• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 21፣ 2012/ የኢትዮጵያ አህዮች ሕልውናቸው አደጋ ላይ ወድቋል

  • በኬንያ በየቀኑ ከሚታረዱ 1 200 አህዮች መካከል 80 ከመቶ ያህሉ የኢትዮጵያ አህዮች ናቸው፡፡
  • ከአህዮቹ ቆዳ መዋቢያ እና መድሃኒት የሚሰራው የቻይናው ኩባንያ ነው ለአህዮቹ መታረድ ሰበቡ…
  • በኢትዮጵያ ተከፍተው የነበሩ ሁለት የአህያ ቄራዎች ቢዘጉም፣ ኬንያ ውስጥ በኢትዮጵያ ድንበር አካባቢ የተከፈቱ አራት የአህያ ቄራዎች ግን የኢትዮጵያ አህዮችንም ሰለባ አድርገዋል ተብሏል

አህዮች ከዚህ ሃገር የውጣ ውረድና የድህነት ሕይወት አብረው የተካፈሉ፤ ችግር አቃላዮች ሆነው ቆይተዋል፡፡በጦርነትና በሰላም ጊዜ የአህዮችን ጉልበት የማይፈልግ እንቅስቃሴ አልነበረም፡፡ በገጠር አሁንም ያለአህያ ጉልበት የአርሶ አደሩ እንቅስቃሴ የተሳካ አይሆንም፡፡ የሃገራችን አህዮች፣ አዲስ አበባን የመሳሰሉትን ከተሞች የገነቡና በቅርቡ ከኤርትራ ጋር እስከተደረገው ጦርነት ድረስ ስንቅና ትጥቅ ያጓጓዙ ምርት የሚጭኑ አጋር ሆነው ቆይተዋል፡፡አሁን ግን ህልውናቸው ፈተና ላይ ወድቋል፡፡ ትዕግስት ዘሪሁን በአህያ ላይ የመጣውን ፈተና አጠያይቃለች

አስተያየት ይፃፉ (0 አስተያየት)

ጥቅምት 21፣2012/ ትዕግስትና ሆደ ሰፊነት ከማያባራ የጭካኔ ድርጊት ጋር እንዴት ይታረቃል?

ኢትዮጵያውያን የአብሮ መኖር ልኬታቸውን ረጅም ዘመን ይቆጥሩበታል፡፡ ግድያና ክፉ ስራዎችን አጥብቀው በሚከለክሉ እምነቶች ተከታዮች መሆናቸውም ለረጅም ጊዜ ይጠቀሳል፡፡ ግን አሁን የሚታየውና የሚሰማው እዚህ ሃገር ይፈፀማል ተብሎ የማይታሰብ የማይገመትም ነበር፡፡አብሮ የኖሩ፣ ክፉ ደግ ያሳለፉ ዜጎች በድንጋይ እየተወገሩ፣ በበትር እየተቀጠቀጡ መሞታቸውን መረጃዎች አመልክተዋል፡፡ግጭቶች ከመፈጠራቸው ይባስ አፈፃፀማቸው አስደንጋጭ ሆኗል፡፡ ይኽን መሰል አሰቃቂ ድርጊት ሲፈፀም ሃይ የሚል አካል ቶሎ አለመድረሱ የወደፊቱንም ጊዜ አስጊ አድርጎታል፡፡ ስለዚህ ህዝቡ መንግስትንም እየጠየቀ ነው፡፡ ንጋቱ ሙሉ፣ ትዕግስትና ሆደ ሰፊነት ከማያባራ የጭካኔ ድርጊት ጋር እንዴት ይታረቃል? ሲል ባለሞያ ጠይቋል፡፡

አስተያየት ይፃፉ (0 አስተያየት)

ጥቅምት 21፣2012/ በመተከል ዞን በተፈናቃይ ሰዎች ስም ድጋፍ የሚጠይቁ አሉ ተባለ

በመተከል ዞን በተፈናቃይ ሰዎች ስም ድጋፍ የሚጠይቁ አሉ ተባለ፡፡



ወንድሙ ሀይሉ
አስተያየት ይፃፉ (0 አስተያየት)

ጥቅምት 21፣ 2012/ በአዲስ አበባ ባለቤት አልባ ውሾች ከእንግዲህ በኋላ አይገደሉም ተባለ

በከተማዋ ከ300 ሺ በላይ ባለቤት አልባ ውሾች እንዳሉ ተነግሯል፡፡ ክትባት በመስጠት ተንከባካቢ እንዲኖራቸው ለማድረግ እየተሰራ ነው ተባለ፡፡


ምህረት ስዩም
አስተያየት ይፃፉ (0 አስተያየት)

ጥቅምት 21፣ 2012/ ለጠየቋቸው መገናኛ ብዙሃን ሁሉ በአስረጅነት የሚታወቁት የአዲስ አበባ ዩኒቨርስቲ የፖለቲካ ሳይንስና ዓለም አቀፍ ግንኙነት መምህር የነበሩት ዶ/ር ታፈሰ ኦሊቃ ከዚህ አለም በሞት ተለዩ

ለጠየቋቸው መገናኛ ብዙሃን ሁሉ በአስረጅነት የሚታወቁት የአዲስ አበባ ዩኒቨርስቲ የፖለቲካ ሳይንስና ዓለም አቀፍ ግንኙነት መምህር የነበሩት ዶ/ር ታፈሰ ኦሊቃ ከዚህ አለም በሞት ተለዩ፡፡



ሕይወት ፍሬስብሃት
አስተያየት ይፃፉ (0 አስተያየት)

ጥቅምት 21፣ 2012/ ጠቅላይ ሚኒስትር ዐቢይ አህመድ ከአሜሪካው ውጪ ጉዳይ ሚኒስትር ማይክ ፖምፒዮ ጋር መወያየታቸው ተሰማ

ጠቅላይ ሚኒስትሩ እና የውጪ ጉዳይ ሚኒስትሩ የተወያዩት በስልክ መሆኑን ሰምተናል፡፡የውይይቱ ርዕሰ ጉዳይም የሁለቱ አገራት ግንኙነትና የደቡብ ሱዳን የሰላም ስምምነት ላይ ያተኮረ መሆኑን የአሜሪካ የውጪ ጉዳይ መስሪያ ቤት አስታውቋል፡፡ጠቅላይ ሚኒስትር ዐቢይ አህመድ የዘንድሮው የኖቤል የሰላም ሎሬት ሆነው በመመረጣቸው የተሰማቸውን ደስታም እንደገለፁላቸውም ተናግረዋል፡፡

ንጋቱ ሙሉ
አስተያየት ይፃፉ (0 አስተያየት)

ጥቅምት 21፣ 2012/ በአራዳ ክፍለ ከተማ ባዕታ አካባቢ የሚገኝ 200 ሚሊ ሜትር መጠን ያለው የውሃ ማስተላለፊያ ከባድ መስመር በመሰበሩ ውሃ እንደሌለ ተሰምቷል

የከባድ መስመሩ በመሰበሩ ምክንያት ቅድስት ስላሴ መንፈሳዊ ኮሌጅ፣ 4 ኪሎ፣ ወወክማ፣ ኢህአዴግ ፅ/ቤት፣ ቤተ መንግስት አካባቢ ውሃ አለመኖሩን የአዲስ አበባ ውሃና ፍሳሽ ባለስልጣን ተናግሯል፡፡ስብራቱ አሁን ተጠግኗል ቢባልም፣ ወደ መስመሩ የሚገባው ውሃ እስኪጠራቀም ተጨማሪ ቀን ያስፈልጋል ተብሏል፡፡በተመሳሳይ በፈረቃቸው መሰረት በሳምንት 2 ቀን ውሃ ያገኙ የነበሩ ልደታ ፍ/ቤት፣ ባልቻ ሆስፒታል፣ መልሶ ማልማት፣ ልደታ ኮንዶሚኒየም፣ አብነት ቀበሌ 36 ና 37 በኤሌክትሪክ መጥፋት ምክንያት ውሃ ሊያገኙ ባለመቻላቸው ባለስልጣኑ ውሃ በቦቴ ለማመላለስ ተገድዷል፡፡

ሕይወት ፍሬስብሃት
አስተያየት ይፃፉ (0 አስተያየት)

ጥቅምት 21፣2012/ ኢትዮጵያና ኤርትራ በኢኖቬሽንና ቴክኖሎጂ ዘርፎች አብረው ለመስራት መስማማታቸውን ተናገሩ

የኢኖቬሽንና ቴክኖሎጂ ሚኒስትር ዶ/ር ኢንጅነር ጌታሁን መኩሪያ እና በኢትዮጵያ የኤርትራ አምባሳደር ሰመረ ርዕሶም በጉዳዩ ዙሪያ መወያየታቸውን ሰምተናል፡፡ሚኒስትሩና አምባሳደሩ፣ ኢትዮጵያ በሆስፒታሎቿ ውስጥ እየዘረጋች ያለችውን ዘመናዊ የህክምና አስተዳደር ሥርዓት በኤርትራ ሆስፒታሎችም ለመተግበር በሚያስችል ሁኔታ ላይ መወያየታቸው ተነግሯል፡፡

ወሬውን እወቁት ያለው የኢኖቬሽንና ቴክኖሎጂ ሚኒስቴር በኢትዮጵያ በኢኖቬሽንና ቴክኖሎጂ ዘርፍ የሚሰሩ ኩባንያዎችና ባለሙያዎች በኤርትራም እንዲሰሩና ስልጠናም እንዲሰጡ የሚያስችል ውይይትም ተደርጓል ብሏል፡፡የኢኖቬሽንና ቴክኖሎጂ ሚኒስቴር በጥቁር አንበሳ ሆስፒታል፣ በልብ ህክምና ዘርፍ፣ ዘመናዊ የህክምና አስተዳደር ሥርዓት ማዕከል መዘርጋቱን ሚኒስቴር መስሪያ ቤቱ አስታውሷል፡፡

ንጋቱ ሙሉ

አስተያየት ይፃፉ (0 አስተያየት)

ጥቅምት 21፣ 2012/ በጤና ተቋማት ላይ በንፅህና ጉድለት የሚፈጠር ኢንፌክሽንን ለመከላከል የተዘጋጀው መመሪያ

በጤና ተቋማት ላይ በንፅህና ጉድለት የሚፈጠር ኢንፌክሽንን ለመከላከል የተዘጋጀው መመሪያ በተለይ የታካሚዎች ደህንነት ላይ እንዲያተኩር የተደረገ ነው ተባለ፡፡
  • በመመሪያው መሰረት ቀዶ ህክምና የሚደረግለት ሰው ከመደረጉ በፊት የቅደመ መከላከያ መድሃኒቶች መውሰድ አለበት፡፡

ምህረት ስዩም
አስተያየት ይፃፉ (0 አስተያየት)

ጥቅምት 21፣ 2012/ በሀገር ቅርስነት የተመዘገበው፣ አርመኖች ጥንት በ1897 ያነፁት የሰባ ደረጃ የUN Habitat የእውቅና ወረቀት ሰጠው ተባለ

በእድሜ ብዛት ድንጋዩ የተበላው፣ ጎርፍ የጎዳው፣ አፈር የሞላው ሰባ ደረጃ እድሳት ተደርጎለት ማለፊያ መሆኑንም ሰምተናል፡፡የግንቡ ዳር እና ዳር ያለው የካብ ድንጋይም ትልቅ አደጋ ገጥሞት እንደነበረ የባህልና ቱሪዝም ቢሮ ከፍተኛ የቅርስ ተመራማሪ መምህር መክብብ ገ/ማርያም ወሬውን ለሸገር ነግረዋል፡፡ይህ ሁሉ ተስተካክሎ የተጎዱት የድንጋይ ንጣፎችም መቀየራቸውን ሰምተናል፡፡ጎርፍ ይሄድበት የነበረውንም የ70 ደረጃ አሁን መውረጃ እንደተበጀለትም መምህር መክብብ ነግረውናል፡፡

ቅርሱን ለማሳደስም ከ5 ሚሊየን ብር በላይ መፍጀቱን አውቀናል፡፡ሰባ ደረጃ ከታላቁ ቤተ መንግስት፣ ራስ መኮንን ድልድይ እስከ አፍንጮ በር፤ ከፒያሳ፣ አራት ኪሎ፣ ከራስ መኮንን ድልድይ በላይ በኩል 6 ኪሎ እንደሚያሳልፍም ይታወቃል፡፡በ1897 አርመኖች ያነፁት ሰባ ደረጃ ከዩኤን ሃቢታት እውቅና ባለፈ ከ440 ቅርሶች መካከል በአዲስ አበባ እንደተመዘገበም ሰምተናል፡፡

ተህቦ ንጉሤ
አስተያየት ይፃፉ (0 አስተያየት)

ጥቅምት 21፣ 2012/ ኢትዮቴሌኮም የወሰዱትን አገልግሎት ያልከፈሉ የመንግስትም ሆነ የግል ተቋማትን አገልግሎት አቋርጬ ያለባቸውን እዳ እየተቀበልኩ ነው ብሏል

ኢትዮ ቴሌኮም በተለያየ ጊዜ የወሰዱትን አገልግሎት ያልከፈሉ የመንግስትም ሆነ የግል ተቋማትን አገልግሎት አቋርጬ ያለባቸውን እዳ እየተቀበልኩ ነው ብሏል፡፡
  • ቀድሞ በኢትዮ ቴሌኮም ስር አገልግሎት እየወሰዱ ነገር ግን ያልተመዘገቡ ተቋሞችም እንደነበሩ ተሰምቷል፡፡

ተህቦ ንጉሴ
አስተያየት ይፃፉ (0 አስተያየት)
Sheger 102.1 AudioNow Numbers