• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ነሐሴ 29፣ 2011/ የዘንድሮው የከፍተኛ ትምህርት መግቢያ፣ በተፈጥሮ ሳይንስ እና በማህበራዊ ሳይንስ የትምህርት መስኮች ለእያንዳንዳቸው በአራት የትምህርት ዓይነቶች ብቻ መሆኑ ተነገረ

በዚህ መሰረት ለዩኒቨርስቲ መግቢያ ውጤት የሚያስገባቸው የትምህርት ዓይነቶች በመጀመሪያዎቹ ሁለት ቀናት በተሰጡት ፈተናዎች መሆኑ ዛሬ ይፋ ሆኗል፡፡ወደ ዩኒቨርስቲ መግቢያ ውጤቱን የሚወስኑት የእንግሊዝኛ፣ የሒሳብ፣ የጂኦግራፊ፣ የፊዝክስና አፕቲትዩድ ፈተና ውጤቶች ናቸው፡፡ይኸ የተነገረው የትምህርት ሚኒስቴር የበላይ ኃላፊዎችና የስድስት ክልል የትምህርት ቢሮ ኃላፊዎች በጋራ በሰጡት መግለጫ ነው፡፡በዚህ መሰረት በተፈጥሮ ሳይንስ እና በማህበራዊ ሳይንስ የትምህርት መስኮች ለእያንዳንዳቸው የአራት የትምህርት ዓይነት ውጤቶች ይያዝላቸዋል፡፡

ከዚህ ውሳኔ የተደረሰው ሰኔ 9 እና 10 ቀን 2011 ዓ/ም የተሰጡ ፈተናዎች የጋሸበ ውጤት ስለተገኘበት ነው መባሉን ሰምተናል፡፡በፈተናዎቹ ከሚጠበቀው በላይ ውጤት የተመዘገበ ስለመሆኑ ባለፉት አምስት አመታት ከነበሩት ተመሳሳይ የትምህርት ዓይነቶች ውጤት ጋር ተመሳክሮ መረጋገጡ ተነግሯል፡፡በተጨማሪ ሰኔ 5 እና 6 ከተሰጡት የፈተና ዓይነቶች ውጤት ጋር ሲመሳከር ልዩነቱ ከፍተኛ ነው ተብሏል፡፡ከመግለጫው እንደሰማነው ከሆነ በተላለፈው ውሳኔ ከጋምቤላ ክልል በቀር ሁሉም ተስማምተውበታል፡፡የጋምቤላ ክልልም ቢሆን በኔትወርክ ችግር ምክንያት ባይገኝም የተለየ አቋም ይኖረዋል የሚል ግምት እንደሌላቸው የትምህርት ሚኒስትሩ ዶ/ር ጥላዬ ጌቴ ተናግረዋል፡፡

በትምህርት ሚኒስቴር በኩል የተነገረው ውሳኔ በጠቅላይ ሚኒስትሩ ቢሮ፣ የትምህርት ሚኒስቴር፣ የክልል ርዕሰ መስተዳድሮች እና የክልል ትምህርት ቢሮ ሀላፊዎች በተገኙበት ስምምነት ተደርጎበት ነው ተብሏል፡፡ የፈተና ውጤታቸው እንዲሰረዙ የተወሰነባቸው የትምህርት ዓይነቶች ላይ የተፈጠረውን ችግር የሚያጠና ኮሚቴ መቋቋሙንም ሰምተናል፡፡ኮሚቴው ተጠሪነቱ ለጠቅላይ ሚኒስትሩ ነው ተብሏል፡፡

ኮሚቴው ከጠቅላይ ሚኒስትር ፅ/ቤት፣ ከፌደራል ዐቃቤ ህግ እንዲሁም ከትምህርት ሚኒስቴር የተወጣጡ ተወካዮችን ያካተተ ነው፡፡ ኮሚቴውን በሰብሳቢነት እንዲመሩ የደቡብ ክልል ትምህርት ቢሮ ሀላፊ ዶ/ር ጌታሁን ጋረደው ተመርጠዋል፡፡ ኮሚቴው በየደረጃው ያሉ የችግሩ ፈጣሪዎችን በመለየት የውሳኔ ሀሳብ የማቅረብ ሀላፊነት ተጥሎበታል፡፡ የ12ኛ ክፍል ተማሪዎች የዩኒቨርስቲ መግቢያ ነጥብም በቅርብ ቀናት ይነገራል ተብሏል፡፡ በአገሪቱ የተለያዩ አካባቢዎች በተከሰቱ ችግሮች ትምህርታቸውን በአግባቡ ላልተከታተሉ ተማሪዎች በተለየ መልኩ እንደሚታይላቸው በመግለጫው ተጠቅሷል፡፡

በየነ ወልዴ
አስተያየት ይፃፉ (0 አስተያየት)

ነሐሴ 29፣ 2011/ “ስጦታዬ ለአዲስ አበባዬ” መርሃ ግብር ውጤታማ ሆኖልኛል ሲል የአዲስ አበባ ከተማ አስተዳደር ተናገረ

“ስጦታዬ ለአዲስ አበባዬ” መርሃ ግብር ውጤታማ ሆኖልኛል ሲል የአዲስ አበባ ከተማ አስተዳደር ተናገረ፡፡ መርሃ ግብሩ ጳጉሜ ስድስት ድረስ ይቀጥላልና በኤግዚቢሽን በሚኖራችሁ ቆይታ የትምህርት ቁሶችና ሌሎች እገዛዎቻችሁን አድርጉ ሲል ጠይቋል፡፡



አስፋው ስለሺ
አስተያየት ይፃፉ (0 አስተያየት)

ነሐሴ 29፣2011/ ኢትዮጵያ ተግባራዊ የምታደርገው ሥርዓተ ትምህርት በሚመለከታቸው አካላት በቂ ውይይት ሊደረግበት እንደሚገባ ተጠቆመ

በተለይም መምህራን ርዕሰ ጉዳዩን አውቀው ሀሳባቸውን የሚያሰሙበት መንገድ መመቻቸትም አለበት ተብሏል፡፡ትምህርት ሚኒስቴር አገር አቀፍ የአጠቃላይ ትምህርት ማጠቃለያ ጥናት ላይ ምክክር እያካሄደ ነው፡፡ በምክክር ጉባኤው የአጠቃላይ ትምህርት ሥርዓተ ትምህርት ላይ የተደረገ ጥናት ቀርቦ ውይይት ይደረግበታል፡፡በትምህርት ዘርፉ ላይ ሳንካዎችን ለመለየት የተካሄደውን የሥርዓተ ትምህርት ጥናት ዩኒሴፍ በገንዘብ ደግፎታል ተብሏል፡፡ጥናቱ አሁን ያለው ሥርዓተ ትምህርት ያሉትን ጠንካራ ጎኖችንና ያሉበትን ደካማ ጎኖችን የለየ ነው መባሉን ሰምተናል፡፡

ጥናቱን ያካሄደው ኬንብሪጅ ኢንተርናሽናል የተባለ አማካሪ ድርጅት ነው፡፡በመሆኑም በጥናቱ የተለየቱ ግኝቶችና የተጠቆሙት የማሻሻያ ሀሳቦች ሙያዊና ከፖለቲካ ተፅእኖ ነፃ መሆናቸውን ሲነገር ሰምተናል፡፡ለማሻሻያነት ከተጠቆሙት ነጥቦች መካከል አዲሱ ሥርዓተ ትምህርት ለሀገር በቀል እውቀቶችና ለቴክኖሎጂ ትኩረት መስጠት አለበት የሚሉት ይገኙበታል፡፡ባለፈው አንድ አመት የተደረገው የዳሰሳ ጥናት በየደረጃው ባሉ ሁሉም የትምህርት ዓይነቶች ላይ ያሉ ችግሮች የተለዩበት መሆኑ ተነግሯል፡፡በሥርዓተ ትምህርት ማጠቃለያ ጥናት ጉባኤ ላይ የሃይማኖት ተወካዮች፣ የፌደራልና የክልሎች የትምህርት ባለሙያዎች እንዲሁም የዩኒቨርስቲ መምህራንና የዩኒሴፍ ተወካዮች ተገኝተዋል፡፡በውይይቱ የሚነሱ ሀሳቦች ለአዲሱ ሥርዓተ ትምህርት ዝግጅት ጠቀሜታቸው የጎላ ነው ተብሏል፡፡አዲሱ ሥርዓተ ትምህርት ከ2013 ዓ/ም ጀምሮም ተግባራዊ ይደረጋል ተብሎ ይጠበቃል፡፡

በየነ ወልዴ
አስተያየት ይፃፉ (0 አስተያየት)

ነሐሴ 29፣2011/ የኢትዮጵያ የውጪ ጉዳይ መስሪያ ቤት በደቡብ አፍሪካ በኢትዮጵያውያን እና በሌሎች የውጪ ሀገር ዜጎች ላይ የሚደርሰውን ጥቃት ዛሬ ተቃወመ

የሚኒስትር መስሪያ ቤቱ ቃል አቀባይ ነቢያት ጌታቸው ለሸገር እንደተናገሩት ኢትዮጵያውያንና ሌሎች ዜጎችን ማዕከል ያደረገውን ጥቃት የሚኒስቴር መስሪያ ቤታቸው በመቃወም ድምፁን አሰምቷል፡፡በደቡብ አፍሪካ የውጪ ሀገር ዜጎችን ዒላማ ያደረገው ጥቃት ሀብትና ንብረትን እየነጠቀ አካልንም ለጉዳት እያደረገ ነው ተብሏል፡፡የአፍሪካ ህብረት ሊቀመንበር ሙሳ ፋቂ ድርጊቱን በመቃወም ቀደም ብለው መግለጫ መስጠታቸው ታውቋል፡፡የደቡብ አፍሪካው ፕሬዝዳንት ሲሪል ራማፎዛ የውጪ ሀገር ዜጎችን ዒላማ በማድረግ በሀብትና ንብረታቸው እንዲሁም አካላቸውም ላይ ጉዳት ያደረሱ የሀገራቸውን ሰዎች ወደ ህግ ለማቅረብ ወስኛለሁ ማለታቸውንም የውጪ ጉዳይ መስሪያ ቤቱ በመግለጫው መልካም ነገር ነው ብሎታል፡፡

ኢትዮጵያዊያን ላይ የደረሰውንና የሚደርሰውን ጥቃት ዒላማ ለመከላከል በፕሪቶሪያ የሚገኘው የኢትዮጵያ ኤምባሲ ከሀገሪቱ ባለስልጣናት እና ከኢትዮጵያውያን ጋር በመሆን እየሰራ ነው መባሉንም ከውጪ ጉዳይ መስሪያ ቤቱ ቃል አቀባይ ሰምተናል፡፡ከወር ገደማ በፊት በደቡብ አፍሪካ በአንድ የገበያ ስፍራ በሚሰሩ ኢትዮጵያውያን እና ሌሎቹ የውጪ ሀገር ሰዎች ላይ የፀጥታ አስከባሪዎች በጅምላ የእስር እርምጃ መውሰዳቸውንና በወቅቱም ከ150 የሚበልጡ ህጋዊ የመኖሪያ ፈቃድ ያላቸው ኢትዮጵያውያን ተይዘው መታሰራቸው መነገሩ ይታወሳል፡፡የኢፌድሪ ፕሬዝዳንት ሳሕለወርቅ ዘውዴ በአለም ኢኮኖሚክ ፎርም ጉባኤ ላይ ለመገኘት ወደ ኬፕታውን ማቅናታቸውንም ከውጪ ጉዳይ መስሪያ ቤቱ ቃል አቀባይ ሰምተናል፡፡

የኔነህ ሲሳይ
አስተያየት ይፃፉ (0 አስተያየት)

ነሐሴ 29፣ 2011/ የሀገራችንን ሰላምን በጋራ ከጠበቅን የሆቴልና ቱሪዝሙ ጥያቄ ይመለሳል ሲሉ ምክትል ጠቅላይ ሚኒስትር ደመቀ መኮንን ተናገሩ

የሀገራችንን ሰላምን በጋራ ከጠበቅን የሆቴልና ቱሪዝሙ ጥያቄ ይመለሳል ሲሉ ምክትል ጠቅላይ ሚኒስትር ደመቀ መኮንን ተናገሩ፡፡በሆቴልና ቱሪዝሙ መስክ የተሰማሩ ሁሉ የአገራችን አይኖች ናቸውና ትኩረት በመስጠት እናግዛቸዋለን ብለዋል፡፡




አስፋው ስለሺ
አስተያየት ይፃፉ (0 አስተያየት)

ነሐሴ 29፣ 2011/ አሁን ባለው ዋጋ ዳቦ ማቅረብ አባላቶቼን እየፈተነ ነው፤ ዳቦ ቤቶች ዋጋ ጨምረው ለመሸጥ የተገደዱትም የዱቄት ዋጋ በመናሩ ነው ሲል የአዲስ አበባ ዳቦ አምራቾች ማህበር ተናገረ

አሁን ባለው ዋጋ ዳቦ ማቅረብ አባላቶቼን እየፈተነ ነው፤ ዳቦ ቤቶች ዋጋ ጨምረው ለመሸጥ የተገደዱትም የዱቄት ዋጋ በመናሩ ነው ሲል የአዲስ አበባ ዳቦ አምራቾች ማህበር ተናገረ፡፡የአዲስ አበባ ንግድ ቢሮ በበኩሉ በመንግስት የድጎማ ዋጋ ዱቄት የሚያገኙ ዳቦ አምራቾች በምንም አይነት ሁኔታ ዋጋ መጨመር አይችሉም፤ ወቅቱን ያገናዘበ የዋጋ ማስተካከያ ለማድረግ ጥናት አድርጌ ለንግድና ኢንዱስትሪ ሚኒስቴር አቅርቤያለሁ ብሏል፡፡



ማህሌት ታደለ
አስተያየት ይፃፉ (0 አስተያየት)

ነሐሴ 29፣2011/ የኢትዮጵያ ኢንዱስትሪ ግብአቶች ልማት ድርጅት (ኢግልድ) ገበያውን ለማረጋጋት ዘይት የማቅረብ እቅድ አለኝ አለ

ይሁንና ይህን ለማድረግ ከዚህ ቀደም ዘይት አስመጥቼ ገንዘቡ ተመላሽ ያልተደረገልኝ ከ590 ሚሊዮን ብር በላይ ገንዘብ ሊመለስልኝ ይገባል ብሏል፡፡በኑሮ ውድነት እየተንገላታ ያለውን ዜጋ ለማገዝ ከመጭው አመት ጀምሮ ዘይት ላቀርብለት አቅጃለሁ ያለው ኢግልድ በቅድሚያ ግን ከዚህ ቀደም ዘይት አስመጥቼ ያልተከፈለኝ ገንዘብ ሊመለስልኝ ይገባል ብሏል፡፡

የኢግልድ ዋና ስራ አስፈፃሚ የሆኑት አቶ ወንዳለ ሀብታሙ እንዳሉት ከመጭው ጥቅምት ወር 2012 ዓ/ም ጀምሮ ከውጭ ዘይት በማስወጣት በተመጣጣኝ ዋጋ ለህብረተሰቡ ለማቅረብ ተወጥኗል፡፡ይሁንና የስራ ማስኬጃ ገንዘብ እጥረት ስላለብን ከ2003 እስከ 2008 ዓ/ም ላስመጣነው ዘይት ያልተከፈለን 596 ነጥብ 6 ሚሊየን ብር ሊከፈለን እንደሚገባ ገንዘብ ሚኒስቴርን ጠይቀናል ብለዋል፡፡ገንዘቡ ከተመለሰለት የኢትዮጵያ ኢንዱስትሪ ግብአቶች ልማት ድርጅት (ኢግልድ) ከመጭው ጥቅምት ወር ጀምሮ በየወሩ 30 ሚሊዮን ሊትር ዘይት ለማስገባትና በሁሉም ክልሎችና የከተማ አስተዳደሮች ለማቅረብ አቅጃለሁ ብሏል፡፡

ትዕግስት ዘሪሁን
አስተያየት ይፃፉ (0 አስተያየት)

ነሐሴ 28፣2011/ የቆዳ፣ የምግብ ማቀነባበሪያ፣ የውሃ አምራች ኢንዱስትሪውና ሌሎችም ጨውን በግብአትነት ይጠቀማሉ

የቆዳ፣ የምግብ ማቀነባበሪያ፣ የውሃ አምራች ኢንዱስትሪውና ሌሎችም ጨውን በግብአትነት ይጠቀማሉ፡፡ የአቅርቦት ሥርዓቱ መልክ ባለመያዙ ግን ኢንዱስትሪዎቹ በጨው እጥረት እየተቸገሩ ነው ተባለ፡፡



ትዕግስት ዘሪሁን
አስተያየት ይፃፉ (0 አስተያየት)

ነሐሴ 27፣ 201/ ወቅታዊው የኑሮ ውድነት ሥርዓት ባልጠበቀ የንግድ ክንውን የተከሰተ እንደሆነ የንግድና ኢንዱስትሪ ሚኒስቴር ተናገረ

ወቅታዊው የኑሮ ውድነት ሥርዓት ባልጠበቀ የንግድ ክንውን የተከሰተ እንደሆነ የንግድና ኢንዱስትሪ ሚኒስቴር ተናገረ፡፡



በየነ ወልዴ
አስተያየት ይፃፉ (0 አስተያየት)

ነሐሴ 27፣ 2011/ ከ1 ወር በፊት በድሬዳዋ ከተማ በተከሰተው የችኩንጉንያ ወረርሽኝ 20 ሺህ ያህል ሰዎች መያዛቸው ተነገረ

ከ1 ወር በፊት በድሬዳዋ ከተማ በተከሰተው የችኩንጉንያ ወረርሽኝ 20 ሺህ ያህል ሰዎች መያዛቸው ተነገረ፡፡



ምህረት ስዩም
አስተያየት ይፃፉ (0 አስተያየት)

ነሐሴ 28፣2011/ የመጀመሪያው የኢትዮጵያ የሆቴልና ቱሪዝም ኮንፍረንስ “ቱሪዝም ብሩህ ተስፋ ለኢትዮጵያ” በሚል መሪ ቃል እየተካሄደ ይገኛል

የመጀመሪያው የኢትዮጵያ የሆቴልና ቱሪዝም ኮንፍረንስ “ቱሪዝም ብሩህ ተስፋ ለኢትዮጵያ” በሚል መሪ ቃል እየተካሄደ ይገኛል፡፡



አስፋው ስለሺ
አስተያየት ይፃፉ (0 አስተያየት)
Sheger 102.1 AudioNow Numbers