• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 21፣ 2012/ 16ኛ ታማሚ የ24 ዓመት ኢትዮጵያዊት ስትሆን የውጭ ሐገር የጉዞ ታሪክ የሌላት እንዲሁም በበሽታ መያዙ ከተረጋገጠ ሰው ጋር ንክኪ ያልነበራት በመሆኑ በድጋሚ ሦስት ጊዜ በተደረገላት የላብራቶሪ ምርመራ ሦስቱም ውጤት ኔጌቲቭ በመሆኑ

የኮሮና ቫይረስ በሽታ (ኮቪድ-19)ን አስመልክቶ የጤና ሚኒስቴር አሁን ባወጣው መረጃ የኢትዮጵያ የሕብረተሰብ ጤና ኢንስቲትዩት በተለያዩ ሆስፒታሎች በተኝቶ ማከሚያ ውስጥ ያሉ የከፍተኛ አጣዳፊ የመተንፈሻ አካል በሽታ ካለባቸው ሰዎች ላይ ናሙና በመውሰድ የኮሮና ቫይረስ ምርመራ እያደረገ እንደሚገኝ ተገልጽዋል፡፡

በመሆኑም፣
- ከዚሁ ጋር በተያያዘ ከቅዱስ ጴጥሮስ ሆስፒታል ከተወሰደ ናሙና ውስጥ አንዲት ታካሚ ላይ የኮሮና ቫይረስ እንደተገኘባት በመጀመሪያ የላብራቶሪ ምርመራ በመታወቁ ለሕብረተሰቡ መጋቢት 18፣ 2012 በተሰጠው መግለጫ ማሳወቃችን ይታወቃል ይላል መግለጫው፡፡
- ይህች 16ኛ ታማሚ የ24 ዓመት ኢትዮጵያዊት ስትሆን የውጭ ሐገር የጉዞ ታሪክ የሌላት እንዲሁም በበሽታ መያዙ ከተረጋገጠ ሰው ጋር ንክኪ ያልነበራት በመሆኑ በድጋሚ ሦስት ጊዜ በተደረገላት የላብራቶሪ ምርመራ ሦስቱም ውጤት ኔጌቲቭ በመሆኑ በቫይረሱ አለመያዟን ማረጋገጥ ተችሏል፡፡

- ይሁንና ታማሚዋ የቆየ ተጓዳኝ የጤና ችግር ያለባት በመሆኑ የሕክምና ክትትል እየተደረገላት ይገኛል፡፡
- ለታማሚዋ የሕክምና ክትትል ሲያደርጉላት የነበሩ የሆስፒታሉ ሰራተኞች እና ሌሎች ከእነርሱ ጋር ግንኙነት የነበራቸው በድምሩ 24 ሰራተኞች ለጥንቃቄ ሲባል በተዘጋጀው ለይቶ ማቆያ ውስጥ ክትትል እየተደረገላቸው እንዲቆዩ የተደረገ ሲሆን በሚቀጥሉት ቀናት ወደ ሥራ ገበታቸውና ቤተቦቻቸው የሚመለሱ ይሆናል ይላል መግለጫው፡፡
አስተያየት ይፃፉ (0 አስተያየት)

መጋቢት 21፣ 2012/ የእስራኤሉ ጠቅላይ ሚኒስትር ቤኒያሚን ኔታንያሁ በኮሮና ቫይረስ ምክንያት በለይቶ መቆያ መወሰናቸው ተሰማ

ኔታንያሁ በለይቶ መቆያ የተወሰኑት የቅርብ አማካሪያቸው በኮሮና ቫይረስ መያዛቸው በምርመራ ከተረጋገጠ በኋላ እንደሆነ ታይምስ ኦፍ ኢዝራኤል ፅፏል፡፡ከምናልባትም በላይ ጠቅላይ ሚኒስትር ኔታንያሁንም ቫይረሱ ሳያገኛቸው አልቀረም ተብሏል፡፡የኔታንያሁ አማካሪ ባለቤትም በቫይረሱ መያዛቸው ታውቋል፡፡

ኔታንያሁ ለ14 ቀናት ራሳቸውን ለይተው እንደሚሰነብቱ ተነግሯል፡፡በእስራኤል እስከ ትናንት በስቲያ ምሽት 4 ሺ 247 ሰዎች በኮሮና ቫይረስ መጠቃታቸው እንደተመዘገበ መረጃው አስታውሷል፡፡15 ሰዎች ደግሞ በኮሮና ቫይረስ ምክንያት ሞተዋል ተብሏል፡፡
አስተያየት ይፃፉ (0 አስተያየት)

መጋቢት 21፣ 2012/ በጀርመን የአንዲት ግዛት የገንዘብ ሚኒስትር የነበሩት ቶማስ ሸፈር ራሳቸውን አጠፉ

የገንዘብ ሚኒስትሩ ራሳቸውን ያጠፉት የኮሮና ቫይረስ ባመጣው ጣጣ ነው ተብሏል።ሹሙ የሀገራቸው ኢኮኖሚ በኮሮና ቫይረስ ምክንያት በመፈተኑ ነው ህይወታቸውን ያጠፉት።ቶማስ ሸፈር በኮሮና ቫይረስ ምክንያት የሀገራቸው ኢኮኖሚ ካጋጠመው ቀውስ እንዴት ሊወጣ ይችል ይሆን በሚል በተደጋጋሚ ሲያብሰለስሉ እንደነበር የወሬ ምንጩ ፅፏል።

የገንዘብ ሚኒስትሩ ህይወታቸውን አጥፍተው የተገኙት በጀርመን በአንድ ባቡር ጣቢያ አቅራቢያ ነው ሲል ኒዎርክ ፖስት ፅፏል።የጀርመን ዌስባደን ግዛት አቃብያነ ሕግ የገንዘብ ሚኒስትሩ ራሳቸውን እንዳጠፉ ተናግረዋል፡፡

ተህቦ ንጉሤ
አስተያየት ይፃፉ (0 አስተያየት)

የሸገር ልዩ ወሬ/ ኮሮና ገቢውን ያሳጣው የጎዳናው ሰዓሊ ኮሮና ላይ ተነስቷል

ተወልዶ ካደገባት ወልዲያ በተማረው የቤተ ክህነት ትምህርት ሊያገለግል ወደ አዲስ አበባ የመጣው ዮሐንስ ፍፁም ያሰበው አልሳካልህ ቢለው ተስጥኦውን ተጠቅሞ የጎዳና ዳር ሰዓሊ ወጣው…ጎዳና ላይ ሲስል ሰዉ መሰብሰቡ ያላስደሰታቸው ፀጥታ አስከባሪዎች ከአንዱ የአዲስ አበባ አካባቢ ወደ ሌላው ሲያባርሩት ከርመው የሸገር ልዩ ወሬ አዘጋጁ ወንድሙ ኃይሉ ሲያገኘው አራት ኪሎ ደርሷል፡፡

አሁን ደግሞ ሌላ ባላንጣ መጥቶብኛል ይላል ዮሐንስ - ኮሮና፡፡ በዚህ ወረርሽኝ ሳቢያ ሰዉም መምጣት አቆመ - የስዕል ሽያጭ ገቢውም ቀነሰ…እሱ ግን እጅ አልሰጠም - እዛው ጎዳና ላይ የኮሮናን ስዕል እየሳለ አላፊ አግዳሚውን ያስጠነቅቃል…ሙሉውን ያዳምጡ…
አስተያየት ይፃፉ (0 አስተያየት)

መጋቢት 21፣ 2012/ ሕዝቡ ከኮሮና ቫይረስ ራሱን ለመጠበቅ በቂ ርቀት እንዲጠብቅ ተደጋግሞ ቢነገርም ይህን በትራንስፖርቱ ዘርፍ ማሳካት እያዳገተ ነው

ሕዝቡ ከኮሮና ቫይረስ ራሱን ለመጠበቅ በቂ ርቀት እንዲጠብቅ ተደጋግሞ ቢነገርም ይህን በትራንስፖርቱ ዘርፍ ማሳካት እያዳገተ ነው፡፡
ወንድሙ ሀይሉ
አስተያየት ይፃፉ (0 አስተያየት)

መጋቢት 21፣ 2012/ የኮሮና ቫይረስ ዋነኛ መተላለፊያ ከሆነው ትንፋሽ በተጨማሪ ቫይረሱ ከሆድ እቃ በሚወጡ ፈሳሾች ውስጥ መገኘቱን የጤና ባለሙያዎች ይናገራሉ

የኮሮና ቫይረስ ዋነኛ መተላለፊያ ከሆነው ትንፋሽ በተጨማሪ ቫይረሱ ከሆድ እቃ በሚወጡ ፈሳሾች ውስጥ መገኘቱን የጤና ባለሙያዎች ይናገራሉ፡፡ ስለዚህ ምን አይነት ጥንቃቄ እናድርግ?
ምህረት ስዩም
አስተያየት ይፃፉ (0 አስተያየት)

መጋቢት 21፣ 2012/ ባለፋት 24 ሰዓታት ለ66 ሰዎች የላብራቶሪ ምርመራ ተደርጓል

ባለፋት 24 ሰዓታት ለ66 ሰዎች የላብራቶሪ ምርመራ ተደርጓል። መሉ መግለጫ ከጤና ሚንስትር
አስተያየት ይፃፉ (0 አስተያየት)

መጋቢት 21፣ 2012/ የአስም ህሙማን ከኮሮና እንዲጠበቁ የተለየ አገልግሎት ሊያገኙ ይገባል ተባለ

የአስም ህሙማን ከኮሮና እንዲጠበቁ የተለየ አገልግሎት ሊያገኙ ይገባል ተባለ፡፡
ወንድሙ ኃይሉ
አስተያየት ይፃፉ (0 አስተያየት)

መጋቢት 21፣ 2012/ የዓለም የጤና ድርጅት ዳይሬክተር ጀነራል ዶ/ር ቴዎድሮስ አድሃኖም በዚህ አስቸጋሪ ወቅት እንዲህ አድርጉ ሲሉ መልእክት አስተላልፈዋል

የዓለማችን ከአንድ አራተኛ ሕዝብ በላይ ባለህበት እርጋ በተባለበት በአሁኑ ወቅት በኢትዮጵያ የተለያዩ አካባቢዎች የጉዞ እገዳዎች እየተጣሉ ነው፡፡የዓለም የጤና ድርጅት ዳይሬክተር ጀነራል ዶ/ር ቴዎድሮስ አድሃኖም በዚህ አስቸጋሪ ወቅት እንዲህ አድርጉ ሲሉ መልእክት አስተላልፈዋል፡፡ ንጋቱ ሙሉ የዳይሬክተር ጀነራሉን መልዕክት ያቀርባል፡፡

አስተያየት ይፃፉ (0 አስተያየት)

መጋቢት 21፣ 2012/ በደቡብ ክልል የኮሮና ቫይረስ ወረርሽኝን ለመከላከል ሲባል የህዝብ ትራንስፖርት አገልግሎት እንዲቋረጥ ተወሰነ

ክልሉ ከዛሬ 6 ሰዓት ጀምሮ አዲስ አበባን ጨምሮ ከሁሉም የአገሪቱ ክልሎች እንዲሁም በደቡብ ክልል ውስጥ በሚገኙ ዞኖች የሚደረግ የህዝብ ትራንስፖርት አገልግሎት ስምሪት እንዲቋረጥ ወስኗል፡፡በክልሉ የተቋቋመው የኮሮና ወረርሽኝ መቆጣጠሪያና መከላከያ ግብረ ሀይል በሰጠው መግለጫ፣ ከፍተኛ አገር አቋራጭ ትራንስፖርትና ከክልል ወደ ክልል የሚደረግ አነስተኛና መለስተኛ የሕዝብ ትራንስፖርት ስምሪት ላልተወሰነ ጊዜ መቋረጡን የደቡብ ክልል ኮሚዩኒኬሽን ጉዳዮች ቢሮ ተናግሯል፡፡

ምህረት ሥዩም
አስተያየት ይፃፉ (0 አስተያየት)

መጋቢት 21፣ 2012/ በአዲስ አበባ ከባለፈው ሳምንት መገባደጃ አንስቶ በተለያዩ የነዳጅ ማደያ እና መሸጫዎች ረጃጅም ሰልፎችን ሸገር ተመልክቷል

አብዛኛዎቹ የከተማው ነዳጅ ማደያዎችም አቅርቦታቸውን አጠናቅቀው አይተናል፡፡በአዲስ አበባ ከተማ የተፈጠረው የነዳጅ እጥረት ነው ወይስ ትክክል ያልሆነ አሰራር ነው ብለን የሚመለከታቸውን ጠይቀናል፡፡ቅድሚያ በአዲስ አበባ ንግድ ቢሮ የንግድ ኢንስፔክሽን እና ሬጉላቶሪ ዳይሬክተሩን አቶ አባይነህ አወልን ጠይቀናል፡፡

ቢሮው የተፈጠረውን ችግር አይተናል የሰውም ፍላጎት ጨምሯል ብሏል፡፡ከዚህ ጋርም በተያያዘ በአስሩም ክፍለ ከተማ የተፈጠረውን ችግር የሚያጣሩ ባለሞያዎች መላኩን ቢሮው ለሸገር ነግሯል፡፡በነዳጅ ማደያዎች የተፈጠረውን እጥረት በተመለከተ ያገኘነውን መረጃ ይዘን መልሰን እንነግራችኋለን ብለዋል፡፡ሸገር በከተማው የተመለከተውን አስመልክቶ የኢትዮጵያ ነዳጅ ድርጅትን ለማግኘት ያደረገው ሙከራ አልተሳካም፡፡

ተህቦ ንጉሤ
አስተያየት ይፃፉ (0 አስተያየት)
Sheger 102.1 AudioNow Numbers