• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ተዘግቶ የቆየው የረጲ የቆሻሻ መጣያ ሥፍራ ዳግም የአዲስ አበባን ቆሻሻ እየተረከበ ነው ተባለ

ዳግም ቆሻሻ እንዳይጣልበት ሆኖ ተዘግቷል የተባለው የረጲው ቆሼ እንደገና ቆሻሻ መቀበል ጀምሯል… በአዲስ አበባ ተከምሮ የሰነበተው ደረቅ ቆሻሻ ወደ ረጲ ተወስዶ እየተደፋ መሆኑን በፅዳት አስተዳደር ኤጀንሲ የምክትል ሥራ አስኪያጅ ተወካይ አቶ ያረጋል ጋሻው ለሸገር ተናግረዋል፡፡ አዲስ አበባን ከላይ እስከ ታች አትረክርኳት የሰነበተው የደረቅ ቆሻሻ ክምር ያለዕረፍት እየተደፋ ነው፡፡

የአዲስ አበባ ደረቅ ቆሻሻ ከያለበት ወጥቶ በመኪና ተጭኖ ሰንዳፋ ወዳለው የቆሻሻ ዘመናዊ መከተሪያ እንዲጣል የነበረው አሰራር ከተቋረጠ በኋላ ከተማዋ በቆሻሻ ታፍና ሰንብታለች፡፡ ጊዜያዊ ቆሻሻ መጣያ ቦታ ሲያፈላልግ የነበረው የፅዳት ኤጀንሲ ባለፈው ሣምንት በዋና ሥራ አስኪያጁ በኩል ለሸገር እንደተናገረው ቦሌና አቃቂ ላይ ወደተገነቡት ጊዜያዊ የቆሻሻ መጣያ ጣቢያዎች የተከማቸውን ቆሻሻ ለማጓጓዝ መወሰኑን ነግረናችኋል፡፡ የአዲስ አበባን ደረቅ ቆሻሻ ከዚህ ዓመት ታህሣስ ወር ጀምሮ ሲረከብ በነበረው የሰንዳፋ ላንድ ፊል አካባቢ ያሉ አርሶ አደሮች ቆሻሻው እንዳይመጣብን ሲሉ ማገዳቸውም ይታወሳል፡፡

አርሶ አደሮችና ሌሎች ነዋሪዎች የሚያቀርቡትን ጥያቄ መርምሮ ለመንግሥት የመፍትሄ ኃሣብ የሚያቀብል ኮሚቴ መቋቋሙንና ከነዋሪዎቹ ጋር ድርድር መጀመሩን በቀደመ ወሬያችን ነግረናችኋል፡፡ እንዳይከፈት ሆኖ የተዘጋውን ረጲ መልሶ ለቆሻሻ መጣያነት ማዋል የአካባቢውን ነዋሪ የበሽታ ስጋት ላይ እንደጣለው የሸገር አድማጮች ነግረውናል፡፡
 
ሕይወት ፍሬስብሃት
አስተያየት ይፃፉ (0 አስተያየት)

በአዲስ አበባ በወንዝ ዳር የሚመረቱ አትክልቶች ጉዳት በማያስከትል ኬሚካል ታጥበው ለገበያ እየቀረቡ ነው ተባለ፡፡

የአተት በሸታን ለመከላከል በወንዝ ዳር የሚበቅሉ አትክልቶች በኬሚካል ታጥበው ለገበያ እንዲቀርቡ እየተደረገ ነው ሲል የአዲስ አበባ የምግብ የመድኃኒት ጤና ክብካቤ አስተዳደርና ቁጥጥር ባለሥልጣን ተናገረ…የሚታጠብበት ኬሚካል ውሃ አጋርና ለአክትልት ማጠቢያ ተብሎ የተዘጋጀ በመሆኑ ኬሚካሉ የአትክልቱን ደህንነት አይጎዳም ተብሏል፡፡

ምግብን ፣ መጠጥን ፣ ጤና ተቋማትንና ባለሞያዎችን የሚቆጣጠረው ባለሥልጣን የአተት በሽታ በአዲስ አበባ መከሰቱ በይፋ ከተነገረበት ጊዜ ጀምሮ በዘመቻ ቁጥጥር እያደረኩ ነው ብሏል፡፡ ለአተት በሽታ ያጋልጣሉ የተባሉ 580 ሜትር ኪዩብ አትክልቶችን አስወግጃለው ማለቱ ተሰምቷል፡፡ በወንዝ ዳር ተመርተው ለገበያ የሚቀርቡ አትክልቶች ደህንነታቸው የተጠበቀ እንዲሆን ከአምራቾቹ ጋር እየሰራን ነው፣ አትክልቶችም በኬሚካል ይታጠባሉ ሲሉ የባለሥልጣኑ ምክትል ዋና ሥራ አስኪያጅ ወ/ሮ ዓለምፀሐይ ጳውሎስ ለሸገር ተናግረዋል፡፡

መሰረት በዙ
አስተያየት ይፃፉ (0 አስተያየት)

ሐምሌ 18፣2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የመሠረተ ልማት ግንባታዎች የተቀናጁ አለመሆናቸው በብሔራዊ ፓርኮች ላይ ችግር እየፈጠሩ ነው ተባለ፡፡ (ዮሐንስ የኋላወርቅ)
  • በአዲስ አበባ በወንዝ ዳር የሚመረቱ አትክልቶች ጉዳት በማያስከትል ኬሚካል ታጥበው ለገበያ እየቀረቡ ነው ተባለ፡፡ (መሠረት በዙ)
  • የኢትዮጵያ የቆዳ ኢንዱስትሪ አልሆንልህ ብሎታል፡፡ ከመስኩ የሚገኘውም ገቢ እያዘቀዘቀ ነው፡፡ (ወንድሙ ኃይሉ)
  • ተዘግቶ የቆየው የረጲ የቆሻሻ መጣያ ሥፍራ ዳግም የአዲስ አበባን ቆሻሻ እየተረከበ ነው ተባለ፡፡ (ሕይወት ፍሬስብሃት)
  • የካንሰር በሽታ ሥር ሰዶ ችግር ከማስከተሉ በፊት ለቅድመ መከላከሉ ትኩረት እንዲሰጥ የጤና ምክርና ትምህርቱን ማስፋት ያሻል ተባለ፡፡ (ንጋቱ ረጋሣ)
አስተያየት ይፃፉ (0 አስተያየት)

የተሻሻለው የገቢ ግብር አዋጅ ከፀደቀ በኋላ ተግባራዊ የሚደረገው ከሐምሌ 1 ቀን 2009 ዓ.ም ጀምሮ መሆኑ የኢትዮጵያ ገቢዎችና ጉምሩክ ባለሥልጣን ተናገረ

የተሻሻለው የገቢ ግብር አዋጅ ሲፀድቅ የምከፍለው ግብር ይቀንስልኛል በሚል ኃሣብ የአዲስ አበባ ነጋዴዎች ግብራቸውን በወቅቱ እየከፈሉ እንዳልሆነም ባለሥልጣኑ ዛሬ ጋዜጠኞችን ጠርቶ በሰጠው መግለጫ ተናግሯል፡፡ በባለሥልጣኑ የአዲስ አበባ ታክስ ፕሮግራሞችና ልማት ሥራዎች ዘርፍ ምክትል ዋና ዳይሬክተር የሆኑት ወ/ሮ ነፃነት አበራ እንዳሉት በመጪዎቹ አራት ወራት 360 ሺህ የአዲስ አበባ ነጋዴዎች ግብራቸውን ይከፍላሉ ተብሎ ይጠበቃል፡፡ ይሁንና ባለፉት 15 ቀናት ግብራቸውን ያሳወቁ ነጋዴዎች ቁጥር ከሚጠበቀው እጅግ ዝቅተኛ ነው ብለዋል፡፡

ወደ ባለሥልጣኑ ከመጡና መክፈል ያለባቸው ግብር ከተነገራቸው በኋላ በተሻሻለው የገቢ ግብር አዋጅ መሠረት መክፈል ያለብኝ ከዚህ ያነሰ ነው ብለው የተመለሱ ነጋዴዎች እንዳሉም ሰምተናል፡፡ ወ/ሮ ነፃነት እንዳሉት የተሻሻለው የገቢ ግብር አዋጅ ከፀደቀ በኋላ ተግባራዊ የሚደረገው ከአመት በኋላ በ2009 ዓ.ም ከሐምሌ 1 ቀን 2009 ዓ.ም ጀምሮ መሆኑን ግብር ከፋዩ ይወቅልን ብለዋል፡፡ የደረጃ ሐ ግብር ከፋይ የሆኑ 2 መቶ ሺህ ነጋዴዎች እስከ ሐምሌ 30 ቀን 2008 ዓ.ም ድረስ ይስተናገዳሉ ተብሎ ይጠበቃል፡፡

ተጨማሪ ያንብቡ...

አስተያየት ይፃፉ (0 አስተያየት)

ኢትየጵያ በዚህ ዓመት ወደ ውጭ ከላከችው የተለያዩ የብረታ ብረት ምርቶች ከ22 ሚሊዮን ዶላር በላይ ገቢ አግኝታለች ተባለ

ምርቶቻቸውን ወደ ውጭ የሚልኩ የብረታ ብረት አምራች ኢንዱስትሪዎች 17 ገደማ ሆነዋል፡፡ የብረታ ብረት ኢንዱስትሪ ልማት ኢንስቲትዩት የኮሙኒኬሽን ዳይሬክተር አቶ ፊጤ በቀለ ለሸገር ሲናገሩ ኢትየጵያ የብረት ምርቶችን ወደ ውጭ ለመላክ ልምምድ የጀመረችው በ2006 ሲሆን ያን ጊዜ ከ3 ሚሊዮን ዶላር በላይ ገቢ አግኝታበት ነበር፡፡

በዚህ አመት የኢንጂነሪንግ ውጤቶች፣ የጌጣ ጌጥ ምርቶችና የኤሌክትሪክ ሽቦዎች፣ የትራክተርና የእርሻ መሣሪያዎች ለውጭ ገበያ ቀርበዋል፡፡ የኢትዮጵያ የብረታ ብረት ምርት በብዙዎቹ የአፍሪካ ሀገሮች፣ በአሜሪካ፣ በየመንና ኖርዌይ እየተፈለገ መሆኑንም አቶ ፊጤ ተናግረዋል፡፡

የብረታ ብረት ኢንዱስትሪዎች ከውጭ ሀገር ወደ ኢትዮጵያ የሚገቡ ምርቶችን በመተካት ሥራ ላይ የተጠመዱ ቢሆንም ለውጭ ገበያ ምርት ማቅረቡንም ጎን ለጎን እያስኬዱት መሆኑን ከአቶ ፈጤ ሰምተናል፡፡ የኢትዮጵያ ብረታ ብረት ኢንዱስትሪዎች ከዚህ በላይ አምርተው ለውጭ ገበያ መላክ ቢችሉም በምንዛሪ አቅርቦት እጥረት አቅማቸው መገደቡን ሰምተናል፡፡

ሕይወት ፍሬስብሃት
አስተያየት ይፃፉ (0 አስተያየት)

“ሸማቾች ሆይ ተጠንቀቁ…”

በጣም መርዛማ እና ለሰው ጤና አደገኛ የሆኑ ባዕድ ነገሮችን ምግብ ውስጥ ቀላቅለው የሚሸጡ በዝተዋል እና ሸማቾች ተጠንቀቁ ሲል የንግድ ውድድርና የሸማቾች ጥበቃ ባለሥልጣን አሳሰበ…ለገበያ የሚቀርቡ ምርቶች መጠን ከፍ እንዲል የተለያዩ ባዕድ ነገሮችን የሚጨምሩ አንዳንድ ነጋዴዎች እንዳሉ የንግድ ውድድርና የሸማቾች ጥበቃ ባለሥልጣን አስታውሷል፡፡

ለአብነትም በወተት ላይ ውሃ ወይም ዱቄት፣ በማር ላይ የቀለጠ ስኳር እና ሞላሰስ፣ በቅቤ ላይ ሙዝ እና የረጉ ዘይቶች እንዲሁም በሰብል ምርቶች ላይ አሽዋ እና አፈር የሚቀላቅሉ እንዳሉ ጠቅሷል፡፡ ከቅርብ ጊዜ ወዲህ ደግሞ ከእነዚህም የባሱ እና በጣም መርዛማ ብሎም ለሰው ጤና አደገኛ የሆኑ ባዕድ ነገሮችን ከምግብ ጋር እየቀላቀሉ የሚሸጡ በዝተዋል ብሏል፡፡ ህብረተሰቡም ይህንኑ አውቆ ተገቢውን ጥንቃቄ እንዲያደርግ ባለሥልጣኑ መክሯል፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ፣15 2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ቢልና ሚሊንዳ ጌትስ ፋውንዴሽን በኢትዮጵያ የገንዘብ ዝውውር ላይ ሊሰራ ኃሣብ አለው ተባለ፡፡ (ቴዎድሮስ ወርቁ)
  • ባለፈው ማክሰኞ በአርሲ በደረሰ የመኪና አደጋ 5 ሰዎች ሞቱ፡፡ (ወንድሙ ኃይሉ)
  • ከዘመን ርቀው የኤሌክትሪክ ኃይልና ብርሃን ላልነበራቸው የኢትዮጵያ የገጠር ነዋሪዎች በፀሐይ ብርሃን የሚሰራ መብራት ተገዛላቸው፡፡ (ዮኋንስ የኋላወርቅ)
  • በቅርቡ ህይወታቸው ላለፈው ሰዓሊ አለፈለገ ሰላም ትላንት የመታሰቢያ ዝግጅት ተካሄደላቸው፡፡ (ምስክር አወል)
  • ኢትዮጵያ ከካሜራ ጀርባ የሚል የፎቶ ግራፍ ኤግዚቢሽን ትላንት ተከፈተ፡፡ (ፍቅርተ መንገሻ)
  • ከይዞታቸው ለሚነሱ ተነሺዎች የሚከፈለው ካሣ ከወቅቱ የገበያ ሁኔታ ጋር የተጣጣመ እንዲሆን ክለሳ እየተደረገበት መሆኑ ተሠማ፡፡ (ዮሐንስ የኋላወርቅ)
  • የተሻሻለው የገቢ ግብር አዋጅ ቢፀድቅም ሥራ ላይ የሚውለው ከዓመት በኋላ እንደሆነ እወቁት ተባለ፡፡ (ትዕግስት ዘሪሁን)
  • ኢትየጵያ ባለፈው ዓመት ወደ ውጭ ከላከቻቸው የብረት ምርቶች ከ22 ሚሊዮን ዶላር በላይ ገቢ አገኘች፡፡ (ሕይወት ፍሬስብሃት)
  • የቢልና ሚሊንዳ ጌትስ ፋውንዴሽን በኢትዮጵያ የግብርናና የጤና ዘርፎችን ለመደገፍ ሥራ ላይ የሚያውለው የገንዘብ መጠን እየጨመረ ይሄዳል ተባለ፡፡ (ቴዎድሮስ ወርቁ)
  • የሄሎ ካሽ ኔትወርክ በኢትዮጵያ በሚገኝ የፋይናንስ ተቋም የባንክ ሂሳብ ቁጥር የደንበኞች ቁጥር ከፍ ብሏል አለ፡፡ (ተህቦ ንጉሴ)
አስተያየት ይፃፉ (0 አስተያየት)

በተጠናቀቀው በጀት ዓመት ጊዜያቸውን ጠብቀው ፍቃድ ያሳደሱ የበጎ አድራጐት ድርጅቶችና ማህበራት 66 በመቶ ብቻ ናቸው ተባለ

የበጎ አድራጐት ድርጅቶችና ማህበራት በየሶስት ዓመቱ ፍቃዳቸውን ያሣድሣሉ፤ ፍቃዳቸውን የሚያሳድሱት ወደ በጎ አድራጎት ድርጅቶችና ማህበራት ኤጀንሲ በመቅረብ ነው፡፡ ከቀናት በፊት በተጠናቀቀው በጀት ዓመትም 1 ሺህ 225 የበጎ አድራጐት ድርጅቶችና ማህበራት ፍቃዳቸውን ያሳድሳሉ ተብሎ ተጠብቆ ነበር፡፡ ፈቃዱን ያሳደሱት ግን 803ቱ እንደሆኑ የበጎ አድራጎት ድርጅቶችና ማህበራት ኤጀንሲ የህዝብ ግንኙነትና ኮሚኒኬሽን ዳይሬክተር አቶ መስፍን ታደሰ ነግረውናል፡፡ ፍቃዱን ያሳደሱት ድርጅቶችና ማህበራት ከታሰቡት 66 በመቶው ብቻ ናቸው ብለዋል፡፡

የተቀሩት በስልክና በመገናኛ ብዙሃን ጥሪ ቢደረግላቸውም ቀርበው ፍቃዳቸውን እንዳላሳደሱ ነው የነገሩን፡፡ የሥራ ዕቅዳቸውንና አፈፃፀማቸውን በወቅቱ ባለማቅረባቸው እና ፍቃድ በወሰዱባቸው ሦስት ዓመታት ምንም ሥራ ያልሰሩ ድርጅቶችና ማህበራትም ፍቃዳቸው እንደልታደሰ ከአቶ መስፍን ሰምተናል፡፡ ዳይሬክተሩ እንዳሉት ጊዜውን ጠብቀው ፍቃድ ያላሳደሱ ድርጅቶችና ማህበራት ስራ ላይ እንደሌሉ ነው የሚቆጠረው፡፡ በዚህም ምክንያት ዕጣ ፈንታቸው መሰረዝ ይሆናል ብለዋል፡፡ በአሁኑ ወቅት በአጠቃላይ ፍቃድ ወስደው እየሰሩ ያሉ የበጎ አድራጐት ድርጅቶችና ማህበራት ከሦስት ሺህ በላይ እንደሆኑ አቶ መስፍን ጨምረው ነግረውናል፡፡

ንጋቱ ረጋሳ
አስተያየት ይፃፉ (0 አስተያየት)

ኢትዮጵያ አለኝ የምትለው ትልቁ መራሄ ተውኔት የመጨረሻ ስንብት ትናንት አመሻሽ ላይ ተሠማ

ከኢትዮጵያ አልፎ ለምሥራቅ አፍሪካ የቲአትር ጥበብ ብርቱ ተቆርቋሪና ተሟጋች የነበረው የቲአትር አዘጋጅ መምህርና ሙሉ የመድረክ ሰው አባተ መኩሪያ ትናንት ህይወቱ አልፏል፡፡ ከ50 ዓመታት በላይ ታላላቆቹ የኢትዮጵያ ሊቃውንት የደረሷቸውን ቲአትሮች ወደ መድረክ የለወጠው የመራውና ያዘጋጀው አባተ መኩሪያ በጠና ህመም ሲሰቃይ ሰንብቷል፡፡ ከጥበብ ውጭ ማሰብም ሆነ መናገር አይችልም ሙሉ ተፈጥሮው የቲአትር ነው ሲሉ የሙያ አጋሮቹ የሚመሰክሩለት መራሄ ተውኔት አባተ መኩሪያ የብሉይ ዘመን አንጋፋ የውጭ ሀገር ቲአትሮች ወዘናቸውና ሥሪታቸው ሣይሸራረፍ የኢትዮጵያ ለዛ ይዘው እንዲመደረኩ ከፍተኛ አበርክቶ ነበረው፡፡

ሎሬት ፀጋዬ ገብረመድህን፣ ፀሐፊ ተውኔት መንግሥቱ ለማና ሌሎችም የፃፏቸውን ብዙ ቲአትሮች ሁነኛ አድርጎ አዘጋጅቶና መርቶ ህዝብ እንዲመለከታቸው አድርጓል፡፡ ኢትዮጵያዊ ብቻ ሳይሆን አለም አቀፋዊ ቅርፅ እንዲኖራቸው አድርጎ ካዘጋጃቸው ቲአትሮች ድንበር ተሻግረው አድናቆት የተቸራቸው ሽልማት የጎረፈላቸው ሥራዎችም ይጠቀሣሉ፡፡ ኢትዮጵያ ጭምር ማህበርተኛ የሆነችበትን የምሥራቅ አፍሪካ ቲአትር ኢንስቲትዩትን በማቋቋምና የምሥራቅ አፍሪካን የቲአትር ጥበብ በመወከል ለአለም በማስተዋወቅ የለፋ ሰውም ነው አባተ መኩሪያ፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ፣14 2008 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


  • ለአተት ያጋልጣሉ የተባሉ የምግብ እና መጠጥ ቤቶች ታሸጉ፡፡ (መሠረት በዙ)
  • ለአተት በሽታ ተገቢውን ትኩረት ያልሰጡ እና ምልክቱ የታየባቸውን ታማሚዎች አላስፈላጊ ምርመራን ያዘዙ 12 የግል የጤና ተቋማት የተለያዩ እርምጃዎች ተወሰደባቸው ተባለ፡፡ (መሠረት በዙ)
  • አባተ መኩሪያ ከዚህ አለም በሞት ተለየ፡፡ (ህይወት ፍሬስብሃት)
  • ኢትዮጵያ እና ላይቤሪያ በንግድ እና ኢንቨስትመንት ያላቸውን ትስስር ለማጠናከር አበክረው እንደሚሰሩ በመግባባት ስምምነት ፈረሙ፡፡ (ፋሲል ረዲ)
  • የከንፈርና የላንቃ መሰንጠቅ ችግር ያለባችሁ ኑ በነፃ ታከሙ ተብላችኋል፡፡ (ወንድሙ ኃይሉ)
  • አዲስ አበባ ዩኒቨርስቲ ለመጀመሪያ ጊዜ የህግ ትምህርትን በዶክትሬት ድግሪ ለማስተማር እየተዘጋጀሁ ነው አለ፡፡ (ምስክር አወል)
  • በአዲስ አበባ የጤና መኮንን ተማሪዎች ትምህርታችንን ሳንጨርስ ውጡ ተባልን አሉ፡፡ የትምህርት ክፍሉ ኃላፊ ተማሪዎቹን አሰናብት ተብያለሁ ምክንያቱን አላውቅም ብለዋል፡፡ (ትዕግስት ዘሪሁን)
  • በአዲስ አበባ የጤና ተቋማትን እና ባለሙያዎችን እንዲሁም የምግብና የመጠጥ ንግዶችን የሚቆጣጠሩ ባለሙያዎች እጥረት አጋጥሟል ተባለ፡፡ (መሠረት በዙ)
  • በተጠናቀቀው የበጀት አመት ጊዜያቸውን ጠብቀው ፈቃድ ያሣደሱ የበጎ አድራጐት ድርጅቶችና ማህበራት 66 በመቶ ብቻ ናቸው ተባለ፡፡ (ንጋቱ ረጋሣ)
  • ለፓርኪንሰን ህመም ብዙም ትኩረት አልሰጠሁም ሲል የጤና ጥበቃ ሚኒስቴር ተናገረ፡፡ (ቴዎድሮስ ወርቁ)
አስተያየት ይፃፉ (0 አስተያየት)

በአዲስ አበባ ካለፈው ሣምንት ጀምሮ ለ7 ቀናት በዋና ዋና የከተማዋ አውራ ጎዳናዎች፣ መንደሮች እንዲሁም ገንዳዎች ቆሻሻ ተከማችቶ ሰንብቷል

የቆሻሻ ማንሻ መኪኖች የተሸከሙትን ቆሻሻ የሚያራግፉበት አጥተው ቆመዋል፡፡ ለወትሮው የከተማዋን ደረቅ ቆሻሻ ሸክፈው ሰንዳፋ ወደሚገኘው ዘመናዊ የቆሻሻ መጣያ ቦታ መሄድ የነበረባቸው እነዚሁ መኪኖች ወደ ሰንዳፋ ማቅናት አልሆነላቸውም፡፡ ሸገር የፅዳት አስተዳደር ኤጀንሲ ዋና ሥራ አስኪያጅ ከሆኑት አቶ ዳዊት አየለ ጋር ስለ ሰሞኑ የፅዳት ችግር ተነጋግሯል፡፡ አቶ ዳዊት ከመኖሪያ ቤትና ድርጅቶች ከሌሎችም ተቋማት የተሰበሰበው ቆሻሻ በወጉ ሊወገድ አለመቻሉን ተናግረው የቆሻሻ ክምር ወደ ሰንዳፋ ወስዶ ለመጣል ጊዜያዊ የተባለ ችግር ተፈጥሯል፡፡

በሰንዳፋ ያሉ አርሶ አደሮችና ነዋሪዎች የአዲስ አበባ ቆሻሻ ከዚህ በኋላ እንዳይመጣብን ሲሉ መከልከላቸውን ኃላፊው ተናግረዋል፡፡ የአዲስ አበባ የየዕለት ደረቅ ቆሻሻ እየተረከበ በዘመናዊ መንገድ ለማስወገድ እንዲረዳ ተብሎ በሰንዳፋ የተገነባው የቆሻሻ መረከቢያ ማዕከል በዚህ ሰሞን አገልግሎቱን አቋርጧል፡፡

ተጨማሪ ያንብቡ...

አስተያየት ይፃፉ (0 አስተያየት)
Sheger 102.1 AudioNow Numbers