• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የፓርኪንሰን ህመም እንደ ህመም ከታወቀ 2 መቶ አመት ቢሆነውም በተለይ በኢትዮጵያ ስለ ህመሙ ያለው ግንዛቤ እጅግ አናሳ ነው ተባለ

የፓርኪንሰን ህመም እንደ ህመም ከታወቀ 2 መቶ አመት ቢሆነውም በተለይ በኢትዮጵያ ስለ ህመሙ ያለው ግንዛቤ እጅግ አናሳ ነው ተባለ፡፡ይህ ሲባል የሰማነውም በኢትዮጵያ ፓርኪንሰን ህሙማን ደጋፊ ማህበር ባዘጋጀው የግንዛቤ ማስጨበጫ ጋዜጣዊ መግለጫ ላይ ተገኝተን ነው፡፡የማህበሩ መስራች ወ/ሮ ክብራ ከበደ ህመሙ እንቅስቃሴን መግታት፣ የሰውነት መንቀጥቀጥ፣ ሚዛንን መሳት፣ ሲናገሩ አፍን መያዝ የመሳሰሉት የበሽታው ባህሪያት ስለሆኑ ሀሳባችንን ፍላጎታችንን እና ህመማችንን ለሌሎች መግለጽ አልቻልንም ብለዋል፡፡

ይህን ለማህበራዊና ኢኮኖሚያዊ ችግር እየዳረገን ነው ሲሉ ተናግረዋል፡፡ማህበሩ በመንግስትም ሆነ በሌሎች ደጋፊዎች እንዲሁም በማህበረሰቡ ህመሙ እንዲታወቅና እርዳታ እንዲደረግላቸው ጥሪ አቅርበዋል፡፡በእለቱ ከጤና ጥበቃ ሚኒስቴር የተገኙት አቶ አበባው አያሌው ስለ ህመሙ ግንዛቤ እንዲኖር ያን ያክል ተሰርቷል ባንልም መንግስት ጅምር ስራዎችን እየሰራ ነው ብለዋል፡፡

እንደሌሎች ህመሞች እውቅና እንዲኖረው በደንብ መስራት አስፈላጊ መሆኑን ተናግረዋል፡፡ የመድኃኒት አቅርቦትና ስርጭት ችግር አለ ያሉት አቶ አበባው ችግሩ ዘርፈ ብዙ በመሆኑ ሁሉም ሊተባበር ይገባል ሲሉ ጥሪ አቅርበዋል፡፡ለዚህም ስለ ህመሙ ግንዛቤ ለመፍጠር የታለመ ከቴዎድሮስ አደባባይ እስከ ኢትዮ ኩባ አደባባይ የእግር ጉዞ ለሚያዝያ 6 አዘጋጅተናል ብለዋል፡፡

ማህበሩም በእስካሁኑ እንቅስቃሴው በሁሉም የመንግስት ሆስፒታሎች ቢያንስ ሁለት የሰለጠነ ሀኪም እንዲኖር አድርጌአለሁ ብሏል፡፡ወደፊትም የፓርኪንሰን ታማሚ ሆነው በኢኮኖሚ አቅማቸው ደካማ የሆኑት የእንክብካቤና የህክምና አገልግሎት የሚያገኙበት ተቋም ለመገንባት እቅድ እንዳለው ሰምተናል፡፡

ፓርኪንሰን በአብዛኛው የሚያጠቃው ከ60 አመት በላይ የሆኑ ሰዎችን ሲሆን 10 በመቶ ደግሞ ከ40 አመት በታች የሆኑ ሰዎችን ያጠቃል ተብሏል፡፡ይሄን እየባሰበት የሚሄድና መዳን የማይችለው ህመም ስያሜውን ያገኘው ጀምስ ፓርኪንሰን ከተባለ እንግሊዛዊ ሀኪም ስለ ህመሙ ጥናት ካጠና በኋላ ነው፡፡

ምስክር አወል

አስተያየት ይፃፉ (0 አስተያየት)

ከዚህ ቀደም አራት ጊዜ ልጅ ለመውለድ ሞክራ የፅንስ መጨናገፍ ያጋጠማት ወ/ሮ በአንድ ጊዜ 4 ልጆችን ተገላገለች

ከዚህ ቀደም አራት ጊዜ ልጅ ለመውለድ ሞክራ የፅንስ መጨናገፍ ያጋጠማት ወ/ሮ በአንድ ጊዜ 4 ልጆችን ተገላገለች፡፡ከትናንት በስትያ ጠዋት በቢሾፍቱ ሆስፒታል በአንድ ጊዜ አራት ልጆች የወለደችው እናት ከወለጋ ሆሮጉድሩ የመጣች ስትሆን 4 ጊዜ ፅንስ ከተጨናገፈባት በኋላ በአንድ ጊዜ 4 ልጆች ወልዳለች በማለት የነገረችን የሆስፒታሉ የነርሶች አስተባባሪ ሲስተር መስከረም አስናቀ ናት፡፡

በሲስተር መስከረም አስተርጓሚነት ሸገር በስልክ ያዋራት 4 ወንድ ልጆቹን የወለደችው እናት ወ/ሮ ሽብሬ አሰፋ ስለሁኔታው ስትናገር ከዚህ ቀደም ሶስት ጊዜ በመውደቅ እና አራተኛው በራሱ ሰዓት ፅንሱ እንደተቋረጠባት ትናገራለች፡፡

ወ/ሮ ሽብሬ በተለያየ ጊዜ በፅንስ መጨናገፍ ምክንያት ያጣቻቸውን 4 ህፃናት ምትክ በአንድ ጊዜ 4 ልጆች በመውለዴ ፈጣሪ ክሶኛል ያለች ሲሆን ከተጨናገፉባት ከ4ቱ ልጆች ሌላ ልጆች እንዳልነበሯትም ተናግራለች፡፡

ወንድሙ ኃይሉ

አስተያየት ይፃፉ (0 አስተያየት)

የፊደል ካስትሮ ነገር...

“የኩባ አብዮት አባት” ስለሚሰኙት ስለፊደል ካስትሮ እሸቴ አሰፋ በመቆያ መሰናዶው ያስደመጠንን ወደ ዩትዩብ ቻናላችን ጎራ ብላችሁ ታዳምጡ ዘንድ ጋብዘናል

አስተያየት ይፃፉ (0 አስተያየት)

የዘፈን ግጥም ደራሲው ይልማ ገብረአብ ሥራና ሕይወቱ የተዳሰሰበት

የዘፈን ግጥም ደራሲው ይልማ ገብረአብ ሥራና ሕይወቱ የተዳሰሰበትን የ“ወይ አዲስ አበባ”ን መሰናዶ እንድታዳምጡ ጋብዘናል…

አስተያየት ይፃፉ (0 አስተያየት)

ለዛ የምሳ ሰዓት መሰናዶ የካቲት 27፣2010

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

በኢትዮጵያ የሚገኙና ትልልቅ የድመት ዝርያዎች የሚባሉት እነ ነብርና አቦ ሸማኔ በህገ-ወጥ መንገድ ከአገር እንዲወጡ እየተደረገ ቁጥራቸው እየቀነሰ ነው ተባለ

በኢትዮጵያ የሚገኙና ትልልቅ የድመት ዝርያዎች የሚባሉት እነ ነብርና አቦ ሸማኔ በህገ-ወጥ መንገድ ከአገር እንዲወጡ እየተደረገ ቁጥራቸው እየቀነሰ ነው ተባለ፡፡የኢትዮጵያ የዱር እንስሳት ልማትና ጥበቃ ባለስልጣን ከአሜሪካ ኤምባሲ ጋር በመሆን የአለም የዱር እንስሳት ቀን ሲያከብር ነው እንዲህ የተባለው፡፡በየአመቱ የሚከበረው የአለም የዱር እንስሳት ቀን የዘንድሮ ትኩረቱን ያደረገው ትልልቅ የድመት ዝርያዎች የሚባሉት አንበሳ ፣ ነብርና አቦ ሸማኔ ከጊዜ ወደ ጊዜ ቁጥራቸው እየቀነሰ እና ህልውናቸውን አደጋ ላይ በመሆኑ ጥበቃ እንዲደረግላቸው የተለያዩ የግንዛቤ ማስጨበጫ ስራዎች እየተሰሩ ነው ተብሏል፡፡

በተለይ በኢትዮጵያ ጠረፋማ አካባቢዎች የእንስሳቱ ቁጥር እየቀነሰ የመጣው በአደን ሳይሆን ገና በግልገልነታቸው እየተያዙ ወደ ውጪ አገራት በህገ-ወጥ መንገድ እየተሸጡ በመሆኑ እንደሆነ አቶ ሰለሞን ወርቁ የኢትዮጵያ የዱር እንስሳት ልማት እና ጥበቃ ባለስልጣን የህዝብ ግንኙነት ባለሙያ ለሸገር ተናግረዋል፡፡እንስሳቱን ከመጥፋት ለመታደግም በጠረፋማ የአገሪቱ አካባቢዎች በተለይ አቦ ሸማኔ በብዛት የሚገኝበትና እንስሳቱም በህገ-ወጥ መንገድ እየተያዙ የሚሸጡበት በመሆኑ አካባቢው ላይ ልዩ ትኩረት ተደርጎ ህብረተሰቡንም የማስተማር ስራ ይሰራል ተብሏል፡፡

ከዱር እንስሳት ጥበቃ ጋር በተያያዘ ባለስልጣን መስሪያ ቤቱ ከአሜሪካ ኤምባሲ ጋር ከዚህ ቀደምም በርካታ ስራዎች ሰርተዋል የተባለ ሲሆን አሁንም የዱር እንስሳቱ ቁጥር ከዚህ በላይ እንዳይመናመን ድጋፍ እያደረገ ነው መባሉን ከአቶ ሰለሞን ሰምተናል፡፡

ምህረት ስዩም

አስተያየት ይፃፉ (0 አስተያየት)

ዓይነ ሥወሩ ብረት ሰሪ - አባባ ገብረፃድቅ በውቼ…

የመርካቶ ምናለሽ ተራው ዓይነሥወሩ ብረት ሠሪ የአባባ ገብረፃድቅ በውቼ ነገር ብዙዎችን እንዳስገረመ ነው፡፡ በእጃቸው ዳብሰው የሚሰሩት ኩሽኔትን “ዓይናማዎቹ እንኳ በጥራት አይሰሩትም” ይባልላቸዋል፡፡ባለትዳርና የሁለት ልጆች አባት የሆኑት እኚሁ ዓይነሥውር ብረት ሰሪ፣ የሚሰሩት ብረት ሲያልቅባቸው መንገድ ብቻ እንዲያሻግሯቸው እየጠየቁ ሜክሲኮ፣ ቄራ ዞረው ብረት አምጥተው ይሰራሉ፡፡

በ15 ሳንቲም ወደ ሥራ መግባታቸውን የሚናገሩት አባባ ገብረፃድቅ አሁን በወር 130 ብር በሚከፍሉባት ሱቃቸው ውስጥ አሮጌ እና የወለቁ ኩሽኔቶችን፣ ለፈረስ ጋሪ የሚሆኑ ብረቶችን ይሰራሉ…በልጅነታቸው እረኛ ሳሉ አንዲት ላይ በቀንዷ ወግታቸው ዓይነሥውር መሆናቸውን የሚናገሩት አባባ ገብረፃድቅ፣ ዓይነሥውር እረኛ ሆነውም ከብት አያመልጠኝም ነበር ይላሉ…

አስተያየት ይፃፉ (0 አስተያየት)

አንበሣ የከተማ አውቶቡስ አገልግሎት ድርጅት በቀን እስከ አምስት መቶ አውቶቡሶችን በተለያዩ መስመሮች ለማሰማራት እየሰራሁ ነው አለ

አንበሣ የከተማ አውቶቡስ አገልግሎት ድርጅት በቀን እስከ አምስት መቶ አውቶቡሶችን በተለያዩ መስመሮች ለማሰማራት እየሰራሁ ነው አለ…አንበሣ የከተማ አውቶቡስ አገልግሎት ድርጅት የፈጣን ምላሽ አገልግሎት ስርዓትን ስራ ላይ እያዋልኩ ነው ብሏል፡፡

በዚህ የፈጣን ምላሽ አገልግሎት በቀን የሚያሰማራቸውን አውቶቡሶች ቁጥር ወደ አምስት መቶ ከፍ ለማድረግ እየሰራ እንደሚገኝ በድርጅቱ የኮሙኒኬሽን ሃላፊ አቶ ተሾመ ንጋቱ ዛሬ ለሸገር ተናግረዋል፡፡እስከ አሁንም እስከ አራት መቶ ዘጠና አውቶቡሶችን በቀን ማሰማራት ችለናል ብለዋል፡፡

ቀደም ሲል በቀን ለአገልግሎት የሚሰማሩ አውቶቡሶች ቁጥር ከሶስት ሃምሳ እንደማይበልጥ ተናግረዋል፡፡በነጻ የስልክ ቁጥር 8642 ደውለው ስለ ድርጅቱ አገልግሎት ያላቸውን ማንኛውንም አስተያየት መስጠት ይቻላል ብለዋል፡፡

የአዲስ አበባ ከተማ አስተዳደር 750 መደበኛ አውቶቡሶች ድርጅቱ እንዲያሰራ ፈቅዷል፡፡እነዚህን አውቶቡሶች ለድርጅቱ ገጣጥሞ የሚያስረክበው ቢሾፍቱ አውቶሞቲቭ ነው፡፡በአሁኑ ወቅትም የመገጣጠሙ ስራ እንደተጀመረ ከአቶ ተሾመ ሠምተናል፡፡

ንጋቱ ረጋሳ

አስተያየት ይፃፉ (0 አስተያየት)

በኢትዮጵያ ለስደተኞች የሚሰጠው እርዳታ በአይነት መሆኑ ቀርቶ ገንዘቡን የሚያገኝበት አሰራር ሊጀመር ነው

በኢትዮጵያ ለስደተኞች የሚሰጠው እርዳታ በአይነት መሆኑ ቀርቶ ገንዘቡን የሚያገኝበት አሰራር ሊጀመር ነው፡፡በተባበሩት መንግስታት ድርጅት ከፍተኛ የስደተኞች ኮሚሽን /UNHCR/ ለሸገር እንደተናገረው አዲሱ አሰራር በመጪው አንድ ወር ውስጥ ጅግጅጋ አካባቢ በ3 መጠለያዎች በሚኖሩ ስደተኞች ላይ የሙከራ ስራ ተጀምረውበታል፡፡

በኮሚሽኑ የኢትዮጵያ ቢሮ ቃል አቀባይ የሆኑት አቶ ክሱት ገ/እግዚአብሔር እንደነገሩን ስደተኞች የሚሰጣቸው እርዳታና ድጋፍ በገንዘብ እንዲቀየርላቸው በኮሚሽኑ ከ2 አመት በፊት የተያዘ እቅድ ነው፡፡ኢትዮጵያም አሰራሩ ተግባራዊ እንዲሆንባቸው ከተመረጡ ሀገራት አንዷ ሆናለች ነው ያሉት አቶ ክሱት፡፡ለስደተኞች ለቤት እቃ፣ ለተለያዩ የምግብ እህሎችና የፅዳት እቃዎች ያሉ ቁሳቁሶች ለመግዛት የሚያስችላቸው ገንዘብ ነው የሚሰጣቸው፡፡

ስደተኞቹ ወደ አካባቢው ገበያ ሲገቡ በገበያው ላይ ምን አይነት ለውጥ ያመጣል የሚሉ በጅግጅጋ ጥናት ተደርጓል የተባለ ሲሆን በገበያው ላይ ምንም አይነት ጫና እንደማይፈጥር በጥናቱ ስለተረጋገጠ በመጭው አንድ ወር በአካባቢው ለሚኖሩ 37 ሺህ የሶማሊያ ስደተኞች ገንዘብ መስጠት ይጀመራል ብለዋ አቶ ክሱት፡፡ በመጭው ጊዜም በኢትዮጵያ በተለያዩ የመጠሊያ ጣቢያዎች ለሚኖሩ ስደተኞች አዲሱ አሰራር ጀምራል ተብሎም ይጠበቃል፡፡

ትዕግስት ዘሪሁን

አስተያየት ይፃፉ (0 አስተያየት)

አድዋ በልጅ ዓይን…

ፊታውራሪ ተክለሐዋርያት ልጅ ሳሉ ከራስ መኮንን ጦር ጋር አብረው በአድዋው ዘመቻ ተካፍለው ነበር፡፡ ለመሆኑ ብላቴናው ተክለሐዋርያት በልጅ ዓይናቸው ስለጦርነቱ ምን አዩ? ምንስ ታዘቡ? ተፈሪ ዓለሙ በትዝታ ዘ አራዳ መሰናዶው ከፊታውራሪ ተክለሐዋርያት ግለታሪክ ላይ ይህን ወቅት አስመልክቶ ያሰፈሩትን ያስቃኘናል…
አስተያየት ይፃፉ (1 Comment)
Sheger 102.1 AudioNow Numbers