ወደ አየር እንዲመጥቅ በማድረግ ሊደርስበት ከሚችለው አደጋ መታደጉን የተለያዩ የናይጄሪያ መገናኛ ብዙሃን ከአድናቆት ጋር ዘግበውታል፡፡አብራሪው አይሮፕላኑን ካመጠቀ በኋላ በሌጎስ አየር ላይ ሲዞር ቆይቶ ከ20 ደቂቃ በሁኋላ በሰላም አሳርፎታል፡፡አይሮፕላኑ እንደገና ወደ አየር መጥቆ በሚዞርበት ወቅት ተሳፋሪዎቹ በጭንቀት መዝሙር ሲዘምሩና በጉልበታቸው ተንበርክከው ሲፀልዩ እንደነበር በመረጃው ላይ ተጠቅሷል፡፡የናይጄሪያው አየር መንገድ የደንበኞች አገልግሎት ዳይሬክተር አብራሪው ያንን ርምጃ ባይወስድ ኖሮ ማኮብኮቢያውን ስቶ የከፋ አደጋ ይፈጥር ነበር ብለዋል፡፡

ግን ይላሉ ዋና ዳይሬክተሩ አብራሪው ችሎታና ልምድ ያለው በመሆኑ ችግሩን ወዲያው ለመረዳት ችሏል ሲሉ አወድሰውታል፡፡ከተሳፋሪዎቹ ውስጥ በአፍሪካ የነፃ ንግድ ስብሰባ አዲስ አበባ የተገኙት የቀድሞው የናይጄሪያ ፕሬዝዳንት ኦባ ሳንጆና ፕሮፌሰር አዲባዩ ነበሩበት፡፡ ሚ/ር ኦባሳንጆ፣ ከክስተቱ በሁዋላ ለፒርሚየም ታየምስ ሲናገሩ “ችግሩ ጋዜጣ እያነበብሁ ነበር፡፡ ከአጠገቤ የተቀመጠው ሰው፣ አንተን አያስጨንቅህም” ሲል ጠየቀኝ፤ “ብጨነቅ ምን አመጣለሁ” ብዬ መለሰሁለት፡፡

“ሁሉንም ነገር ለእግዚአብሔር ትቼዋለሁ አልሁት” ብለዋል፡፡ኦባ ሳንጆ፣ አይሮፕላኑ መሬቱን ከነካ በሁኋላ እንደገና ወደ አየር መነሳቱን አብራሪውም ይቅርታ እንደጠየቀና እንደገና እንደሚያሳርፍ እንደነገራቸው አስታውሰዋል፡፡ በሰላም ሲያርፍም ሁላችንም አጨበጨብንለት ብለዋል፡፡

እሸቴ አሰፋ
አስተያየት ይፃፉ (0 አስተያየት)

ግንቦት 22፣2011/ የአሜሪካው ቦይንግ ኩባንያ የበላይ ዴኒስ ሙለንበርግ የኢትዮጵያ አየር መንገድ ንብረት በሆነው ቦይንግ 737 ማክስ 8 አውሮፕላን መከስከስ በግሌ ይቅርታ እጠይቃለሁ አሉ

የአሜሪካው ቦይንግ ኩባንያ የበላይ ዴኒስ ሙለንበርግ የኢትዮጵያ አየር መንገድ ንብረት በሆነው ቦይንግ 737 ማክስ 8 አውሮፕላን መከስከስ በግሌ ይቅርታ እጠይቃለሁ አሉ፡፡ከ2 ወራት በፊት በተከሰከሰው የበረራ ቁጥር 302 አውሮፕላን አደጋ የ157 ሰዎች ሕይወት መቀጠፉ ይታወቃል፡፡ከዚህ አደጋ 5 ወራት ቀደም ብሎ የኢንዶኔዥያው ላየን ኤር ንብረት የሆነ መሰል አውሮፕላን ወድቆ 189 ሰዎች እንደሞቱ ቢቢሲ አስታውሷል፡፡

ቀደም ሲል ለነዚህ አደጋዎች በኩባንያ ደረጃ እናዝናለን ያሉት የቦይንግ የበላይ ዴኒስ ሙለምበርግ በግሌ የሟች ቤተሰቦችን ይቅርታ እጠይቃለሁ ማለታቸው ተሰምቷል፡፡አደጋ የገጠመው የኢትዮጵያው አውሮፕላን ዋና አብራሪ አባት ዶ/ር ጌታቸው ተሰማ የቦይንግ ዋና ስራ አስፈፃሚውን ይቅርታ የዘገየ እና የረፈደበት ነው ማለታቸው በመረጃው ተጠቅሷል፡፡በአሁኑ ወቅት ማክስ 8 ስሪት አውሮፕላኖች የበረራ አስተማማኝነታቸው እስኪረጋገጥ ከአገልግሎት ውጭ እንደተደረጉ ነው፡፡

የኔነህ ከበደ
አስተያየት ይፃፉ (0 አስተያየት)

ግንቦት 22፣2011/ ጠቅላይ ሚኒስትር ዐቢይ አህመድ፣ ወደቀያቸው ተፈናቅለው የነበሩና ወደቤታቸው የተመለሱ የምዕራብ ጉጂ ዞን ነዋሪዎችን እየጎበኙ ነው

ጠቅላይ ሚኒስትር ዐቢይ አህመድ፣ ከቀያቸው ተፈናቅለው የነበሩና ወደቤታቸው የተመለሱ የምዕራብ ጉጂ ዞን ነዋሪዎችን እየጎበኙ ነው፡፡የጠቅላይ ሚኒስትር ቢሮ ፕሬስ ሴክሬቴሪያት ባስተላለፈው አጭር መረጃ፣ ጠቅላይ ሚኒስትር ዐቢይ በምዕራብ ጉጂ ዞን ቀርጫ ወረዳ ወደ ቀያቸው የተመለሱትን ነዋሪዎች ዛሬ ረፋድ ላይ ጎብኝተዋል፡፡ በዚያ ወረዳ 3 ሺ የሚደርሱ ዜጎች መፈናቀላቸው ይታወሳል፡፡ከጠቅላይ ሚኒስትሩ ጋር የኦሮሚያና የደቡብ ሕዝቦች ከፍተኛ አመራሮችና የሰላም ሚኒስትሯ ተገኝተዋል፡፡

እሸቴ አሰፋ
አስተያየት ይፃፉ (0 አስተያየት)

ግንቦት 22፣2011/ የተለያዩ 63 የመንግስት መስሪያ ቤቶች ወጪ አድርገነዋል ላሉት 1 ነጥብ 4 ቢሊየን ብር የተሟላ ማስረጃ ማቅረብ አልቻሉም ተባለ

ሌሎች 20 መስሪያ ቤቶች ደግሞ ከ2 ቢሊየን ብር በላይ አውጥተን ገዝተናል ያሉትን ንብረት፣ ለመስሪያ ቤቱ ገቢ መደረጉን ማረጋገጥ እንዳልተቻለ በተደረገ የሒሳብ ምርመራ መገኘቱን የፌደራል ዋና ኦዲተር መስሪያ ቤት ተናግሯል፡፡27 መስሪያ ቤቶች ደግሞ፣ 413 ነጥብ 28 ሚሊየን ብር በወጪ ምዝገባቸው ቢመዘግቡም ወጪ ስለመደረጉ ምንም ዓይነት ማስረጃ ስላላቀረቡ ገንዘቡን ለመንግስት እንዲመልሱ ተጠይቀዋል፡፡የፌደራል ዋና ኦዲተር መስሪያ ቤት በተለያዩ 174 የመንግስት መስሪያ ቤቶች የሂሳብ ሕጋዊነትና የክዋኔ ኦዲት አድርጎ ዛሬ ለሕዝብ እንደራሴዎች ምክር ቤት አቅርቧል፡፡

አውጥተናል ላሉት ከ1 ነጥብ 4 ቢሊዮን ብር በላይ ገንዘብ፣ በቂ ማስረጃ ማቅረብ ካልቻሉት መስሪያ ቤቶች መካከል፣ ብሔራዊ የአደጋ ስጋት ስራ አመራር ኮሚሽን 842 ነጥብ 8 ሚሊየን ብር፣ ትምህርት ሚኒስቴር 56 ነጥብ 7 ሚሊየን ብር፣ ጋምቤላ ዩኒቨርስቲ 129 ነጥብ 5 ሚሊየን ብር፣ ወቻሞ ዩኒቨርስቲ 29 ነጥብ 3 ሚለየን ብር፣ የውጭ ጉዳይ ሚኒስቴር 6 ነጥብ 3 ሚሊየን ብርና ሌሎችም ይገኙበታል፡፡ዋና ኦዲተሩ አቶ ገመቹ ጉቢሶ፣ የኦዲት ሪፖርቱን ለምክር ቤቱ ሲያቀርቡ እንዳሉት፣ ማንኛውም ሒሳብ በወጪ መዝገብ ከመመዝገቡ በፊት በፋይናንስ አስተዳደር አዋጅና በደንብና መመሪያዎች መሰረት ወጪውን የሚደግፉ ማስረጃዎች መሟላታቸው እንዲረጋገጥ አሳስበዋል፡፡

ተጨማሪ ያንብቡ...

አስተያየት ይፃፉ (0 አስተያየት)

ግንቦት 22፣2011/ በጣና ሃይቅ ላይ የተከሰተውን የእንቦጭ አረም ለማስወገድ ዘላቂ መፍትሄ ነው የተባለው በነፍሳት የመጠቀም ስራ

በጣና ሃይቅ ላይ የተከሰተውን የእንቦጭ አረም ለማስወገድ ዘላቂ መፍትሄ ነው የተባለው በነፍሳት የመጠቀም ስራ ከተጀመረ 2 ዓመታትን ቢያስቆጥርም እስካሁን ተግባር ላይ መዋል አልጀመረም፡፡ ማህሌት ታደለ የትግበራውን መዘግየት አስመልክታ ባለሙያ አነጋግራለች፡፡

አስተያየት ይፃፉ (0 አስተያየት)

ግንቦት 22፣2011/ መንግስት በነፃ ጠበቃ እንዲያቆምላቸው የሚጠይቁ ተከሳሾች ቁጥር ከጊዜ ወደ ጊዜ እየጨመረ ነው ተባለ

መንግስት በነፃ ጠበቃ እንዲያቆምላቸው የሚጠይቁ ተከሳሾች ቁጥር ከጊዜ ወደ ጊዜ እየጨመረ ነው ተባለ፡፡



ንጋቱ ረጋሣ
አስተያየት ይፃፉ (0 አስተያየት)

ግንቦት 21፣ 2011/ ምን እንጠይቅልዎ-በኢትዮጵያ፣ የምርምር ስራዎች ወይም ፈጠራዎች ወደ ስራ እና ወደ ኢኮኖሚ የሚገቡበት ሁኔታ የግዢ ስርዓታችን አያውቀውም፤ ሀገራዊ ማዕቀፍም የለውም

“በኢትዮጵያ፣ የምርምር ስራዎች ወይም ፈጠራዎች ወደ ስራ እና ወደ ኢኮኖሚ የሚገቡበት ሁኔታ የግዢ ስርዓታችን አያውቀውም፤ ሀገራዊ ማዕቀፍም የለውም”

ዶ/ር ኢንጅነር ጌታሁን መኩሪያ(የሳይንስና ኢኖቬሽን ሚንስቴር ሚኒስትር)



ግርማ ፍስሃ
አስተያየት ይፃፉ (0 አስተያየት)

ግንቦት 21፣2011/ በአዲስ አበባ በዝቅተኛ የኑሮ ደረጃ ላይ የሚገኙ ዜጎችን ለመደገፍ በተጀመረው የምግብ ዋስትና እና ሴፍትኔት ፕሮግራም ከ2 መቶ ሺ በላይ የከተማዋ ነዋሪዎች ተጠቃሚ ሆነዋል ተባለ

በአዲስ አበባ በዝቅተኛ የኑሮ ደረጃ ላይ የሚገኙ ዜጎችን ለመደገፍ በተጀመረው የምግብ ዋስትና እና ሴፍትኔት ፕሮግራም ከ2 መቶ ሺ በላይ የከተማዋ ነዋሪዎች ተጠቃሚ ሆነዋል ተባለ፡፡



ምህረት ስዩም

አስተያየት ይፃፉ (0 አስተያየት)

ግንቦት 21፣2011/ የህዝብ ተወካዮች ምክር ቤት የአልኮል መጠጦችን ማስነገርና ማስለጠፍ ማቋረጥን አስመልክቶ ባሳለፈው ውሳኔ መሰረት ተግባር ላይ መዋሉ ተሰማ

የህዝብ ተወካዮች ምክር ቤት የአልኮል መጠጦችን ማስነገርና ማስለጠፍ ማቋረጥን አስመልክቶ ባሳለፈው ውሳኔ መሰረት ተግባር ላይ መዋሉ ተሰማ፡፡



ተህቦ ንጉሴ
አስተያየት ይፃፉ (0 አስተያየት)
Sheger 102.1 AudioNow Numbers