• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 22፣ 2012/ 650 ሕፃናት እና 450 እናቶችን በመርዳት ላይ የሚገኘው ሙዳይ የበጎ አድራጎት ድርጅት በኮሮና ቫይረስ ስጋት ሳቢያ የምረዳቸውን ወገኖች መመገብ እያዳገተኝ ነው አለ

650 ሕፃናት እና 450 እናቶችን በመርዳት ላይ የሚገኘው ሙዳይ የበጎ አድራጎት ድርጅት በኮሮና ቫይረስ ስጋት ሳቢያ የምረዳቸውን ወገኖች መመገብ እያዳገተኝ ነው አለ፡፡ለጋሾች እኛ ዘንድ መምጣት ከፈሩ ካሉበት ድረስ ሄደን ድጋፋቸውን ለመቀበል ዝግጁ ነን ብሏል ድርጅቱ፡፡
ወንድሙ ሀይሉ
አስተያየት ይፃፉ (0 አስተያየት)

መጋቢት 22፣ 2012/ በምዕራብ ኦሮሚያ ተቋርጦ ከነበረው የቴሌኮም አገልግሎት 76 በመቶ መመለሱን የኢትዮ ቴሌኮም ዋና ስራ አስፈፃሚ ፍሬሕይወት ታምሩ ለሸገር ነግረዋል

በምዕራብ ኦሮሚያ ተቋርጦ ከነበረው የቴሌኮም አገልግሎት 76 በመቶ መመለሱን የኢትዮ ቴሌኮም ዋና ስራ አስፈፃሚ ፍሬሕይወት ታምሩ ለሸገር ነግረዋል፡፡ቀሪው 24 በመቶ ደግሞ በሀይል እጥረት፣ በኬብል መቆረጥ እና በጊዜው በደረሰው አደጋ የትይይዝ ፍጥነቱ ወርዷል ብለዋል፡፡


ተቦ ንጉሴ
አስተያየት ይፃፉ (0 አስተያየት)

መጋቢት 22፣ 2012/ የኮሮና ቫይረስን ለመከላከል ክልሎች የህዝብ ትራንስፖርትን ያለአንዳች ቅድመ ማስጠንቀቂያ መከልከላቸው ለእንግልት ዳርጎናል ሲሉ ተሳፋሪዎች ተናገሩ

የኮሮና ቫይረስን ለመከላከል ክልሎች የህዝብ ትራንስፖርትን ያለአንዳች ቅድመ ማስጠንቀቂያ መከልከላቸው ለእንግልት ዳርጎናል ሲሉ ተሳፋሪዎች ተናገሩ፡፡
ቴዎድሮስ ብርሃኑ
አስተያየት ይፃፉ (0 አስተያየት)

መጋቢት 23፣ 2012/ የአማራ ክልል አቃቤ ህግ የኮሮና ቫይረስ ስርጭትን ለመከላከል እና ለመቆጣጠር በሚል ከ7600 በላይ ታራሚዎች በይቅርታ እንዲለቀቁ መወሰኑን ተናገረ

በይቅርታ ይፈታሉ ከተባሉት መካከል የሚያጠቡ እና ህፃናትን ይዘው የታሰሩ እናቶች በአመክሮ፣ የመፈቻ ጊዜያቸው እስከ 6 ዓመት የቀራቸው ይገኙበታል ተብሏል፡፡ዛሬ የአማራ ክልል ጠቅላይ አቃቤ ህግ በክልሉ ከሚገኙ ማረሚያ ቤቶች በይቅርታ እንዲፈቱ ወስኛለው ካላቸው መካከል 6 684 ታራሚዎች ቀላል ወንጀል ፈፅመው የቅጣት ጊዜያቸውን ለመፈፀም እስከ አንድ ዓመት የቀራቸው ብዙውን ቁጥር ይይዛሉ፡፡

የሌሎች ሀገራት ዜጎች ሆነው ከሰው መግደል ውጪ በሆነ ወንጀል ተፈርዶባቸው የነበሩ ሶስት የውጭ ሀገር ዜጎችም በይቅርታ እንዲፈቱ የተወሰነ ሲሆን በአጠቃላይ በአማራ ክልል በተለያዩ ማረሚያ ቤቶች የቆዩ እና በይቅርታ ይለቀቃሉ የተባሉት ታራሚዎች ቁጥር 7 650 መሆኑን አቃቤ ህጉ በይፋዊ የፌስቡክ ገፁ አሳውቋል፡፡

ትዕግስት ዘሪሁን
አስተያየት ይፃፉ (0 አስተያየት)

መጋቢት 23፣ 2012/ በአማራ ክልል አራት ከተሞች ምንም ዓይነት የሕዝብና የትራንስፖርት እንቅስቃሴ እንዳይኖር ታገደ

በአማራ ክልል ከዛሬ መጋቢት 23፣ 2012 ዓ.ም ከቀኑ 6፡00 ጀምሮ በባሕር ዳር፣ እንጅባራ፣ ቲሊሊና አዲስ ቅዳም ከተሞች ማንኛውም ዓይነት የተሽከርካሪም ሆነ የሕዝብ እንቅስቃሴ እንዳይኖር ውሳኔ ተላልፏል።የአማራ ክልል የመንግሥት ኮሙዩኒኬሽን ጉዳዮች ጽሕፈት ቤት ዋና ዳይሬክተር ጌትነት ይርሳው እንደተናገሩት በሕዝብና በሕዝብ ትራንስፖርት እንቅስቃሴ ላይ ለተከታታይ 14 ቀናት የሚቆይ ገደብ ተጥሏል።ውሳኔው የተላለፈው የኮሮና ወረርሽኝ ሊያስከትለው የሚችለውን ተጨማሪ ቀውስ ግምት ውስጥ በማስገባት እንደሆነም ዳይሬክተሩ አስገንዝበዋል። እገዳው በልዩ ሁኔታ የሚንቀሳቀሱ የደረቅና የፈሳሽ ጭነት ተችከርካሪዎችን አይጨምርም ተብለል።

የድንገተኛ አገልግሎት የሚሰጡና የወረርሽኙ በጎ ፍቃደኞች ግን መንቀሳቀስ ይችላሉ።በአራቱ ከተሞች ወረርሽኙን ለመከላከል ግብዓት የሚሆኑ ምግብና የንጽሕና መጠበቂያ አቅራቢዎች ከኮማንድ ፖስቱ ልዩ ፈቃድ ተስጥቷቸው እንዲንቀሳቀሱ እንደሚደረግም ዳይሬክተሩ ተናግረዋል።የውኃና ኤሌክትሪክ አገልግሎት ሠራተኞችም እንዲንቀሳቀሱ ይደረጋል።የወረርሽኙ አሳሳቢነት እየታየም ሌሎች ከተሞች ተመሳሳይ እርምጃዎች ሊወስዱ እንደሚችሉ አቶ ጌትነት አስረድተዋል።

በዚህ ሂደት የተላለፉ መመሪያዎችን የማይፈፅሙ ሰዎችን በሕግ ተጠያቂ ለማድረግ የሚመለከታቸው የፀጥታ አካላት ኃላፊነት ተሰጥቷቸዋል።በአማራ ክልል የኮሮና ቫይረስ እንዳለባቸው ተጠርጥረው የነበሩ 27 ግለሰቦች ክትትል ሲደረግላቸው ነበር፤ በተደረገላቸው የላቦራቶሪ ምርመራ 25 ነፃ ሲሆኑ ሁለቱ ቫይረሱ እንዳለባቸው ይፋ መደረጉን የአማራ መገናን ብዙሀን ተናግሯል።

ንጋቱ ሙሉ
አስተያየት ይፃፉ (0 አስተያየት)

መጋቢት 23፣ 2012/ የኮሮና ቫይረስን በተመለከተ ሀሰተኛ ወሬ የሚያናፍሱትን እያደንኩ ለህግ እያቀረብኩ ነው ሲል የፌደራል ፖሊስ ኮሚሽን ተናገረ

የኮሮና ቫይረስን በተመለከተ ሀሰተኛ ወሬ የሚያናፍሱትን እያደንኩ ለህግ እያቀረብኩ ነው ሲል የፌደራል ፖሊስ ኮሚሽን ተናገረ፡፡
ንጋቱ ሙሉ
 
አስተያየት ይፃፉ (0 አስተያየት)

መጋቢት 22፣2012/ በኮሮና ቫይረስ የተያዘ አንድ(1) ተጨማሪ ሰው መገኘቱን የጤና ሚኒስትር ተናገረ

የኢትዮጵያ የሕብረተሰብ ጤና ኢንስቲትዩት ዛሬ ባካሄደው ተጨማሪ የላብራቶሪ ምርመራ አንድ(1) በኮሮና ቫይረስ የተያዘ ሰው በማረጋገጡ በአጠቃላይ በሀገራችን በቫይረሱ የተያዙ ሰዎች ቁጥር ሃያ ስድስት(26) ደርሷል ተብሏል፡፡በቫይረሱ መያዙ የተረጋገጠው ግለሰብ የ42 ዓመት የድሬዳዋ ከተማ ነዋሪ የሆነ ኢትዮጵያዊ ሲሆን የአስገዳጅ ለይቶ ማቆያ ከመጀመሩ አስቀድሞ መጋቢት 9፣2012 ከአውስትራሊያ አዲስ አበባ እንዲሁም መጋቢት 10፣2012 ከአዲስ አበባ ወደ ድሬዳዋ ተጉዟል፡፡

ግለሰቡ የበሽታው ምልክት በማሳየቱ በላብራቶሪ ምርመራ በቫይረሱ መያዙ ተረጋግጧል፡፡በአሁን ሰዓት ግለሰቡ በድሬዳዋ የለይቶ ህክምና መስጫ ማዕከል የህክምና እርዳታ እየተደረገለት ይገኛል፡፡በአሁኑ ሰዓት በለይቶ ህክምና መስጫ ማዕከል የህክምና እርዳታ እየተደረገላቸው ያሉ ሃያ ሁለት (22) ታማሚዎች ሲኖሩ ሁለት ታማሚዎች በጽኑ ህሙማን ህክምና ክፍል ክትትል እየተደረገላቸው እንደሚገኝ የጤና ሚኒስቴር ተናግሯል።
አስተያየት ይፃፉ (0 አስተያየት)

መጋቢት 22፣2012/ ሰበር ወሬ -በኮሮና ወረርሽኝ ምክንያት የ2012 ምርጫ በወጣው የጊዜ ሰሌዳ መሰረት እንደማይካሄድ ብሔራዊ ምርጫ ቦርድ ተናገረ

1.በተፈጠረው ሁኔታ የተነሳ ቦርዱ ባወጣው የጊዜ ሰሌዳ መሰረት ምርጫውን ማካሄድ የማይቻለው መሆኑን በመረዳት ያወጣውን የጊዜ ሰሌዳ በመሰረዝ በሰሌዳው መሰረት መከናወን ያለባቸው ተግባራት ለጊዜው እንዲቆሙ ወስኗል፤

2.ቦርዱ የወረርሽኙ ሥጋት ተወግዶ ሁኔታዎች ሲመቻቹ እንደገና ግምገማ በማድረግ አዲስ የምርጫ ኦፕሬሽን እቅድና ሰሌዳ በማውጣት እንቅስቀሴውን የሚያስጀምር ይሆናል፤

3.ቦርዱ ባደረጋቸው ምክክሮችና የዳሰሳ ጥናት ላይ በግልጽ የተለዩ፣ በኮቪድ 19 የማይስተጓጎሉ፣ የቦርዱን የምርጫ አፈጻጸም ዝግጁነት የሚጨምሩ፣ሁኔታው ተቀይሮ ተቋሙ ወደ መደበኛ ተግባሩ ሲመለስ በተገቢው ሁኔታ ምርጫን ለማስፈጸም የሚያሥችል ሁኔታን የሚፈጥሩ ተግባራትን እያከናወነ መቆየት እንዳለበት ወስኗል፡፡

4. በህገ መንግስቱ በተቀመጠው መሰረት በስራ ላይ የሚገኘው የህዝብ ተወካዮች ምክር ቤት የስልጣን ጊዜው ከሚያበቃበት አንድ ወር አስቀድሞ ቦርዱ አጠቃላይ ምርጫውን ማድረግ የማይችል መሆኑን ም/ቤቱ ተገንዝቦ፣ ከዚህ አንጻር የሚሰጠው ውሳኔ ቢኖር ለመነሻነት ያገለግለው ዘንድ ይህ ውሳኔ እንዲሁም ቦርዱ ያደረገው የዳሰሳ ጥናት ሰነድ ለህዝብ ተወካዮች እንዲተላለፍለት ወስኗል፡፡
አስተያየት ይፃፉ (0 አስተያየት)

መጋቢት 22፣2012/ ሼህ ሁሴን አሊ አላሙዲ የኮሮና ቫይረስ ወረርሽኝን ስርጭት ለመከላከል የ120 ሚሊዮን ብር ድጋፍ አደረጉ

ሼህ ሁሴን አሊ አላሙዲ የኮሮና ቫይረስ ወረርሽኝን ስርጭት ለመከላከል የ120 ሚሊዮን ብር ድጋፍ አደረጉ።ባለሀብቱ ሼህ ሁሴን አሊ አላሙዲ የ120 ሚሊዮን ብር ድጋፍ ለከተማ አስተዳደሩ ማድረጋቸውን የከንቲባ ፀ/ቤት ተናግሯል።
አስተያየት ይፃፉ (0 አስተያየት)

መጋቢት 22፣ 2012/ የአገር አቋራጭ ከባድ መኪና አሽከርካሪዎች ከኮሮና ቫይረስ እንዲጠበቁ ድጋፍ ያስፈልጋቸዋል ሲል የአንድነት የከባድ መኪና አሽከርካሪዎች ማህበር ተናገረ

የአገር አቋራጭ ከባድ መኪና አሽከርካሪዎች ከኮሮና ቫይረስ እንዲጠበቁ ድጋፍ ያስፈልጋቸዋል ሲል የአንድነት የከባድ መኪና አሽከርካሪዎች ማህበር ተናገረ፡፡ በዚህ ዙሪያ የፌደራል ትራንስፖርት ባለስልጣንን ምን እየሰራ ነው ስንል ጠይቀናል፡፡
ማህሌት ታደለ
አስተያየት ይፃፉ (0 አስተያየት)

መጋቢት 22፣ 2012/ የፖለቲካ ልዩነት ሳንፈጥር በሀገራዊ ጥቅማችን ዙሪያ በጋራ መቆም ይገባናል ሲል የፖለቲካ ፓርቲዎች የጋራ ምክር ቤት መግለጫ ሰጠ

የፖለቲካ ልዩነት ሳንፈጥር በሀገራዊ ጥቅማችን ዙሪያ በጋራ መቆም ይገባናል ሲል የፖለቲካ ፓርቲዎች የጋራ ምክር ቤት መግለጫ ሰጠ፡፡
የኔነህ ሲሳይ 
አስተያየት ይፃፉ (0 አስተያየት)
Sheger 102.1 AudioNow Numbers