• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 18፣ 2012/ ለስደተኞች በሯን ዘግታ የማታውቀው ኢትዮጵያ በዚህ የከፋ ጊዜ የወሰደችው እርምጃ ስደተኞችን የዘነጋ ይሆን?

ሀገራት ኮሮና ቫይረስ በዜጎቻቸው ላይ የሚያደርሰውን ሁለንተናዊ ቀውስ ለመከላከል ይሆናል ያሉትን እርምጃ እየወሰዱ ነው፡፡የሰዎችን ዝውውር ለመግታት መስሪያ ቤቶችን ከመዝጋት እስከ ህዝብ የሚሰበሰብባቸው ማንኛውንም ሁኔታ እስከማገድ፤ ወደ ተለያዩ ሀገራት የሚደረጉ በረራዎችን ከማቋረጥ እስከ የብስ ድንበራቸውን እስከመዝጋት ይደርሳል፡፡

ኢትዮጵያ መሰል እርምጃዎች ከወሰዱ አገራት አንዷ ነች፡፡ለወትሮው አስጠልይኝ ላሉ ሁሉ በሯን ክፍት በማድረግ የምትታወቀው ኢትዮጵያ በዚህ የከፋ ጊዜ የወሰደችው እርምጃ እነዚህን ዜጎች የዘነጋ ይሆን? ንጋቱ ሙሉ የሚመለከታቸው አነጋግሯል፡፡
አስተያየት ይፃፉ (0 አስተያየት)

መጋቢት 18፣ 2012/ የአንዱ ችላ ማለት ለሌላኛው አደጋ የሚደቅንበት የኮሮና ወረርሽኝ አውድ

የኮሮና ቫይረስ ተከስቷል ሲባል ሰዎች ያሳዩት መስተጋብር በሁለት መንገድ ሊቀመጥ ይችላል፡፡አንድም በቂ መረጃ ከማጣት መፍራትና የበዛ ስጋት ውስጥ መግባት ይስተዋላል፡፡ በሌላ በኩል ደግሞ እንዲህ ዓይነት አደገኛ ሁኔታ ተከስቶ የአንዱ ችላ ማለት ለሌላኛው አደጋ የሚደቅንበት አውድ ውስጥ ስንገኝ አብዝቶ ችላ ማለት ናቸው፡፡እነዚህ ሁለቱም በሁለት በኩል ስለት እንዳለው መሳሪያ መሆናቸው ነው፡፡ እና ታዲያ! መካከለኛው ምርጫ ምን ይሆን ይችላል? ሲል ቴዎድሮስ ብርሃኑ የስነ ልቦና ባለሙያ ጠይቋል፡፡
አስተያየት ይፃፉ (0 አስተያየት)

መጋቢት 20፣2012/ ተጨማሪ 2 በቫይረሱ የተያዙ ሰዎች መገኘታቸው ተነገረ...አጠቃላይ ቁጥሩም 21 ደርሷል

ተጨማሪ 2 በቫይረሱ የተያዙ ሰዎች መገኘታቸው ተነገረ። አጠቃላይ ቁጥሩም 21 ደርሷል።
አስተያየት ይፃፉ (0 አስተያየት)

መጋቢት 20፣2012/ የኢትዮጵያ አየር መንገድ የሐገር ውስጥ በረራ ሳላቌርጥ 50 በመቶ ገቢዬ ቀንሶብኛል አለ

በኮሮና ቫይረስ ወረርሺኝ ምክንያት እስከ ዛሬ ወደ 80 የሚሆኑ አለም አቀፍ በረራዎቹን መሰረዙን ተናገረ።የጭነት አገልግሎቴ በሁሉም መዳረሻዎች በርትቶ ቀጥሏል ብሏል። በሥራ ቦታዎችን፣በመንገደኞች ማረፊያ (ተርሚናል)፣በጭነት ተርሚናል፣በአውሮፕላን ጥገና ክፍል እና በሁሉም አውሮፕላኖች ውስጥ በተደጋጋሚ ኬሚካል እየተረጨ መሆኑንም አየር መንገዱ ለሸገር ነግሯል።

እስካሁን ከግማሽ ሚሊዮን በላይ የፊት ማስኮች እና ጓንት መጠቀሙን አየር መንገዱ ተናግሯል።ከተለያዩ አቅራቢዎች ጋር ውል የተፈራረምን በመሆኑ ማስኮችን እና ጓንቶችን በፈለኩ ግዜ አገኛለው ብሏል፡፡የኢትዮጵያ አየር መንገድ በስድስት ቀናት ጊዜ ውስጥ አስፈላጊ የመመርመሪያ እቃዎችን ፣የፊት ማስኮችን እና ሌሎች የህክምና አቅርቦቶች ለ51 የአፍሪካ አገራት እና ለአንዳንድ የአውሮፓ አገራት መስደዱን አየር መንገዱ ለሸገር አስረድቷል።
አስተያየት ይፃፉ (0 አስተያየት)

መጋቢት 20፣2012/ ኢትዮጵያ 3 በኮሮና ቫይረስ የተያዙ ተጨማሪ ሰዎች መገኘታቸውን ተናገረች

ወሬውን የጤና ሚንስትር አስረድቷል።ባለፉት 24 ሰዓት ውስጥ 87ሰዎች የላብራቶሪ ምርመራ ተደረጎላቸዋል። ከነዚህ ውስጥም በቫይረሱ 3 ሰዎች ተይዘዋል ተብሏል።የመጀመሪያዋ ታማሚ የ26 ዓመት ኢትዮጵያዊ ስትሆን መጋቢት 8፣2012 ከብራሰልስ ቤልጅየም እንዲሁም መጋቢት 10፣2012 ዓ.ም ወደ ካሜሮን የጉዞ ታሪክ ነበራት መባሉን ሰምተናል።

ሁለተኛ እና ሶስተኛ ታማሚዎች የአንድ ቤተሰብ አባላት ናቸው ተብሏል። እድሜያቸውም የ14 እና የ48 ዓመት የአዳማ ከተማ ነዋሪዎች ናቸው። ግለሰቦቹ የበሽታው ምልክት ባያሳዩም ከዚህ በፊት በቫይረሱ ከተያዘ ግለሰብ ጋር የቅርብ ንክኪ ስለነበራቸው በለይቶ ማቆያ ክትትል እየተደረገላቸው ነበር፡፡ግለሰቦቹ በመጋቢት 19፣2020 ዓ.ም በተደረገላቸው የላቦራቶሪ ምርመራ በቫይረሱ መያዛቸው መረጋገጡን ጤና ሚንስትር ተናግሯል።

በአጠቃላይ በኢትዮጵያ በቫይረሱ የተያዙ ሰዎች ቁጥር 19 ደርሷል፡፡ አዲስ በቫይረሱ ተይዘዋል የተባሉትም 3 ሰዎች ሁሉም ኢትዮጵያውያን ናቸው።
አስተያየት ይፃፉ (0 አስተያየት)

መጋቢት 19፣ 2012/ የኮሮና ቫይረሰ ወረርሽኝን ለመከላከል የተለያዩ አገራት በምርምር ቤታቸው እየባተሉ ቢሆንም እስከ ዛሬ ድረስ መድሃኒትም ሆነ ክትባት አግኝቻለሁ ብሎ ያወጀ አንድም አገር የለም

በኢትዮጵያም የኮሮና ቫይረስ ክትባትም ሆነ መድሃኒት አልተገኘም፡፡የቴክኖሎጂና የኢኖቬሽን ሚኒስቴር ትናንት የሰጠውን መግለጫ በመሰረታዊ መልኩ ቀይሮታል፡፡የኢኖቬሽን እና ቴክኖሎጂ ሚኒስቴር ይህንኑ ወረርሽኝ ለመከላከል የተገኘው መላ ተደጋጋሚ የምርምር ሂደት አልፎ ወደ ምርት ይሻገራል ማለቱን ትናንት ተናግሯል፡፡የኢኖቬሽን እና ቴክኖሎጂ ሚኒስቴር ይህንን ሲናገርም፤ የጤና ሚኒስትር ዶ/ር ሊያ ታደሰ በበኩላቸው ምርመሩ በመድሃኒት ግኝት ሂደት መመሪያ መሰረት ብዙ የምርምር ሂደቶች የሚቀሩት ነው ብለዋል፡፡

ታዲያ ይህ ሁሉ ደረጃ እና ጊዜ የሚወስድ ከሆነ የኢኖቬሽን እና ቴክኖሎጂ ሚኒስቴር መድሃኒቱ የመከላከል አቅም የሚጨምር፣ መርዛማነት የሌለው እና አዋጭነቱ የተረጋገጠ ነው ማለቱ ትክክል ነው ወይ ብለን የኢኖቬሽን እና ቴክኖሎጂ ሚኒስቴርን ጠይቀናል፡፡የኢኖቬሽን እና ቴክኖሎጂ ሚኒስቴርም የምርምር ሂደቱ ተጠናክሮ ወደ ምርት ለመግባት ዝግጅት እየተደረገ ነው የሚለውን ዐረፍተ ነገር ማስተካከሉን አስረድቷል፡፡ዶ/ር ሊያ ይሄው የምርምር ውጤት ወደፊት በሚደረጉ የእንስሳት እና የክሊኒካል ምርምሮች በዓለም አቀፍ እና ሀገር በቀል ባለሙያዎች ይካሄዳል ብለዋል፡፡

ጤና ሚኒስትሯ የዛሬን ችግር ለመፍታት የምንከተለው ብቸኛ አማራጭ በመንግስት እና በጤና ሚኒስቴር የሚወሰዱትን እርምጃዎች እና የተሰጡትን የጤና ምክሮችን በመተግበር መሆኑን አሳስበዋል፡፡ማስተካከያውም ወደ ቀጣይ የምርት ሳይሆን የምርምር ሂደት ለመግባት ዝግጅት እየተደረገ ነው የሚል ነው፡፡የኮሮና ቫይረስ ወረርሽኝን ለመከላከል የተለያዩ ሀገራት በምርምር ቤታቸው እየተጉ ቢሆንም እስከዛሬ ድረስ መድሃኒትም ሆነ ክትባት አግኝቻለሁ ብሎ ያወጀ አንድም ሀገር የለም፡፡በኢትዮጵያ የኮሮና ቫይረስ ክትባትም ሆነ መድሃኒት አልተገኘም፡፡

ተህቦ ንጉሴ
አስተያየት ይፃፉ (0 አስተያየት)

መጋቢት 19፣ 2012/ ኢኳቶሪያል ጊኒ ውስጥ የ10 ዓመት ታዳጊ በቫይረሱ መያዟ ተነግሯል

ይህች ታዳጊ የጉዞ ታሪኳ እንደሚያሳየው እንደ አውሮፓውያኑ አቆጣጠር ማርች 13 ነበር ከስፔን ወደ ኢኳቶሪያል ጊኒ የተመለስችው።ታዳጊዋ በዋና ከተማዋ በሚገኝ ሆቴል ተለይታ እንድትቀመጥ የተደረገ ሲሆን አሁን ላይ በሐገሪቱ ቫይረሱ የተገኘባቸው ሰዎች ብዛት 13 ደርሷል፡፡
አስተያየት ይፃፉ (0 አስተያየት)

መጋቢት 19፣ 2012/ የአፍሪካ ሕብረት ኮሚሽን ሊቀመንበር ሙሳ ፋኪህ መሐማት ከኮሮና ቫይረስ ነፃ መሆናቸው በምርመራ መረጋገጡን በትዊተር ሰሌዳቸው አስፍረዋል

የአፍሪካ ሕብረት ኮሚሽን ሊቀመንበር ሙሳ ፋኪህ መሐማት ከኮሮና ቫይረስ ነፃ መሆናቸው በምርመራ መረጋገጡን በትዊተር ሰሌዳቸው አስፍረዋል፡፡ሆኖም ግን፣ በተነገራቸው መሰረት ለቀጣይ 14 ቀናት ራሳቸውን አግልለው እንደሚቆዩ ገልፀዋል፡፡በኮሮና የተያዘው ባልደረባችን በጥሩ ሁኔታ ላይ ይገኛል፤ ሙሉ ለሙሉ እንዲሻለው ፀሎታችን ነው ያሉት ሙሳ ፋቂ መሐመት፣ ለመልካም ምኞት እና ፀሎታችሁ አመሰግናለሁ፣ ከቫይረሱ ጋር የምናደርገው ትግል ገና መጀመሩ ነውና እንደ አህጉር በሕብረት እንንቀሳቀስም ብለዋል፡፡
አስተያየት ይፃፉ (0 አስተያየት)

መጋቢት 18፣ 2012/ ሰዎች በቤት ውስጥ ቆዩ ሲባሉ ምን ማድረግ አለባቸው? ከዚህ የጤና ስጋት ምን በማድረግ መዳን ይቻላል?

የኮሮና ቫይረስ መከሰት፣ በፍጥነትም መዛመት የሚያስከትለውን ጫና ለመቀነስ ሰዎች እንዲተገብሩት በተለያዩ አካላት የሚነገረው በቤት ውስጥ መቆየትን ነው፡፡ይኸ የውዴታ ግዴታ የሆነው የጥንቃቄ መልዕክት ከለመድነው የእለት ተእለት መስተጋብራችን የሚገታ በመሆኑ እና ያለ ዝግጅት ድንገት እንዲተገበር ሁኔታዎች ያስገደዱበት በመሆኑ ለአእምሮ ጤና ችግር የመዳረግ እድልም አለው የሚሉ ወገኖች አሉ፡፡ ሕይወት ፍሬስብሃት ሰዎች በቤት ውስጥ ቆዩ ሲባሉ ምን ማድረግ አለባቸው? ከዚህ የጤና ስጋት ምን በማድረግ መዳን ይቻላል? ስትል የአእምሮ ጤና ተመራማሪ ጠይቃለች፡፡
አስተያየት ይፃፉ (0 አስተያየት)

መጋቢት 18፣ 2012/ የኮሮና ወረርሽኝን ለመግታት መንግሥት ይፋ ያደረጋቸው አዳዲስ እርምጃዎች

ጠቅላይ ሚኒስትር ዐቢይ አህመድ፣ የኮሮና ቫይረስ ወረርሽኝን ለመከላከል ከተቋቋመው የሚኒስትሮች ኮሚቴ ጋር በቪዲዮ ኮንፍረስ ከተወያዩ በኋላ መንግስት በሽታውን ለመከላከል ያሳለፋቸውን ውሳኔዎች ዛሬ ይፋ አድርገዋል፡፡በቫይረሱ የተያዙ ሰዎች 16 መድረሱን ተከትሎ መንግስት ከወሰዳቸው እርምጃዎች መካከል ከዚህ ቀደም የኢትዮጵያ አየር መንገድ በረራ ያቆመባቸው 30 መዳረሻ ከተሞች ወደ 72 ማደጉን፣ ከውጪ አገራት የገቡና የለይቶ መቆያ ክፍያ መክፈል የማይችሉ ዜጎች መሰረታዊ ነገሮች እንዲሟሉና ከዛሬ ጀምሮ ወደ በአዲስ አበባ ዩኒቨርስቲ ሳይንስና ቴክኖሎጂ ተቋም እንዲዛወሩ መደረጉ ይገኙበታል፡፡

ትምህርት ቤቶችም ለተጨማሪ 15 ቀናት ዝግ እንዲሆኑም ውሳኔ መተላለፉን ተናግረዋል፡፡መንግስት የእምነት ተቋማትና ሌሎችንም ማህበራዊ አገልግሎት መስጫ ተቋማትን የመዝጋት በግልፅ የተቀመጠ ስልጣን ቢኖረውም የእምነት ተቋማቱ የሚያደርጉትን የማንቃትና የማስተማር ሀሳብ ከግምት በማስገባት ቀደም ሲል በመንግስት እርምጃ ተወስዷል ብለዋል፡፡ይሁንና በቀጣይ የከፋና አስገዳጅ እርምጃ ውስጥ እንዳይገባ ሁሉም ጥንቃቄ ያድርግ ሲሉ ጠቅላይ ሚኒስትር ዐቢይ አሳስበዋል፡፡

ምህረት ስዩም
አስተያየት ይፃፉ (0 አስተያየት)

መጋቢት 18፣2012/ ምጥን የአለም ወሬዎች ስለ ኮሮና ቫይረስ

 
በስፔን በ24 ሰዓት ውስጥ ብቻ 769 ሰዎች በኮሮና ቫይረስ ሕይወታቸው ማለፉ ተሰማ፡፡ይሄም በአገሪቱ በቫይረሱ ሕይወታቸውን ያጡ ሰዎች ብዛት 4858 እንዳደረሰው ተሰምቷል፡፡በአገሪቱ 64 ሺ 59 ሰዎች በቫይረሱ የተጠቁ ሲሆን 9 ሺ 357 ሰዎች ደግሞ ከቫይረሱ ማገገማቸውን ጆን ሆፕኪንስ ዩኒቨርስቲ ያወጣው መረጃ ያሳያል፡፡

➖➖➖➖

የብሪታኒያ የጤና ሚኒስትር ማት ሐንኮክ በኮሮና ቫይረስ መያዛቸው ተረጋገጠ፡፡ሚኒስትሩ፣ መለስተኛ የሆነ የሕመሙ ምልክቶች እንደታዩባቸው የሕክምና ምክር ወስደው እንደተመረመሩ ገልፀዋል፡፡ በመጪው ሐሙስ ተገልለው ከቆዩበት እንደሚወጡ ያላቸውን ተስፋም መግለፃቸውን ዘ ጋርዲያን ፅፏል፡፡

➖➖➖➖

የአፍሪካ ሕብረት ኮሚሽን ሊቀመንበር ሙሳ ፋኪህ መሐማት በቢሯቸው የሚሠራ ባልደረባቸው በኮሮና ቫይረስ መያዙን ተከትሎ፣ ራሳቸውን ወሸባ (Quarantine) ማስገባታቸውን ተናገሩ።ባልደረባቸው በመልካም ሁኔታ ላይ እንደሚገኝ የጠቀሱት ሙሳ ፋኪ፣ ለጥንቃቄ በሚል እርሳቸውና ሌሎችም የቅርብ የሥራ ባልደረቦቻቸው በተናጠል ወሸባ መግባታቸውን በትዊተር ሰሌዳቸው ጽፈዋል፡፡
 
 
አስተያየት ይፃፉ (0 አስተያየት)
Sheger 102.1 AudioNow Numbers