• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 10፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በጥቂት የበጐ አድራጊ የህክምና ዶክተሮችና ተማሪዎች የተመሠረተው የጐጆ የህሙማን መርጃ ዘላቂ ማዕከል ሊገነባ መሆኑ ተሠማ፡፡ (የኔነህ ሲሣይ)
  • ቦንድ ገዝተው 5 ዓመት ለሆናቸው መመለስ ሊጀመር ነው ተባለ፡፡ (መሠረት በዙ)
  • በመኸር እርሻ ከ3 መቶ ሚሊዮን ኩንታል በላይ ምርት እንደሚገኝ ተነገረ፡፡ (ንጋቱ ሙሉ)
  • የፓሪሱን የአለም መሪዎች የአየር ጠባይ ለውጥ ውሣኔዎችን ተከትሎ በአዲስ አበባ ለሁለት ቀናት ሲካሄድ የቆየው አህጉራዊ የባለሙያዎች ስብሰባ ዛሬ ውሣኔዎችን ያሣልፋል ተባለ፡፡ (የኔነህ ሲሳይ)
  • በኢትዮጵያ እስከ ስምንት መቶ የሚገመቱ አታሚዎችና አሳታሚዎች ቢኖሩም የሀገር ውስጥ የህትመት ፍላጐትን ለሟሟላት ግን አቅማቸው አልቻለም ተባለ፡፡ (ምስክር አወል)
አስተያየት ይፃፉ (0 አስተያየት)

በ2009 የመጀመሪያው ሩብ ዓመት ለታላቁ የህዳሴ ግድብ ግንባታ ከ114 ሚልዮን ብር በላይ በቦንድ ግዢ፣ በልገሳና በገቢ ማስገኛ ፕሮጀክቶች ተሰብስቧል ተባለ

እስካሁን ቃል ከተገባው 12 ነጥብ 4 ቢሊዮን ብር ወደ 9 ቢሊዮን ብር ያህሉ ተሰብስቧል ሲል የታላቁ ህዳሴ ግድብ ግንባታ ህዝባዊ ተሳትፎ አስተባባሪ ብሔራዊ ምክር ቤት ተናግሯል፡፡ምክር ቤቱ ዛሬ በ8ኛ መደበኛ ጉባዔው የ2008 በጀት አመት የሥራ አፈፃፀም ሪፖርትና የ2009 አንደኛ ሩብ አመት የሥራ አፈፃፀም ሪፖርቱን ለምክር ቤቱ አባላት አቅርቧል፡፡

ከቦንድ ግዢ ከልገሳና ጽ/ቤቱ በ2008 ባዘጋጀው የገቢ ማሰገኛ ፕሮጀክቶች ከ134 ሚሊዮን ብር በላይ መሰብሰቡ ተነግሯል፡፡ለታላቁ ህዳሴ ግድብ የመንግሥት ሰራተኛው በ3 እና በ5 ዙሮች የ4 ቢሊዮን ብር ቦንድ ገዝቷል ተብሏል፡፡በባለሀብቱና በንግድ ማህበረሰቡ ተሳትፎ በ2008 1 ነጥብ 6 ቢሊዮን ብር ቦንድ ተገዝቷል 19 ሚሊዮን ብር የሚገመት ቁሳቁስም በተለያዩ ሽልማቶች በስጦታ አበርክተዋል፡፡

የባለ ሀብቱና የንግድ ማህበረሰቡ ተሳትፎ ጥሩ ጅምር ቢሆንም ቃል በተገባው ልክ አለመፈፀሙ በሪፖርቱ ላይ ተቀምጧል፡፡የብሔራዊ ምክር ቤቱ አባላት የሥራ አፈፃፀም ሪፖርት ላይ እየተወያዩ ሲሆን ብሔራዊ ምክር ቤቱ የቦርድ ሰብሳቢ ምክትል ጠቅላይ ሚኒስትር አቶ ደመቀ መኮንን እና የህዝባዊ ተሳትፎ አስተባባሪ ብሔራዊ ጽ/ቤት ዳይሬክተር ወ/ሮ ሮማን ገ/ስላሴ በምክር ቤቱ ለሚነሱ ጥያቄዎች ማብራሪያ ይሰጣሉ ተብሏል፡፡

መሰረት በዙ

አስተያየት ይፃፉ (0 አስተያየት)

ኢትዮጵያ ዘንድሮ አነስተኛና መካከለኛ ኢንዱስትሪዎችን ለማጠናከር ሰባት ቢሊዮን ብር መድባለች ተባለ

መንግሥት ለጥቃቅን እንዲሁም ትላልቅ ኢንዱስትሪዎች የተለያዩ ድጋፎችን ስሰጥ ቆይቻለሁ ይላል፡፡ይህ ድጋፍ በመሃል ያሉትን ኢንዱስትሪዎች ዘንግቷል የሚል አስተያየት ይሰማል፡፡አስተያየቱን የኢንዱስትሪ ሚኒስቴርም ይስማማበታል፡፡በሚኒስቴሩ የሀገር ውስጥ ባለሃብቶች ትራንስፎርሜሽን ዳይሬክተር አቶ ሁነኛው አበባው እንዳሉት አሁን ለእነዚህም ኢንዱስትሪዎች ተገቢው ድጋፍ ይደረግላቸዋል፡፡ ለዚሁ ሲባል ሰባት ቢሊዮን ብር ዘንድሮ እንደተመደበ ነግውረናል፡፡

የኢትዮጵያ ልማት ባንክ የኢንዱስትሪዎችን ፍላጐት መሠረት አድርጐ ማሽኖችን በመግዛት እንደሚያቀርብ ከአቶ ሁነኛው ሰምተናል፡፡ባንኩ ይህንኑ አገልግሎት ለመስጠት የቅርንጫፎቹን ቁጥር እየጨመረ ይገኛል ብለዋል፡፡ በአሁኑ ወቅትም የቅርንጫፎቹን ብዛት 110 እንዳደረሰ ነግረውናል፡፡ድጋፉ የሚደረግላቸው ኢንዱስትሪዎች በተወሰነ ጊዜ የማሽኖቹን ዋጋ ይመልሳሉ ተብሏል፡፡
 
ንጋቱ ረጋሳ
አስተያየት ይፃፉ (0 አስተያየት)

ኪነ-ጥበብ ለሰላም በሚል ኃሣብ የኪነ-ጥበብ ባለሙያዎችና የመንግሥት አካላት ዛሬ ውይይት እያካሄዱ ነው

በወቅታዊ የኢትዮጵያ የሰላም ጉዳይ ላይ ኪነ-ጥበብ የራሱን አስተዋፅኦ ሊያደርግ ይገባል በሚል ኃሣብ ባለሙያዎቹ ተሰባስበዋል፡፡ጋዜጠኛና ደራሲ አበረ አዳሙ በአዲስ አበባ ዩኒቨርስቲ የቲያትር ትምህርት ቤት ኃላፊና አቶ ተስፋዬ እሸቱ ኪነ-ጥበብ ለሰላም ባለው ጉዳይ ላይ የጥናት ወረቀት አቅርበዋል፡፡

ስለ ሀገር ፍቅር የሚያቀነቅኑ እና ወኔ የሚቀሰቅሱ አንድነትን የሚሰብኩ ሙዚቃዎች፣ ቲያትሮች እንዲሁም መፅሐፍት ቀደም ባለው ጊዜ ነበሩ አሁን ግን እየቀዘቀዙ መጥተዋል ሲሉ ባለሙያዎቹ ተችተዋል፡፡ይህ እንዳይቀጥል መሰራት አለበት ሲሉም ምክራቸውን ለግሰዋል፡፡

ፍቅርተ መንገሻ

አስተያየት ይፃፉ (0 አስተያየት)

የአየር ጠባይ ለውጥ በአፍሪካ ከባድ ችግር የሆነው የውሃ መጠንን በጣም መቀነሱና የምግብ ዋስትናን በማሣጣቱ ነው ተባለ

በአዲስ አበባ በተጀመረውና ሁለተኛ ቀኑን በያዘው ስድስተኛው አህጉራዊ የአየር ጠባይ ለውጥና የአፍሪካ ልማት ጉባዔ ላይ የአየር ጠባይ ለውጥ ለአፍሪካ ሀገራት ግንባር ቀደሙን ችግር የሚያመጣው የምግብ ዋስትናን ስለሚያሣሣ ነው ተብሏል፡፡ በፓሪስ ፈረንሣይ አምና እንደ ጐርጐሮሣዊያን አቆጣጠር በ2015 በተዘጋጀው የአለም የአየር ጠባይ ለውጥ የመሪዎች ጉባዔ ላይ የተደረሰው ስምምነት ተግባራዊ የሚሆን ከሆነ የምግብ ዋስትናን ለማረጋገጥ ምቹ ሁኔታን ይፈጥራል ተብሏል፡፡

በአዲስ አበባ በመካሄድ ላይ ባለው የአፍሪካ አህጉር የአየር ጠባይ ለውጥ ከፍተኛ የባለሙያዎች ቡድን ላይ የኢትዮጵያ ወኪሎች በመገኘት በመጪው ወር በሞሮኮ ማራካሽ በሚዘጋጀው የአለም የአየር ጠባይ ለውጥ የመሪዎች ጉባዔ ላይ አፍሪካውያን በጋራ አንድ ድምፅ እንዲያሰሙ ጥሪ አቅርበዋል፡፡

ነገ ይጠናቀቃል ተብሎ በሚጠበቀው ስድስተኛው የአፍሪካ አህጉር የአየር ጠባይ ለውጥ ጉባዔ ላይ የፖሊሲ ጉዳዬችን በማንሣትና ውይይት በማደረግ የፓሪሱ ውሣኔዎች በማራካሹ የአለም የመሪዎች ስብሰባ ላይ ተግባራዊ እንዲሆን የአፍሪካን ድምፅ የሚወክል ሰነድ ይቀርባል መባሉን ሰምተናል፡፡

የኔነህ ሲሳይ

አስተያየት ይፃፉ (0 አስተያየት)

ጥቅምት 9፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአዲስ አበባ ትራንስፖርት ባለሥልጣን በቃሊቲ ማሰልጠኛ የነበሩ ፈታኞችን ቀይሬያለሁ፤ የሰልጣኞችን የፈተና ውጤት ይቀርፁ የነበሩ ካሜራዎችን በአዲስ ዘዴዎች ለመቀየር አስቤያለሁ እያለ ነው፡፡ (ምስክርአወል)
  • በአየር ፀባይ ለውጥ ላይ የሚመክረ 6ኛው አህጉራዊ ጉባዔ እንደቀጠለ ነው፡፡ (የኔነህሲሣይ)
  • በአዲስ አበባ እየተካሄደ በሚገኘው አህጉራዊ ጉባዔ የአየር ጠባይ ለውጥንና የዓለም የሙቀት መጠንን ተፅዕኖ ለመቀነስ በሚደረገው ጥረት አፍሪካውያን የጋራ አቋማቸውን እንዲያጠናክሩ ተጠየቀ፡፡ (የኔነህሲሣይ)
  • በሶማሌ ክልል ጂግጂጋ ከተማ የአተት ወረርሽኝ መቀስቀሱ ተሠማ፡፡ (ህይወትፍሬስብሃት)
  • ለታላቁ ሕዳሴ ግድብ ግንባታ ቃል ከተገባው ውስጥ እስካሁን 9 ቢሊዮን ብር ያህል ተሰብስቧል ተባለ፡፡ (መሠረትበዙ)
  • ኢትዮጵያ ዘንድሮ አነስተኛና መካከለኛ ኢንዱስትሪዎችን ለማጠናከር ሰባት ቢሊዮን ብር መድባለች ተባለ፡፡ (ንጋቱረጋሣ)

 

አስተያየት ይፃፉ (0 አስተያየት)

ጥቅምት 8፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የኢንዱስትሪው ዘርፍ ለኢትዮጵያ አጠቃላይ ምጣኔ ሐብት የሚያበረክተው ድርሻ አሁንም በተነፃፃሪ ዝቅተኛ ነው ተባለ፡፡ (ንጋቱ ረጋሳ)
  • ባለፉት 3 ወራት ብቻ በትራፊክ አደጋና በሌሎችም ምክንያቶች ከ126 ሚሊየን ብር በላይ የንብረት ኪሳራ እንደገጠመው የከተማዋ መንገዶች ባለሥልጣን እወቁልኝ አለ፡፡ (ተሕቦ ንጉሴ)
  • መንግስት በመላ ሐገሪቱ የነዳጅ ማደያዎችን የመገንባት እቅድ አለኝ አለ፡፡ (ዮሐንስ የኋላወርቅ)
  • በግንባታ ላይ የሚገኘው ሕንጻ ውሃ እያጠጣ የነበረ ወጣት በኤሌክትሪክ ተይዞ መመቱ ተሰማ፡፡ (ወንድሙ ኃይሉ)
  • በአየር ጠባይ ጉዳይ ላይ የሚመክር አህጉራዊ ስብሰባ በአዲስ አበባ እየተካሄደ ነው፡፡ (የኔነህ ሲሳይ) 
አስተያየት ይፃፉ (0 አስተያየት)

የኢትዮጵያ ህግ ባለሙያ ሴቶች ማህበር ባለፉት 3 ወሮች ለ3 ሺ 126 ጉዳዬች ነፃ የህግ ድጋፍ ሰጠ ተባለ

ማህበሩ ከተመለከታቸው ጉዳዮች 80 በመቶዎቹ በባልና ሚስት መካከል የተፈጠሩ ግጭቶች ሲሆን ከተስማሙት የተለያዩት ይበልጣሉ ተብሏል፡፡የፕሮግራም አስተባባሪዋ ወ/ሮ ሜሮን አራጋው ለሸገር ሲናገሩ የባልና ሚስት አለመግባባቶች፣ የአሰሪና ሠራተኛ ግጭቶች፣ የውርስና የአስገድዶ መድፈር እክሎች ያጋጠሟቸው 3 ሺ 126 ጉዳዮች ወደ ማህበሩ ቀርበው በስምምነት ሊወገዱ የቻሉት 220ዎቹ ብቻ ናቸው ብለዋል፡፡

ቀሪዎቹ መስማማት ያልቻሉ ባልና ሚስቶች በሰላማዊ መንገድ እንዲለያዩ የተለያዩ የቤት ውስጥ ጥቃት አድራሾችም በህግ እንዲጠየቁ በማድረግ መፍትሄ የተሰጣቸው ናቸው ተብሏል፡፡የኢትዮጵያ ህግ ባለሙያ ሴቶች ማህበር ባሳለፍነው ሳምንት በሶዶ ገና በ15 ዓመቷ በ35 ዓመት ሰው ጋር ጋብቻ አንድትፈፅም የተገደደች ታዳጊም በሰዎች ጥቆማ ካለእድሜ ጋብቻው መታደግ ተችሏል ጉዳዩ አሁንም እየታየ ነው ሲሉ ወ/ሮ ሜሮን ነግረውናል፡፡ ማህበሩ በየአመቱ 10 ሺ ያህል ጉዳዮችን እንደሚመለከትም ሰምተናል፡፡

ወንድሙ ኃይሉ

አስተያየት ይፃፉ (1 Comment)

መኪኖቻችሁ ከየመንገዱ ጥጋ ጥግ ወጥተው በየፎቁ ላይ አረፍ እንዲሉ መቆሚያ እየተገነባላቸው ነው ተባለ

የናንተ ተሽከርካሪዎች እንዲያርፉበት በመገንባት ላይ ያሉት ህንፃዎች ባለ 15 አና 10 ፎቆች መሆናቸውን ከአዲስ አበባ ከተማ ትራንስፖርት ፕሮግራሞች ማስተባበሪያ ጽ/ቤት ሰምተናል፡፡የጽ/ቤቱ የኮሙኒኬሽን ባለሞያ ወ/ሮ ታፈሱ አባይ ዘመናዊ እና ለከተማዋ አዲስ ናቸው የተባሉት የመኪና ማቆሚያ ህንፃዎች ግንባታ ወጪ ከ100 ሚልዮን ብር በላይ ነው ብለዋል፡፡

በዘፍመሽ፣ በቸርቸል እና በአንዋር መስኪድ አካባቢ የተጀመሩት የመኪና ማቆሚያ ህንፃ ግንባታዎች በወጪው ሁለት ወር ተጠናቆ ሥራ ይጀምራል ያሉት ወ/ሮ ታፈሱ 90 መኪኖችን የመያዝ አቅም ያላቸው 3 ባለ 15 ፎቆች፣ 60 መኪኖችን የመያዝ አቅም ያላቸው 3 ባለ 10 ፎቆች እንዲሁም 80 መኪኖችን ማስተናገድ የሚችሉ 4 ባለ 10 ፎቆች ግንባታ ከ2 ወር በኋላ ተጠናቆ ሥራ ይጀምራል ብለዋል፡፡በሾላ ገበያ 1 ሺ ተሽከርካሪዎችን ማቆም የሚችል ባለ 7 ፎቅ ህንፃ ግንባታም በቅርቡ ይጀምራል በ2 ዓመት ውስጥም ይጠናቀቃል መባሉን ሰምተናል፡፡

መሰረት በዙ

አስተያየት ይፃፉ (1 Comment)

ዛሬ ከቀኑ አምሰት ሰዓት ላይ በተለያዩ ተቋሞች የኢትዮጵያን ሰንደቅ አላማ በመስቀልና ብሔራዊ መዝሙር በመዘመር ዘጠነኛው የሰንደቅ ዓላማ ቀን ተከበረ

በወቅቱ በተከሰተው የፀጥታ ችግር ምክንያት በታወጀው የአስቸኳይ ጊዜ አዋጅ ምክንያት የዘንድሮው የሰንደቅ ዓላማ ቀን እንደወትሮው ህዝባዊ ሰልፍና በአደባባይ አልተከበረም፡፡በአዲስ አበባ የከንቲባ ፅህፈት ቤት ቢሮ፣ በትምርት ቢሮ፣ በትምህርት ቤቶችና በተለያዩ የመንግሥት መሥሪያ ቤቶች አንዲሁም ሌሎች ተቋሞች ከቀኑ አምስት ሰዓት ላይ ሰንደቅ ዓላማ በመስቀልና ብሔራዊ የህዝብ መዝሙር በመዘመር መከበሩን ከአዲስ አበባ የኮሙኒኬሽን ቢሮ ቃል አቀባይ ቡድን አስተባባሪ አቶ ጥላሁን ገብረእግዚአብሔር ለሸገር ተናግረዋል፡፡

በተጨማሪም የሰንደቅዓላማ እሴቶች የሚያሳውቁ ሙዚቃዊ ድራማዎች፣ ግጥምና ፅሁፎች በሥነ-ሥርዓቱ መካተታቸውን ሰምተናል፡፡የሰንደቅዓላማ ቀን በተሻሻለው የሰደንቅዓላማ አዋጅ መሠረት ከአምና ጀምሮ በጥቅትም ወር በገባ በመጀመሪያው ሰኞ ቀን እየተከበረ ነው፡፡ ኢትዮጵያ የሰንደቅዓላማ ቀንን ስታከብር የአሁኑ 9ኛዋ ነው፡፡

ትዕግስት ዘሪሁን

አስተያየት ይፃፉ (0 አስተያየት)

ጥቅምት 7፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ከአነስተኛና ጥቃቅን ንግድ ወደ መካከለኛ ኢንዱስትሪ ያደጉ ተቋማት በብድር ችግር ግንባታቸው ፈቀቅ አላለም ሲል የመስኩ ተቋማት አሰሪዎች ፌዴሬሽን ተናገረ፡፡ (አስፋው ስለሺ)
  • ለቀድሞ ቅንጅት ፓርቲ እና ለመኢአድ ፕሬዝዳንት ለኢንጅነር ሀይሉ ሻወል መታሰቢያ የሚሆን ሥነ-ሥርዓት በመኢአድ ፓርቲ በኩል ትላንት መዘጋጀቱ ተሰማ፡፡ (የኔነህ ሲሣይ)
  • በአዲስ አበባ መምህራን መኖሪያ ቤት የሚያገኙበት መላ እየተፈለገ ነው ተባለ፡፡ (ምስክር አወል)
  • በአዲስ አበባ 10 የመኪና ማቆሚያ ሕንፃዎች ግንባታቸው ተጠናቆ በቅርቡ ለአገልግሎት ይበቃሉ ተባለ፡፡ (መሠረት በዙ)
  • የሰንደቅ ዓላማ ቀን እየተከበረ ነው፡፡ (ትዕግስት ዘሪሁን)
  • የግንባታውን ዘርፍ ለማሳደግ ባለ ድርሻ አካላት ተናብበውና ተቀናጅተው መሥራት ይጠበቅባቸዋል ተባለ፡፡ (ፍቅርተ መንገሻ)
  • ሙስና፣ ያልተገባ ጥቅም መሻትና ብልሹ አሰራር ለኢትዮጵያ ዴሞክራሲ ስጋት መሆናቸው ተነገረ፡፡ (ዮሐንስ የኋላወርቅ)
  • የኢትዮጵያ የሕግ ባለሙያ ሴቶች ባለፉት 3 ወራት የሕግ ድጋፍ ከሰጠባቸው ጉዳዮች በስምምነት የተቋጩት በጣም ያነሱ እንደሆኑ ተሰማ፡፡ (ወንድሙ ኃይሉ)
አስተያየት ይፃፉ (0 አስተያየት)
Sheger 102.1 AudioNow Numbers