• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ኀዳር 30፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ወደ ሀገር ውስጥ የሚገቡ ምርቶች ወዲያው ለፍጆታ የሚውሉ ከሆነ ኢኮኖሚውን ይጐዳሉ ተባለ፡፡ (ተኅቦ ንጉሴ)
  • የኢትዮጵያ ኤርፖርቶች ድርጅት መስማት ለተሳናቸው ደንበኞችም የምልክት ቋንቋ በመጠቀም አገልግሎት መስጠት ልጀምር ነው አለ፡፡ (ንጋቱ ረጋሣ)
  • ሐረር የስሟን ገናናት እና ታሪካዊነቷን ያህል በቱሪዝሙ ዘርፍ በሚፈለገው መጠን እየተጠቀመች አይደለም ተባለ፡፡ (ምስክር አወል)
  • ከአንድ አመት በላይ የተጓተተው የመገጭ ሰርባ መስኖ ልማት በተያዘው ዓመት ይጠናቀቃል ተባለ፡፡ (ዮሐንስ የኋላወርቅ)
  • በእሥራኤል ትውልደ ኢትዮጵያውያን ቤተ እሥራኤሎች ደም እንዳይለግሱ ተጥሎባቸው የነበረ እገዳ ተነሳላቸው ተባለ፡፡ (ንጋቱ ረጋሣ)
  • ከጥቃቅንና አነስተኛ ወደ መካከለኛ ኢንዱስትሪ የተሸጋገሩ ተቋማት የብድር አገልግሎት ሊያገኙ ነው ተባለ፡፡ (አስፋው ስለሺ)
  • ከዓመት በፊት በተፈፀመ የሰው መግደል ወንጀል ጥፋተኝነቱ የተረጋገጠ ግለሰብ በሌለበት የእሥራት ቅጣት ውሣኔ ተላለፈበት፡፡ (ምህረት ስዩም)
  • የግንባታ ማሽኖችና የሕዝብ መጓጓዣ ተሽከርካሪዎችን ለማስገባት የውጭ ምንዛሪ እክል ለሆነባቸው ኢትዮጵያውያን መፍትሄ አለኝ የሚል የውጭ ኩባንያ መግባቱ ተሠማ፡፡ (የኔነህ ሲሣይ)
  • በኢትዮጵያ የግዙፍ ኤርፖርት ግንባታ የመንግሥትን ውሣኔ እየተጠባበቀ መሆኑ ተሠማ፡፡ (ሕይወት ፍሬስብሃት)
  • ኢትዮጵያ በግብርና ምርት በዓለሙ ገበያ ተወዳዳሪ ያልሆነችበት ዋናው ምክንያት የጥራት ጉድለትና የሰርተፍኬሽን አለመኖር ነው ተባለ፡፡ (ዮሐንስ የኋላወርቅ)
  • በመጭው አመት የሚካሄደውን የህዝብና ቤት ቆጠራ በዘመናዊ ቴክኖሎጂ የታገዘ ለማድረግ የሚያስችል መሳሪያ ሊገዛ ነው ተባለ፡፡ (ትዕግሥት ዘሪሁን)
አስተያየት ይፃፉ (0 አስተያየት)

በአዲስ አበባ ቦሌ ሰሚት ድልድይ ላይ ዛሬ ጠዋት 70 ተማሪዎችን የጫነ የሳፋሪ አንደኛና ሁለተኛ ደረጃ ትምህርት ቤት የተማሪዎች ሰርቪስ ተገለበጠ

በአዲስ አበባ ቦሌ ሰሚት ድልድይ ላይ ዛሬ ጠዋት 70 ተማሪዎችን የጫነ የሳፋሪ አንደኛና ሁለተኛ ደረጃ ትምህርት ቤት የተማሪዎች ሰርቪስ ተገለበጠ…በመኪና ውስጥ ከነበሩ 70 ተማሪዎች አስሩ ከባድ የአካል ጉዳት ገጥሟቸው ወደ ሚኒልክና የካቲት ሆስፒታሎች እንዲሁም ወደ ኮተቤ ጤና ጣቢያ ለህክምና ተወስደዋል፡፡

የአካል ጉዳት ያጋጠማቸውን ተማሪዎች ወደ ህክምና የወሰደው የእሣትና ድንገተኛ አደጋዎች መከላከያና መቆጣጠሪያ ባለሥልጣን አንቡላንስ ነው ተብሏል፡፡የባለሥልጣኑ የህዝብ ግንኙነት ባለሙያ አቶ ንጋቱ ማሞ ለሸገር ሲናገሩ ዛሬ ከጠዋቱ 1 ሰዓት ከ30 በተገለበጠው መኪና ውስጥ የነበሩትና መጠነኛ መጫጫር ያጋጠማቸው ስልሣዎቹ ተማሪዎች ደግሞ ወደየቤታቸው ተመልሰዋል፡፡

የሳፋሪ አንደኛና ሁለተኛ ደረጃ ትምህርት ቤት ባለቤት አቶ እዬብ አየለ መኪናውን በኮንትራት አምጥተነው ለሰርቪስ አገልግሎት የምንጠቀምበት ነው ያሉ ሲሆን ከአደጋው በኋላ አሽከርካሪው የቴክኒክ ችግር አጋጥሞኝ ነበር በማለት ነግሮኛል ብለዋል፡፡በሌላ የአደጋ መረጃ ትላንት በየካቲት 12 ሆስፒታል የተነሣ የእሳት አደጋ መድኃኒቶችን አቃጠለ ተባለ፡፡

ከእሣትና ድንገተኛ አደጋዎች መከላከያና መቆጣጠሪያ ባለሥልጣን የህዝብ ግንኙነት ባለሙያው አቶ ንጋቱ ማሞ ለሸገር ሲናገሩ ትላንት በአራዳ ክፍለ ከተማ ወረዳ 6 ውስጥ ባለው የካቲት 12 ሆስፒታል የመድኃኒት መጋዘን ላይ የተነሣው እሣት የዋጋ ግምታቸው ለጊዜው ያልታወቀ የተለያዩ መድኃኒቶችን አጥፍቷል ብለዋል፡፡

ትላንት ከቀኑ 7 ሰዓት ከ50 ደቂቃ በሆስፒታሉ የመድኃኒት መጋዘን ላይ የተነሣውን እሣት ለማጥፋት በሁለት ከባድ መኪኖች ስድስት ሺ ሌትር ውሃ ተጠቅመናል ከተሰማሩት 13 የአደጋ ተከላካይ ሠራተኞቻችን ውስጥ አንዱ በእሣቱ መጠነኛ ጉዳት ገጥሞታል ያሉት አቶ ንጋቱ እሣቱን ለማጥፋት አርባ ደቂቃዎች ፈጅቶብናል በማለትም ነግረውናል፡፡የእሣት አደጋው መንስኤ ምንድነው የሚለውን ለማወቅ ፖሊስ በማጣራት ላይ ነው ተብሏል፡፡

ወንድሙ ኃይሉ

አስተያየት ይፃፉ (0 አስተያየት)

ኀዳር 29፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በአፍሪካ ቀዳሚ የስንዴ አምራች የሆነችው ኢትዮጵያ ባለፈው ዓመት ከውጭ አገር ገዝታ ያስገባች የስንዴ ምርት ብዛት ታይቶ የማይታወቅ ነበር ተባለ፡፡ (ንጋቱ ሙሉ)
  • አዲስ አበባ ዛሬ በፍጥነት የሚያገግሙ 100 ከተሞች የሚል  ስያሜ ያለው አለም አቀፍ ዐውደ ጥናት እንደምታስተናግድ ተነገረ፡፡ (ምህረት ስዩም)
  • ለግብርና ልማት በሚውል መሬት አሰጣጥ ላይ ሲስተዋሉ የቆዩ ችግሮች ጥናት ተጠናቆ ለከፍተኛ የመንግሥት አካል ቀረበ፡፡ (ዮሐንስ የኋላወርቅ)
  • የሳፋሪ ትምህርት ቤት የተማሪዎች መጓጓዣ ሰርቪስ ተገልብጦ በ10 ተማሪዎች ላይ ጉዳት ደረሰ፡፡ በየካቲት 12 ሆስፒታል የተነሳ እሳትም ንብረት አጥፍቷል፡፡ (ወንድሙ ኃይሉ)
  • 11ኛው የብሔር ብሔረሰቦች በዓል በሐረር በድምቀት ተከበረ፡፡ 12ኛውን ለማሰናዳት ወር ተረኝነቱን የአፋር ክልል ተረክቧል፡፡ (የኔነህ ሲሣይ)
  • በአዲስ አበባ እየተገነቡ ላሉ የጋራ መኖሪያ ቤቶች በቀን ከ150 በላይ በሮች እየተመረቱ  ነው ተባለ፡፡ (ንጋቱ ረጋሣ)

 

አስተያየት ይፃፉ (0 አስተያየት)

ኅዳር 28፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ውሃና ፍሳሽ ባለሥልጣን አዲስ አበባን በፍሳሽ አወጋገድ ሊያዘምናት የሚችል የፍሳሽ መስመር እየዘረጋሁላት ነው፤ ግንባታው ባቀድኩት መልኩ እንዳይሄድ የወሰን ማስከበር ስራና የመሬቱ አለትነት አስቸግሮኛል አለ፡፡ (አስፋው ስለሺ)
  • የኢትዮጵያ የጥጥ ምርት መጠን ለጨርቃ ጨርቅ ኢንዱስትሪዎቿ በቂ ባይሆንም  ሙሉ ለሙሉ ጥቅም ላይ እንደማይውል ተነገረ፡፡ (የኔነህ ሲሣይ)
  • አቤት ሆስፒታል ድንገተኛ አደጋ ገጥሟቸው ለህክምና ከሚመጡት የትራፊክ አደጋ ተጐጂዎች የበዙ ናቸው አለ፡፡ (ወንድሙ ኃይሉ)
  • የኢትዮጵያ በጐ አድራጐት ድርጅቶችና ማህበራት መድረክ ስራዬ በሰብአዊ መብት ላይ የሚሰሩ ማህበራትና ድርጅቶችን አስተባብሮ በኢትዮጵያ በሚወጡ ህጐችና ፖሊሲዎች ላይ ሚና እንዲኖራቸው ማድረግ ሆኖ ሳለ ሁለተኛው ብሔራዊ የሰብአዊ መብት የድርጊት መርሃ-ግብር ሲረቀቅ አልተጋበዝኩም፣ ኃሣቤንም አልሰጠሁም አለ፡፡(ትዕግስት ዘሪሁን)
  • የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች፡፡(ምስክር አወል)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ኀዳር 27፣2009

በለዛ ብርሀኑ ድጋፌ ከነርስ/የስነ ምግብ እና የምግብ ሳይንስ ባለሙያው አቶ አንለይ ተፈራ ጋር

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (1 Comment)

የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች

የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች፡፡በበዓሉ ዋዜማ በተከናወነው የምርቃ ሥነ-ሥርዓት የፌዴሬሽን ምክር ቤት አፈ-ጉባዔ አቶ ያለው አባተ፣ የክልሉ ርዕሰ መስተዳድር አቶ ሙራድ አብዱልሃዲ እና ሌሎችም ከፍተኛ የመንግሥት ሹሞች ተገኝተዋል፡፡

ለበዓሉ እንግዶች የእንኳን ደህና መጣችሁ መልዕክት ያስተላለፉት ርዕሰ መስተዳድሩ ሐረር የበዓሉ አዘጋጅ በመሆኗ ደስታችን ወደር የለውም ብለዋል፡፡በበዓሉ ለሌሎች ኢትዮጵያውያን ወንድሞችና እህቶቻችን ታሪካዊቷን ሀረር እና ድንቅና ጥልቅ የሆነ ባሕላዊ ሐብቷን ለማስተዋወቅ መልካም አጋጣሚ እንደሆነም ተናግረዋል፡፡የኢፌድሪ መንግሥት ፌዴራላዊና መልካም አስተዳደር የሚል ጥናታዊ ፅሁፍ ቀርቦ ታዳሚዎች ተመካክረውበታል፡፡

የፌዴሬሽን ምክር ቤት አፈ-ጉባዔው አቶ ያለው አባተም በመክፈቻ ንግግራቸው መንግሥት የህዝቡን ጥያቄ ለመመለስ መቆሙንና የመልካም አስተዳደርን ለማስፈን እንደሚሰራ ተናግረዋል፡፡በአዲሱ የሀረሪ የባህል ማዕከል ውይይቱ ከሰዓት በኋላም የሚቀጥል ሲሆን በተለይ የአዘጋጇ ሐረሪ ክልል የሀረሪ ሕዝብ ታሪክ፣ መቻቻልና ተሞክሮ የሚል ፅሁፍ እንደሚቀርብ ሰምተናል፡፡

ተጨማሪ ያንብቡ...

አስተያየት ይፃፉ (0 አስተያየት)

የኢትዮጵያ በጐ አድራጐት ድርጅቶችና ማህበራት መድረክ ስራዬ በሰብአዊ መብት ላይ የሚሰሩ ማህበራትና ድርጅቶችን አስተባብሮ በኢትዮጵያ በሚወጡ ህጐችና ፖሊሲዎች ላይ ሚና እንዲኖራቸው ማድረግ ሆኖ ሳለ ሁለተኛው ብሔራዊ የሰብአዊ መብት የድርጊት መርሃ-ግብር ሲረቀቅ አልተጋበዝኩም፣ ኃሣቤንም አልሰጠሁም አለ

የኢትዮጵያ በጐ አድራጐት ድርጅቶችና ማህበራት መድረክ ስራዬ በሰብአዊ መብት ላይ የሚሰሩ ማህበራትና ድርጅቶችን አስተባብሮ በኢትዮጵያ በሚወጡ ህጐችና ፖሊሲዎች ላይ ሚና እንዲኖራቸው ማድረግ ሆኖ ሳለ ሁለተኛው ብሔራዊ የሰብአዊ መብት የድርጊት መርሃ-ግብር ሲረቀቅ አልተጋበዝኩም፣ ኃሣቤንም አልሰጠሁም አለ፡፡

ሰነዱ ከመፅደቁ በፊት ቢካተቱ መልካም ናቸው ያላቸውን ኃሣቦች ለመናገርና በሰነዱ ላይ ለመምከር በህዝብ እንደራሴዎች ምክር ቤት እድል እንዲሰጠው ሊጠይቅ መሆኑን ለሸገር ተናግሯል፡፡የመድረኩ አስተባባሪ አቶ ጥጋቡ ሃይሌ እንዳሉት መንግሥት የዜጐችን መብት ለማስጠበቅ ያወጣው እቅድ እንዲፈፅም የሲቪክ ማህበራትን አሳትፋለሁ ቢልም በሰብአዊ መብት ላይ የሚሰሩ ማህበራት ግን አሁን ያንን ለማድረግ የሚችሉበት አቅም ላይ አይደሉም፡፡

ብዙዎቹ በገንዘብ እጥረት ምክንያት ተዳክመዋል ያሉት አቶ ጥጋቡ መንግሥት ያረቀቀውን የሰብዓዊ መብት የድርጊት መርሃ-ግብር የሲቪክ ማህበራትም እንዲፈፅሙ ካቀደ በቅድሚያ አቅማቸውን ማጠናከር ይኖርበታል የሚል አስተያየት ሰጥተዋል፡፡

ትዕግስት ዘሪሁን

አስተያየት ይፃፉ (0 አስተያየት)

አቤት ሆስፒታል ድንገተኛ አደጋ ገጥሟቸው ለህክምና ከሚመጡት ትራፊክ አደጋ ተጐጂዎች የበዙ ናቸው አለ

አቤት ሆስፒታል ድንገተኛ አደጋ ገጥሟቸው ለህክምና ከሚመጡት ትራፊክ አደጋ ተጐጂዎች የበዙ ናቸው አለ፡፡የሆስፒታሉ ዋና ዳይሬክተር ዶክተር እስማኤል ሸምሰዲን አምና ወደ ሆስፒታላችን ከመጡት 10 ሺህ የድንገተኛ ህሙማን ብዛት ያላቸው በመኪና አደጋ የተጐዱ ነበሩ ዘንድሮም የድንገተኛ አደጋው መጠን እየጨመረ በመሆኑ ከ25-30 ሺህ ሰዎችን ለማከም ተዘጋጅተናል ብለዋል፡፡

ዶክተር እስማኤል እንደነገሩን የትራፊክ አደጋ ተጐጂዎቹ ከአዲስ አበባም ከኦሮሚያ ክልልም ወደ አቤት የሚመጡ ናቸው፡፡ አሁን ሆስፒታሉ ያለነው በኪራይ ቤት ውስጥ ስለሆነ ወደፊት 500 አልጋዎች ያሉት የራሳችን ሆስፒታል ለመገንባት በዝግጅት ላይ ነን ብለዋል ዋና ዳይሬክተሩ፡፡

ወንድሙ ኃይሉ

አስተያየት ይፃፉ (0 አስተያየት)

ኀዳር 28፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ውሃና ፍሳሽ ባለሥልጣን አዲስ አበባን በፍሳሽ አወጋገድ ሊያዘምናት የሚችል የፍሳሽ መስመር እየዘረጋሁላት ነው፤ ግንባታው ባቀድኩት መልኩ እንዳይሄድ የወሰን ማስከበር ስራና የመሬቱ አለትነት አስቸግሮኛል አለ፡፡ (አስፋው ስለሺ)
  • የኢትዮጵያ የጥጥ ምርት መጠን ለጨርቃ ጨርቅ ኢንዱስትሪዎቿ በቂ ባይሆንም  ሙሉ ለሙሉ ጥቅም ላይ እንደማይውል ተነገረ፡፡ (የኔነህ ሲሣይ)
  • አቤት ሆስፒታል ድንገተኛ አደጋ ገጥሟቸው ለህክምና ከሚመጡት የትራፊክ አደጋ ተጐጂዎች የበዙ ናቸው አለ፡፡ (ወንድሙ ኃይሉ)
  • የኢትዮጵያ በጐ አድራጐት ድርጅቶችና ማህበራት መድረክ ስራዬ በሰብአዊ መብት ላይ የሚሰሩ ማህበራትና ድርጅቶችን አስተባብሮ በኢትዮጵያ በሚወጡ ህጐችና ፖሊሲዎች ላይ ሚና እንዲኖራቸው ማድረግ ሆኖ ሳለ ሁለተኛው ብሔራዊ የሰብአዊ መብት የድርጊት መርሃ-ግብር ሲረቀቅ አልተጋበዝኩም፣ ኃሣቤንም አልሰጠሁም አለ፡፡(ትዕግስት ዘሪሁን)
  • የ11ኛው የብሔር ብሔረሰቦች በዓል አስተናጋጇ ሐረር የባሕል ማዕከሏንና የ8 ኪሎ ሜትር ርዝማኔ ያለውን አዲስ መንገድ አስመረቀች፡፡(ምስክር አወል)
አስተያየት ይፃፉ (1 Comment)

የንግድ ውድድር እንዳይኖር በተለያየ መንገድ የሚፈጠሩ ተፅዕኖዎች ነጋዴውን ጭምር እየጐዱ ነው ተባለ

የንግድ ውድድር እንዳይኖር በተለያየ መንገድ የሚፈጠሩ ተፅዕኖዎች ነጋዴውን ጭምር እየጐዱ ነው ተባለ…በነዚህ ተፅዕኖዎች ምክንያት አንዳንድ ነጋዴዎች ከገበያ እየወጡ እንደሚገኙ ተነግሯል፡፡ወሬውን የሰማነው የንግድ ውድድርና የሸማቾች ጥበቃ ባለሥልጣን የዓለም የንግድ ውድድር ቀንን ዛሬ በአዲስ አበባ ሲያከብር ነው፡፡

በዝግጅቱ ላይ በኦሮሚያ፣ አማራ፣ ደቡብና ትግራይ ክልሎች ያለውን የንግድ ውድድር የተመለከተ ጥናት በሃዋሳ ዩኒቨርስቲ መምህሩ ዶክተር ምትኩ አየለ ቀርቧል፡፡ዶክተር ምትኩ በጥናታቸው በተለያየ መንገድ የንግድ ውድድር እንዳይኖር የሚደረጉ ተፅዕኖዎች እንዳሉ ጠቅሰዋል፡፡

ትክክለኛ ያልሆኑ መረጃዎችም በተወዳዳሪዎች ላይ ማስወራት፣ ከሚታወቅ ምርት ጋር በጣም የተቀራረበ ስያሜ መጠቀምና ምርቶችን በመደበቅ እጥረት መፍጠር ከእነዚህ መካከል ናቸው ብለዋል፡፡ይህ ተፅዕኖ ተፎካካሪ ሊሆኑ የሚችሉ ነጋዴዎች ጭምር ከገበያ ውጪ እንዲሆኑ እያደረገ እንደሚገኝም ተናግረዋል፡፡

ህብረተሰቡም አማራጭ ምርት ከገበያው ላይ እንዳያገኝ እንቅፋት ሆኗል ብለዋል፡፡የአለም የንግድ ውድድር ቀን በሀገራችን የተከበረው ለመጀመሪያ ጊዜ ነው፡፡ቀኑ ትላንት በዓለም አቀፍ ደረጃ ለ7ተኛ ጊዜ ተከብሯል፡፡

ንጋቱ ረጋሳ

አስተያየት ይፃፉ (0 አስተያየት)

ለዚህም ችግር ትልቅ መፍትሄ ይሆናል ተብሎ ነው በዚህ ገንዘብ የአነስተኛ መስኖ ግንባታ ለገበሬውም የእውቀትና የቁሳቁስ ድጋፍ የሚደረገው ብለዋል

በአመት ሁለት ጊዜ አርሰው መብላት እንዲችሉ ለኢትዮጵያ ገበሬዎች አንድ መቶ አርባ አምስት ሚሊዮን የአሜሪካ ዶላር እርዳታ ተሰጣቸው፡፡ዓለም አቀፍ የግብርና ልማት ፈንድ ወይም ኢፋድ የተባለው ድርጅት የለገሰው ገንዘብ ከዚህ ወር ጀምሮ ለሰባት ዓመት ተግባራዊ የሚሆን ነው ተብሏል፡፡

የእርሻና ተፈጥሮ ሀብት ሚኒስትር ህዝብ ግንኙነት ቢሮ ኃላፊው አቶ አለማየሁ ብርሃኑ ለሸገር እንደተናገሩት ይህ የአሁኑ ገንዘብ ለሁለተኛ ዙር ነው የተሰጠው፡፡በተመሣሣይ በመጀመሪያ ዙር በተገኘው ገንዘብ በተለይም በአማራ፣ በትግራይ፣ በደቡብና ኦሮሚያ ክለሎች ጥሩ ውጤት ተገኝቷል፡፡

የአየሩ ሁኔታ ገበሬውን ግራ እያጋባ ዝናብና ደመና ሲጠበቅ እየቀረ፣ ሳይጠበቅ እየመጣ የእርሻ ስራውን እያስተጓጐለው መሆኑንም አቶ አለማየሁ አስታውሰዋል፡፡ለዚህም ችግር ትልቅ መፍትሄ ይሆናል ተብሎ ነው በዚህ ገንዘብ የአነስተኛ መስኖ ግንባታ ለገበሬውም የእውቀትና የቁሳቁስ ድጋፍ የሚደረገው ብለዋል፡፡

ዮሐንስ የኋላወርቅ

አስተያየት ይፃፉ (0 አስተያየት)
Leza Vote Banner
Sheger 102.1 AudioNow Numbers