• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የመንግሥት ኮሙኒኬሽን ጉዳዮች ጽህፈት ቤት በተጀመረበት ስም ማጥፋት ላይ የህዝብ እንደራሴዎች ምክር ቤት እገዛ ሊያደርግለት...

የመንግሥት ኮሙኒኬሽን ጉዳዮች ጽህፈት ቤት በተጀመረበት ስም ማጥፋት ላይ የህዝብ እንደራሴዎች ምክር ቤት እገዛ ሊያደርግለት እንደሚገባ በምክር ቤቱ የባህል ቱሪዝምና መገናኛ ብዙኃን ቋሚ ኮሚቴ ተናገረ፡፡

በኢህአዴግና በኢህአዴግ ድርጅቶች ጥላ ስር ሆነው በኮሙኒኬሽን ጽህፈት ቤቱና በሚኒስትሩ ላይ ዘመቻ የጀመሩ ጎጠኝነትና ዘረኝነትን የሚያስፋፉ አሉ ብሏል ቋሚ ኮሚቴው፡፡ቋሚ ኮሚቴው በመንግሥት ኮሙኒኬሽን ጉዳዮች ጽህፈት ቤት የአመት እቅዱ ላይ ሲመክር እንደሰማነው የህዝብ እንደራሴዎች ምክር ቤት የሀገሪቱ የህዝብ ተወካዮች የተሰባሰቡበት እንደመሆኑ ጽህፈት ቤቱን መደገፍ አለበት ተብሏል፡፡

የኮሙኒኬሽን ጽህፈት ቤት አቋምና መረጃ የመንግሥት አቋምና መረጃ መሆኑ መታወቅ አለበት ነው ያለው ቋሚ ኮሚቴው፡፡የጽህፈት ቤቱ ሚኒስትር ዶክተር ነገሪ ሌንጮ በበኩላቸው ቋሚ ኮሚቴው በጽህፈት ቤቴና በእኔም ላይ ስለ ተጀመረው የስም ማጥፋት ዘመቻ በመቆርቆሩ አመሰግናለሁ ብለዋል፡፡

እንዲህ አይነቶቹ እድሜያቸውን ለማሳጠር የፈለጉ ናቸው፤ ስም አጥፊዎችንም ጉዳዩ የሚመለከታቸው ግምገማ አድርገው እርምጃ የሚወስዱ ይመስለኛል የሚል አስተያየት ሰጥተዋል፡፡የመንግሥት የመገናኛ ብዙኃን ጭምር በሀገሪቱ እየታየ ያለውን ችግር የሚያባብስ አይነት አስተሳሰብ ያላቸው ዘገባዎች እየቀረቡ መሆኑንም የኮሙኒኬሽን ጽህፈት ቤት ተናግሯል፡፡

ይህም ጋዜጠኛው ከከፍተኛ የትምህርት ተቋማት ሰልጥኖ ሲወጣ በምዕራባዊያኑ የኒዮ ሊብራሊዝም አስተሳሰብ ተቀርፆ መውጣቱ አንዱ ምክንያት ነው ያሉት በጽህፈት ቤቱ የኮሙኒኬሽን ሚዲያ ጥናትና የአቅም ግንባታ ጄኔራል ዳይሬክተር የሆኑት አቶ ሃዱሽ ካሱ ናቸው፡፡እሳቸው እንዳሉት ጋዜጠኛው ሀገርን በሚጠቅም ሁኔታ በልማታዊ ጋዜጠኝነት አስተሳሰብ ሊቀረፅ ይገባዋል፤ ይህንን ለማድረግም ትምህርት ሚኒስቴር ራሱን የቻለ ካሪኩለም መቅረፅ ይጠበቅበታል ብለዋል፡፡

የኢንፎርሜሽን ኮሙኒኬሽን የልህቀት ማዕከል ማቋቋም ችግሩን ይፈታዋል የሚል አስተያየትም አላቸው፡፡ሚኒስትሩ ነገሪ ሌንጮ በበኩላቸው ሥራዬ ብሎ የኒዮ ሊብራሊዝም አስተሳሰብ ለማስፋፋት የተቋቋመ ዩኒቨርስቲ የለም ብለዋል፡፡ የከፍተኛ ትምህርት ተቋማት የሚመሩበት ፖሊሲ ስላለ የምዕራባዊያኑ ኒዮ ሊብራሊዝም አስተሳሰብ የያዘ መፀሐፍን እንዳይጠቀሙ መከልከልና ማስገደድም አንችልም የሚል መልስ ሰጥተዋል፡፡

ትዕግስት ዘሪሁን

አስተያየት ይፃፉ (0 አስተያየት)

የአዲስ አበባ ፖሊስ ኮሚሽን ለህብረተሰቡ የድረሱልኝ ጥሪ አፋጣኝ ምላሽ መስጠት ይኖርበታል ተባለ

የአዲስ አበባ ፖሊስ ኮሚሽን ለህብረተሰቡ የድረሱልኝ ጥሪ አፋጣኝ ምላሽ መስጠት ይኖርበታል ተባለ፡፡የፖሊስ ኮሚሽኑ ይህን የተባለው ለድረሱልኝ ጥሪ አፋጣኝ ምላሽ ያለመስጠትና ህብረተሰቡን ሥጋት ላይ የሚጥሉ የወንጀልና የትራፊክ አደጋዎችን በተፈለገው ደረጃ መቀነስ ያለመቻል ችግር አለበት ተብሎ ነው፡፡

በከተማዋ ከሚገኙ የመልካም አስተዳደር ችግር አለባቸው ከተባሉ 13 ተቋማት አንዱ ነው የተባለው የአዲስ አበባ ፖሊስ ኮሚሽን ተጠርጣሪን የማቆያ ቤቶችም ምቾት የጐደላቸውና ንፅህና የሌላቸው ናቸው ተብሏል፡፡የአዲስ አበባ ፐብሊክ ሰርቪስና ሰው ሃብት ልማት ቢሮ ባወጣው የመልካም አስተዳደር ሰነድ እንዳለው ሰው ጠፋን ለሚሉ አቤቱታ አቅራቢዎችም 24 ሰዓት ከሞላው በኋላ መጥታችሁ አስመዝግቡ በማለት ፈጣን ምላሽ ከመስጠት ይልቅ ያጉላላልም ተብሏል፡፡

በሕገ-ወጥ መንገድ ወደ ሀገር ውስጥ በመግባታቸው በኢሚግሬሽን ለሚያዙትም በፍጥነት ምላሽ አይሰጥም የተባለው የፖሊስ ኮሚሽኑ ቅሬታን በተደራጀ መንገድ ባለመፍታቱ ተገልጋዩን የማጉላላት ችግር አለበትም ተብሏል፡፡

አቤቱታ ሲቀርብለትም ምክንያት በመፍጠር ያለ መቀበል፤ ከሣሽ መረጃ ሰጪዎችንና ምስክሮችን በፍጥነት ተቀብሎ አለማስተናገድም የመልካም አስተዳዳር ችግሮቹ ናቸው ተብሏል፡፡አንዳንድ አባሎችም ሰብዓዊ መብትን የማክበርና የማስከበር ግዴታቸውን እንደማይወጡም ተነግሯል፡፡እነዚህንና ሌሎች የመልካም አስተዳደር ችግር አለበት የተባለው የአዲስ አበባ ፖሊስ ኮሚሽን ችግሮቹን የሚፈታበት መፍትሄዎችም ተነግረውታል፡፡

ህብረተሰቡን ስጋት ላይ የሚጥሉ የወንጀልና የትራፊክ አደጋን ለመከላከል የወንጀል ቦታዎችን የሚፈፀሙበትን ሰዓት ጭምር በመለየት ሥምሪት ማድረግ ይገባዋል ተብሏል፡፡ከህብረተሰቡ ጋር በመሆንም የማኅበረሰብ አቀፍ የፖሊስ አገልግሎት ማዕከላቱ 24 ሰዓት ክፍት ሆኖ አገልግሎት እንዲሰጡ በማድረግ ለህብረተሰቡ የድረሱልኝ ጥሪ አፋጣኝ ምላሽ መስጠትም ይገባዋል ነው የተባለው፡፡

ለአቅም ግንባታ ሥራ ትኩረት በመስጠትም የፖሊስ አመራሩም ሆነ የፖሊስ አባሉ የህገ-መንግሥትና የሀገራዊ ፖሊሲና ስትራቴጂ ልዩ ልዩ ህጎችንና መመሪያዎችን እንዲሁም የተቋሙን ደንብ፣ መመሪያዎችና ማንዋሎችን ጠንቅቀው እንዲያውቁና በዚያው መጠን እንዲተገብሩ ማድረግም መፍትሄ ከተባሉት መሃልም ዋና ዋናዎቹ ናቸው፡፡

ዮሐንስ የኋላወርቅ

አስተያየት ይፃፉ (0 አስተያየት)

የዛሬ ህዳር 11፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በ2004 ዓ.ም ፀድቆ ሥራ ላይ የዋለው የመሬት ሊዝ አዋጅ ለአሁን ዘመን እንደልብ የሚያወላዳ አይደለም ተብሎ ማሻሻያ ተደርጐበት ረቂቅ የሊዝ አዋጅ ተሰናድቷል፡፡ (ዮሐንስ የኋላወርቅ)
  • የጥሩነሽ ቤጂንግ ሆስፒታል ማስፋፊያ ተደርጎለት የህክምና አገልግሎት እየሰጠ ቢሆንም የታካሚዎች ቁጥር ከፍተኛ በመሆኑ ተጨማሪ ማስፋፊያ ያስፈልገዋል ተባለ፡፡ (ምህረት ስዩም)
  • የኢትዮጵያ አየር መንገድ ለሠራተኞቹ ቤት ገንብቶ ቤት ለእንቦሳ አላቸው፡፡ (ምሥክር አወል)
  • በመንግሥት ኮሙኒኬሽን ጽህፈት ቤትና በሚኒስትሩ ላይ ዘመቻ የጀመሩ ጎጠኝነትና ዘርኝነትን የሚያስፋፉ መሆናቸውን የባህል ቱሪዝምና መገናኛ  ብዙኃን ኮሚቴ ተናገረ፡፡ (ትዕግሥት ዘሪሁን)
  • የአዲስ አበባ ፖሊስ ኮሚሸን ያሉበትን የመልካም አስተዳደር ችግሮች ሊፈታ ይገባል ተባለ፡፡ (ዮሐንስ የኋላወርቅ)
  • የአዲስ አበባ መንገዶች ባለሥልጣን በ19 ሚሊዮን ብር ወጪ የመንገድ  ማስፋት ሥራ ጀምሬያለሁ አለ፡፡ (ወንድሙ ኃይሉ)
  • በህፃናት ላይ የሚደርስ ጥቃትና የመብት ጥሰትን ለማስቆም ከቃል ባለፈ በተግባር የተደገፈ ሥራ ሊሰራ እንደሚገባ ተነገረ፡፡ (ምህረት ስዩም)
አስተያየት ይፃፉ (0 አስተያየት)

በእርግዝና ወቅት የሆርሞን ለውጥን ተከትሎ ለሚከሰተው የስኳር ህመም ትኩረት ሊሰጠው ይገባል ተባለ

በእርግዝና ወቅት የሆርሞን ለውጥን ተከትሎ ለሚከሰተው የስኳር ህመም ትኩረት ሊሰጠው ይገባል ተባለ፡፡የህክምና ተቋማትም በእርግዝና ወቅት የሚከሰተውን የስኳር ህመም መሠረት ያደረገ ክትትል ሊያደርጉ እንደሚገባ ተጠቅሷል፡፡

ትናንት የስኳር ህመም ቀንን አስመልክቶ በሸራተን አዲስ ሆቴል በተደረገ የፓናል ውይይት እናቶችም ሆኑ የጤና ተቋማት በእርግዝና ወቅት ለሚከሰተው የስኳር ህመም ትኩረት እደማይሰጡ ተነግሯል፡፡

በውይይቱ ላይ እናቶች በእርግዝና ወቅት የስኳር ህመም ሲያጋጥማቸው ምን አይነት ጥንቃቄ መውሰድ እንዳለባቸው በህክምና ባለሙያዎች ማብራሪያ ተሰጥቷል፡፡የኢትዮጵያ ስኳር ህሙማን ማኅበር አለም አቀፉን የስኳር ህመም ቀን አስመልክቶ ካከናወናቸው ተግባራት መካከል የትናንቱ የፓናል ውይይት አንዱ መሆኑን የማኅበሩ ፕሮግራም አስተባባሪ ወይዘሮ ምሥራቅ ታረቀኝ ነግረውናል፡፡

ማህሌት ታደለ

አስተያየት ይፃፉ (0 አስተያየት)

የዛሬ ህዳር 8፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በእርግዝና ወቅት የሆርሞን ለውጥን ተከትሎ ለሚከተሰው የስኳር ህመም ትኩረት ሊሰጠው ይገባል ተባለ፡፡ (ማኅሌት ታደለ)
  • መሠረታዊ የበሽታ መከላከያ ክትባት የሚያገኙ ኢትዮጵያውያን ጨቅላ ህፃናት 39 በመቶ ብቻ ናቸው ተባለ፡፡ (ዮሐንስ የኋላወርቅ)
  • በኦሮሚያ ክልል ሙስና ፈፅመዋል የተባሉ ዘጠና ግለሰቦች እስከ 13 ዓመት በሚደርስ እሥራትና በገንዘብ ተቀጡ፡፡ (ንጋቱ ረጋሣ)
  • የኢትዮጵያ ገቢዎችና ጉምሩክ ባለሥልጣን ከ3 ነጥብ 8 ሚሊዮን ብር በላይ የሚገመቱ ህገ-ወጥ እቃዎችን ይዣለሁ አለ፡፡ (በየነ ወልዴ)
  • ከኢትዮጵያ እናቶች የሕፃናት አይነ ምድር የጤና ችግር እንደሚያመጣ ዕውቀቱ ያላቸው ግማሽ ያህሉ ብቻ ናቸው ተባለ፡፡ (ንጋቱ ሙሉ)
  • የኢትዮጵያ የኤሌክትሪክ አገልግሎት የአዲስ አበባና የሌሎች 7 ከተሞችን የኤሌከትሪክ መቆራረጥ በ80 በመቶ ለመቀነስ አቅጃለሁ አለ፡፡ (ወንድሙ ኃይሉ)
  • የከፍተኛ ትምህርት ተቋማት ተመራቂ ተማሪዎች የብቃት መመዘኛ ፈተና የግል ዩኒቨርስቲዎችንም ይመለከታል ተባለ፡፡ (ትዕግሥት ዘሪሁን)
  • ከ130 የሚበልጡ የግል ድርጅቶች በህግ አስገዳጅነት ራሳቸው ያዋጡትንና ከሠራተኞቻቸው የሚቆረጡትን የጡረታ መዋጮ ገቢ አድርገዋል ተባለ፡፡ (ንጋቱ ረጋሣ)
  • በሥራ ፈጠራቸው ለላቁ እውቅና ተሰጣቸው፡፡ (ቴዎድሮስ ብርሃኑ)
አስተያየት ይፃፉ (0 አስተያየት)

በሀሰተኛ የትምህርት ማስረጃ ሥራ የያዙና የደረጃ እድገት ያገኙ እስከ ታህሣስ 10 ቀን 2010 ዓ.ም ድረስ ይቅርታ ከጠየቁ...

በሀሰተኛ የትምህርት ማስረጃ ሥራ የያዙና የደረጃ እድገት ያገኙ እስከ ታህሣስ 10 ቀን 2010 ዓ.ም ድረስ ይቅርታ ከጠየቁ በወንጀል አይጠየቁም … ከታህሳስ 10 በኋላ ግን…”በተጭበረበረና በተሣሣተ የትምህርት ማስረጃ መንግሥትን አታላችሁ ያለ ደረጃችሁና ያለ እውቀታችሁ ሥራ ላይ የተቀመጣችሁ አዲስ አበቤዎች እስከ ታህሣስ አስር ድረስ ዝቅ ብላችሁ ይቅርታ ጠይቁ፤ ምህረትም ይደረግላችኋል ተብላችኋል፡፡

ከፍተኛ የከተማዋ አመራሮችም የተጭበረበረ የትምህር ማስረጃ ሳይኖራቸው አይቀርም ተብለው ተጠርጥረዋል፡፡እንዲህ ያላችሁ የአዲስ አበባ ከተማ አስተዳደር የፐብሊክ ሰርቪስና የሰው ሃብት ልማት ቢሮ ነው፡፡ምክትል የቢሮው  ኃላፊው አቶ ኃይሉ ሉሌ እንዳሉት ከሆነ በአዲስ አበባ በብዙ ሺ የሚቆጠሩ የመንግሥት ሠራተኞች በተጭበረበረ የትምህርት ማስረጃ ሥራ ተቀጥረዋል ወይም እድገት አግኝተዋል፡፡

በእርግጥ ቁጥራቸውን በትክክል ይህ ነው ብሎ መናገር ባይቻልም አዲስ አበባ ከተለያየ ቦታ የሚመጣ ነዋሪ የሚበዛባትና ብዙ የሃሰት ማስረጃ ሰሪዎች ያሉባት በመሆኗ ከሌላው ክልል የበለጠ የሀሰት የትምህርት ማስረጃ ሊኖር ይችላል ሲሉም ተናግረዋል፡፡

ከዚህም ሌላ አንዳንድ ህጋዊ የሆኑ የመንግሥትም ሆኑ የግል ከፍተኛ የትምህርት ተቋሞችም ጭምር የሀሰት ትምህርት ማስረጃ እንደሚሰጡም ጥቆማ ደርሶናልና አጣርተን እርምጃ መውሰዳችን አይቀርም ብለዋል፡፡የሆኖ ሆኖ ግን በሀሰተኛ የትምህርት ማስረጃ ሥራ የያዙና የደረጃ እድገት ያገኙ እስከ ታህሣስ 10 ቀን 2010 ዓ.ም ድረስ ይቅርታ ከጠየቁ በወንጀል አይጠየቁም፡፡ከዚህ ቀደም ያለ አግባብ የወሰዱትንም ጥቅማ ጥቅምና ደሞወዝ መልሱ ሳይባሉ በትክክለኛ የትምህርት ማስረጃቸው ዝቅ ብለው እንዲሰሩ ይደረጋል ነው ያሉት፡፡

ከታህሣስ 10 በኋላ ግን ይቅርታ ያልጠየቁ መንግሥት በራሱ መንገድ አጣርቶ ከደረሰባቸው ህጋዊ እርምጃ ይወሰድባቸዋል ተብሏል፡፡አንዳንድ ከፍተኛ የከተማዋ ባለሥልጣናትና ኃላፊዎችም ሀሰተኛ የትምህርት ማስረጃ ነው የያዙት የሚል ተባራሪ ወሬና ጥቆማ ስላለንም፤ በርግጥም ከፍተኛ አመራሮቹ የሀሰተኛ የትምህርት ማስረጃ ሊኖራቸው ይችላል የሚል ጥርጣሬ አለን ሲሉ ነግረውናል፡፡

ዮሐንስ የኋላወርቅ
አስተያየት ይፃፉ (1 Comment)

በጥሬ ቆዳና ሌጦ ግብይት ላይ የሚታየውን ከፍተኛ ወጪ የሚያስከትለውን የግብይት ሥርዓትና የጥራት ጉድለት ለማሻሻል...

በጥሬ ቆዳና ሌጦ ግብይት ላይ የሚታየውን ከፍተኛ ወጪ የሚያስከትለውን የግብይት ሥርዓትና የጥራት ጉድለት ለማሻሻል በህዝብ እንደራሴዎች ምክር ቤት ፀድቆ የወጣውና በሥራ ላይ ያለው አዋጅ ላይ መስተካከል ያለባቸው ድንጋጌዎች ዛሬ በህዝብ እንደራሴዎች ምክር ቤት ቀርቦ ተመክሮበታል፡፡

የህዝብ እንደራሴዎች ምክር ቤት ዛሬ ባካሄደው መደበኛ ስብሰባው በጥሬ ቆዳና ሌጦ ግብይት ላይ እንዲሁም የቆዳና ሌጦን ጥራት ጉድለት ያሻሽላል የተባለውን አሰራር ለመዘርጋት የወጣውን አዋጅ መስተካከል ያለባቸውና ያላሟላቸው ድንጋጌዎች በመኖራቸው ለማሻሻያ በቀረበ ረቂቅ አዋጅ ላይ መክሯል፡፡

የጥሬ ቆዳና ሌጦ ከምርቱ አሰባሰብ ጀምሮ ለገበያ እስከሚቀርብ ድረስ የምርት ጥራትና ደህንነቱ ላይ በርካታ ችግሮች የሚታዩበት በመሆኑ ነባሩ አዋጅ  ማስተካከያ እንዲደረግለት ለእንስሣትና አሣ ሃብት ሚኒስቴርና በሌሎች ኮሚቴዎች ችግሩ ተጠንቶ ቀርቧል፡፡

አዋጁን ያሻሽላሉ ተብለው የቀረቡ ድንጋጌዎችም ለመተግበር አስቸጋሪ የሆኑ ኃሣቦችን ያካተቱ ናቸው በሚል ከምክር ቤቱ አባላት ኃሣብ ተሰጥቶባቸዋል፡፡ርቂቅ አዋጁም ተሻሽሎ እንዲቀርብ ጉዳዩን ለሚያየው ቋሚ ኮሚቴ ተመርቷል፡፡

ምክር ቤቱ በዛሬው መደበኛ ስብሰባው በኢትዮጵያና በአርጀንቲና መንግሥት መካከል የተደረገውን የጠቅላላ የቴክኒክ ትብብር ስምምነትና የኢትዮጵያ ማሪታይም ዘርፍ ባህርተኞችን በተመለከተ የተደረገውን የአሰሪና ሠራተኛ ኮንቬንሽን ረቂቅ አዋጆችን አፅድቋል፡፡ 

ምህረት ስዩም
አስተያየት ይፃፉ (0 አስተያየት)

የትምህርት ሚኒስቴር በጥቂት የመንግሥት ከፍተኛ የትምህርት ተቋማት በተፈጠረ ረብሻ የመማር ማስተማር ሥራ ስለመቆሙ ዋና ተጠያቂዎቹ...

የትምህርት ሚኒስቴር በጥቂት የመንግሥት ከፍተኛ የትምህርት ተቋማት በተፈጠረ ረብሻ የመማር ማስተማር ሥራ ስለመቆሙ ዋና ተጠያቂዎቹ ተማሪዎቹ ናቸው አለ፡፡መቱ፣ አንቦና ጂጅጋ ዩኒቨርስቲ የመማር ማስተማር ሥራው እየተደናቀፈባቸው ያሉ ከተባሉ የመንግሥት ዩኒቨርስቲዎች መካከል ይገኙበታል፡፡በተለያዩ 36 የመንግሥት ዩኒቨርስቲዎች ከ700 ሺ በላይ ተማሪዎች እየተማሩ መሆኑን የተናገሩት የትምህርት ሚኒስትሩ አቶ ጥላዬ ጌቴ በአብዛኛዎቹ ዩኒቨርስቲዎች ከመስከረም ወር መጨረሻ ጀምሮ ትምህርት ጀምረዋል ብለዋል፡፡

በጥቂት ዩኒቨርስቲዎች ግን የመማር ማስተማር ሥራው እየተደናቀፈ ነው፤ አብዛኛው ተማሪ የመማር ፍላጐት ቢኖረውም በጣት የሚቆጠሩ ተማሪዎች በሚፈጥሩት ችግር የተከሰተ ነው ብለዋል፡፡ለዚህም ራሳቸው ተማሪዎቹ ኃላፊነት ሊወስዱ ይገባል ያሉት ሚኒስትሩ የአካባቢው ህብረተሰብና የዩኒቨርስቲው ማኅበረሰብ አጥፊዎቹን በማጋለጥ እንዲተባበር ጠይቀዋል፡፡

ሚኒስትሩ ይህንን ያሉት ዛሬ ጋዜጠኞችን ጠርተው በሰጡት መግለጫ ነው፡፡ለዩኒቨርስቲው ሕግና መመሪያ የማይገዛ ተማሪ በዚያ አንዲቆይ መፈቀድም የለበትም ነው ያሉት ሚኒስትሩ፡፡ወላጆች በየዩኒቨርስቲው ያሉ ልጆቻቸውን እለታዊ ሁኔታና የትምህርት ውጤት መከታተል ይጠበቅባቸዋል፣ ከዩኒቨርስቲው ጋርም በቅርበት ሊሰሩ ይገባል ተብሏል፡፡

የከፍተኛ ትምህርት ተቋማት ፕሬዝዳንትና ምክትል ፕሬዝዳንቶችም የተማሪዎችን ጥያቄ ማዳመጥና ምላሽ መስጠት እንደሚጠበቅባቸው የትምህርት ሚኒስትሩ ተናግረዋል፡፡ከአቅማቸው በላይ ከሆነም ለትምህርት ሚኒስቴር ጉዳዩን ማስተላለፍ ይችላሉ ብለዋል፡፡

የኦሮሚያና ሶማሌ አዋሳኝ ድንበር ላይ በተፈጠረው ግጭት ምክንያት በአካባቢው ባሉ ዩኒቨርስቲዎች የሚማሩ ተማሪዎችን ወደ ሌላ ዩኒቨርስቲ በጊዜያዊነት መመደባቸውንም ሰምተናል፡፡የአካባቢው ሰላም ሙሉ በሙሉ ተመልሷል ተብሎ ሲታሰብም ተማሪዎቹ ወደ ነበሩበት እንደሚመለሱ ሚኒስትሩ ተናግረዋል፡፡

ትዕግስት ዘሪሁን

አስተያየት ይፃፉ (0 አስተያየት)

የዛሬ ህዳር 7፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የላሊበላ ውቅር አቢያተ-ክርስቲያናት አደጋ ውስጥ ናቸው ተባለ፡፡ (ምሥክር አወል)
  • በኤች.አይቪ ኤድስ ዙሪያ የ15 ዓመታት መረጃዎችን በማሰባሰብ የተሰራው ጥናት እንደሚጠቁመው ቫይረሱ አዳዲስ አጋላጭ የሥራ ዘርፎችንም ማዳረስ መጀመሩ ተደርሶበታል፡፡ (ቴዎድሮስ ብርሃኑ)
  • የአዲስ አበባ መንገዶች ችግሮቹ ታውቀዋል፤ በዚህ ዓመትም መፍትሄ ያገኛሉ ተብሏል፡፡ (ዮሐንስ የኋላወርቅ)
  • በኢትዮጵያ አሁንም ድረስ 42 በመቶ የሚሆኑ እናቶች ልጆቻቸውን የሚወልዱት በልምድ አዋላጆች እገዛ ነው ተባለ፡፡ (ዮሐንስ የኋላወርቅ)
  • በያዝነው ዓመት የተሻለ የሰሊጥ ምርት ይገኛል ተብሎ በመጠበቁ 440 ሺ ቶን ወደ ውጪ ለመላክ ታቅዷል፡፡ (በየነ ወልዴ)
  • በኢትዮጵያ የ74 ብሔረሰቦች የማይዳሰሱ /ኢንታንጀብል/ ቅርሶች ተመዘገቡ፡፡ (ወንድሙ ኃይሉ)
  • በተለያዩ ከፍተኛ የመንግሥት የትምህርት ተቋማት የመማር ማስተማሩ ሥራ ለመሥተጓጐሉ ዋናዎቹ ተጠያቂዎች ተማሪዎች እንደሆኑ የትምህርት ሚኒስቴር ተናገረ፡፡ (ትዕግሥት ዘሪሁን)
  • በአዲስ አበባ ከተማ አስተዳደርና በሥሩ ባሉ መሥሪያ ቤቶች በሐሰተኛ የትምህርት ማስረጃ የተቀጠሩ ራሳቸውን እንዲያጋልጡ ቀነ ገደብ ተቀመጠላቸው፡፡ በከተማዋ ከፍተኛ የአመራር እርከንም በዚሁ ጉዳይ የተጠረጠሩ አሉ ተብሏል፡፡ (ዮሐንስ የኋላወርቅ)
  • የህዝብ እንደራሴዎች ምክር ቤት የፀረ-ሙስና ኮሚሽን ኮሚሽነር ሹመትን አፅድቋል፡፡ (ምህረት ስዩም)
  • በቆዳና ሌጦ ግብይት ላይ የሚታየውን ችግር ለማስወገድ የታለመ ረቂቅ የማሻሻያ ሕግ ለእንደራሴዎች ምክር ቤት ቀረበ፡፡ (ምህረት ስዩም)
  • ያለ ደረሰኝ ግብይት ሲፈፅሙ የተገኙ ከ130 በላይ ነጋዴዎች ተቀጡ፡፡ (ወንድሙ ኃይሉ)
አስተያየት ይፃፉ (0 አስተያየት)

በትምህርት ቤቶች የወጣቶችና ተማሪዎችን ጤና ለመጠበቅ ከ32 ሺ በላይ በሆኑ የትምህርት ተቋማት የጤና ጥበቃ ሥራ...

በትምህርት ቤቶች የወጣቶችና ተማሪዎችን ጤና ለመጠበቅ ከ32 ሺ በላይ በሆኑ የትምህርት ተቋማት የጤና ጥበቃ ሥራ በዚህ ዓመት እጀመራለሁ ሲል የጤና ጥበቃ ሚኒስቴር ተናገረ፡፡ሚኒስቴር መሥሪያ ቤቱ ዛሬ በህዝብ አንደራሴዎች ምክር ቤት ለማኅበራዊ ጉዳዮች ቋሚ ኮሚቴ የ2010 በጀት ዓመት እቅዱን ባቀረበበት ወቅት ነው እንዲህ ያለው፡፡የማኅበረሰብ የጤና መድህን ማስፋትና የከተማ የመጀመሪያ ደረጃ የጤና እንክብካቤን ማሻሻል መሥሪያ ቤቱ በ2010 ዓ.ም አተኩሬ እሰራባቸዋለሁ ያላቸው ዘርፎች ናቸው፡፡

ከ32 ሺ በላይ በሚሆኑ ትምህርት ቤቶች 30 ሚሊዮን የሚሆኑ ወጣቶችን በማሳተፍ በትምህርት ቤቶች የጤና ጥበቃና እንክብካቤ አገልግሎት ለመስጠትም በተመረጡ 200 ትምህርት ቤቶች የማሳያ አገልግሎት ተጀምሯል ተብሏል፡፡የእናቶችን የጤና አገልግሎት ለማሻሻልም በአሁኑ ሰዓት የቤተሰብ እቅድ ተጠቃሚ የሆኑትን 13 ነጥብ 4 ሚሊዮን እናቶች ቁጥር ወደ 15 ሚሊዮን ለማሳደግ እንደሚሰራ መሥሪያ ቤቱ ተናግሯል፡፡

አሁን ላይ ሥርጭቱ እየሰፋ የሄደውን የኤች.አይቪ ኤድስ በሽታን ለመከላከልም ቅድም መከላከል ላይ ትኩረት በማድረግ እሰራለሁ ብሏል፡፡ተላላፊ ያልሆኑ ህመሞች በየጊዜው በርካታ ዜጐችን እያጠቁ በመሆኑ ቅድመ መከላከል ላይ በማተኮር የጡት ካንሰር ህክምናን በተመረጡ 12 ሆስፒታሎች አንዲሁም አጠቃላይ የካንሰር ህክምና ደግሞ በ6 ማዕከላት ይጀመራሉ ተብሏል፡፡

ምህረት ስዩም

አስተያየት ይፃፉ (0 አስተያየት)

የዛሬው ህዳር 6፣2010 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የውጭ ምንዛሪ ተመን ማሻሻያን ተከትሎ በመድኃኒት ዋጋ ላይ እስከ እጥፍ የሚደርስ ጭማሪ አድርገዋል የተባሉ ሃያ አምራቾች እና አስመጪዎች ክስ ሊመሠረትባቸው ነው፡፡ ዋጋ ጨምረው የነበሩ የቢራ ፋብሪካዎችም ወደ ቀድሞ ዋጋ መመለሳቸው ተነግሯል፡፡ (ንጋቱ ረጋሣ)
  • በግብፅ የኢትዮጵያ አምባሳደር ከአል አህራም ጋዜጣ ጋር በቅርበት ለመስራት ፍላጎት እንዳላቸው ተናገሩ፡፡ (እሸቴ አሰፋ)
  • ኢትዮጵያ በአየር ጉዞዎች ምክንያት ለሚከሰቱ ተላላፊ በሽታዎች የቅድመ መከላከል ሥራዎችን እየሰራሁ ነው አለች፡፡ (ቴዎድሮስ ብርሃኑ)
  • የአዲስ አበባ ትራንስፖርት ባለሥልጣን ለትራንስፖርት ተጠቃሚዎች የሚሆኑ አገልግሎት መስጫዎችን እየገነባሁ ነው አለ፡፡ (ቴዎድሮስ ብርሃኑ)
  • ለይፋዊ የሥራ ጉብኝት በዶሃ የሚገኙት ጠቅላይ ሚኒስትር ሃይለማርያም ደሣለኝ የኳታር ባለሃብቶች በኢትዮጵያ ኢንቨስት እንዲያደርጉ ጋበዟቸው፡፡ (ንጋቱ ሙሉ)
  • በሽብር ወንጀልና በወንጀል ሕግ ተከሰው ተከላከሉ የተባሉት እና አቶ በቀለ ገርባ በመከላከያ ምስክርነት የጠሯቸው ከፍተኛ ባለሥልጣናት መጥሪያ እንዲደርሳቸው ታዘዘ፡፡ (እሸቴ አሰፋ)
  • ከ32 ሺ በላይ በሚሆኑ የትምህርት ተቋማት የጤና ጥበቃ ሥራ ሊጀመር ነው፡፡ (ምህረት ስዩም)
አስተያየት ይፃፉ (0 አስተያየት)
Sheger 102.1 AudioNow Numbers