• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መስከረም 4፣2009 የሸገር ወሬዎቻችን

  • የኮምፒውተር ማደሻና ማሰልጠኛ ማዕከል በእርዳታ ያገኛቸው ከ4 ሺህ በላይ ኮምፒውተሮች ፈላጊ አጥተው መጋዘን አጣበውብኛል አለ፡፡ ትዕግስት ዘሪሁን
  • እጅግ ከፍተኛ የስዕል ቅርሶች ያሉበት የሜትር አርቲስት አፈወርቅ ተክሌ መኖሪያ የነበረው ቪላ አልፋ ለቤተ-መዘክርነት እንዲሆን ተደርጎ ይታደሳል ቢባልም እስካሁንም እድሳቱ አለመጀመሩ ተሠማ፡፡ ተህቦ ንጉሴ
  • በ2008 ዓ፤ም በመጠጥ ውሃ አቅርቦት ተቸግራ የነበረችው ሀረር በ2009 መፍትሄ ታገኛለች እየተባለ ነው፡፡ በ2009 ዓ.ም ህዳር ወር ላይ ሀረር የብሔር ብሔረሰቦችን በአል ለማክበር ሽርጉድ እያለች መሆኑ ትኩረት ለማግኘቷ ምክንያት ሆኗላታል... አስፋው ስለሺ
  • በአህጉራዊ ፍልሰት ላይ የሚመከር ጉባዔ በአዲስ አበባ ይዘጋጃል ተባለ፡፡ የኔነህ ሲሣይ
  • ኢትዮጵያ እና የአካባቢው ሀገሮች ሶማልያ ሰላም እንድትሆን ከዚህ ቀደም ሲያደርጉ የነበረውን ጥረት ይቀጥላሉ ሲሉ ጠቅላይ ሚኒስትር ኃይለማርያም ደሣለኝ ተናገሩ፡፡ ፋሲል ረዲ
  • ባለፈው ዓመት ከአገር ውስጥና ከውጭ የኤሌክትሪክ ሽያጭ ከ4 ቢሊዮን ብር በላይ ገቢ ተገኘ፡፡ ዮሐንስየኋላወርቅ
  • መንግሥት ከተማሪዎች ፣ መምህራንና ድጋፍ ሰጪ ሠራተኞች ጋር የሚያካሂደው ውይይት ከዚህ ቀደም ሲደረግ እንደነበረው በወቅታዊ ጉዳዮች ላይ መሆኑ የትምህርት ሚኒስትሩ ተናገሩ፡፡ ሕይወት ፍሬሰብሃት
  • የአዲስ አበባ መንገዶች ባለሥልጣን እርጅና የተጫጫናቸውን የከተማዋን መንገዶች የመጠገኑን ነገር አልዘነጋሁትም አለ፡፡ ተኅቦ ንጉሴ
  • በኦሮሚያ ክልል አርሲ ዞን ሁለት ሰዎችን በጭካኔ የገደሉ ሦስት ተከሳሾች በዕድሜ ልክ እሥራት ተቀጡ፡፡ ምስክር አወል
አስተያየት ይፃፉ (0 አስተያየት)

ግብፅ የአባይ ተፋሰስ የትብብር ማዕቀፍን እንድትቀላቀል ጥረት እየተደረገ ነው ተባለ

ግብፅ የአባይ ተፋሰስ አባል አሀገራት የትብብር ማዕቀፉን ብትቀላቀል ለአካባቢው ሰላም አስፈን ትልቅ ዕድል ይሰጣል ተባለ፡፡የአባይ ውሃ ክፍፍልን ፍትሃዊ በሆነ መልኩ መጠቀም የሚያስችለውን የትብብር ማዕቀፍ ለመፈረም እና የህብረቱ አባል ለመሆን ፍላጐቷን ያሣየችው ግብፅ ቃሏን ጠብቃ ወደ ስምምነቱ ብትመጣ አባይ ያለመግባባት ምክንያት ከመሆን ይልቅ ወደ ዕድገት ምንስኤነት ይቀየራል፡፡

ይህን ያሉት ኢንጅነር ተሾመ አጥናፌ በውሃ መስኖና ኤሌክትሪክ ሚኒስቴር የወሰን እና ወሰን ተሻጋሪ ወንዞች ዳይሬክቶሬት ዳይሬክተር ናቸው፡፡ ግብፅ ወደ ማዕቀፉ የምትመለሰው ቅድመ ሁኔታዎችን በማስቀመጥ እና ከዚህ በፊት የነበሩ ስምምነቶችን በማሻሻል ነው የሚል ወሬ ይሰማል በዚህ በኩል የኢትዮጵያ አቋም ምንድነው ያልናቸው ኢንጂነር ተሾመ ምንም የሚቀየር ነገር የለም ብለዋል፡፡

መነሻው ከጣና ኃይል የሆነው አባይ ወንዝ 3 ነጥብ 2 ሚሊየን ኪሎ ሜትሮችን የሚሸፍን ሲሆን ወንዙ የሚያልፍባቸው አስራ አንድ ሀገሮች የተፋሰሱ አባል ሀገሮች ናቸው፡፡

ፋሲል ረዲ
አስተያየት ይፃፉ (0 አስተያየት)

የጨሞጋ የዳ የኃይል ማመንጫ ፕሮጀክት ሊዘጋ መሆኑ ተሠማ

የጨሞጋ የዳ የኃይል ማመንጫ ýሮጀክት ሊዘጋ መሆኑ ተሠማ፡፡ፕሮጀክቱ በአዲስ መልኩ ዳግም ይሰራል ተብሎ ይገመታል፡፡ከውሃ መስኖ እና ኤሌክትሪክ ሚኒስቴር የ2008 ዓ.ም ሪፖርት ላይ እንደሰፈረው የጨሞጋ ወንዝ አጠቃቀም ላይ ግብፅ ጥያቄ አንስታለች፡፡

ለፕሮጀክቱ ማስፈፀሚያ የሚሆን የገንዘብ ብድር እሰጣለሁ ያለችውም ቻይና የብድር ስምምነቱን ያልፈረመች በመሆኑ ስራው ሊሰራ አልቻለም ተብሏል፡፡ሲኖ ሃይድሮ የተባለው ኮንትራክተር ምንም አይነት ስራ ሊሰራ ባመቻሉ እና የኮንትራት ቅድመ ሁኔታዎችን ስላልተሟሉ ስምምነቱ ተቋርጧል፡፡

ከዚህም በኋላ ፕሮጀክቱን ለማልማት ለሚፈልጉ ኩባንያዎች ለማስተላለፍም ጨረታ ወጥቶ የነበረ ቢሆንም መንግሥት ýሮጀክቱን ለመስራት አዲስ ዘዴ ስላሰበ ፕሮጀክቱ ይዘጋል ተብሎ ታስቧል፡፡

ዮሐንስ የኋላወርቅ
አስተያየት ይፃፉ (0 አስተያየት)

ከአዲስ ዓመት ዋዜማ ጀምሮ ባለፉት ሦስት ቀናት አዲስ አበባ 83 የትራፊክ አደጋዎችን አስተናግዳለች

ከአዲስ አመት ዋዜማ ጀምሮ ባለፉት ሦስት ቀናት አዲስ አበባ 83 የትራፊክ አደጋዎችን አስተናግዳለች፡፡ የሞት አደጋ ግን አለመመዝገቡ ከአምናው የዘመን መለወጫ በዓል የተሻለ የትራፊክ እንቅስቃ እንደነበር ያሳያል ተብሏል፡፡የአዲስ አበባ ፖሊስ ኮሚሽን ለሸገር እንደተናገረው በዘመን መለወጫ ዋዜማ በከተማዋ 23 የትራፊክ አደጋ ደርሷል፡፡ 20 የንብረት አደጋና 3 ከባድ የአካል ጉዳት ተመዝግቧል፡፡

አምና በዘመን መለወጫ እለት 2 የሞት አደጋ ደርሶ እንደነበር ያስታወሱት በኮሚሽኑ የህዝብ ግንኙነት ባለሙያ የሆኑት ኢንስፔክተር አሰፋ መዝገቡ ናቸው፡፡በዘንድሮው በዓል ግን የሞት አደጋ አልተመዘገበም 20 የንብረት እንዲሁም 2 ከባድና 1 ቀላል የአካል ጉዳት ደርሷል ብለዋል፡፡

ትናንት የአረፋ በዓል በተከበረበት እለትም 20 የትራፊክ አደጋ የደረሰ ሲሆን 2 ከባድ የአካል ጉዳትና 18 የንብረት አደጋ ደርሷል መባሉን ሰምተናል፡፡

ትዕግስት ዘሪሁን
አስተያየት ይፃፉ (0 አስተያየት)

የግል ድርጅቶች ማህበራዊ ዋስትና ኤጀንሲ የጡረታ አገልግሎት ከመስጠት ጎን ለጎን በኢንቨስትመንቱም እየተሳተፍኩ ነው አለ

የግል ድርጅቶች ማህበራ ዋስትና ኤጀንሲ የጡረታ አገልግሎት ከመስጠት ጎን ለጎን በኢንቨስትመንቱም እየተሳተፍኩ ነው ብሏል፡፡ኤጀንሲው ለኢንቨስትመንት የሚያውለው ለጡረተኞች ከሚከፍለውና ለአስተዳደራዊ ስራዎች ከሚያወጣው ገንዘብ የሚቀረውን ነው፡፡

የኤጀንሲው የኮሙኒኬሽን ዳይሬክተር አቶ ተስፋዬ ጋሻው ለሸገር እንደተናገሩት በተጠናቀቀው 2008 በጀት ዓመት ከኢንቨስትመንት ብቻ ከ107 ሚሊዮን ብር በላይ ተገኝቷል፡፡ ኤጀንሲው በበጀት ዓመቱ ከ4 ነጥብ 6 ቢሊዮን ብር በላይ የጡረታ መዋጮ መሰብሰቡንም ከዳይሬክተሩ ሰምተናል፡፡ ከ18 ሺህ በላይ የግል ድርጅቶችንና ከ143 ሺህ የሚበልጡ ሠራተኞችን መዝግቧልም ብለዋል፡፡

በተቀመጠው የጊዜ ገደብ የሠራተኞቻቸውን የጡረታ መዋጮ ገቢ ካላደረጉ ድርጅቶች በቅጣትና ወለድ ከ17 ሚሊዮን ብር በላይ ኤጀንሲው ማግኘቱን አቶ ተስፋዬ ጨምረው ነግረውናል፡፡ ሌሎች ድርጅቶች ደግሞ የሠራተኞቻቸውን የጡረታ መዋጮ ገቢ ባለማድረጋቸው ለባንክ በተፃፈ ደብዳቤ ከባንክ ሂሳባቸው ተነቅሶ ለጡረታ ፈንዱ ከ75 ሚሊዮን ብር በላይ ተደርጓልም ብለውናል፡፡

ንጋቱ ረጋሣ

አስተያየት ይፃፉ (0 አስተያየት)

መስከረም 3፣2009 የሸገር ወሬዎቻችን

  • ደም በመስጠት በደም እጦት የሚሞቱ ወገኖችን መታደግ እንደሚገባ ተነገረ፡፡ የአዳማ ብሔራዊ ደም ባንክ ከ1 ሺህ ዩኒት በላይ ደም ከኢትዮጵያ ተልዕኮ ለትውልድ አገልግሎት አባላት ሰብስቧል፡፡ አስፋው ስለሺ
  • የቅዱስ ጴጥሮስ ስፔሻላይዝ ሆስፒታል የጭንቅላት የህብለ ሰረሰር እና የነርቭ ህክምናን ዛሬ ልጀምር ነው አለ፡፡ መሠረት በዙ
  • ኢትዮጵያ ባለፈው ዓመት 2008 በውጭ ጉዳይ ፖለሲዋ እንዴት አሳልፋ ይሆን ገዥው መንግሥት ዓመቱ በጣም የተዋጣለት ነበር ይላል፡፡ የተቃዋሚ ፓርቲ መሪ ደግሞ እንደውም 2008 ኢትዮጵያ በዲጵሎማሲው መስክ ዝቅ ብላ የታየችበት ነው የላሉ፡፡ የኔነህ ሲሣይ 
  • ከአዲስ ዓመት ዋዜማ ጀምሮ ባለፉት ሦስት ቀናት አዲስ አበባ 83 የትራፊክ አደጋዎችን አስተናግዳለች፡፡ ትዕግስት ዘሪሁን
  • የግል ድርጅቶች ማህበራዊ ዋስትና ኤጀንሲ የጡረታ አገልግሎት ከመስጠት ጎን ለጎን በኢንቨስትመንቱም እየተሳተፍኩ ነው አለ፡፡ ንጋቱ ረጋሣ
  • በአዲስ አበባ ከ1ኛ ክፍል እስከ 12ኛ ክፍል የሚማሩ ተማሪዎች ሥልጠና ሊሰጣቸው ነው፡፡ የዘንድሮ ትምህርት መስከረም 18 ይጀመራል ተብሏል፡፡ ህይወት ፍሬስብሃት
  • የጨሞጋ የዳ የኃይል ማመንጫ ፕሮጀክት ሊዘጋ መሆኑ ተሠማ፡፡ ዮሐንስ የኋላወርቅ
  • ግብፅ የአባይ ተፋሰስ የትብብር ማዕቀፍን አግድትቀላቀል ጥረት እየተደረገ ነው ተባለ፡፡ ፋሲል ረዲ
  • በአርሲ ዞን የህዝብ ማመላለሻ አውቶብስ ተገልብጦ የሰው ህይወት ጠፋ፡፡ ወንድሙ ኃይሉ
አስተያየት ይፃፉ (0 አስተያየት)

የአዲስ አበባ ቄራዎች ድርጅት ለመጪዎቹ በዓላት የበግ አቅርቦት እጥረት ገጥሞኛል ፣ የበሬ ነገር ግን አያሰጋኝም ብሏል

የአዲስ አበባ ቄራዎች ድርጅት ለዘመን መለወጫ በዓል 2 ሺህ 500 በጐችን ለአዲስ አበባ ነዋሪዎች ለማቅረብ ብወጥንም የበግ አቅርቦት እጥረት አጋጥሞኛል አለ፡፡ እስካሁን እጄ ውስጥ የገቡት በጐችም 7 መቶ ብቻ  ናቸው ብሏል፡፡

የድርጅቱ ዳይሬክተር አቶ ንብረት በቃ ለሸገር እንደተናገሩት በዘመን መለወጫ በዓል የተለመደው በሰፊው በግ ማቅረብ ነው ይሁን እና በዚህ ዓመት የዘመን መለወጫና የአረፋ በዓል በአንድ ቀን ልዩነት በመዋላቸው ምክንያት የበግ አቅርቦት እጥረት አጋጥሞናል ብለዋል፡፡

የአዲስ አበባ ቄራዎች ድርጅት ለአረፋ በዓል ብቻ ለእስልምና እምነት ተከታዬች የቀረበለትን የ5 ሺህ በጐች እርድ ፈፅሞ ለማቅረብ በዝግጅት ላይ መሆኑንም ዳይሬክተሩ ጨምረው ተናግረዋል፡፡ለዘመን መለወጫ በዓል የተለመደው የበግ ሥጋ ቢሆንም የአቅርቦት እጥረት አጋጥሟል ያሉት ዳይሬክተሩ የበሬ አቅርቦት ችግር ግን ስለሌለ 2 ሺህ በሬዎች ለአዲስ አበባ ነዋሪዎች መዘጋጀታቸውን ለሸገር ተናግረዋል፡፡

ትዕግስት ዘሪሁን

አስተያየት ይፃፉ (0 አስተያየት)

በመጪዎቹ በዓላት ምክንያት የአተት ስርጭት እንዳይስፋፋ ስጋት መኖሩ ተሰማ

በመጪው መስከረም ወር በተከታታይ በሚከበሩት የዘመን መለወጫ ፣ የአረፋ እና የመስቀል በአል ወቅት የሚኖረው የእርድና የስጋ አጠቃቀም ጥንቃቄ ካልተደረገበት ፤ የአተት በሽታ በከፈተኛ ሁኔታ ሊጨምር ይችላል ሲል የጤና ጥበቃ ሚኒስቴር ተናገረ፡፡

የበሽታው መነሻ የወንዞች ፣ ምንጮችና የውሃ መገኛዎች በበሽታ አምጪ ተህዋሲያን መበከላቸው በመሆኑ በህገ-ወጥ እየታረዱ የሚቀርቡ ስጋና ንፅህናቸው ያልተጠበቀ የአትክልት ውጤቶችን በጥሬአቸው መመገብ የግል እና የአካባቢ እንዲሁም የምግብ ንፅህና መጓደልን ተከትሎ ሰዎች ለበሽታው ተጋልጠዋል ተብሏል፡፡

አሁን ላይ በአዲስ አበባ የአተት በሽታ ስርጭት እየቀነሰ ነው በዚህ ሳምንት በአዲስ አበባ 20 ወረዳዎች 25 ተማሚዎች ታይተዋል መባሉን ሚኒስቴሩ ከላከልን መግለጫ ላይ ተመልክተናል፡፡ ከአዲስ አበባ ውጭ በአማራ ክልል በ16 ወረዳዎች ፣ በትግራይ 4 ወረዳዎች ፣ በኦሮሚያ 6 ወረዳዎች ፣ በደቡብ 2 ወረዳዎች ፣ በኢትዮጵያ ሶማሌ 2 ወረዳዎችና በአፋር 1 ወረዳ በያዝነው ሳምንት በሽታው ታይቷል ተብሏል፡፡

መሠረት በዙ
አስተያየት ይፃፉ (0 አስተያየት)

በእርጅና ምክንያት እየወደቁ ለአደጋ የሚጋለጡ የእንጨት የኤሌክትሪክ ምሰሶዎች በመጭው አመት በኮንክሪት ይቀየራሉ ተባለ

ያረጁ የኤሌክትሪክ ምሰሶዎች እየተፈተሹ በመጪው 2009 ዓ.ም በኮንክሪት ምሰሶ እንደሚቀየሩ የኢትዮጵያ ኤሌክትሪክ ኃይል ተናገረ፡፡ ከሦስት ዓመት በፊት የኤሌክትሪክ መሥመር ተዘርግቶላቸው ኃይል ያላገኙ 159 ቦታዎችም በመጪው ዓመት ምሰሶዎቻቸው ተቀይረው ኤሌክትሪክ ያገኛሉ ተብሏል፡፡

በአገልግሎቱ የኮሙኒኬሽን ዳይሬክቶሬት ዳይሬክተር የሆኑት አቶ ገብረእግዚአብሔር ታፈረ ለሸገር እንደተናገሩት ያረጁ የኤሌክትሪክ ምሰሶዎች እየወደቁ አደጋ ሲፈጥሩና ለሃይል መቆራረጥም ምክንያት ሲሆኑ ከርመዋል፡፡ አዲስ አበባን ጨምሮ ሰፋፊ ከተሞች በርካታ የኤሌክትሪክ ምሰሶዎቻቸው ረጅም አመት በማገልገላቸው እርጅና ተጭኗቸዋል ብለዋል፡፡

ተጨማሪ ያንብቡ...

አስተያየት ይፃፉ (0 አስተያየት)

ጷግሜ 3፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በእርጅና ምክንያት እየወደቁ ለአደጋ የሚጋለጡ የእንጨት የኤሌክትሪክ ምሰሶዎች በመጭው አመት በኮንክሪት ይቀየራሉ ተባለ፡ ትዕግስት ዘሪሁን
  • ለአባይ ግድብ በግድ ቦንድ ካልገዛችሁ የሥራ ስምሪት አታገኙም ተባልን ዮሐንስ የኋላወርቅ
  • በኢትዮጵያ ያለውን የሲቪል አቪየሽን ዘርፍ ችግር ይፈታል ፤ አዳዲስ ያልነበሩ ኃሳቦችን አካትቷል የተባለ የሲቪል አቪየሽን ፖሊሲ እየተሰናዳ ነው፡፡ ህይወት ፍሬስብሃት
  • የተሰባሰቡት በኢትዮጵያ ካሉ የተለየዩ ዩኒቨርስቲዎች ነው፡፡ በቁጥር 60 ሲሆኑ የሚበዙት ገና ተማሪዎች ፤ ጥቂቶቹ ደግሞ አጠናቀው የወጡ ናቸው፡፡ በዚህ ሳምንት የጫማ መጥረጊያ ሳጥናቸውን ይዘው ወደ አዲስ አበባ ጐዳናዎች ወጥተው ነበር፡፡ ቴዎድሮስ ወርቁ
  • ሊጠናቀቅ ሁለት ቀናት ብቻ በቀሩት የ2008 ዓ.ም የእሣትና ድንገተኛ አደጋዎችን  ንጋቱ ሙሉ 
  • የአዲስ አበባ ቄራዎች ድርጅት ለመጪዎቹ በዓላት የበግ አቅርቦት እጥረት ገጥሞኛል ፣ የበሬ ነገር ግን አያሰጋኝም ብሏል፡፡ ትዕግስት ዘሪሁን
  • በመጪዎቹ በዓላት ምክንያት የአተት ስርጭት እንዳይስፋፋ ስጋት መኖሩ ተሰማ፡፡ መሠረት በዙ
  • በቂሊንጦ ማረሚያ ቤት የነበሩ ታራሚዎች የሚዘዋወሩበት ቦታ ከነገ ጠዋት ጀምሮ ይፋ ይሆናል ተባለ፡፡ የኔነህ ሲሣይ
አስተያየት ይፃፉ (0 አስተያየት)

ኢትዮጰያ የጫማ ምርቶቿን ቀጥታ ወደ አሜሪካ ገበያ ልትልክ ነው

ኢትዮጰያ ቻይናንና ጣሊያንን ከእንግዲህ ሞኛችሁን ፈልጉ የጫማ ምርቴን እኔ ራሴ ለአሜሪካ እሸጣለታሁ አለቻቸው፡፡ ከቆዳ ኢንዱስትሪ ልማት ኢንስቲቲዩት የህዝብ ግንኙነት ባለሙያው አቶ ብርሃኑ ሰርጀቦ ለሸገር ሲናገሩ ከዚህ ቀደም የኢትዮጵያን የጫማ ምርቶች ቻይናና ጣሊያን በርካሽ እየገዙ ለአሜሪካ ገበያ በውድ ይሸጡ ነበር ፤ በ2009 ዓ.ም ግን ኢትዮጵያ ራሷ ያመረተቻቸውን ጫማዎች ለአሜሪካ ገበያ በቀጥታ ለማቅረብ ባለሞያዎች ተልከው ገበያውን አጥንተዋል ብለዋል፡፡

ይህንን የቀጥታ ገበያ የተሳካ ለማድረግና የቆዳና ሌጦ ሥራ የተሻለ ውጤት ለማምጣት በማሰብ የቆዳ ኢንዱስትሪ ልማት ኢንስቲቲዩቱ ከ31 የቆዳና ሌጦ እንዲሁም የጫማ ፋብሪካ ባለቤቶች ጋር ሰሞኑን ምክክር አድርጓል ተብሏል፡፡ ዘንድሮ ከቆዳና ሌጦ የውጪ ገበያ የተገኘው 117 ሚሊዮን ዶላር ሲሆን በ2009 ዓ.ም 272 ሚሊየን ዶላር ለማግኘት ታቅዷል ይህም እንዲሆን በበዓል እርድ ጊዜ ለቆዳ ጥንቃቄ አድርጉ ሲሉ አቶ ብርሃኑ አሳስበዋል፡፡

ወንድሙ ኃይሉ
አስተያየት ይፃፉ (0 አስተያየት)
Sheger 102.1 AudioNow Numbers