• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ከአዲስ አበባ ጅቡቲ የተገነባው የምድር ባቡር ፕሮጀክት ሥራ ለመጀመር ዛሬ የሙከራ ጉዞ አደረገ

ከአዲስ አበባ ጅቡቲ የተገነባው የምድር ባቡር ፕሮጀክት ሥራ ለመጀመር ዛሬ የሙከራ ጉዞ አደረገ፡፡758 ኪሎ ሜትር የሚሸፍነው የባቡር ፕሮጀክቱ ዛሬ ሙከራውን ያደረው ፕሮጀክቱን የሚያስተዳድሩት ኢትዮጵያና ጅቡቲ የጋራ ኩባንያ በማቋቋም የቦርድ አመራራቸውን በመሰየማቸው እንደሆነ ተነግሯል፡፡CCC እና CRC የተባሉት የቻይና ኩባንያዎች የባቡር አገልግሎቱን ለስድስት ዓመታት ለማስተዳደር የተመረጡ ሲሆን ባለሙያዎችንም ያሰለጥናሉ ተብሏል፡፡

ዛሬ ሙከራውን ያደረገው የባቡር ፕሮጀክቱ ከአዲስ አበባ ድሬዳዋና፣ ከድሬዳዋ ጅቡቲ በ15 የጉዞና ፤ 15 የእቃ ማጓጓዣ ፉርጐዎች እንደሆነ ሰምተናል፡፡የሙከራ ሥራው በሰዓት 120 ኪሎ ሜትር የነበረ ቢሆንም የባቡር መሥመሩን ደህንነት ለመጠበቅ ሲባል በ60 ኪሎ ሜትር ሙከራው እንደሚደረግና የባቡሩ ፍጥነት በሙከራ ሂደት እየተሻሻለ ንደሚሄድም ተነግሯል፡፡

የኢትዮ ጅቡቲ የባቡር መስመርም በዛሬ ሙከራው እያንዳንዳቸው 70 ቶን በሚጭኑ 15 ፉርጐዎች ሙከራ ያደርጋል ተብሏል፡፡በባቡር መሥመሩ ከወደብ እቃ የሚያስገቡ ባለሃብቶች በሥራ ላይ ባለው የታሪፍ መጠን እንደሚያስገቡና በቀጣይ ግን አዲስ ታሪፍ ይወጣለታል ተብሏል፡፡

የኢትዮጵያ ምድር ባቡር ኮርፖሬሽን የመደበኛ ሙከራውን ዛሬ የሚያደርገው የኢትዮጵያ ጅቡቲ የምድር ባቡር ፕሮጀክት ለመጀመሪያ ጊዜ ረጅም ርቀት የሚጓዝ በመሆኑና የኤሌክትሪክ ኃይል የሚጠቀም ስለሆነ ባቡሩ በሚያልፍባቸው አካባቢዎች ያሉ ነዋሪዎች ጥንቃቄ ማድረግ ይገባቸዋል ብሏል፡፡

ምክረት ስዩም

አስተያየት ይፃፉ (0 አስተያየት)

ግንቦት 2፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የኢትዮ ጂቡቲ የባቡር መሥመር ዛሬ የሙከራ ጉዞ አደረገ፡፡ (ምህረት ስዩም)
  • ጀርባዬን አመመኝ ብለው ወደ ጤና ተቋማት ከሚሄዱት ኢትዮጵያዊያን አብዛኛዎቹ የወገብ ህመምተኛ እየሆኑ መጥተዋል ተባለ፡፡ (ንጋቱ ሙሉ)
  • ኢትዮጵያ ከጨርቃ ጨርቅ የምታገኘው የውጭ ገቢ ጨምሯል ተባለ፡፡ (ወንድሙ ኃይሉ)
  • የአፍሪካ ሀገራትን በሃይድሮ ፓወር ለማስተሣሰር በሚደረገው የመሠረተ ልማት ግንባታው ዘርፍን በተመለከተ ከቻይና መንግሥት ጋር የተለየ ግንኙነት የለም ተባለ፡፡ (የኔነህ ሲሣይ)
  • የጀርባ መጉበጥ ሕክምናን ሙሉ በሙሉ በሀገር ውስጥ ለመስጠት ጥረት እየተደረገ ነው፡፡ እንደታሰበው ከሆነ ሕክምናውን በመስጠት ከጋና ቀጥላ ኢትዮጵያ 2ኛ ትሆናለች፡፡ (ወንድሙ ኃይሉ)
  • በሆቴልና ቱሪዝም ዘርፍ የተሰማሩ ተቋማት የሰለጠኑ ሰዎችን ወደ ሙያው እንዲያሰማሩ ተጠየቀ፡፡ (ምሥክር አወል)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ሚያዝያ 24፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ታሪካዊቷ የአንኮበር ወረዳ በውስጧ ያሉ ቅርሶቿን ለጎብኚዎች በሚመች ቦታ ልታሰባስባቸው ነው ተባለ፡

ታሪካዊቷ የአንኮበር ወረዳ በውስጧ ያሉ ቅርሶቿን ለጎብኚዎች በሚመች ቦታ ልታሰባስባቸው ነው ተባለ፡፡ለዚህም ባህላዊ ይዘቱን የጠበቀ የአጤ ሚኒልክ መታሰቢያ ሙዚየምና የባህል ማዕከል በአንኮበር ቤተ-መንግሥት አካባቢ በ6 ሚሊዮን ብር ተገንብቷል ተብሏል፡፡የአካባቢውን ባህል እንዲያንፀባርቅ ተደርጐ የተሰራው ማዕከሉ በቅርብ ይመረቃል፣ ቅርሶቹ ተሰባስበው ገብተው ለጐብኚዎች ክፍት እንደሚሆን የወረዳው ምክትል አስተዳዳሪ አቶ ታደሰ ለጥይበሉ ነግረውናል፡፡

አቶ ታደሠ የሙዚየሙና የባህል ማዕከሉ ለቅርሶቹ ደህንነት ሲባል እጅግ በከፍተኛ ጥራትና ጥንቃቄ የተገነባ እንደሆነም ነግረውናል፡፡የሸዋ ነገስታት መቀመጫ ሆና ማገልገሏ፣ ብዙ ገዳማትን በውስጧ ማቀፏ አንኮበርን የታሪክና የቅርስ ሃብታም እንድትሆን እንዳደረጋት አቶ ታደሠ ተናግረዋል፡፡

በተለያየ ጊዜና ምክንያት ወደ ገዳማት የገቡትን ቅርሶችን ለማሰባሰብ እቅድ መያዙን የተናገሩት ኃላፊው ቤተ-ክህነት ቅርሶቹ ሲሰበሰቡ ስጋት እንዳያድርባትና እንዳትሰጋ በሚል ካህናትና የቤተክርስቲያን አባቶች በቅርብ እንዲከታተሉት አዲሱ ሙዚየም የተገነባው አንኮበር ቤተ-መንግሥት አጠገብ በሚገኙ ሦስት አቢያተ-ክርስቲያናት አጠገብ ነው ብለዋል፡፡በቅርስ አሰባሰቡ ሂደትና በታሪካዊ ይዘታቸው ጥበቃ ላይ የአዲስ አበባ ዩኒቨርስቲና  የደብረብርሃን ዩኒቨርስቲ እገዛ እያደረጉላቸው መሆኑን ኃላፊው ነግረውናል፡፡

በተለያዩ ቦታዎች ያሉ ቅርሶችን በአንድ ቦታ አሰባስቦ ለጎብኚዎች ለማሳየትና ትውልድ እንዲያውቃቸው አልማ የተነሳችው አንኮበር የብራና ላይ ፅሁፎች አዘገጃጀት፣ የግዕዝ ትምህርትን ለተማሪዎችና ለተመራማሪዎች ታቀርባለች ብለዋል፡፡ዳግማዊ አጤ ምኒልክ ከአንኮበር አዲስ አለም፤ ከአዲስ አለም እንጦጦ ከዚያም አዲስ አበባ ሳይዛወሩ መናገሻቸው ነበረች፡፡በዚያም የነበረው ቤተ-መንግሥት አሁን ድረስ ለጐብኚዎች ክፍት ነው፡፡ ሆኖም የታሪካዊነቷን ያህል ዝናዋን የሰሙ ሁሉ እንዳይጐበኙት ከዞን ከተማው ደብረብርሃን እስከ አንኮበር ያለው መንገድ ምቹ አለመሆኑ ይነገራል፡፡

ምስክር አወል

አስተያየት ይፃፉ (0 አስተያየት)

በሀገራችን ወተትና የወተት ውጤቶችን አቀነባብረው ለገበያ የሚያቀርቡ ድርጅቶች እየበረከቱ ነው

በሀገራችን ወተትና የወተት ውጤቶችን አቀነባብረው ለገበያ የሚያቀርቡ ድርጅቶች እየበረከቱ ነው፡፡ነገር ግን ይሄ ጥንቃቄ የሚያስፈልገው የምግብ ፍጆታ ልክ እንደሌሎቹ የምግብ አይነቶች የህግ ሽፋን እንደሌለው ይነገራል፡፡የኢትዮጵያ ወተት አቀናባሪዎች ማህበር ፕሬዝዳንት አቶ በላቸው ሁሪሳም ይህን ያጠናክራሉ፡፡

የወተት ማቀነባበሩም ሆነ ለገበያ አቀራረቡ በህግ ሊታሰር ይገባል ብለዋል፡፡ከማህበር ፕሬዝዳንትነታቸው በተጨማሪ የኤሌምቱ ኢንትግሬትድ ወተት ኢንዱስትሪ አክሲዮን ማህበር መስራችና ዳይሬክተር የሆኑት አቶ በላቸው ድርጅታቸው ከገበያው ይበልጥ ገበሬዎችን ተጠቃሚ ማድረጉ ላይ ትኩረት እናደረጋለን ብለዋል፡፡

ድርጅቱ ከ14 አቅራቢዎችና ከ1 ሺ በላይ ገበሬዎችን በቀጥታና በተዘዋዋሪ ተጠቃሚ እንደሚያደርግ የተናገሩት አቶ በላቸው ሁሪሳ እነዚህን ገበሬዎችና አቅራቢዎች ምርታቸውን ይበልጥ እንዲያሻሽሉ ለምርጥ አቅራቢዎች እውቅናና ሽልማት ሰጥተናል ብለዋል፡፡ወደፊትም ገበሬው የወተት ምርቱ መሻሻል ላይ ትኩረት እንዲሰጥና በሚያቀርበው ልክ ተጠቃሚ እንዲሆን የግንዛቤ ማስጨበጥ ሥራና የተለያዩ የሙያ ድጋፎች እናደርጋለንም ብለዋል፡፡መንግሥት ግን የገበያው ሜዳ እኩል እንዲሆን ለወተቱ ኢንዱስትሪ  የህግ ሽፋን እንዲያበጅ ጠይቀዋል፡፡

አስፋው ስለሺ

አስተያየት ይፃፉ (0 አስተያየት)

ሚያዝያ 30፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ወጣቶችን ከኢኮኖሚ ችግርና ከሌሎች ማህበራዊ ቀውሶች ለማውጣት የነደፍኩት ስትራቴጂ አዋጪ እንደሚሆን ጥርጥር የለኝም ሲል የኢትዮጵያ ወጣቶች ስፖርት ሚኒስቴር ተናገረ፡፡ የተወካዮች ምክር ቤት ቋሚ ኮሚቴ አባላት ደግሞ ሰነዱ ጥሩ ነው አተገባበሩ ላይ ጥያቄ አለን ብለዋል፡፡ (አስፋውስለሺ)
  • ኤሌምቱ ኢንትግሬትድ የወተት ኢንዱስትሪ አክሲዮን ማህበር አብረውት ለሚሰሩት ገበሬዎች ዕውቅና ሰጠ፡፡ (አስፋውስለሺ)
  • ደረጃ ከወጣላቸው የበጎ አድራጎት ድርጅቶችና ማህበራት መካከል መስፈርቱን የሚያሟሉት 22ቱ ብቻ ናቸው ተባለ፡፡ (ንጋቱረጋሣ)
  • ኢትዮጵያ 7ኛውን ዘላቂ የእንስሣት ልማት ጉባዔን ከዛሬ ጀምሮ ለ5 ቀናት እንደምታስተናግድ የእንስሣትና ዓሣ ሃብት ሚኒስቴር አስታወቀ፡፡ (ጌታቸውለማ)
  • በውጭ ጉዳይ ሚኒስትር ዴኤታ ዶክተር አክሊሉ ኃይለሚካኤል የሚመራው የልዑካን ቡድን በደቡብ አፍሪካ ደርባን ከተማ ተገኝቶ ከተለያዩ ድርጅቶች ለተወከሉ የማህበረሰብ አባላት ገለፃ አደረገ፡፡ (ጌታቸውለማ)
  • የፖላንድ ፕሬዝዳንት በኢትዮጵያ የሥራ ጉብኝት በማድረግ ላይ ናቸው፡፡ ፕሬዝዳንቱ ኢትዮጵያን ጨምሮ በአፍሪካ ኢንቨስት ለማድረግ ስለሚቻልበት ሁኔታ ይመለከታሉ ተብሏል፡፡ (የኔነህሲሣይ)
  • ታሪካዊቷ የአንኮበር ወረዳ በውስጧ የሚገኙ ቅርሶቿን ለጐብኚዎች በሚመች ሁኔታ ልታሰባስባቸው ነው ተባለ፡፡ (ምሥክርአወል)
  • ከቃሊቲ ማሰልጠኛ ጀምሮ እስከ አቃቂ ያለው መንገድ በሌሎች አማራጮች ጥገና ሊደረግለት ነው፡፡ (ንጋቱሙሉ)

 

አስተያየት ይፃፉ (0 አስተያየት)

ኢትዮጵያ ብሮድካስቲንግ ኮርፖሬሽን ከንግድ አጧጧፊ ድርጅቶች እንደ አንዱ ሆኗል ተብሎ ተተቸ

የኢትዮጵያ ብሮድካስቲንግ ኮርፖሬሽን ከንግድ አጧጧፊ ድርጅቶች እንደ አንዱ ሆኗል ተብሎ ተተቸ…ኮርፖሬሽኑ በአሰልቺ የማስታወቂያ ጋጋታዎች፣ በስፖንሰርና በአየር ሰዓት ሽያጭ ሥራው ተጠምዶ ህዝባዊና መንግሥታው ጉዳዮችን አላልቶ ይዟቸዋል፣ እርባና ቢስ ወደ ሆኑ ሸቀጦች አዘንብሏል ተብሎ የተወቀሰው በህዝብ እንደራሴዎች ነው፡፡ምክር ቤቱ ዛሬ በጠራው ጉባዔ ለኢትዮጵያ ብሮድካስቲንግ ኮርፖሬሽን የሥራ አመራር ቦርድ ሰብሣቢና አባላት የተለያዩ ጥያቄዎችን አቅርቦ መልስ ሲቀበል ነው ያረፈደው፡፡

ኮርፖሬሽኑ ከተቋቋመበት አላማ ወጥቶ ገንዘብ አሳዳጅ ሆኗል ለሚለው ትችት መልስ የሰጡት ዋና ሥራ አስፈፃሚው አቶ ስዩም ደስታ ናቸው፡፡ኮርፖሬሽኑ ወደ ንግድ ያዘነበለው የሰራተኞችን ደሞዝ ለመክፈልና ብዙ ዘገባዎችን ለመሸፈን የበጀት እጥረት እንዳያጋጥመው በመስጋት ነው ሲሉ መልስ ሰጥተዋል፡፡ከህዝባዊ ዘገባዎች የፈጠነው ጊዜ እያነሰ መምጣቱን እኛም ሰምቶናል ያሉት አቶ ስዩም ከዚህ ለመውጣት ከመንግሥት የበጀት ድጐማ እንዲደረግልን ማመልከቻ አስገብተናል ብለዋል፡፡
ኢትዮጵያ ብሮድካስቲንግ ኮርፖሬሽን በመንግሥትም ሆነ በህብረተሰቡ ተአማኒነት እያጣ የመጣ ተቋም ለመሆን በቅቷል ያሉት ዋና ሥራ አስፈፃሚው ተቋሙን ከእንዲህ ያለው ፈተና ለማውጣት ቀላል እንዳልሆነ ተናግረዋል፡፡ከምክር ቤቱ አባላት ከተነሱ ኃሣቦች መካከል በኢትዮጵያ ብሮድካስቲንግ ኮርፖሬሽን ውስጥ ከፍተኛ ቡድንተኝነት ይታያል የሚለው ይገኝበታል፡፡

የኢትዮጵያ ሰብዓዊ መብት ኮሚሽን ሥልጣንን ተገን በማድረግ በተገልጋዮች ላይ የሰብዓዊ መብት ጥሰት የሚያደርሱ አሉ እየተከታተልኩ በህግም እያስጠየኳቸ ነው አለ

የኢትዮጵያ ሰብዓዊ መብት ኮሚሽን ሥልጣንን ተገን በማድረግ በተገልጋዮች ላይ የሰብዓዊ መብት ጥሰት የሚያደርሱ አሉ እየተከታተልኩ በህግም እያስጠየኳቸ ነው አለ፡፡በኮሚሽኑ የሰብዓዊ መብት ምርመራ ዳይሬክቶሬት ዳይሬክተሩ አቶ ብርሃኑ አባዲ ለሸገር ሲናገሩ በአንዳንድ የመንግሥት መሥሪያ ቤቶች ሥልጣንን ባልተገባ መንገድ የሚጠቀሙ የባለጉዳዮችን መብቶች የማያከብሩ እየተገኙ በህግም እንዲቀጡ እያደረግን ነው ጉዳያቸው በፍርድ ቤት እየታየ ያሉም አሉ ብለዋል፡፡

የሰብዓዊ መብት ጥሰት የሚፈፅሙ ባለሥልጣናት በአፋጣኝ ከስህተታቸው ሣይታረሙ ሲቀሩ እስከ 6 ዓመት እሥራት እንዲበየንባቸው እናደርጋለን ያሉት አቶ ብርሃኑ ባለ ጉዳይ ሆናችሁ በምትደርሱባቸው ቦታዎች በባለሥልጣኖችም ሆነ በሌሎች ባለሙያዎች የሰብዓዊ መብት ጥሰቶች ቢያጋጥማችሁ በአዲስ አበባ ባሉን ስምንት ቅርንጫፍ ቢሮዎች በኩል ታገኙናላችሁ በነፃ የስልክ መስመራችን 808 ደውላችሁም ጠቁሙን ብለዋችኋል፡፡

ወንድሙ ኃይሉ

አስተያየት ይፃፉ (0 አስተያየት)

የኦሮሚያ ልዩ ዞን ፖሊስ “እኛ እና የአሽከርካሪ የትንፋሽ መመርመሪያ አልተገናኘንም በዚህ በኩል የሚመጣ አደጋን ለመቀነስም ተቸግረናል” አለ

የኦሮሚያ ልዩ ዞን ፖሊስ “እኛ እና የአሽከርካሪ የትንፋሽ መመርመሪያ አልተገናኘንም በዚህ በኩል የሚመጣ አደጋን ለመቀነስም ተቸግረናል” አለ፡፡የልዩ ዞኑ ፖሊስ የመረጃ ባለሙያ ኢንስፔክተር አዲሱ አበራ ለሸገር ሲናገሩ ከመጠጥ ጋር በተገናኘ በብዛት አሽከርካሪዎች አደጋ የሚያደርሱት በኦሮሚያ ልዩ ዞን የገጠር መንደሮች ሲሆን የተንፋሽ መቆጣጠሪያው ግን በእነዚህ ስፍራዎች ሊደርስ አልቻለም ብለዋል፡፡

የአሽከርካሪዎችን ትንፋሽ የሚቆጣጠረው መሣሪያ አልኮል ቴስተር በቡራዩ፣ በሱሉልታ፣ በገላን፣ በለገጣፎና በሰበታ ከተሞች ብቻ ያለ ሲሆን ያ በገጠር ከሚደርሰው አደጋ ጋር ፈፅሞ አይገናኝም ብለዋል፡፡የኦሮሚያ ልዩ ዞን ፖሊስ የገጠሩን የመኪና አደጋ ለመከላከል የትንፋሽ መቆጣጠሪያ እንዲሰጠው ለኦሮሚያ ክልል ትራንስፖርት ባለሥልጣን ጥያቄ አቅርቧል ያሉት ኢንስፔክተር አዲሱ አሁን ግን በፍጥነት መቆጣጠሪያ ራዳር ብቻ የመኪና አደጋን ለመቀነስ እየሰራን ነው ሲሉም ተናግረዋል፡፡

ወንድሙ ኃይሉ

አስተያየት ይፃፉ (0 አስተያየት)

የኢትዮጵያ የእንስሣት ሀኪሞች ማህበር እንስሳት ፀረ-ተህዋሲያን መድኃኒቶችን እየተላመዱ መምጣታቸው ለጤናቸው አስጊ እየሆነ መምጣቱን ተናገረ

የኢትዮጵያ የእንስሣት ሀኪሞች ማህበር እንስሳት ፀረ-ተህዋሲያን መድኃኒቶችን እየተላመዱ መምጣታቸው ለጤናቸው አስጊ እየሆነ መምጣቱን ተናገረ፡፡የእንስሳትን መድኃኒት አለአግባብ መጠቀም፣ የመድኃኒቶቹ በኮንትሮባንድ መሰራጨት፣ ለእዝዕርትና ለሰብል የሚውሉ መድኃኒቶችን በአግባቡ አለመጠቀም ፈዋሽነታቸውን ቀንሶታል ተብሏል፡፡ይህም የሚመለከታቸው እንደ ጤና ጥበቃ ሚኒስቴር፣ የአካባቢ ጥበቃንና የእንስሣትና አሣ ሃብት ዘርፍ የሚሰሩ በጋራ ሊረባረቡበት እንደሚገባ የማኅበሩ ሥራ አስኪያጅ ዶክተር ዳርሰማ ጉልማ ተናግረዋል፡፡

ማኅበሩ የአለም የእንሥሣት ጤና ቀንን አስመልክቶ ከሚመለከታቸው ጋር ሲወያይ እንደሰማነው ችግሩ ኢትዮጵያን ጨምሮ ከሰሐራ በስተ-ደቡብ ባሉ የአፍሪካ አገሮች አፋጣኝ መፍትሄ የሚሻ ነው፡፡ማኅበሩ ከተመሠረተ 4 አሥርት ዓመታትን ያስቆጠረ ሲሆን ኢትዮጵያ ከእንስሣት ሐብቷ በተገቢው እንድትጠቀም ከሚመለከታቸው መሥሪያ ቤቶች ጋር በሙያ ትብብር ሲያደርግ መቆየቱን ተናግረዋል፡፡ሥራ አስኪያጁ በሀገሪቱና በጐረቤት ሀገራት የተከሰቱ ድርቆችና ጐርፍን ተከትሎ በአርብቶ አደሩ አካባቢ በሽታ ከእንስሣቶች ወደ ሰዎች፣ ከሰዎች ወደ እንስሣte እንዳይተላለፉ ከሚኒስቴር መሥሪያ ቤቱ ጋር የሙያ ድጋፍ እንዳደረገ ሲናገር ሰምተናል፡፡

ተጨማሪ ያንብቡ...

አስተያየት ይፃፉ (0 አስተያየት)

ሚያዝያ 26፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • ከደረጃ በላይ እና በታች አገልግሎት ሲሰጡ በነበሩ የጤና ተቋማት ላይ እርምጃ መወሰዱ ተሠማ፡፡ (የኔነህ ሲሣይ)
  • የኢትዮጵያ ግብርና ሥራዎች ኮርፖሬሽን 400 ሚሊዮን ብር ያወጣሁበትን ማዳበሪያ የሚረከበኝ አጣሁ አለ፡፡ (አስፋው ስለሺ)
  • በኢትዮጵያ እንስሣት የፀረ ተሕዋሲያን መድሐኒቶችን መላመድ አጣዳፊ መፍትሄ የሚያሻው ጉዳይ ነው ተባለ፡፡ (ምሥክር አወል)
  • የኦሮሚያ ልዩ ዞን የገጠር ትራፊኮችና የአልኮል የትንፋሽ መመርመሪያ መሣሪያ አልተገናኙም ተባለ፡፡ (ወንድሙ ኃይሉ)
  • በመጪው ወር በእንግሊዝ ሎንደን በሚካሄደው ሶማሊያን የተመለከተ ጉባዔ ኢትዮጵያም ተወካዮቿን ትልካለች ተባለ፡፡ (የኔነህ ሲሣይ)
  • የሰብዓዊ መብት ኮሚሽን ሥልጣንን ተገን በማድረግ የመብት ጥሰት የሚፈፅሙ ሹሞችን በሕግ ተጠያቂ አደርጋለሁ አለ፡፡ (ወንድሙ ኃይሉ)
  • የኢትዮጵያ ብሮድካስቲንግ ኮርፖሬሽን ከሕዝብ መገናኛ ብዙሃንነት ይልቅ ወደ ንግድ ተግባር አዘንብሏል ተብሎ ተተቸ፡፡ (ሕይወት ፍሬስብሃት)
  • ኢትዮጵያ የአቮካዶ ምርቷን በአግባቡ እየተጠቀመችበት አይደለም ተባለ፡፡ (ምህረት ስዩም)
አስተያየት ይፃፉ (0 አስተያየት)
Sheger 102.1 AudioNow Numbers