• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የተሻሻለው የገቢ ግብር አዋጅ ከፀደቀ በኋላ ተግባራዊ የሚደረገው ከሐምሌ 1 ቀን 2009 ዓ.ም ጀምሮ መሆኑ የኢትዮጵያ ገቢዎችና ጉምሩክ ባለሥልጣን ተናገረ

የተሻሻለው የገቢ ግብር አዋጅ ሲፀድቅ የምከፍለው ግብር ይቀንስልኛል በሚል ኃሣብ የአዲስ አበባ ነጋዴዎች ግብራቸውን በወቅቱ እየከፈሉ እንዳልሆነም ባለሥልጣኑ ዛሬ ጋዜጠኞችን ጠርቶ በሰጠው መግለጫ ተናግሯል፡፡ በባለሥልጣኑ የአዲስ አበባ ታክስ ፕሮግራሞችና ልማት ሥራዎች ዘርፍ ምክትል ዋና ዳይሬክተር የሆኑት ወ/ሮ ነፃነት አበራ እንዳሉት በመጪዎቹ አራት ወራት 360 ሺህ የአዲስ አበባ ነጋዴዎች ግብራቸውን ይከፍላሉ ተብሎ ይጠበቃል፡፡ ይሁንና ባለፉት 15 ቀናት ግብራቸውን ያሳወቁ ነጋዴዎች ቁጥር ከሚጠበቀው እጅግ ዝቅተኛ ነው ብለዋል፡፡

ወደ ባለሥልጣኑ ከመጡና መክፈል ያለባቸው ግብር ከተነገራቸው በኋላ በተሻሻለው የገቢ ግብር አዋጅ መሠረት መክፈል ያለብኝ ከዚህ ያነሰ ነው ብለው የተመለሱ ነጋዴዎች እንዳሉም ሰምተናል፡፡ ወ/ሮ ነፃነት እንዳሉት የተሻሻለው የገቢ ግብር አዋጅ ከፀደቀ በኋላ ተግባራዊ የሚደረገው ከአመት በኋላ በ2009 ዓ.ም ከሐምሌ 1 ቀን 2009 ዓ.ም ጀምሮ መሆኑን ግብር ከፋዩ ይወቅልን ብለዋል፡፡ የደረጃ ሐ ግብር ከፋይ የሆኑ 2 መቶ ሺህ ነጋዴዎች እስከ ሐምሌ 30 ቀን 2008 ዓ.ም ድረስ ይስተናገዳሉ ተብሎ ይጠበቃል፡፡

ተጨማሪ ያንብቡ...

አስተያየት ይፃፉ (0 አስተያየት)

ኢትየጵያ በዚህ ዓመት ወደ ውጭ ከላከችው የተለያዩ የብረታ ብረት ምርቶች ከ22 ሚሊዮን ዶላር በላይ ገቢ አግኝታለች ተባለ

ምርቶቻቸውን ወደ ውጭ የሚልኩ የብረታ ብረት አምራች ኢንዱስትሪዎች 17 ገደማ ሆነዋል፡፡ የብረታ ብረት ኢንዱስትሪ ልማት ኢንስቲትዩት የኮሙኒኬሽን ዳይሬክተር አቶ ፊጤ በቀለ ለሸገር ሲናገሩ ኢትየጵያ የብረት ምርቶችን ወደ ውጭ ለመላክ ልምምድ የጀመረችው በ2006 ሲሆን ያን ጊዜ ከ3 ሚሊዮን ዶላር በላይ ገቢ አግኝታበት ነበር፡፡

በዚህ አመት የኢንጂነሪንግ ውጤቶች፣ የጌጣ ጌጥ ምርቶችና የኤሌክትሪክ ሽቦዎች፣ የትራክተርና የእርሻ መሣሪያዎች ለውጭ ገበያ ቀርበዋል፡፡ የኢትዮጵያ የብረታ ብረት ምርት በብዙዎቹ የአፍሪካ ሀገሮች፣ በአሜሪካ፣ በየመንና ኖርዌይ እየተፈለገ መሆኑንም አቶ ፊጤ ተናግረዋል፡፡

የብረታ ብረት ኢንዱስትሪዎች ከውጭ ሀገር ወደ ኢትዮጵያ የሚገቡ ምርቶችን በመተካት ሥራ ላይ የተጠመዱ ቢሆንም ለውጭ ገበያ ምርት ማቅረቡንም ጎን ለጎን እያስኬዱት መሆኑን ከአቶ ፈጤ ሰምተናል፡፡ የኢትዮጵያ ብረታ ብረት ኢንዱስትሪዎች ከዚህ በላይ አምርተው ለውጭ ገበያ መላክ ቢችሉም በምንዛሪ አቅርቦት እጥረት አቅማቸው መገደቡን ሰምተናል፡፡

ሕይወት ፍሬስብሃት
አስተያየት ይፃፉ (0 አስተያየት)

“ሸማቾች ሆይ ተጠንቀቁ…”

በጣም መርዛማ እና ለሰው ጤና አደገኛ የሆኑ ባዕድ ነገሮችን ምግብ ውስጥ ቀላቅለው የሚሸጡ በዝተዋል እና ሸማቾች ተጠንቀቁ ሲል የንግድ ውድድርና የሸማቾች ጥበቃ ባለሥልጣን አሳሰበ…ለገበያ የሚቀርቡ ምርቶች መጠን ከፍ እንዲል የተለያዩ ባዕድ ነገሮችን የሚጨምሩ አንዳንድ ነጋዴዎች እንዳሉ የንግድ ውድድርና የሸማቾች ጥበቃ ባለሥልጣን አስታውሷል፡፡

ለአብነትም በወተት ላይ ውሃ ወይም ዱቄት፣ በማር ላይ የቀለጠ ስኳር እና ሞላሰስ፣ በቅቤ ላይ ሙዝ እና የረጉ ዘይቶች እንዲሁም በሰብል ምርቶች ላይ አሽዋ እና አፈር የሚቀላቅሉ እንዳሉ ጠቅሷል፡፡ ከቅርብ ጊዜ ወዲህ ደግሞ ከእነዚህም የባሱ እና በጣም መርዛማ ብሎም ለሰው ጤና አደገኛ የሆኑ ባዕድ ነገሮችን ከምግብ ጋር እየቀላቀሉ የሚሸጡ በዝተዋል ብሏል፡፡ ህብረተሰቡም ይህንኑ አውቆ ተገቢውን ጥንቃቄ እንዲያደርግ ባለሥልጣኑ መክሯል፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ፣15 2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ቢልና ሚሊንዳ ጌትስ ፋውንዴሽን በኢትዮጵያ የገንዘብ ዝውውር ላይ ሊሰራ ኃሣብ አለው ተባለ፡፡ (ቴዎድሮስ ወርቁ)
  • ባለፈው ማክሰኞ በአርሲ በደረሰ የመኪና አደጋ 5 ሰዎች ሞቱ፡፡ (ወንድሙ ኃይሉ)
  • ከዘመን ርቀው የኤሌክትሪክ ኃይልና ብርሃን ላልነበራቸው የኢትዮጵያ የገጠር ነዋሪዎች በፀሐይ ብርሃን የሚሰራ መብራት ተገዛላቸው፡፡ (ዮኋንስ የኋላወርቅ)
  • በቅርቡ ህይወታቸው ላለፈው ሰዓሊ አለፈለገ ሰላም ትላንት የመታሰቢያ ዝግጅት ተካሄደላቸው፡፡ (ምስክር አወል)
  • ኢትዮጵያ ከካሜራ ጀርባ የሚል የፎቶ ግራፍ ኤግዚቢሽን ትላንት ተከፈተ፡፡ (ፍቅርተ መንገሻ)
  • ከይዞታቸው ለሚነሱ ተነሺዎች የሚከፈለው ካሣ ከወቅቱ የገበያ ሁኔታ ጋር የተጣጣመ እንዲሆን ክለሳ እየተደረገበት መሆኑ ተሠማ፡፡ (ዮሐንስ የኋላወርቅ)
  • የተሻሻለው የገቢ ግብር አዋጅ ቢፀድቅም ሥራ ላይ የሚውለው ከዓመት በኋላ እንደሆነ እወቁት ተባለ፡፡ (ትዕግስት ዘሪሁን)
  • ኢትየጵያ ባለፈው ዓመት ወደ ውጭ ከላከቻቸው የብረት ምርቶች ከ22 ሚሊዮን ዶላር በላይ ገቢ አገኘች፡፡ (ሕይወት ፍሬስብሃት)
  • የቢልና ሚሊንዳ ጌትስ ፋውንዴሽን በኢትዮጵያ የግብርናና የጤና ዘርፎችን ለመደገፍ ሥራ ላይ የሚያውለው የገንዘብ መጠን እየጨመረ ይሄዳል ተባለ፡፡ (ቴዎድሮስ ወርቁ)
  • የሄሎ ካሽ ኔትወርክ በኢትዮጵያ በሚገኝ የፋይናንስ ተቋም የባንክ ሂሳብ ቁጥር የደንበኞች ቁጥር ከፍ ብሏል አለ፡፡ (ተህቦ ንጉሴ)
አስተያየት ይፃፉ (0 አስተያየት)

በተጠናቀቀው በጀት ዓመት ጊዜያቸውን ጠብቀው ፍቃድ ያሳደሱ የበጎ አድራጐት ድርጅቶችና ማህበራት 66 በመቶ ብቻ ናቸው ተባለ

የበጎ አድራጐት ድርጅቶችና ማህበራት በየሶስት ዓመቱ ፍቃዳቸውን ያሣድሣሉ፤ ፍቃዳቸውን የሚያሳድሱት ወደ በጎ አድራጎት ድርጅቶችና ማህበራት ኤጀንሲ በመቅረብ ነው፡፡ ከቀናት በፊት በተጠናቀቀው በጀት ዓመትም 1 ሺህ 225 የበጎ አድራጐት ድርጅቶችና ማህበራት ፍቃዳቸውን ያሳድሳሉ ተብሎ ተጠብቆ ነበር፡፡ ፈቃዱን ያሳደሱት ግን 803ቱ እንደሆኑ የበጎ አድራጎት ድርጅቶችና ማህበራት ኤጀንሲ የህዝብ ግንኙነትና ኮሚኒኬሽን ዳይሬክተር አቶ መስፍን ታደሰ ነግረውናል፡፡ ፍቃዱን ያሳደሱት ድርጅቶችና ማህበራት ከታሰቡት 66 በመቶው ብቻ ናቸው ብለዋል፡፡

የተቀሩት በስልክና በመገናኛ ብዙሃን ጥሪ ቢደረግላቸውም ቀርበው ፍቃዳቸውን እንዳላሳደሱ ነው የነገሩን፡፡ የሥራ ዕቅዳቸውንና አፈፃፀማቸውን በወቅቱ ባለማቅረባቸው እና ፍቃድ በወሰዱባቸው ሦስት ዓመታት ምንም ሥራ ያልሰሩ ድርጅቶችና ማህበራትም ፍቃዳቸው እንደልታደሰ ከአቶ መስፍን ሰምተናል፡፡ ዳይሬክተሩ እንዳሉት ጊዜውን ጠብቀው ፍቃድ ያላሳደሱ ድርጅቶችና ማህበራት ስራ ላይ እንደሌሉ ነው የሚቆጠረው፡፡ በዚህም ምክንያት ዕጣ ፈንታቸው መሰረዝ ይሆናል ብለዋል፡፡ በአሁኑ ወቅት በአጠቃላይ ፍቃድ ወስደው እየሰሩ ያሉ የበጎ አድራጐት ድርጅቶችና ማህበራት ከሦስት ሺህ በላይ እንደሆኑ አቶ መስፍን ጨምረው ነግረውናል፡፡

ንጋቱ ረጋሳ
አስተያየት ይፃፉ (0 አስተያየት)

ኢትዮጵያ አለኝ የምትለው ትልቁ መራሄ ተውኔት የመጨረሻ ስንብት ትናንት አመሻሽ ላይ ተሠማ

ከኢትዮጵያ አልፎ ለምሥራቅ አፍሪካ የቲአትር ጥበብ ብርቱ ተቆርቋሪና ተሟጋች የነበረው የቲአትር አዘጋጅ መምህርና ሙሉ የመድረክ ሰው አባተ መኩሪያ ትናንት ህይወቱ አልፏል፡፡ ከ50 ዓመታት በላይ ታላላቆቹ የኢትዮጵያ ሊቃውንት የደረሷቸውን ቲአትሮች ወደ መድረክ የለወጠው የመራውና ያዘጋጀው አባተ መኩሪያ በጠና ህመም ሲሰቃይ ሰንብቷል፡፡ ከጥበብ ውጭ ማሰብም ሆነ መናገር አይችልም ሙሉ ተፈጥሮው የቲአትር ነው ሲሉ የሙያ አጋሮቹ የሚመሰክሩለት መራሄ ተውኔት አባተ መኩሪያ የብሉይ ዘመን አንጋፋ የውጭ ሀገር ቲአትሮች ወዘናቸውና ሥሪታቸው ሣይሸራረፍ የኢትዮጵያ ለዛ ይዘው እንዲመደረኩ ከፍተኛ አበርክቶ ነበረው፡፡

ሎሬት ፀጋዬ ገብረመድህን፣ ፀሐፊ ተውኔት መንግሥቱ ለማና ሌሎችም የፃፏቸውን ብዙ ቲአትሮች ሁነኛ አድርጎ አዘጋጅቶና መርቶ ህዝብ እንዲመለከታቸው አድርጓል፡፡ ኢትዮጵያዊ ብቻ ሳይሆን አለም አቀፋዊ ቅርፅ እንዲኖራቸው አድርጎ ካዘጋጃቸው ቲአትሮች ድንበር ተሻግረው አድናቆት የተቸራቸው ሽልማት የጎረፈላቸው ሥራዎችም ይጠቀሣሉ፡፡ ኢትዮጵያ ጭምር ማህበርተኛ የሆነችበትን የምሥራቅ አፍሪካ ቲአትር ኢንስቲትዩትን በማቋቋምና የምሥራቅ አፍሪካን የቲአትር ጥበብ በመወከል ለአለም በማስተዋወቅ የለፋ ሰውም ነው አባተ መኩሪያ፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ፣14 2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


  • ለአተት ያጋልጣሉ የተባሉ የምግብ እና መጠጥ ቤቶች ታሸጉ፡፡ (መሠረት በዙ)
  • ለአተት በሽታ ተገቢውን ትኩረት ያልሰጡ እና ምልክቱ የታየባቸውን ታማሚዎች አላስፈላጊ ምርመራን ያዘዙ 12 የግል የጤና ተቋማት የተለያዩ እርምጃዎች ተወሰደባቸው ተባለ፡፡ (መሠረት በዙ)
  • አባተ መኩሪያ ከዚህ አለም በሞት ተለየ፡፡ (ህይወት ፍሬስብሃት)
  • ኢትዮጵያ እና ላይቤሪያ በንግድ እና ኢንቨስትመንት ያላቸውን ትስስር ለማጠናከር አበክረው እንደሚሰሩ በመግባባት ስምምነት ፈረሙ፡፡ (ፋሲል ረዲ)
  • የከንፈርና የላንቃ መሰንጠቅ ችግር ያለባችሁ ኑ በነፃ ታከሙ ተብላችኋል፡፡ (ወንድሙ ኃይሉ)
  • አዲስ አበባ ዩኒቨርስቲ ለመጀመሪያ ጊዜ የህግ ትምህርትን በዶክትሬት ድግሪ ለማስተማር እየተዘጋጀሁ ነው አለ፡፡ (ምስክር አወል)
  • በአዲስ አበባ የጤና መኮንን ተማሪዎች ትምህርታችንን ሳንጨርስ ውጡ ተባልን አሉ፡፡ የትምህርት ክፍሉ ኃላፊ ተማሪዎቹን አሰናብት ተብያለሁ ምክንያቱን አላውቅም ብለዋል፡፡ (ትዕግስት ዘሪሁን)
  • በአዲስ አበባ የጤና ተቋማትን እና ባለሙያዎችን እንዲሁም የምግብና የመጠጥ ንግዶችን የሚቆጣጠሩ ባለሙያዎች እጥረት አጋጥሟል ተባለ፡፡ (መሠረት በዙ)
  • በተጠናቀቀው የበጀት አመት ጊዜያቸውን ጠብቀው ፈቃድ ያሣደሱ የበጎ አድራጐት ድርጅቶችና ማህበራት 66 በመቶ ብቻ ናቸው ተባለ፡፡ (ንጋቱ ረጋሣ)
  • ለፓርኪንሰን ህመም ብዙም ትኩረት አልሰጠሁም ሲል የጤና ጥበቃ ሚኒስቴር ተናገረ፡፡ (ቴዎድሮስ ወርቁ)
አስተያየት ይፃፉ (0 አስተያየት)

በአዲስ አበባ ካለፈው ሣምንት ጀምሮ ለ7 ቀናት በዋና ዋና የከተማዋ አውራ ጎዳናዎች፣ መንደሮች እንዲሁም ገንዳዎች ቆሻሻ ተከማችቶ ሰንብቷል

የቆሻሻ ማንሻ መኪኖች የተሸከሙትን ቆሻሻ የሚያራግፉበት አጥተው ቆመዋል፡፡ ለወትሮው የከተማዋን ደረቅ ቆሻሻ ሸክፈው ሰንዳፋ ወደሚገኘው ዘመናዊ የቆሻሻ መጣያ ቦታ መሄድ የነበረባቸው እነዚሁ መኪኖች ወደ ሰንዳፋ ማቅናት አልሆነላቸውም፡፡ ሸገር የፅዳት አስተዳደር ኤጀንሲ ዋና ሥራ አስኪያጅ ከሆኑት አቶ ዳዊት አየለ ጋር ስለ ሰሞኑ የፅዳት ችግር ተነጋግሯል፡፡ አቶ ዳዊት ከመኖሪያ ቤትና ድርጅቶች ከሌሎችም ተቋማት የተሰበሰበው ቆሻሻ በወጉ ሊወገድ አለመቻሉን ተናግረው የቆሻሻ ክምር ወደ ሰንዳፋ ወስዶ ለመጣል ጊዜያዊ የተባለ ችግር ተፈጥሯል፡፡

በሰንዳፋ ያሉ አርሶ አደሮችና ነዋሪዎች የአዲስ አበባ ቆሻሻ ከዚህ በኋላ እንዳይመጣብን ሲሉ መከልከላቸውን ኃላፊው ተናግረዋል፡፡ የአዲስ አበባ የየዕለት ደረቅ ቆሻሻ እየተረከበ በዘመናዊ መንገድ ለማስወገድ እንዲረዳ ተብሎ በሰንዳፋ የተገነባው የቆሻሻ መረከቢያ ማዕከል በዚህ ሰሞን አገልግሎቱን አቋርጧል፡፡

ተጨማሪ ያንብቡ...

አስተያየት ይፃፉ (0 አስተያየት)

ህጋዊ የውጪ ሀገር የሥራ ሥምሪትን በተመለከተ እና የዜጐችን ደህንነት ያስጠብቃል ተብሎ በወጣው አዋጅ ደንብና መመሪያው ተዘጋጅቷል ተባለ

የውጭ ሀገር ሥምሪትን በምን መንገድ ማስፈፀም ይቻላል በሚለው ዙሪያ ደንበና መመሪያው እንደተጠናቀቀ ሰምተናል፡፡ አዋጁ ከወጣም አመት ያለፈው ሲሆን የተጠናቀቀለት መመሪያ መፅደቅ ብቻ ቀርቶታል ያሉን በሠራተኛና ማህበራዊ ጉዳይ ሚኒስቴር እና አውሮፓ ህብረት ህገ-ወጥ የሰዎች ዝውውር መከላከል ፕሮጀክት ሚዲያ ኤክስፐርት አቶ ሀብታሙ ደምስ ናቸው፡፡ የውጭ አገር ሥራ ሥምሪት ህግና ደንቡን ጠብቆ የዜጐች መብት ሳይጣስ እንዲቀጥል በተለያዩ የሀረብ ሀገሮች ስምምነቶች እየተደረጉ ነው ተብሏል፡፡
በውጪው ሀገር እንጀራ ለሚፈልጉ ኢትዮጵያውያን ጥቅማቸውን እና ደህንነታቸውን ለማስጠበቅ በሚደርሱባቸው ሀገሮች ባሉ ኤምባሲዎች በሙሉ ደህንነታቸውን የሚከታተል መመሪያ አና ባለሙያ እየተዘጋጀ መሆኑንም ሰምተናል፡፡ በዚህ ቀን የውጭ ሀገር ሥራ ሥምሪት ይጠናቀቃል ለማለት እንደማይቻል አቶ ሀብታሙ ነግረውናል፡፡ ምክንያቱን የጠየቅናቸው ባለሙያ በየክልሉ ሥራውን ሊያስፈፅሙ የሚችሉ ባለሙያዎች ተመድበው መጠናቀቅ ስላለባቸው ነው ብለውናል፡፡

ተጨማሪ ያንብቡ...

አስተያየት ይፃፉ (0 አስተያየት)

ኢትዮጵያ ከግብፅ እና ሱዳን ጋር ያላት ግንኙነት በአባይ ወንዝ ላይ ብቻ የተመሠረተ አይደለም ሲሉ በግብፅ የኢትዮጵያ አምባሣደር መሃመድ ድሪር ተናገሩ

አምባሣደር መሃመድ ድሪር ከትናንት በስቲያ ከግብፁ የግል ቴሌቭዥን አል ናሀር ጋር ባደረጉት ቃለ ምልልስ ነው ይህን ያሉት፡፡ ሦስቱ ሀገሮች ግንኙነት ከአፍሪካ ዕድሜ ጠገቡ በመሆኑ እንዲህ በጠባብ ሁኔታ መታየት የለበትም ብለዋል፡፡ በርግጥ አሉ አምባሣደር መሃመድ ድሪር በርግጥ ሦስቱም ሀገሮች በአባይ ወንዝ የየራሳቸው ፍላጐት አላቸው ይህን ፍላጐታቸውን እንዴት ወደ አንድ የጋራ ጥቅም ማምጣት ይቻላል የሚለው ላይ ነው ትኩረት መደረግ ያለበት ብለዋል፡፡ አምባሣደር መሃመድ ጨምረውም ኢትዮጵያ እየገነባቸው ያለው የአባይ ግድብ ግንባታው ሊጠናቀቅ ጥቂት ነው የቀረው ሲሉ ተናግረዋል፡፡

የግብፅ መገናኛ ብዙሀን የታችኛው የተፋሰሱ ሀገሮችን ይጐዳል በሚል የሚያወሩት ተገቢ አለመሆኑንም በቃለ ምልልሳቸው ወቅት ተናግረዋል፡፡

ተጨማሪ ያንብቡ...

አስተያየት ይፃፉ (0 አስተያየት)

በተከሰው ድርቅ ምክንያት ከብቶቻቸው የሞቱባቸው የሶማሌ ክልል ነዋሪዎችን መልሶ ለማቋቋም የክልሉ መንግሥት 75 ሚሊየን ብር መድቧል ተባለ

የሶማሌ ክልል ነዋሪዎችም በበኩላቸው 35 ሺህ ፍየሎችን ለመለገስ ቃል መግባታቸውን ሰምተናል፡፡ በሶማሌ ክልል አደጋ መከላከልና ዝግጁነት ቢሮ ምክትል ኃላፊ የሆኑት አቶ ሃሰን አደም ለሸገር እንደተናገሩት ከተጎዱ 475 ሺህ የክልሉ ዜጎች መካከል ከብቶቻቸው የሞቱባቸው 100 ሺህ ያህል ይደርሳሉ፡፡ የሚተዳደሩትም ከብት በማርባት በመሆኑ መልሶ ለማቋቋም 75 ሺህ ብር ተመድቧል ብለዋል፡፡ በተመደበው ገንዘብም የሚያስፈልጓቸው ፍየሎችና ግመሎች ተገዝተው እንደሚቀርቡላቸው ሰምተናል፡፡
አቶ ሃሰን እንደሚሉት በመጀመሪያው ዙር 50 ሺህ ፍየሎችን ገዝቶ ለማከፋፈል ተወጥኗል፡፡ በአንድ ቀበሌም በቅርቡ 5 ሺህ ፍየሎች ተከፋፍለዋል ብለዋል፡፡

በመጭው ጊዜም ከብቶችን ገዝቶ የማቅረቡና በክልሉ ነዋሪ ቃል የተገቡ 35 ሺህ ፍየሎችን ሰብስቦ የማከፋፈሉ ሥራ ይቀጥላል ተብሏል፡፡ 

ተጨማሪ ያንብቡ...

አስተያየት ይፃፉ (0 አስተያየት)
Sheger 102.1 AudioNow Numbers