• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የመንግሥት ወጪ ለግብር ከፋዩ ሕዝብ ማሣወቁ ገና ብዙ ይቀረዋል ተባለ

እናንተ ለሀገር ብላችሁ በምትከፍሉት ገንዘብ የሚገዙ፣ የሚገነቡና አገልግሎት የሚሰጡ የመንግሥት ድርጅቶች የእናንተ ገንዘብ ምን ላይ እንደዋለ ይነግሯችሁ ይሆን?

በተለይም በመንገድ፣ በቤቶች ኮንስትራክሽን እና በውሃ ላይ ትኩረት አድርጐ በግልፀኝነት ላይ የሚሰራ ኮስት ኢትዮጵያ የተባለ ድርጅት እንዳለው የመንግሥት ድርጅቶች ግዢያቸውንና ወጪያቸውን ለህዝብ ይፋ በማድረግ በኩል ከፍተኛ ችግር አለባቸው ይላል፡፡

ኮስት ኢትዮጵያ ይህን ያለው ዛሬ መረጃን ለህዝብ ይፋ ለማድረግ ይረዳ ዘንድ ከሥነ-ምግባረና ፀረ-ሙስና ኮሚሽን፣ ከዋና ኦዲተር መሥሪያ ቤት እንዲሁም ከመንግሥት ግዢና ንብረት አስተዳደር ኤጀንሲ ጋር የመግባቢያ ሰነድ በተፈራረመበት ወቅት ነው፡፡

ተጨማሪ ያንብቡ...

አስተያየት ይፃፉ (0 አስተያየት)

ለደረጃ “ሐ” ግብር ከፋዮች የተቀመጠላቸው መክፈያ 4 ቀናት እየቀሩት ከ35 በመቶ በላይ የሚሆኑት እስካሁን ለክፍያ አለመቅረባቸው ተሠማ

የደረጃ ሐ ግብር ከፋዮች አመታዊ ግብር መክፈያ ጊዜ ሊያበቃ አራት ቀናት ቢቀሩትም እስካሁን መክፈል የቻሉት  ግን 63 ነጥብ 8 በመቶዎቹ ብቻ ናቸው ተባለ፡፡

የገቢዎችና ጉምሩክ ባለሥልጣን እና የአዲስ አበባ ንግድ ቢሮ ዛሬ ጋዜጠኞችን ጠርተው መግለጫ በሰጡበት ወቅት እንደሰማነው የደረኛ ሐ ግብር ከፋዮች የግብር መክፈያ ጊዜ ከሐምሌ 1 – 30 መሆኑ የታወቀ ቢሆንም እስካሁን ግን የከፈሉት 63 በመቶዎቹ ብቻ መሆናቸውን ሰምተናል፡፡

ለዚህም በቅርቡ ተሻሽሎ የፀደቀው የገቢ ግብር አዋጅ ብዥታ የፈጠረባቸው ግብር ከፋዮች መኖራቸው ተነግሯል፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ 26፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


  • የኢትዮጵያን የአየር ክልል ተጠቅመው የሚበሩ አውሮፕላኖችን መቆጣጠሪያ ሳተላይት ሰሞኑን ተቋርጦ ለቁጥጥርም ከባድ ሆኖ ሰነበተ ስለመባሉ ሸገር ሰምቷል፡፡ (ህይወት ፍሬስብሃት)
  • ስለ ኢትዮጵያዊያን ቤተ-እሥራኤላዊያን በየጊዜው የተለያዩ መረጃዎች ይወጣሉ፡፡ ከሰሞኑ በዚሁ ዙሪያ የተሰናዳው ሪፖርት የቀረበላቸው የእሥራኤሉ ጠቅላይ ሚኒስትር ቤኒያሚኒ ኔታንያሁ ከዚህ በኋላ በቤተ-እሥራኤላውያኑ ላይ የሚፈፀመውን በትዕግስት የሚያልፍ አንጀት የለኝም ብለዋል፡፡ (ምስክር አወል)
  • በመጪው ቅዳሜ በአሜሪካ ዋሽንግተን ዲሲ የሚካሄደው የዲያስፖራ ቢዝነስ ፎረም በኢትዮጵያ የውጪ ቀጥታ ኢንቨስትመንትን በተለይም በማምረቻው ዘርፍ ለመሳብ ከባድ በሆነበት ጉዳይ ላይ ይመክራል፡፡ (ቴዎድሮስ ወርቁ)
  • የአዲስ ብድርና ቁጠባ ተቋም ዘንድሮ ከ8 ቢሊዮን ብር በላይ አበድሬያለሁ አለ፡፡ (ተህቦ ንጉሴ)
  • ለደረጃ “ሐ” ግብር ከፋዮች የተቀመጠላቸው መክፈያ 4 ቀናት እየቀሩት ከ35 በመቶ በላይ የሚሆኑት እስካሁን ለክፍያ አለመቅረባቸው ተሠማ፡፡ (ንጋቱ ሙሉ)
  • በኢትዮጵያ የሙቀት መጠኑ ከዓመት ዓመት እየጨመረ መሆኑ ተነገረ፡፡ (ትዕግስት ዘሪሁን)
  • የካርቱም ከተማ ገዥ በአዲስ አበባ ጉብኝት እያደረጉ ነው ተባለ፡፡ (የኔነህ ሲሣይ)
  • የመንግሥት ወጪ ለግብር ከፋዩ ሕዝብ ማሣወቁ ገና ብዙ ይቀረዋል ተባለ፡፡ (ዮሐንስ የኋላወርቅ)
አስተያየት ይፃፉ (0 አስተያየት)

የአዲስ አበባ ንግድ ቢሮ ያለ ንግድ ፈቃድ ሲነግዱ የቆዩ በሺህዎች የሚቆጠሩ ነጋዴዎች ሕጋዊ እንዲሆኑ አግዛቸዋለሁ አለ

በዚህ አመት ያለንግድ ፈቃድ ሲነግዱ የተገኙ 7 ሺህ ያህል ነጋዴዎች ሁሉም ፈቃድ አውጥተው ህጋዊ እንዲሆኑ ተደርጓል ተባለ…

በተሻሻለው የገቢ ግብር አዋጅ መሠረትም ያለንግድ ፈቃድ መነገድ ከባድ ቅጣት ከሚያስወስኑ ወንጀሎች አንዱ መሆኑን የአዲስ አበባ ንግድ ቢሮ ለሸገር ተናግሯል፡፡

የንግድ ፈቃድ ሳያወጡ በመርካቶና በሌሎችም የአዲስ አበባ አካባቢዎች ሱቅ ከፍተው በጨርቃ ጨርቅ፣ በኤሌክትሮኒክስና የተለያዩ የንግድ ዘርፍ ተሰማርተው ሲሰሩ የተገኙ ሰባት ሺህ ነጋዴዎች መገኘታቸውን ሰምተናል፡፡

የአዲስ አበባ ንግድ ቢሮ ኃላፊ አቶ ርስቱ ይርዳ ለሸገር እንደተናገሩት በዚህ አመት በተደረገ ድንገተኛ ፍተሻ ያለንግድ ፈቃድ ሲሰሩ የተገኙ 7 ሺህ ነጋዴዎችን ከመቅጣት ይልቅ ንግድ ፈቃድ አውጥተው ህጋዊ ሆነው እንዲሰሩ ተደርጓል፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ 25፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ዩኒቲ ዩኒቨርስቲ በ2009 ዓ.ም አዳዲስ የትምህርት ዘርፎችን እንደሚከፍትና ለትምህርት ጥራት ትኩረት ሰጥቶ እንደሚሰራ ተናግረ፡፡ (ምስክር አወል)
  • በአዲስ አበባ ከሚገኙ የደረጃ ሐ ግብር ከፋዮች 39 በመቶዎቹ አሁንም ግብራቸውን አልከፈሉም ተባለ፡፡ (ትዕግስት ዘሪሁን)
  • K 570 A የተባለች አውሮፕላን እሰራለሁ ብሎ ለተነሣሣው አስመላሽ ዘፈሩ የገቢ ማሰባሰቢያ ዝግጅት ከትላንት በስቲያ ተካሂዶ ነበር፡፡ (ንጋቱ ሙሉ)
  • እኔ ሥልጣን ቢኖረኝ ኖሮ ጫትን ከኢትዮጵያ ምድር ጠራርጌ አጠፋው ነበር ሲሉ ሼህ መሀመድ ሁሴን አሊ አላሙዲ ተናገሩ፡፡ (ዮሐንስ የኋላወርቅ)
  • በአዲስ አበባ ለጐርፍ አደጋ የተጋለጡ 54 ቦታዎች ተለዩ፡፡ (ወንድሙ ኃይሉ)
  • በአዲስ አበባ የቀጥታ የቧንቧ የመጠጥ ውሃ የምታገኙ ለጤና እክል እንጋለጣለን ብላችሁ እንዳትሰጉ ተባለ፡፡ (ተህቦ ንጉሴ)
  • የአዲስ አበባ መንገዶች ባለሥልጣን መሥሪያ ቤት ለረጅም ዓመታት በኃላፊነት ሲመሩ የቆዩት ኢንጂኒየር ፍቃዱ ኃይሌ ከኃላፊነቴ የለቀቁት በግል ፍላጐቴ ነው አሉ፡፡ (ቴዎድሮስ ወርቁ)
  • የገቢዎችና ጉምሩክ ባለሥልጣን ቀረጥ ሳይከፈልባቸው በቱሪስቶች አማካይነት ወደ ኢትዮጵያ ገብተው ለማን እንደተላለፉ ያልታወቁ በመቶዎች የሚቆጠሩ ተሽከርካሪዎችን አፋልጉኝ እያለ ነው፡፡ (ዮሐንስ የኋላወርቅ)
  • የአዲስ አበባ ንግድ ቢሮ ያለ ንግድ ፈቃድ ሲነግዱ የቆዩ በሺህዎች የሚቆጠሩ ነጋዴዎች ሕጋዊ እንዲሆኑ አግዛቸዋለሁ አለ፡፡ (ትዕግስት ዘሪሁን)
አስተያየት ይፃፉ (0 አስተያየት)

“እኔ ስልጣን ቢኖረኝ ኖሮ ጫትን ከኢትዮጵያ ምድር ጠራርጌ አጠፋው ነበር” ሼህ መሀመድ ሁሴን አሊ አላሙዲ

ሼህ መሐመድ ሑሴን አሊ አላሙዲ ይህን ያሉት ቅዳሜ ሐምሌ 23 ቀን 2008 ዩኒቲ ዩኒቨርሲቲ ተማሪዎቹን ካስመረቀ በኋላ ለጋዜጠኞች በሰጡት ጋዜጣዊ መግለጫ ላይ ነው፡፡ “ዩኒቲ ዩኒቨርሲቲ ባለበት በተለይም በገርጂው ካምፓስ አካባቢ እንደ አሸን የፈሉትን ጫት ቤቶች በተመለከተ ለተማሪዎቹም ሆነ ለቤተሰቦቻቸው ደህንነት ሲባል ዩኒቨርሲቲው ምን አድርጓል ?” በሚል ከጋዜጠኞች ለቀረበላቸው ጥያቄ ሲመልሱ፣

“በጣም ከሚያንገበግበኝ ነገር አንዱ ጫት የሚባል ነገር ነው፡፡ ስንፍናን ያስተምራል፡፡ እኔ ወሎ ነው ያደግኩት ግን በሕይወቴ ጫት የሚባል በልቼ አላውቅም፡፡ ዘመዶቼም በልተው አያውቁም፡፡ ይሄ ጫት የሚባል ስንፍናን የሚያመጣ ወጣቱን የበከለ ነው፡፡

ተጨማሪ ያንብቡ...

አስተያየት ይፃፉ (1 Comment)

ድርቅ እና ጐርፍ በኢትዮጵያ አንድ ሚሊየን የሚጠጉ ሰዎችን ከመኖሪያቸው አፈናቅሏል ተባለ

ኤሊኒኖ እና ድንገት ደራሽ ጐርፍ እየተከሰተ ኢትዮጵያውያንን ሲያስጨንቃቸው ሰንብቷል… በዚህም የተነሣ ከ800 መቶ ሺህ በላይ የሚሆኑ ሰዎች ከቤት ንብረታቸው መፈናቀላቸውን አለም አቀፉ የፍልሰት ተቋም ጉዳዩ ከሚመለከተው የመንግሥት ተቋማት ጋር በመሆን ያወጡት ሪፖርት ተናግሯል፡፡

ካለፈው አመት ነሀሴ እስከ ሰኔ ወር መጨረሻ በኤሊኒኖ ምክንያት 631 ሺህ 508 ሰዎች ከቤት ንብረታቸው ተፈናቅለዋል፡፡

ተጨማሪ ያንብቡ...

አስተያየት ይፃፉ (0 አስተያየት)

የእከክ በሽታ በድርቅ ከተጎዱ አካባቢዎች ባለፈ ተላላፊ በመሆኑ አዲስ አበባ ከተማ ውስጥም መከሰቱ ተሠማ

ድርቅ በተከሰተባቸው አካባቢዎች በውሃ እጥረትና በንፅህና ችግር ምክንያት የእከክ በሽታ በወረርሽኝ ደረጃ ተከስቶ የነበረ ቢሆንም የክረምቱ ዝናብ ከጀመረ በኋላ ቁጥሩ ቀንሷል ተባለ…

በአማራ ክልል ብቻ በድርቅ ከተጎዱ 86 ወረዳዎች ነዋሪ የሆኑ 400 ሺህ ያህል ሰዎች በእከክ በሽታ መያዛቸውን ሰምተናል፡፡ በዋግ ህምራ ዞን፣ በደቡብ ወሎና በምሥራቅ ሸዋ አካባቢ ሁኔታው አሳሳቢ እንደነበርም ከክልሉ ጤና ቢሮ ሰምተናል፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ 22፣2008 የሸገር ወሬዎቻችን

  • የእከክ በሽታ በአዲስ አበባ መከሰቱ ተሠማ፡፡ (ትዕግስት ዘሪሁን)
  • ድርቅ እና ጐርፍ በኢትዮጵያ አንድ ሚሊየን የሚጠጉ ሰዎችን ከመኖሪያቸው አፈናቅሏል ተባለ፡፡ (ፋሲል ረዲ)
  • በዚህ ክረምት በተለይ ህፃናት ላይ የጉድፍ በሽታ እየተከሰተ መሆኑ ተሠማ፡፡ (ትዕግስት ዘሪሁን)
  • ሀገር አቀፍ የወሳኝ ኩነቶች ምዝገባ በዚህ ወር መጨረሻ ሊካሄድ ነውና መረጃ በመስጠት ተባበሩ ተብላችኋል፡፡ (አስፋው ስለሺ)
  • የድጅታል ቶፖግራፊ ካርታ ሥራ እየተስፋፋ ያለውን የመሬት ወረራ ለመከላከል ያግዛል ተባለ፡፡ (ምስክር አወል)
  • የአዳማ አዲሱ መናኸሪያ ግንባታ ሥራ በጥቂት ቀናት ውሰጥ ይጠናቀቃል ተባለ፡፡ (ቴዎድሮስ ወርቁ)
  • ኢንስቲቲዩት ኦፍ ኢንተርናሽናል ኢዱኬሽን የተባለ ዓለም አቀፍ ግብረ-ሰናይ ድርጅት በከፍተኛ ትምህርት ዝግጅት ሲደግፋቸው የነበሩ አንድ መቶ ሴት ተማሪዎችን ትላንት አስመረቀ፡፡ (ፍቅርተ መንገሻ)
  • የውሳጤ ብርሃን አበራ የሙዚቃ ትምህርት ቤት ለመጪው አመት ድጋፍ አላገኘሁም ይላል፡፡ ትምህርት ቤቱ ነገ ያስተማራቸውን ያስመርቃል፡፡ (ዮሐንስ የኋላወርቅ)
  • የዲያስፖራ የቴክኖሎጂ እና የፈጠራ ፓርክ የመሠረት ድንጋይ ተጣለ፡፡ (የኔነህ ሲሣይ)
  • በህገ-ወጥ የሰዎች ዝውውር የተከሰሰችው ሴት በእስር ተቀጣች፡፡ (ተክለማርያም ኃይሉ)
አስተያየት ይፃፉ (0 አስተያየት)

በደረጃ ሐ ላይ ከተቀመጡ ዓመታዊ የንግድና የኪራይ ገቢ ግብር ከፋዬች መካከል እስካሁን ዓመታዊ ግብር የከፈሉት ከ48 በመቶ አይበልጡም ተባለ

በደረጃ ሐ ላይ ከተቀመጡ ዓመታዊ የንግድና የኪራይ ገቢ ግብር ከፋዬች መካከል እስካሁን ዓመታዊ ግብር የከፈሉት ከ48 በመቶ አይበልጡም ተባለ…

የደረጃ ሐ ግብር ከፋዬች ዓመታዊ የግብር መክፈያ ጊዜ ከሐምሌ 1 እስከ 30 እንደሆነ የገቢዎች እና ጉምሩክ ባለሥልጣን ተናግሯል፡፡

ሊገባደድ 9 ቀናት በቀሩት የግብር መክፈያ ወቅት ላይ ቀሪዎቹ መክፈል ይጠበቅባቸዋል፡፡ ቀኑ ካለፈ ግን ቅጣት ውስጥ ይገባሉ ሲሉ የባለሥልጣኑ የትምህርትና ኮሙኒኬሽን ምክትል ዳይሬክተር አቶ ፋሲካ በላይ ተናግረዋል፡፡

ተጨማሪ ያንብቡ...

አስተያየት ይፃፉ (0 አስተያየት)

በአዲስ አበባ ከዚህ ቀደም በተካሄደ ቆጠራ በማንም አለመያዛቸው የተደረሰበት የጋራ መኖሪያ ቤቶች ለመምህራን በተመጣጠነ ዋጋ ሊከራይ ነው ተባለ

ከዚህ ቀደም በቤቶች ቆጠራ የተገኙ የማንም ያልሆኑ ባለቤት አልባ የጋራ መኖሪያ ቤቶች መላ ተገኝቶላቸዋል ተባለ…ከ1 ሺህ በላይ የሆኑት ባለቤት ያልተገኘላቸው ቤቶች ከተማ አስተዳደሩ ለመምህራን በአነስተኛ ዋጋ ለማከራየት አስቤያለው ብሏል፡፡ በዚህ ምክንያትም በ11ኛው የቤቶች ማስተላለፍ ዙር እንዳላካተታቸው ተሰምቷል፡፡ ቤቶቹ በተለያዩ ቦታዎች ስለሚገኙ ከፍተኛ ችግር ላለባቸው መምህራን እና አነስተኛ የመንግሥት ሠራተኞች በዝቅተኛ ዋጋ አከራያቸዋለሁ ብሏል፡፡

ቤቶቹን የከተማ አስተዳደሩ ከባንክ ገዝቶ ለማከራየት ማሰቡን ከንቲባ ድሪባ ኩማ ናቸው የተናገሩት፡፡

ወደፊትም የኪራይ ቤት አስፈላጊ ስለሆነ  ተጨማሪ ቤቶች እንደሚገነቡ ሰምተናል፡፡

ችግሩንም ከአሁን ጀምሮ ለማቃለል በቆጠራ የተገኙት ቤቶች እና በጊዜው ያልተላለፉ የተንጠባጠቡ ቤቶች ለኪራይ አገልግሎት ይሆናሉ ተብሏል፡፡

በቆጠራ የተገኙት ቤቶች በተለያየ ክፍለ ከተሞች ስለሚገኙ እና መምህራንም በተመሳሳይ ቦታ ስለሚሰሩ ቤቶቹን ለማከራየት አመቺ ነው መባሉን ሰምተናል፡፡

ተህቦ ንጉሴ

አስተያየት ይፃፉ (0 አስተያየት)
Sheger 102.1 AudioNow Numbers