• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 24፣ 2012/ የኢትዮጵያ ብሄራዊ አልኮል እና አረቄ ፋብሪካ የተያዘው ሳምንት ሳያልቅ የንፅሕና መጠበቂያ አልኮል እና ሳኒታይዘር ማምረት እጀምራለሁ አለ

ፋብሪካው የዓለም የጤና ድርጅት WHO ያስቀመጠውን መስፈርት ተከትሎ በቀን 5 ሺ ሊትር ሳኒታይዘር ለገበያ ሊያቀርብ መሆኑን ለሸገር ነግሯል፡፡የብሔራዊ አልኮል እና አረቄ ፋብሪካ በየዕለቱ ከሚያመርተው አልኮል በተጨማሪ በቀን ሩብ ሊትር መጠን ያለው 24 ሺ የፕላስቲክ ጠርሙስ ሳኒታይዘር በጥቂት ቀናት ጊዜ ውስጥ አምርቶ ለገበያ እንደሚያቀርብ ተናግሯል፡፡በ3 ቀን ውስጥም ያመረትኩትን የንፅህና መጠበቂያ ሳኒታይዘር በገበያው ታገኙታላችሁ ያሉን የብሔራዊ አልኮል እና አረቄ ፋብሪካ ዋና ስራ አስፈፃሚ አቶ መስፍን አባተ ናቸው፡፡

ይኸው የሚመረተው ሳኒታይዘርም ከንፁህ አልኮል እንደሚዘጋጅ ሀላፊው ነግረውናል፡፡የአልኮል ፋብሪካው፣ አቅም በፈቀደ መጠን ዕለት ተዕለት ከምናመርተው አልኮል 3 እጥፍ፣ በየቀኑ 5 ሺ ሊትርም እያቀረብን ነው ብሏል፡፡ይህም ምርት በ3 እጥፍ ቢጨምርም በቂ እንዳልሆነ አቶ መስፍን ለሸገር ነግረዋል፡፡የፋብሪካው ስራ አስፈፃሚ ንጹህ አልኮልንም ለፅዳት አገልግሎት መሸጥ ጀምሬያለሁ ብሏል፡፡

ተህቦ ንጉሤ
አስተያየት ይፃፉ (0 አስተያየት)

መጋቢት 24፣ 2012/ የታላቁ የኢትዮጵያ ህዳሴ ግድብ ስራ በጥሩ እመርታ ላይ እንደሚገኝ የፕሮጀክቱ ስራ አስኪያጅ ተናገሩ

የታላቁ የኢትዮጵያ ህዳሴ ግድብ ስራ በጥሩ እመርታ ላይ እንደሚገኝ የፕሮጀክቱ ስራ አስኪያጅ ተናገሩ፡፡
ንጋቱ ረጋሣ
አስተያየት ይፃፉ (0 አስተያየት)

መጋቢት 24፣ 2012/ የምርጫውን መራዘም ተከትሎ የፓርቲ መሪዎች አስተያየትን ሸገር ጠይቋል

የኢትዮጵያ ብሔራዊ ምርጫ ቦርድ ጽ/ቤት የኮሮና ወረርሽኝን ተከትሎ ምርጫውን አራዝሟል፡፡በዚህ ዙሪያ የሶስት ፓርቲ መሪዎችን አስተያየት ሸገር ጠይቋል፡፡

የኔነህ ሲሳይ

አስተያየት ይፃፉ (0 አስተያየት)

መጋቢት 24፣ 2012/ ባለፉት 3 ሳምንታት የኮሮና ቫይረስ በኢትዮጵያ መከሰቱን ተከትሎ በርካቶች በለይቶ ማቆያና በሆስፒታሎች ተገልለው ለመቆየት ተገደዋል

ባለፉት 3 ሳምንታት የኮሮና ቫይረስ በኢትዮጵያ መከሰቱን ተከትሎ በርካቶች በለይቶ ማቆያና በሆስፒታሎች ተገልለው ለመቆየት ተገደዋል፡፡እነዚህ ስፍራዎች በዛ ለሚቆዩት ምቹ እንዲሆኑ ምን እየተሰራ ነው ስትል ትዕግስት ዘሪሁን የጤና ሚኒስትሯን ዶ/ር ሊያን ጠይቃለች፡፡

አስተያየት ይፃፉ (0 አስተያየት)

መጋቢት 24፣ 2012/ ከውጪ አገራት ወደ ኢትዮጵያ የገቡና ወደ ለይቶ ማቆያ መግባት የነበረባቸው ነገር ግን ወደ ማቆያ ያልገቡ ዜጎች በክትትል ተይዘው ወደ ማቆያ ስፍራ መግባታቸውን ጠቅላይ ዐቃቤ ሕግ ተናገሯል

ከውጪ አገራት ወደ ኢትዮጵያ የገቡና ወደ ለይቶ ማቆያ መግባት የነበረባቸው ነገር ግን ወደ ማቆያ ያልገቡ ዜጎች በክትትል ተይዘው ወደ ማቆያ ስፍራ መግባታቸውን ጠቅላይ ዐቃቤ ሕግ ተናገሯል፡፡
በየነ ወልዴ
አስተያየት ይፃፉ (0 አስተያየት)

መጋቢት 24፣ 2012/ የሰራተኛና ማህበራዊ ጉዳይ ሚኒስቴር የጎዳና ተዳዳሪዎችን ከኮሮና ቫይረስ ለመጠበቅ እና የቫይረሱን ሥርጭት ለመግታት ከጎዳና ላይ ለማንሳት እየሰራሁ ነው አለ

ሚኒስቴር መስሪያ ቤቱ የኮሮና ቫይረስ ስርጭትን ለመግታት እና የበለጠ ተገላጭ የሆኑ የህብረተሰብ ክፍሎችን ለመደገፍ የሚሰራ ግብረ ሀይል ማቋቋሙን ከኮሚዩኒኬሽን ቢሮው ሰምተናል፡፡የቢሮው ዳይሬክተር አቶ ደረጀ ታዬ አካል ጉዳተኞች፣ አረጋውያንና የጎዳና ተዳዳሪዎች ያላቸውን ከፍተኛ የሆነ ተጋላጭነት ለመቀነስ የተቋቋመው ግብረ ሀይል እንደሚሰራ ለሸገር ነግረዋል፡፡ክልሎች እና የከተማ መስተዳድሮች ተግባራዊ ያደርጉታል የተባለው እቅድ መዘጋጀቱንም አቶ ደረጀ ነግረውናል፡፡

በሁሉም የሀገሪቱ ክፍል የሚገኙ የጎዳና ተዳዳሪዎችን አንስቶ በጊዜያዊ ማሳረፊያዎች ለማቆየት እቅድ መያዙን ከሀላፊው ሰምተናል፡፡ይህን እቅድ ከወዲሁ መተግበር የጀመሩ ክልሎች እና ከተሞች መኖራቸውንም ነግረውናል፡፡ለጊዜው ዝግ የሆኑት ትምህርት ቤቶችን ለጎዳና ተዳዳሪዎች ማቆያነት የማዋል ሀሳብ መኖሩን ሰምተናል፡፡እቅዱ ሙሉ ለሙሉ ወደ ተግባር እስኪለወጥ ድረስ ግን ለቫይረሱ ይበልጥ ተጋላጭ የሆኑ ዜጎችን ለመጠበቅ የግንዛቤ ማሳደጊያዎች እየተሰሩ ነው ተብሏል፡፡

ማህሌት ታደለ
አስተያየት ይፃፉ (0 አስተያየት)

መጋቢት 24፣ 2012/ የፌደራል የመንግስት ተቋማት ሰራተኞች በቤታቸው ሆነው እንዲሰሩ ውሳኔ መተላለፉ ይታወሳል

የሲቪል ሰርቪስ ኮሚሽን የስራ ኃላፊዎች በተለያዩ ተቋማት በመገኘት የመከላከያ እርምጃዎች አተገባበር ምን እንደሚመስሉ ጎብኝተዋል፡፡ መልካም ጅማሮ ቢኖርም የተጠናከረ ክትትልና ድጋፍ እንደሚያስፈልግ ተረድተናል ብለዋል ከጉብኝቱ በኋላ ኃላፊዎቹ፡፡
ማህሌት ታደለ
አስተያየት ይፃፉ (0 አስተያየት)

መጋቢት 24፣ 2012/ የጎዳና ተዳዳሪዎች፣ ለምኖ አዳሪዎችና የእለት ነጋዴዎች በኮሮና ቫይረስ ምክንያት አደጋ ውስጥ መሆናቸው ይነገራል

የጎዳና ተዳዳሪዎች፣ ለምኖ አዳሪዎችና የእለት ነጋዴዎች በኮሮና ቫይረስ ምክንያት አደጋ ውስጥ መሆናቸው ይነገራል፡፡በተለይ የእለት ጉርስ ከማግኘት አንፃር ቴዎድሮስ ብርሃኑ እነዚህ ወገኖች ሰብሰብ ብለው ከሚገኙባቸው አካባቢዎች በአንዱ ተገኝቶ ተከታዩን አዘጋጅቷል፡፡

አስተያየት ይፃፉ (0 አስተያየት)

መጋቢት 24፣ 2012/ የኮሮና ቫይረስን ምክንያት በማድረግ ዋጋ የጨመሩ እና ምርት የደበቁ ከ10,500 በላይ ነጋዴዎች ሱቃቸው ታሸገ

የኮሮና ቫይረስን ምክንያት በማድረግ ዋጋ የጨመሩ እና ምርት የደበቁ ከ10,500 በላይ ነጋዴዎች ሱቃቸው ታሽጎ፤ 166 የሚሆኑት ደግሞ በእስራት ተቀጥተዋል ተብሏል፡፡
ንጋቱ ረጋሣ
አስተያየት ይፃፉ (0 አስተያየት)

መጋቢት 24፣ 2012/ የንፋስ ስልክ ላፍቶ ክፍለ ከተማ ፖሊስ መምሪያ በህገ-ወጥ መንገድ ከነዳጅ ማደያ ተቀድቶ ከአዲስ አበባ ሊወጣ የነበረ 39 በርሜል ቤንዚን ከእነተጠርጣሪዎቹ በቁጥጥር ስር ማዋሉን የአዲስ አበባ ፖሊስ ኮሚሽን አስታወቀ

መጋቢት 23፣2012 ከሌሊቱ 8 ሰዓት በንፍስ ስልክ ላፍቶ ክፍለ ከተማ ወረዳ 1 ሀይሌ ጋርመንት ተብሎ በሚጠራው አካባቢ ከሚገኝ ቶታል ነዳጅ ማደያ በሰሌዳ ቁጥር ኮድ 3 A 26283 አ/አ በሆነ ኤፍ.ኤስ.አር አይሱዙ ተሽከርካሪ ተጭኖ ከአዲስ አበባ ሊወጣ የነበረ የተቀዳ 39 በርሜል ቤንዚን በህብረተሰቡ ጥቆማ መያዙን በንፋስ ስልክ ላፍቶ ክፍለ ከተማ ፖሊስ መምሪያ የወንጀልና ትራፊክ አደጋ ምርመራ ዲቪዚዮን ኃላፊ ኮማንደር አወል አህመድ ገልፀዋል፡፡

የዕለቱ የአንድ ሊትር ቤንዚን ዋጋ 21 ብር ከ53 ሳንቲም ቢሆንም ነዳጁን የገዛው ግለሰብ ግን በጀሪካን ሆነ በበርሜል ነዳጅ መቅዳት እንደማይቻል ስለሚያውቅ ከነዳጅ ማደያው ሰራተኛ ጋር ተመሳጥሮ አንዱን ሊትር ቤንዚን 29 ብር በመክፈል እንዲቀዳለት ማድረጉን ኮማንደር አወል ተናግረዋል፡፡

የማደያው ተቆጣጣሪ አቶ ብሰራት ዳኘው በበኩሉ ከንግድና ኢንዱስትሪ የፈቃድ ወረቀት ያላቸው ለድርጅቶችና ለተለያዩ ማሽነሪዎች በበርሜል መቅዳት እንደሚችሉ ከዚያ ውጪ ግን በምንም አይነት ሁኔታ ቤንዚን በጀሪካን ሆነ በበርሜል እንደማይሸጥ ገልፆ ነገር ግን በሌሊቱ ክፍለ ጊዜ ተፈፀመ የተባለውን ድርጊት በማግስቱ ጠዋት ወደ ስራ ሲገባ መስማቱን አስረድቷል፡፡ከጉዳዩ ጋር በተያያዘም 4 ተጠርጣሪዎች በቁጥጥር ስር ውለው ምርመራ እየተጠራ መሆኑን ለማወቅ ችለናል፡፡

ዓለማየሁ ግርማ
አስተያየት ይፃፉ (0 አስተያየት)

መጋቢት 24፣ 2012/ መንግስት የኮሮና ቫይረስ ወረርሽኝን ለመከላከል ከወሰዳቸው እርምጃዎች አንዱ ትምህርት ቤቶች እንዲዘጉ መወሰኑ ነው

ይሁንና የግል ትምህርት ቤቶች ለተማሪዎቻቸው የሚያዚያ ወር ክፍያን እንዲከፍሉ በማስታወቂያ ጥሪ በማድረግ ላይ እንደሆኑ እየታየ ነው፡፡ይህን ተከትሎም ምክትል ከንቲባ ታከለ ኡማ የእንተሳሰብ መልዕክት እንዳስተላለፉ ተሰምቷል፡፡ በየነ ወልዴ ይኽ ጉዳይ እንዴት ይታያል ሲል የሚመለከታቸውን አነጋግሯል፡፡
አስተያየት ይፃፉ (0 አስተያየት)
Sheger 102.1 AudioNow Numbers