• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአፍሪካ የዕድገት ሽግግርና የፍልሰተኞች ጉዳይ በሚል በአዲስ አበባ አህጉር አቀፍ ጉባኤ ሊዘጋጅ ነው ተባለ

በአዲስ አበባው የአፍሪካ ኢኮኖሚ ኮሚሽን አዳራሽ ከቀናት በኋላ ይዘጋጃል የተባለው የአፍሪካ የዕድገት ሽግግርና የፍልሰተኞች ጉዳይ አህጉራዊ ጉባዔ ፍልሰትን ለለውጥ ማዋያ በሚሆኑ ነጥቦች ላይ ይመክራል ተብሏል፡፡ የአፍሪካ ህብረት፣ የአፍሪካ ልማት ባንክና ሌሎች አጋሮች ባዘጋጁት ጉባኤ ላይ በእውቀታቸው አንቱ የተባሉ አለም አቀፍ ምሁራን በመገኘት ፍልሰትን እንደምን አድርጋ አፍሪካ ለለውጧና እንዲሁም ለሽግግሯ ትጠቀምበት በሚሉ ነጥቦች ዙሪያ የምርምር ወረቀት ያቀርባሉ ተብሏል፡፡

ለፍልሰት ህጋዊውን ጥበቃ በማድረግና ደንብ በማዘጋጀት አህጉሪቷ ብዙ የእድገት እርምጃዎችን እንድታመጣ የፍልሰትን መልካም ገፅታ ማበረታታት እንደሚገባም በጉባኤው ላይ ይነገራል መባሉንም ከአፍሪካ ኢኮኖሚ ኮሚሽን ሰምተናል፡፡ ከቀናት በኋላ በአዲስ አበባ የሚዘጋጀው የአፍሪካ የዕድገት ሽግግርና የፍልሰት ጉዳይ ጉባኤ ለፖሊሲ አውጭዎችና ለመንግሥት ኃላፊዎች የበለጠ አቅም የሚሰጥ ነው ተብሏል፡፡

የአፍሪካ የልማት ፕሮግራምን መሠረት በማድረግ የሚዘጋጀው የአፍሪካ የዕድገት የሽግግርና የፍልሰት ጉባኤ ለአህጉሪቷ እድገት መሠረት የሚጥልና ህገ-ወጥ የሥራ ዝውውርንና ህገ-ወጥ ፍልሰትን የሚያስቀር ነው መባሉንም ሰምተናል፡፡በጉባኤው ላይ ለመገኘት የሁሉም የአፍሪካ ሀገራት መሪዎች ወደ አዲስ አበባ ይመጣሉ ተብሎ እንደሚጠበቅም ሰምተናል፡፡

የኔነህ ሲሳይ
አስተያየት ይፃፉ (0 አስተያየት)

ዩኒቨርስቲ እንቀይራችሁ የሚሉ ሀሰተኛ መረጃዎችን አትስሙ ሲል የሀገር አቀፍ የትምህርት ምዘናና ፈተናዎች ኤጀንሲ ተናገረ

የሀገር አቀፍ የትምህርት ምዘናና ፈተናዎች ኤጀንሲ ዘንድሮ የዩኒቨርስቲ መግቢያ ፈተና ወስደው ወደ ተለያዩ ዩኒቨርስቲዎች የተመደቡ ተማሪዎችን የተመደባችሁበትን ዩኒቨርስቲ እንቀይርላችኋለን እያሉ በድረ-ገፆችና በማህበራዊ ሚዲያዎች የሚንሸራሸሩ ወሬዎች ተቀባይነት የላቸውም አለ…

የኤጀንሲው ምክትል ዋና ዳይሬክተር ዶክተር ዘሪሁን ዱሬሳ ለሸገር እንደተናገሩት አንድ ጊዜ ምደባ ከተደረገ በኋላ ድጋሚ ቅያሬ አይደረግም በመሆኑም እናስቀይራለን እያሉ የሚያስወሩት አላግባብ ጥቅም ፈላጊዎችና በኤጀንሲያችንም ሆነ በትምህርት ሚኒስትር እውቅና የላቸውም ብለዋል፡፡

ዶክተር ዘሪሁን በሀገራችን የሚገኙ ዩኒቨርስቲዎች የሚቀበሉት ኤጀንሲው የላከላቸውን የተማሪዎች ዝርዝር ብቻ ስለሆነ ወላጆችም ሆነ ተማሪዎች በመታለል ገንዘባችሁን ያለ አግባብ እንዳትከፍሉ ተጠንቀቁ ብለዋል፡፡ ተማሪዎች መቀየር ቢፈልጉ በምን መልኩ መቀየር ይችላሉ? ብለን የጠየቅናቸው ዶክተር ዘሪሁን፣ “አንድ ጊዜ ምደባ ከተደረገ በኋላ በፍፁም መቀየር አይቻልም” የሚል ምላሽ ሰጥተውናል፡፡

ምስክር አወል
አስተያየት ይፃፉ (0 አስተያየት)

መስከረም 19፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ዩኒቨርስቲ እንቀይራችሁ የሚሉ ሀሰተኛ መረጃዎችን አትስሙ ሲል የሀገር አቀፍ የትምህርት ምዘናና ፈተናዎች ኤጀንሲ ተናገረ፡፡ (ምስክርአወል)
  • ድርጅቶችና ታላላቅ የመንግሥት መሥሪያ ቤቶች አካል ጉዳተኞችን የማካተትን ፅንሰ ኃሣብ ተግባራዊ እያደረጉት አይደለም ሲል የኢትዮጵያ አካል ጉዳተኞች ብሔራዊ ማህበራት ፌዴሬሽን ተናገረ፡፡ የአካል ድጋፍ መሣሪያዎች ውድነት አካል ጉዳተኞችን ጥገኛ እያደረገ ነውም ብለዋል፡፡ (አስፋውስለሺ)
  • በአነስተኛና በመካከለኛ ደረጃ የሰነድ መያዣ የቆዳ ውጤቶችን ለሚያመርቱ ሴት ሥራ ፈጣሪዎች የሚሆን የብድር የዋስትና ማስያዣ ስምምነት በሦስት ተቋማት መካከል ዛሬ ይፈረማል ተባለ፡፡ (የኔነህሲሣይ)
  • ባለፈው አመት መንግሥት ከገዛው የ2 ነጥብ 2 ሚሊዮን ሜትሪክ ቶን ስንዴ መካከል ሩብ ያህሉ ገበያ ለማረጋጋት የተገዛ ነው፡፡ ቀሪው 1 ነጥብ 8 ሚሊዮን ሜትሪክ ቶን ያህሉ ስንዴ የተገዛው ደግሞ በድርቅ ለተጐዱ እርዳታ እንዲሆን ነው ተባለ፡፡ (ትዕግስትዘሪሁን)
  • የዲኢህዴን የከፍተኛ የፓርቲው መሪዎች ግምገማ በሀዋሣ ከተማ ትላንትና ተጀምሯል፡፡ (የኔነህሲሣይ)
  • መስከረም ከጠባ አንስቶ 30 ሺህ የደቡብ ሱዳን ስደተኞች ኢትዮጵያ ገብተዋል ተባለ፡፡ (ፋሲልረዲ)
  • የጨርቃ ጨርቅ እና አልባሣት አለም አቀፍ የንግድ ትርዒት በአዲስ አበባ ሊከፈት ነው፡፡ (ዮሐንስየኋላወርቅ)
  • የኢትዮጵያ የዶሮ እርባታ እና ማቀነባበሪያ ዘርፏ እንዲያድግ ኔዘርላንድ ድጋፍ እያደረገች ነው ተባለ፡፡ (ተኅቦ ንጉሴ)
  • የአፍሪካ የዕድገት ሽግግርን እና ስደተኞችን የተመለከተ ጉባኤ በአዲስ አበባ ሊካሄድ ነው፡፡ (የኔነህሲሣይ)

 

አስተያየት ይፃፉ (0 አስተያየት)

ትናንት ሌሊቱን በአቃቂ ቃሊቲ በደረሰ የቃጠሎ አደጋ 3 ሚሊዮን ብር በተገመተ ንብረት ላይ ጉዳት አደረሰ

ትናንት ሌሊት አቃቂ ቃሊቲ ክ/ከተማ ልዩ ስሙ አቃቂ ቶታል አካባቢ በተነሳ የእሣት ቃጠሎ አምስት የንግድ ቤቶች መቃጠላቸው ተሰማ፡፡ትናንት የተከበረው የመስቀል በዓል በሰላም ቢያልፍም ሌሊት 7 ሰዓት ገደማ ከቴጌም ሆቴል በተነሳ እሳት ምክንያት 3 ሚሊዮን ብር የተገመተ ንብረት መውደሙን ሰምተናል፡፡

በአደጋው ሆቴሉን ጨምሮ 3 ቡቲኮችና አንድ ስጋ ቤት ተቃጥለዋል፡፡የአዲስ አበባ እሳትና ድንገተኛ አደጋዎች መከላከልና መቆጣጠር ባለሥልጣን ዛሬ ለሸገር እንደተናገረው አደጋውን ለመቆጣጠር 6 ሰዓት ከ5 ደቂቃ ወስዷል፡፡በባለሥልጣኑ የኮሙኒኬሽን ባለሙያ የሆኑት አቶ ንጋቱ ማሞ እንዳሉት አደጋውን ቶሎ በቁጥጥር ሥር ለማዋል ያልተቻለው የኤሌክትሪክ መስመሩ በፍጥነት ባለመቋረጡ ነው ብለዋል፡፡

የኤሌክትሪክ መስመሩ ቶሎ አለመቋረጥ የአደጋ ተቆጣጣሪ ሰራተኞችም ስራቸውን ለመስራት አስቸጋሪ ሁኔታ ፈጥሮባቸው ነበር ተብሏል፡፡በአደጋው ምክንያት ሰው ላይ ጉዳት ባይደርስም ለስድስት ሰዓት በቆየው የእሳት ቃጠሎ 3 ሚሊዮን ብር የተገመተ ንብረትም ተቃጥሏል ተብሏል፡፡

ባለሥልጣኑ 5 ተሽከርካሪ 300 ሊትር ኬሚካል ፎም፣ 105 ሺህ ሊትር ውሃ እንዲሁም 40 የአደጋ ተቆጣጣሪ ሰራተኞችን በማሰማራት 100 ሚሊዮን ብር ግምት ያለው ንብረት ከአደጋ ማትረፉን አቶ ንጋቱ ተናግረዋል፡፡የአደጋው መንስኤ የኤሌክትሪክ ችግር መሆኑን ሰምተናለ፡፡

ትዕግስት ዘሪሁን
አስተያየት ይፃፉ (0 አስተያየት)

የአሜሪካ ባለ ሥም ቆዳ አምራች ኩባንያዎች ተወካዮች በኢትዮጵያ ጉብኝት እያደረጉ ነው

አለም አቀፍ ስምና ዝና ያላቸው የቆዳ ኩባንያዎች ምርቶቻቸውን በኢትዮጵያ ስም ለአለም ገበያ ለማቅረብ ኢትዮጵያ መግባታቸው ተሠማ፡፡የጫማ አከፋፋዮች፣ ሻጮች እና ቸርቻሪዎች FDRA በኢትዮጵያ የተለያዩ የጫማ እና ቆዳ ውጤቶች አምራቾችን እየጐበኙ ነው ተብሏል፡፡

ለዚሁ ስም የተቋቋመው የሜድ ባይ ኢትዮጵያ ሥራ አስኪያጅ ወ/ሮ ቤተልሄም ጥላሁን ወሬውን ለሸገር ተናግረዋል፡፡አሁን ወደ ኢትዮጵያ ገብተዋል የተባሉት ባለስም የአሜሪካ የጫማ አከፋፋዮች እና ሻጮች 11 እንደሆኑ ሰምተናል፡፡ጉብኝቱም በሀገር ውስጥ የመጀመሪያው ሲሆን እነዚህ የአሜሪካ የቆዳ ውጤት አከፋፋዮች የሀገር ቤቱን አምራቾች በማየታቸው እና አብረው ለመስራት ማሰባቸው ኢንዲስትሪውን ይደግፈዋል ተብሏል፡፡

በኢትዮጵያ የሚገኙ የቆዳ ውጤት አምራቾች ከነዚሁ ኩባንያዎች ጋር መሰራታቸውም በስራቸው ይበልጥ ውጤታማ እና ባለስም እንደሚያደርጋቸውም ወ/ሮ ቤተልሄም ነግረውናል፡፡ዛሬ ይታያሉ የተባሉት የቆዳ አምራች ኩባንያዎች 8 ሲሆኑ እስካሁንም አንበሳ ጫማ ፋብሪካ ተጐብኝቷል፡፡ ፒኮክ ፣ ጃማይካ ፣ ካንጋሮ እና ሌሎችም እንደሚጐበኙ ሰምተናል፡፡

ተህቦ ንጉሴ
አስተያየት ይፃፉ (0 አስተያየት)

የብሔረ አማራ ዴሞክራሲያዊ ንቅናቄ /ብአዴን/ በቅርቡ የመሪዎች ሽግሽግና ለውጥ ሊኖር እንደሚችል ፍንጭ ሰጠ

የብሔረ አማራ ዴሞክራሲያዊ ንቅናቄ /ብአዴን/ ወቅታዊውን የድርጅቱን ግምገማና ጉባዔ ተከትሎ የሚመጡ የአመራር ሽግሽጐች ይኖራሉ ማለቱ ተሠማ…የብአዴን ማዕከላዊ ኮሚቴ አባልና የድርጅቱ የጽ/ቤት ኃላፊ አቶ አለምነው መኮንን ለሸገር እንደተናገሩት ከ6 ሺህ የሚበልጡ አባላትን ሲገመግም የሰነበተው የድርጅቱ ጉባኤ ሰነድ ቀደም ብሎ የተዘጋጀ ቢሆንም ከወቅታዊ ችግሮች ጋር መግጠሙን ተናግረዋል፡፡

በተለያዩ ደረጃዎች የሚገኘው የፓርቲው አባልና አመራር በወቅታዊ ችግሮች ዙሪያ አስቀድሞ ከህዝቡ ጋር በችግሮቹ ምንጭ መንስኤና በመፍትሄ ኃሳቦች ላይ መግባባት አድርገን ድርጅታዊ መጠናከርን መፍጠር የጉባኤው ውሣኔ ሆኗል ያሉት አቶ አለምነው በቅርቡ ስለሚጀመረውና በድርጅቱ ስለሚኖር የአመራር ጉዳይ ተናግረዋል፡፡

በድርጅቱ ውስጥ የነበረው ህዝባዊ ኃላፊነትን ለህዝባዊ አገልግሎት የማዋል መንገድ እየተዛነፈ መጥቶ የድርጅቱ ችግሮ መሆን ችሏል ያሉት አቶ አለምነው ዋናው ነገር የግል ፍላጐትን በመተው ወደ ቀደመው መንገዳችን መመለስ እንዳለብን ወስነናል ብለዋል፡፡ በቀርቡ በአካባቢው የታዩት ችግሮች መሠረታዊ መነሻ ለህዝቡ የተገባውን ህዝባዊ ኃላፊነትን ለግል ጥቅም ማዋል መሆኑንም መክረንበታል ይላሉ፡፡

የብሔረ አማራ ዴሞክራሲያዊ ንቅናቄ (ብአዴን) በግለሰብ ደረጃ ግምገማና ግለ ሂስ አድርጌ የአመራር ሽግሽግና መልሶ ማደራጀትን በአንድ ወር ጊዜ ውስጥ በማድረግ ለህዝቡም ይፋ አደርጋለሁ ብሏል፡፡ ከወቅታዊ ችግር ጋር በተገናኘ ኦህዴድ የፓርቲው ሊቀ መንበርና የክልሉ ፕሬዝዳንት እንዲሁም ምክትላቸው በገዛ ፈቃዳቸው ከኃላፊነት ተነስተዋል መባሉን ከስብሰባቸው ባለፈው ሣምንት መስማታችን ይታወሣል፡፡

የኔነህ ሲሳይ
አስተያየት ይፃፉ (0 አስተያየት)

25 ሺህ ሄክታር መሬት ለማልማት የሚያስችል ግድብ

25 ሺህ ሄክታር መሬት ለማልማት የሚያስችል ግድብ ለመገንባት የአዋጭነትና የዲዛይን ጥናት ዘንድሮ ይጠናቀቃል ተባለ፡፡በወይጦ ወንዝ ላይ የሚገነባውን የወይጦ ግድብ ለመገንባት ባለፈው ዓመት ዝርዝር ጥናትና የዲዛይን ሰነድ ዝግጅቱ የተጀመረ ሲሆን ዘንድሮ ይጠናቀቃል መባሉን ሰምተናል፡፡

ከውሃ መስኖ እና ኤሌክትሪክ ሚኒስቴር እንደሰማነው የፕሮጀክቱን ዝርዝር ጥናት ለማጠናቀቅ 15 ሚሊዮን ብር ወጪ ይደረጋል ተብሏል፡፡ግድቡ በተለይም ለምግብ ዋስትና ተጨማሪ አቅም ይፈጥራል የተባለ ሲሆን ሃይል እንዲያመነጭም ይደረጋል ነው የተባለው፡፡

ዮሐንስ የኋላወርቅ
አስተያየት ይፃፉ (0 አስተያየት)

መስከረም 18፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በፊት ገፃችሁ ላይ ጉዳት የደረሰባችሁ ሰዎች ነፃ ህክምና ይሰጣችኋል ተባለ፡፡ (ወንድሙ ኃይሉ)
  • ብርሃንና ሰላም ማተሚያ ድርጅት አምና ያገኘሁት ትርፍ ካቀድኩት የበለጠ ነው አለ፡፡ ያለበትን የጥራት ችግር ደረጃ በደረጃ ለመፍታት እየሰራ ስለመሆኑም ተናግሯል፡፡ (ንጋቱ ረጋሣ)
  • የአዲስ አበባ መንገዶች ባለሥልጣን በሰራኋቸው መንገዶች የሚታየው ጎርፍ እና ፍሳሾች አማሮኛል አለ፡፡ (ተኅቦ ንጉሴ)
  • ትናንት ሌሊቱን በአቃቂ ቃሊቲ በደረሰ የቃጠሎ አደጋ 3 ሚሊዮን ብር በተገመተ ንብረት ላይ ጉዳት አደረሰ፡፡ (ትዕግስት ዘሪሁን)
  • የብሔረ አማራ ዴሞክራሲያዊ ንቅናቄ /ብአዴን/ በቅርቡ የመሪዎች ሽግሽግና ለውጥ ሊኖር እንደሚችል ፍንጭ ሰጠ፡፡ (የኔነህ ሲሣይ)
  • ኢትዮጵያ በየዕለቱ ለጭነት አጓጓዦች 10 ሚሊዮን ብር እየከፈለች መሆኑ ተሠማ፡፡ (ንጋቱ ረጋሣ)
  • የአሜሪካ ባለ ሥም ቆዳ አምራች ኩባንያዎች ተወካዮች በኢትዮጵያ ጉብኝት እያደረጉ ነው፡፡ (ተኅቦ ንጉሴ)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም መስከረም 17፣2009

ክፍል አስራ አንድ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



በለዛ ብርሀኑ ድጋፌ ከነርስ/የስነ ምግብ እና የምግብ ሳይንስ ባለሙያው አቶ አንለይ ተፈራ ጋር የፋይበር ምግብ ጥቅም እና ጉዳቶች
አስተያየት ይፃፉ (0 አስተያየት)

በኢትዮጵያ የተከሰተውን ግጭት ለማርገብ ለችሮቹም በምክክር የመፍትሄ ኃሣብ አመንጭቶ ለመንግሥት ለማቅረብ ዛሬ የሰላም ጉባዔ እየተካሄደ ነው

በኢትዮጵያ የሰላም የልማትና የዴሞክራሲ ህዝባዊ የምክክር መድረክ ዛሬ በተዘጋጀው የሰላም ጉባዔ ላይ የኃይማኖት አባቶች፣ የሀገር ሽማግሌዎችና ምሁራን እየተሳተፉበት ነው፡፡ለኢትዮጵያ ሠላም መደፍረስ ዋና ዋና ምክንያት ናቸው ያሏቸውን ችግሮች ነቅሰው ለማውጣትም የጉባዔው አባላት በቡድን ተደልድለዋል፡፡ ለነቀሷቸው ችግሮች መፍትሄ የሚሏቸውን ኃሳቦችም ለመንግሥት እንደሚያቀርቡ የመድረኩ ሰብሣቢ ኢንጂነር ጌታሁን ሁሴን ለሸገር ተናግረዋል፡፡

ውይይቱ በዝግ እንዲቀጥል የተወሰነ ሲሆን የውይይቱ ውጤትም በመጨረሻ ለመገናኛ ብዙሃን ይፋ ይደረጋል ተብሏል፡፡ግጭት በተከሰተባቸው የአማራ እና ኦሮሚያ ክልሎች ተወካይ አባቶች በሰላም ጉባዔው ላይ አልተገኙም፡፡ለምን እንዳልተገኙ የጠየቅናቸው ኢንጂነር ጌታሁን ጥሪያችን በዘር፣ በክልል፣ በኃይማኖትም አይደለም፤ ኢትዮጵያዊ የሆነ ለኢትዮጵያ ሠላም እና እድገት ያገባኛል ያለ በጉባዔው እየተሳተፈ ነው የሚል ምላሽ ሰጥተውናል፡፡

ለኢትዮጵያ ችግሮች መፍትሄ አመንጪ ቡድን ነው የተባለው ይህ መድረክ ከዚህ ቀደም የኑሮ ግሽበት ነዋሪውን አማረረ፤ መጤ ባህልም የኢትዮጵያዊያንን ማንነት አደጋ ላይ እየጣለው ነው በሚሉና በሌሎችም ችግሮች ላይ ጥናት አስደርጐ የመፍትሄ ኃሳቦችን ለመንግሥት ማቅረቡ ይታወሳል፡፡በዛሬው የሰላም ጉባዔ ላይ ግን ከመድረኩ ለኢትዮጵያ ሰላም መደፍረስ ችግሩ ይህ ነው የሚል ጥናት አልቀረበም፡፡ታዲያ ችግሮቹ ሳይጠኑ እንዴት ያለ መፍትሄ ነው የሚፈለገው ያልናቸው ኢንጅነር ጌታሁን ሲመልሱ ችግሮቹን ነቅሶ ሊያወጡ የሚችሉ ሰዎች በመሀላችን አሉ ብለዋል፡፡

ለችግሮች ሁሉ በጠመንጃ መፍትሄ መስጠት አይቻልም ያሉት ኢንጂነር ጌታሁን የኃይማኖት አባቶች፣ የሀገር ሽማግሌዎችና ምሁራን ዛሬ በጀመሩት ጉባዔ የሚያፈልቋቸውን የመፍትሄ ኃሣቦች ለመንግሥት ያቀርባሉ ብለዋል፡፡በአዲስ አበባ ዩኒቨርስቲ የቢዝነስ እና ኢኮኖሚክ ፋካልቲ እየተካሄደ ያለው የሰላም ጉባዔ ከሰዓት በኋላም ይቀጥላል፡፡

ትዕግስት ዘሪሁን
አስተያየት ይፃፉ (1 Comment)

የኢትዮጵያ ምድር ባቡር ኮርፓሬሽን በአጠቃላይ ከያዘው 4 ሺህ 744 ኪ.ሜ መሀከል የአዲስ አበባ ሜኤሶ መስመርን በተያዘው ወር መጨረሻ ለማስመረቅ እየጣርኩ ነው አለ

የፕሮጀክቱ 99 በመቶ መጠናቀቁንም የስራው ኃላፊዎች ሲናገሩ ሰምተናል፡፡ ከሰበታ ተነስቶ ጅቡቲ ነጋድ ወደብ የሚደርሰው የኢትዮጵያ ጅቡቲ የባቡር መስመር በጥቅሉ 55 መዳረሻዎችን የያዘ ሲሆን ከኢትዮጵያ ወገን 656 ኪ.ሜ እንዲሁም ከጅቡቲ ወገን ደግሞ 100 ኪ.ሜ በመጓዝ እንደሚገጥም ሰምተናል፡፡

ኢትዮጵያ የባቡር መስመሩን ከቻይናው አግዜም ባንክ በተገኘ 70 በመቶ ብድር እና ከኪሷ ደግሞ 30 በመቶውን በማውጣት የምትገነባው ነው ተብሏል፡፡ከህዳሴው የኤሌክትሪክ ኃይል ግንባታ ፕሮጀከት ቀጥሎ በገንዘብ አቅሙ ሁለተኛው የሆነው የኢትዮጵያ ጅቡቲ የምድር ባቡር ኮርፖሬሽን ሥራ 3 ነጥብ 4 ቢሊዮን የአሜሪካን ዶላር የወጣበትና ስራውም ተጀምሮ  99 በመቶ የደረሰው በአራት አመታት ውስጥ መሆኑን ሰምተናል፡፡

የሰበታ መኤሶ ፕሮጀክት ዋና ሥራ አስኪያጅ ኢ/ር መኮንን በኢትዮጵያ የሚሰሩት የባቡር መስመሮች እርስ በርስ የሚተሣሰሩ ይሆናሉ ብለዋል፡፡በቻይናዎቹ CRC እና CCC ገንቢነትና CIC አማካሪ ድርጅትነት የተገነባው የሰበታ ሜኤሶ የኢትዮ ጅቡቲ የባቡር መስመር 61 ድልድዬችን መያዙንም ኢንጂነር መኮንን ነግረውናል፡፡የኢትዮ ጅቡቲ የባቡር መንገድ ስራም ወደ አገልግሎት ከመቀየሩ በፊት ሁለቱ ሀገሮች አስተዳዳሪ ይቀጥሩለታል የሙከራ ጊዜውም ከ3-6 ወራት ሊፈጅ ይችላል መባሉን ሰምተናል፡፡

የኔነህ ሲሳይ
አስተያየት ይፃፉ (0 አስተያየት)
Sheger 102.1 AudioNow Numbers