• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአፄ ቴዎድሮስ ህልፈተ ሕይወት 150ኛ አመት ከትውልድ ቦታቸው ቋራ እስከ ተሰዉበት ቦታ መቅደላ በድምቀት በልዩ ዝግጅቶች እንደሚከበር የአማራ ክልል ባህልና ቱሪዝም ቢሮ ተናገረ

የአፄ ቴዎድሮስ ህልፈተ ሕይወት 150ኛ አመት ከትውልድ ቦታቸው ቋራ እስከ ተሰዉበት ቦታ መቅደላ በድምቀት በልዩ ዝግጅቶች እንደሚከበር የአማራ ክልል ባህልና ቱሪዝም ቢሮ ተናገረ፡፡የቢሮው የኮሚኒኬሽን ኃላፊ አቶ ኃይለየሱስ ፍላቴ ከባህልና ቱሪዝም ቢሮው ጋር የጎንደር፣ የደብረ ታቦርና የወሎ ዩኒቨርስቲዎች ለበዓሉ ተባባሪዎች መሆናቸው ለሸገር ተናግረዋል፡፡

በጉብኝትና ሲምፖዚየም የሚከበረው የመይሳው 150ኛ ዓመት ከመጋቢት 11 ጀምሮ እስከ 18 ለአንድ ሳምንት እንደሚዘልቅ ከቢሮው ኮሚኒኬሽን ሀላፊ ሰምተናል፡፡የአንድነት፣ የአርቆ አሳቢነትና የጀግንነት ተምሳሌት የሆኑት አፄ ቴዎድሮስ በ1847 የኢትዮጵያ ንጉሠ ነገሥት ሆነው በደራስጌ ማርያም የንጉስ ነገሥትነት አክሊል ደፍተው አንድነትን በመሰነቅ እስከ 1860 ለ13 አመታት መምራታቸውን ታሪክ ያስረዳል፡፡

150ኛ ህልፈተ ሕይወት አመታቸው ሲከበርም ከአፄ ቴዎድሮስ ታሪክ ጋር ትስስር ያላቸው ስፍራዎች ይጎበኛሉ ተብሏል፡፡ከነዚህም መካከል ጉብኝቱ ተወልደው ባደጉባት ቋራ ቸርኬ ማርያም ጀምሮ የነገሱበት ጃን አሞራ ደራስጌ ማርያምን አካቶ ዋና ከተማቸው አድርገዋት የነበረችው ደብረ ታቦርንና የጦር መስሪያ ኢንዱስትሪ መንደራቸው ጋፋትና አካባቢውም ይጎበኛል ተብሏል፡፡

ንጉሠ ነገስቱ ራሳቸው በመሳተፍ ያሰሩትና ሴባስቶፓል መድፍ የተጎተተበት የጉዞ መስመር እንዲሁም የመጨረሻ ቤተ መንግስት ሕይወታቸው ያለፈበት የመቅደላ አምባ እና የንጉሰ ነገሥቱ የጦር ጄኔራል ፊታውራሪ ገብርዬ ከእንግሊዞች ጋር ተዋግተው ህይወታቸው ያለፈበትና አስክሬናቸው ያረፈበት ታሪካዊው የእሮጌ የጦር ሜዳ እንደሚጎበኝ ሰምተናል፡፡

በጉብኝቱ ጥሪ የተደረገላቸው እንግዶችና የመገናኛ ብዙሃን ተሳታፊ እንደሚሆኑም ሰምተናል፡፡ከወራት በፊትም በደብረ ታቦር ከተማ የዘመናዊነት ህልማቸውን የሚያሳይ ሐውልት እንደተሰራላቸው ይታወሳል፡፡አፄ ቴዎድሮስ ዘመነ መሳፍንትን በመግታት አንድ የዘመነች ኢትዮጵያ እንድትኖርም ስለመልፋታቸው ታሪክ ያስረዳል፡፡

ምስክር አወል
አስተያየት ይፃፉ (0 አስተያየት)

ኢትዮጵያ ወደፊት በሚስፋፋው የበርበራ ወደብ ተርሚናል 19 በመቶ ባለድርሻ እንድትሆን የሚያስችላትን ስምምነት መፈራረሟ መዘገቡ ይታወቃል

ኢትዮጵያ ወደፊት በሚስፋፋው የበርበራ ወደብ ተርሚናል 19 በመቶ ባለድርሻ እንድትሆን የሚያስችላትን ስምምነት መፈራረሟ መዘገቡ ይታወቃል፡፡ ስምምነቱ በሶማሌያ በኩል ተቃውሞ ሲገጥመው በጅቡቲ በኩል ቅሬታ አሳድሯል፡፡ የእሸቴ አሰፋ ዝግጅት ስምምነቱንና አንደምታውን ይመለከታል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ቸል የተባለው የትውልድ ፈተና - ሱሰኝነት

ይህ የሸገር የ“ስንክሳር” ዶክመንተሪ በሐገራችን በአደገኛ ሁኔታ በተዛመተው የሱሰኝነት ጉዳይና ይዞት በመጣው የአእምሮ ሕመም መስፋፋት ላይ ያተኩራል፡፡ ከአራት ኢትዮጵያውያን አንዱ የአእምሮ ሕመም ተጠቂ ነው የሚለው ይህ ዶክመንተሪ ከአእምሮ ሕመም ሰበቦች አንዱ የሱስኝነት መስፋፋት ነው ይለናል…

አስተያየት ይፃፉ (2 Comments)

እድሜያቸው ከ10 እስከ 24 ዓመት ከሚሆናቸው ኢትዮጵያውያን ወጣቶች 51 % ያህሉ ጫት ቃሚዎች ናቸው...

እድሜያቸው ከ10 እስከ 24 ዓመት ከሚሆናቸው ኢትዮጵያውያን ወጣቶች 51 % ያህሉ ጫት ቃሚዎች ናቸው - 45.6 %ቱ ደግሞ የአልኮል መጠጥ ይጠጣሉ - ጥናት…የሸገሩ ንጋቱ ሙሉ ዘገባ - ኢትዮጵያ ወጣቶችዋ በሱስ፣ በጤና እክል፣ በሥነ ልቦናዊ እና የሥነ ተዋልዶ ችግሮች ተተብትበዋል ይለናል፡፡ ጫት፣ ሺሻ፣ የአልኮል መጠጦች እና ማሪዋናን የሚወስዱ ወጣቶች ቁጥር በአስደንጋጭ ሁኔታ እየጨመረ ነው፡፡

ከኢትዮጵያውያን ወጣቶች 45.6 ከመቶዎቹ የአልኮል መጠጥ ይጠጣሉ፤ 51 ከመቶዎቹ ደግሞ ጫት ቃሚ ሆነዋል የሚለው ይህ ዘገባ ከቃሚዎቹ መካከል 56.6 ከመቶዎቹ ወንዶች ናቸው ይላል፡፡ከሱሱም በተጨማሪ ኤች አይ ቪ፣ የመተንፈሻ አካላት ኢንፌክሽን፣ ተላላፊ ያልሆኑ በሽታዎች እና ራስን ማጥፋት የበርካታ ወጣቶችን ሕይወት የሚቀጥፉ ሰበቦች ናቸው ተብሏል፡፡

ለችግሩ አስከፊ ደረጃ ላይ መድረስ ዋንኛው ሰበብ ሕጎች ቢኖሩም ሕጎቹን የሚተገብራቸው አካል አለመኖሩ ነው፡፡ወጣቶችንም የመፍትሄው አካል ማድረግ ይገባል ነው የተባለው…

አስተያየት ይፃፉ (0 አስተያየት)

አዲስ አበባ በሚገኙ ሥጋ ቤቶች ላይ ከልኬት ጋር የተገናኘ ሰፋ ያለ ችግር እንዳለ ተነገረ

አዲስ አበባ በሚገኙ ሥጋ ቤቶች ላይ ከልኬት ጋር የተገናኘ ሰፋ ያለ ችግር እንዳለ ተነገረ፡፡ ከ1 ኪሎ ሥጋ እስከ 123 ግራም አጉድለው ለተጠቃሚው የሚሸጡ ሥጋ ቤቶች እንዳሉ ሰምተናል፡፡የንግድ ውድድር እና የሸማቾች ጥበቃ ባለስልጣን በተለያዩ ሥጋ ቤቶች ላይ ያካሄደውን ምልከታ ውጤት ዛሬ ይፋ አድርጓል፡፡

ባለስልጣኑ የምልከታ ውጤቱም በኢትዮጵያ ሆቴል ይፋ ያደረገው በአገር አቀፍ ደረጃ ዛሬ በተከበረው የሸማቾች ቀን መድረክ ላይ ነው፡፡ሥጋ ቤቶቹ ለተጠቃሚው የሚሸጡትን ሥጋ በሚለኩበት ሚዛን በየአመቱ ማረጋገጫ ማግኘት እንዳለባቸው ተነግሯል፡፡ምልከታው ከተካሄደባቸው ሥጋ ቤቶች መካከል ግን 64 በመቶው የልኬት ማረጋገጫው የላቸውም ተብሏል፡፡

ችግሩ ለሸማቾች ህብረት ሥራ ማህበራትና በግል ሥጋ ቤቶች የሚታይ እንደሆነም ተነግሯል፡፡በተቃራኒው የግል የሸቀጣ ሸቀጥ ሱቆች ከልኬት አኳያ የተጋነነ ችግር እንደሌለባቸው ሲነገር ሰምተናል፡፡ባለስልጣኑ ምልከታ ካካሄደባቸው 75 የግል የሸቀጣ ሸቀጥ ሱቆች 49ኙ ወይም 65 ነጥብ 3 በመቶ ምንም ዓይነት የልኬት ችግር አልተገኘባቸውም ተብሏል፡፡

የተቀሩት ግን ደረጃው ቢለያይም የልኬት ችግር እንዳለባቸው ታውቋል፡፡የዘንድሮ የሸማቾች ቀን በአገራችን የተከበረው “በተደራጀው የህብረተሰብ ተሳትፎ የምርት ጥራት ይረጋገጣል” በሚል መሪ ሀሳብ ነው፡፡

ንጋቱ ረጋሳ

አስተያየት ይፃፉ (0 አስተያየት)

በጅቡቲና በኢትዮጵያ ድንበር አስተዳዳሪዎች መካከል በተደረገው የጋራ ኮሚሽን ስብሰባ ላይ ስምምነቶች መደረጋቸውን የውጭ ጉዳይ ሚኒስቴር ቃል አቀባይ ተናገሩ

በጅቡቲና በኢትዮጵያ ድንበር አስተዳዳሪዎች መካከል በተደረገው የጋራ ኮሚሽን ስብሰባ ላይ ስምምነቶች መደረጋቸውን የውጭ ጉዳይ ሚኒስቴር ቃል አቀባይ ተናገሩ፡፡በአፋር ከተማ ሰመራ የተደረገው የሁለቱ አገራት 24ኛ የድንበር ኮሚሽን ስብሰባ ላይ ህገ-ወጥ የሰዎች ዝውውርን ለማስቆም እና ህገ-ወጥ ንግድን ለመቆጣጠርም ሁለቱ የድንበር አስተዳዳሪዎች መስማማታቸው ተነግሯል፡፡

23ኛው የሁለቱ አገራት የድንበር ኮሚሽን ስብሰባ ዲግል ጅቡቲ ውስጥ የተደረገ ሲሆን በወቅቱ የተስማሙባቸው ነጥቦች ከምን እንደደረሱ በዚህ ጉባኤ ላይ መሰማቱ ተነግሯል፡፡ከድንበር በተጨማሪ በኢትዮጵያ እና በጅቡቲ መካከል የወደብ አገልግሎት የተመለከተ ንግግር መደረጉንም ሰምተናል፡፡

በጅቡቲና በኢትዮጵያ መካከል ከ12 እስከ 15 ቢሊዮን ዶላር የመሰረተ ልማት ትስስር እንዳለም ቃል አቀባዩ ተናግረዋል፡፡ከሱማሌላንድ ጋር የኢትዮጵያ መንግስት ያደረገውን የበርበራ ወደብ ስምምነትን የሶማሊያ መንግስት መቃወሙን በተመለከተ ለቃል አቀባዩ ጥያቄ ቀርቦላቸው በሰጡት መልስ ከሱማሌላንድ ጋር ኢትዮጵያ የሚኖራት ግንኙነት የሎጅስቲክ በመሆኑ የሱማሊያና የሶማሌላንድ መንግስት የውስጥ ጉዳይ በመሆኑ አያገባንም ብለዋል፡፡

ኢትዮጵያ አሁን ላለው የህዝብ ቁጥሯ የሚመጥን የወደብ አገልግሎት ስለሚያስፈልጋት ከጅቡቲ በተጨማሪ አማራጭ ወደቦችን መመልከት ግድ ይለናል፡፡ እና በዚያ መሰረት እየሰራነው ሲሉ ቃል አቀባዩ ተናግረዋል፡፡

የውጭ ጉዳይ የቃል አቀባይ ጽ/ቤት በመስሪያ ቤቱ የመዋቅር ማስተካከያ ከተደረገ ወዲህ የስራ ክንውኑን በሚመለከት የሚሰጠው መደበኛ ሳምንታዊ መግለጫ 1 አመት እንዳስቆጠረም ቃል አቀባዩ ጨምረው ተናግረዋል፡፡

የኔነህ ሲሳይ

አስተያየት ይፃፉ (0 አስተያየት)

የቀድሞ የኢ.ፌ.ድ.ሪ ፕሬዝዳንት ግርማ ወ/ጊዮርጊስ የአማራ ተወላጆች የኦሮሚፋ ቋንቋን በሣባ ፊደላት እንዲማሩ የሚጠይቅ ደብዳቤ ለክልሉ መስተዳድር መላካቸው ተሰማ...

የቀድሞ የኢ.ፌ.ድ.ሪ ፕሬዝዳንት ግርማ ወ/ጊዮርጊስ የአማራ ተወላጆች የኦሮሚፋ ቋንቋን በሣባ ፊደላት እንዲማሩ የሚጠይቅ ደብዳቤ ለክልሉ መስተዳድር መላካቸው ተሰማ፡፡ በአማራ ክልልና በሌሎች ቦታዎች የሚገኙ ሰዎች ጭምር የኦሮሚፋ ቋንቋን ከላቲን ፊደላት ይልቅ በሣባ ፊደላት ቢማሩ በቀላሉ ቋንቋውን መልመድ ይችላሉ ሲሉ ፕሬዝዳንት ግርማ ለሸገር ነግረዋል፡፡

አፋን ኦሮሞን ማወቅ የሚፈልጉ የአማራ ተወላጆች ቋንቋውን ማወቅ እንዲችሉ የክልሉ መንግስት በትምህርት ሥርዓቱ ውስጥ ቢያስገባ በቀላሉ ማስተማር ይቻላል የሚሉት ግርማ ወ/ጊዮርጊስ ሀሳባቸውን ለሸገር ተናግረዋል፡፡

ከረጅም አመታት በፊት መፅሐፍ ቅዱስ መፅሐፈ ቁልቁሉ በሚል በሣባ ፊደል መተርጎሙን የተናገሩት የቀድሞው ፕሬዝዳንት አሁንም ብዙ ድምፆች ያሉትን የላቲን ፊደላት ከማስተማር ይልቅ የአፋን ኦሮሞ ቋንቋን በሳባ ፊደላት መስጠት ቢቻል የቋንቋው ተናጋሪ ያልሆነውን ሰው በቀላሉ ማስተማር ይቻላል ብለዋል፡፡

የአፋን ኦሮሞ ቋንቋ በሣባ ፊደላት በአማራ ክልል ውስጥ በትምህርት ሥርዓቱ ውስጥ ቢካተት መልካም ነው የሚለውን ሀሳብ ለክልሉ ርዕሠ መስተዳደር ጭምር ደብዳቤ መፃፋቸውን የቀድሞው ፕሬዘዳንት ግርማ ወ/ጊዮርጊስ ነግረውናል፡፡

የኔነህ ሲሳይ

አስተያየት ይፃፉ (1 Comment)

የኢህአዴግ ምክር ቤት ስብሰባ ከፊታችን ማክሰኞ ጀምሮ እንደሚካሄድ ተነገረ...

የኢህአዴግ ምክር ቤት ስብሰባ ከፊታችን ማክሰኞ ጀምሮ እንደሚካሄድ ተነገረ፡፡ የኢህአዴግ ምክር ቤት የኢህአዴግን ሊቀመንበር ይመርጣል ተብሎም ይጠበቃል፡፡ ምክር ቤቱ 180 አባላትን ያካተተ ሲሆን የኢህአዴግ ሊቀመንበር ሆኖ ለመመረጥ የ1 ሶስተኛውን ወይንም የ60 አባላትን ድምፅ ማግኘት ይኖርበታል፡፡

ለምርጫው የሚወዳደሩት 3 የምክር ቤቱ አባላት ሲሆኑ በተገኘው ድምፅ 1ኛ የወጣው ሊቀመንበር 2ኛ የሆነው ም/ሊቀመንበር ሆነው ይሰየማሉ፡፡የኢህአዴግ ሊቀመንበር ሆኖ ለመመረጥ የግድ የአራቱ አባል ድርጅቶች ሊቀመንበር መሆን አይጠበቅበትም፡፡

ከሊቀመንበሮቹ ውጪ የሆነ የምክር ቤቱ አባልም ተጠቁሞ ሊወዳደርና ሊመረጥ እንደሚችል የኢትዮጵያ ብሮድካስት ባለስልጣን ዋና ዳይሬክተርና የህውሃት ማዕከላዊ ኮሚቴ አባል የሆኑት አቶ ዘርአይ አስገዶም ትላንት ከሚዲያ ባለቤቶችና ዋና አዘጋጆች ጋር ባደረጉት ስብሰባ ላይ ጠቁመዋል፡፡

ባለፈው ሳምንት የኢህአዴግ ስራ አስፈፃሚ ኮሚቴ ከሶስቱ ድርጅቶች በቀረበው ሪፖርት ላይ ግምገማ ማድረጉንና የ1ኛውን ድርጅት በቀሪዎቹ ቀናት እንደሚያጠቃልል የኢህአዴግ ጽ/ቤት ሀላፊ አቶ ሽፈራው ሽጉጤ መናገራቸው ይታወሳል፡፡የቀረው ሪፖርት የየትኛው ድርጅት እንደሆነ ግን አልጠቀሱም፡፡በመጪው ማክሰኞ ይጀመራል ተብሎ የሚጠበቀው የኢህአዴግ ምክር ቤት ስብሰባ የሚካሄደውም ይህንኑ የስራ አስፈፃሚውን ኮሚቴ ስብሰባ ተከትሎ ነው፡፡

አስተያየት ይፃፉ (0 አስተያየት)

የፓርቲዎች ጋጋታ ለዲሞክራሲያዊ ምርጫ ምንም አይፈይድም

በአፍሪካ ምርጫን አስመልክቶ ያለው ተጨባጭ ሁኔታ የሚያመለክተው ነገር ቢኖር ከዲሞክራሲ አንፃር የተጠናከረና ስር የሰደደ አለመሆኑን ነው፡፡የአንድ ፓርቲ ፈላጭ ቆራጭነት እንጂ የብዙኃን ፓርቲ የሚባል ነገር ብዙም አልተለመደም፡፡

እንደ ጎርጎሮሳውያኑ አቆጣጠር በአህጉረ አፍሪካ የብዙኃን ፓርቲ ፖለቲካ ብቅ ማለት የጀመረው በ1990 ላይ መሆኑን በአፍሪካ የጥናት ማዕከል የተጻፈው መረጃ ያመለክታል፡፡በአፍሪካ የምርጫ ወቅት ባለድርሻ አካላት ከሚባሉት ዋነኞቹ ተዋናዮች ሥልጣን ላይ ያለው ገዢ ፓርቲ ወይንም መንግስት አልያም ሁለቱንም አደባልቀው የያዙ መንግስታት፣ የሲቪል ማህበረሰቡ፣ ተቃዋሚ ፓርቲዎች፣ ወይንም መንግስት ከመጋረጃ ጀርባ ያደራጃቸው ታማኝ ተቃዋሚዎች መሆናቸውን መረጃዎች ይጠቁማሉ፡፡

በአፍሪካ ምርጫን አስመልክተው በተካሄዱ ጥናቶች ባለፉት 15 አመታት ትልቅ መሻሻል እየታየ መጥቷል እየተባለ ነው፡፡በ1990ዎቹ በአፍሪካ ይብዛም ይነስ በፉክክር የታጀቡ ምርጫዎች ደርዘን በሆኑ ሀገሮች ተከናውነዋል፡፡የምርጫ ባለድርሻ አካላት የተሰኙት በምርጫው ሂደት የተሻለ ፍትሃዊ አካሄድ እንዲኖር ካደረጉ፤ ዘላቂ ለሆነ ሰላም የዲሞክራሲ መንገድን በመክፈት በኩል አስተዋፅኦቸው ገንቢ እንደሚሆን እየታመነበት መጥቷል፡፡

ለአብነትም ያህል በጋና፣ በዛምቢያ፣ በሴኔጋል እና በተለየ ሁኔታ በደቡብ አፍሪካ በ1994 የተደረገው የተሳካ ምርጫ ዴሞክራሲያዊ በሆነ መንገድ ሊጠናቀቁ መቻላቸው ይታወሳል፡፡ይህ ሲባል ግን በአፍሪካ የሚካሄደው ፕሬዝዳንታዊ ምርጫ ምሉዕ በኩሉሄ ወይንም ሙሉ በሙሉ ከችግሮች የፀዳ ነው ማለት አይደለም፡፡በአፍሪካ ምርጫን በሚመለከት ዋነኛ እንቅፋት ተደርገው ከሚጠቀሱት መካከል ቁሩጩ ድሃ በሆኑ ሀገሮች ሳይቀር የፖለቲካ ፓርቲዎች እንደ አሽን የመፍላታቸው ጉዳይ ነው፡፡

ሌላው ደግሞ በጎሳና በሃይማኖት በተከፋፈሉ ሀገሮች የሚደረግ ምርጫ ለበርካታ ሰላማዊ ዜጎች እልቂትና እስራት ምክንያት መሆኑ ነው፡፡በቅርቡ አፍሪካዊቷ ሀገር ዚምባቡዌ የቀድሞውን አንጋፋ መሪዋን ሮበርት ሙጋቤን ጤናማ ነው በሚባል መልኩ በሌላ መሪ ኤመርሰን ምናንጋግዋ መተካቷ የሚታወስ ነው፡፡

ዚምባብዌ እንደሌሎቹ በርካታ ሀገሮች በውስጧ የሚንቀሳቀሱ 107 የፖለቲካ ፓርቲዎች መኖር ራሷን ያዞሩዋት ይመስላል፡፡ሰሞኑን የዚምባብዌ የምርጫ ኮሚሽን ይህንኑ ጉዳይ በማንሳት ሀገሪቱ ይህን ያህል የፖለቲካ ፓርቲዎች አያስፈልጓትም ባይ ነው፡፡

እነዚሁ ፓርቲዎች በቅርቡ በ2018 በሚካሄደው የሀገሪቱ ምርጫ ላይ የሚወዳደሩ ናቸውም ተብሏል፡፡የፓርቲዎቹ ቁጥር መብዛት ጉዳይ ጎጂ ላይመስል ይችላል፡፡ይሁን እንጂ የዚምባብዌ አብዛኞቹ አነስተኛ ፓርቲዎች የማይጠቅሙና ምናቸውም የማይታወቅ ነገሮች መሆናቸውን የምርጫ ኮሚሽኑን መግለጫ ጠቅሶ ዴይሊ ኒውስ ፅፏል፡፡

ተጨማሪ ያንብቡ...

አስተያየት ይፃፉ (2 Comments)

ሥመጥሩ የፊዚክስ ሊቅ ስቴፈን ሐውኪንግ በ76 ዓመቱ አረፈ

ሥመጥሩ የፊዚክስ ሊቅ ስቴፈን ሐውኪንግ በ76 ዓመቱ አረፈ…ሐውኪንግ በአንፃራዊነት ንድፈሐሳብ ዙሪያ እንዲሁም ጥቁር ቀዳዶች (Black Holes) በሚባሉት የሕዋ አካላት ላይ በሚያተኩሩት ሳይንሳዊ ንድፈሐሳቦቹ ይታወቃል፡፡

በ22 ዓመቱ በያዘው የነርቭ ሕመም ሳቢያ ከጥቂት ዓመታት በላይ በሕይወት አትቆይም ተብሎ የነበረው ሐውኪንግ በቀጡሉት አስርት ዓመታት በንድፈሐሳባዊው የፊዚክስ ዘርፍ የዓለማችን እጅግ ሥመጥሩ ሳይንቲስት ለመሆን ችሏል፡፡

በሕመሙ ሳቢያ በዊልቸር የሚንቀሳቀሰው ፕሮፌሰር ሐውኪንግ መናገርም ስለማይችል በኮምፕዩተር እገዛ ነበር ሐሳቡን እና ሳይንሳዊ ምልከታዎቹን የሚገልፀው፡፡

እ.ጎ.አ በ1974 በክብደታቸው ሳቢያ ምንም አይነት ብርሃን የማያወጡት ጥቁር ቀዳዳዎች ጨረር እንደሚያወጡ የሚገልፀውን ንድፈሐሳቡን ያሳተመው ሐውኪንግ፤ በ1979 የኬምብሪጅ ዩኒቨርሲቲ የሒሳብ የሉኬዢያን ፕሮፌሰር ለመሆን በቅቷል - ይህ ወንበር በአንድ ወቅት ታላቁ ሰር አይዛክ ኒውተን ይዞት የነበረው ማዕረግ ነው፡፡

በ1988 በመላው ዓለም ከ10 ሚሊየን ኮፒዎች በላይ የተሸጠውን A Brief History of Time የተባለው መጽሐፉን አሳተመ፡፡በ1990ዎቹ ማብቂያ ግድም በእንግሊዟ ንግሥት የተበረከተለትን የ“ሰር” ማዕረግ ሳይቀበል ቀርቷል፡፡

አሁን አሁን የአካባቢ ብክለት፣ የሕዝብ ብዛት እንዲሁም በግላቸው የሚያስቡ ኮምፕዩተሮች የሰው ዘርን ያጠፉታል የሚል ማሰጠንቀቂያውን በተደጋጋሚ በመናገር የሚታወቀው ሐውኪንግ በ2014 የሕይወት ታሪኩን የሚዳስስ ፊልም ለእይታ በቅቶ ነበር፡፡

አስተያየት ይፃፉ (0 አስተያየት)

በኦሮሚያ እና ሶማሌ አዋሳኝ አካባቢዎች የተከሰተውን ግጭት ተከትሎ ከተፈናቀሉ 900 ሺህ ገደማ ዜጎች 250 ሺው ወደ ቀድሞ ቀያቻው ተመልሰዋል ተባለ

በኦሮሚያ እና ሶማሌ አዋሳኝ አካባቢዎች የተከሰተውን ግጭት ተከትሎ ከተፈናቀሉ 900 ሺህ ገደማ ዜጎች 250 ሺው ወደ ቀድሞ ቀያቻው ተመልሰዋል ተባለ፡፡በአሮሚያ እና ኢትዮጵያ ሶማሌ አዋሳኝ አካባቢዎች የተከሰተውን ግጭት ተከትሎ 856 ሺህ 941 ዜጎች ከቤት ንብረታቸው ተፈናቅለዋል፡፡ዜጎቹ ከሁለቱም ክልሎች የተፈናቀሉ እንደሆኑ የብሄራዊ አደጋ ስጋት ስራ አመራር ኮሚሽን መረጃ ያሳያል፡፡

ከመካከላቸውም 67 በመቶዎቹ በክልሎቹ ውስጥ የተደረገ መፈናቀል እንደሆነ የብሄራዊ አደጋ ስጋት ስራ አመራር ኮሚሽነር ምትኩ ካሣ ተናግረዋል፡፡ከእነዚህ ተፈናቃዮች እስከ አሁን 250 ሺህ የሚሆኑት ወደ ቀድሞ ቀዬቸው መመለሳቸውን ኮሚሽነር ምትኩ ተናግረዋል፡፡ዜጎቹ ከምርት ተግባር ተነጥለው ስለቆዩ ድጋፍ ያስፈልጋቸዋል ብለዋል፡፡

የዕለት ዕርዳታን ጨምሮ የተለያዩ ድጋፎች እየቀረበላቸው የሚገኘውም ለዚሁ እንደሆነ ተናግረዋል፡፡ከጥር 2010 እስከ ታህሳስ 2011 ድረስ ባለው አንድ ዓመት 7 ነጥብ 8 ሚሊየን ኢትዮጵያውያን አስቸኳይ ዕርዳታ እንደሚፈልጉ ትናንት መነገሩ ይታወሳል፡፡

መንግስት በራሱ በኩል አምስት ቢሊየን ብር መድብያለሁ ብሏል፡፡አራት ሚሊየን ኩንታል እህል እየተገዛ መሆኑንም ኮሚሽነር ምትኩ ተናግረዋል፡፡የተገዛው እህል ከአንድ ወር በኋላ ጁቡቲ ወደብ ይደርሳል ተብሎ እንደሚጠበቅ ኮሚሽነሩ ተናግረዋል፡፡

ንጋቱ ረጋሳ

አስተያየት ይፃፉ (0 አስተያየት)
Sheger 102.1 AudioNow Numbers