• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የህዝብ እንደራሴዎች ምክር ቤት ዛሬ ባካሄደው አስቸኳይ ስብሰባ ለ10 ወራት የቆየውን የአስቸኳይ ጊዜ አዋጅ አንስቶ...

የህዝብ እንደራሴዎች ምክር ቤት ዛሬ ባካሄደው አስቸኳይ ስብሰባ ለ10 ወራት የቆየውን የአስቸኳይ ጊዜ አዋጅ አንስቶ የ3 ሚኒስትሮችን ሹመት አፅድቋል፡፡የአስቸኳይ ጊዜ አዋጁን ለማስፈፀም የተቋቋመው ኮማንድ ፖስት ዋና ፀሐፊና የመከላከያ ሚኒስትሩ አቶ ሲራጅ ፈጌሳ በየቦታው ጥቃቅን ክስተቶች እያጋጠሙ መሆናቸውንና ያልተቋጩ መለስተኛ ሥራዎች ስለመኖራቸው ተናግረዋል፡፡

ይሁንና ክስተቶቹ በየደረጃው ካሉ የፀጥታ መስተዳድር አካል አቅም በላይ ባለመሆናቸው አዋጁ ተነስቶ ቀሪ ሥራው በመደበኛው የህግ አሰራር እንዲፈፀም የኮማንድ ፖስቱን የውሣኔ ኃሣብ አቅርበው እንደራሴዎቹ  አፅድቀውታል፡፡አቶ ሲራጅ ኮማንድ ፖስቱ ባለፉት 10 ወራት ስለከወናቸው ሥራዎችም ለምክር ቤቱ ሪፖርት አቅርበዋል፡፡

በሪፖርታቸው በተለያዩ አካባቢዎች ተከስቶ የነበረውን አለመረጋጋት ተከትሎ በቁጥጥር ሥር ከዋሉ ዜጎች ሁከትና ሽብር በመፍጠር ወንጀል ተጠርጥረው 7 ሺ 737 ዜጎች በሰውና በሰነድ ማስረጃ ስለተረጋገጠባቸው በፍርድ ቤት ጉዳያቸውን እየተከታተሉ ነው ብለዋል፡፡ወንጀሉን ስለመፈፀማቸው በማስረጃ ተረጋግጦባቸዋል ከተባሉና በተለያዩ ፍርድ ቤቶች ክርክር ላይ ስለመሆናቸው የተነገረው ከ7 ሺ 700 በላይ ዜጎች መካከል በኦሮሚያ 4 ሺ 136፣ በአማራ 1 ሺ 888፣ በደቡብ ክልል 1 ሺ 166 እና በአዲስ አበባ 547 ዜጎች ይገኙበታል፡፡

ጉዳያቸው በፍርድ ቤት እየታየ ነው ከተባሉት መካከልም 709 ያህሉ መሣሪያ ታጥቀው የነበሩ ናቸው ተብሏል፡፡በኮማንድ ፓስቱ በቁጥጥር ሥር ከዋሉት መካከል በሁለት ዙር ሥልጠና ወስደው ወደ ህብረተሰቡ የተቀላቀሉ 21 ሺ ተጠርጣሪዎች እንደነበሩም አቶ ሲራጅ አስታውሰዋል፡፡አክለውም ኮማንድ ፖስቱ ህገ-ወጥ የሰውና የጦር መሣሪያ ዝውውርን ለመቆጣጠር ከነባሮቹ 196 ኬላዎች ፤ 97 አዳዲስ ኬላዎችን በመጨመር 2 ሺ 732 መሣሪያዎችን፣ 181 ቦምቦችንና 2 የግንኙነት ሬዲዮኖችን በቁጥጥር ሥር መዋላቸው ተነግሯዋል፡፡

ተጨማሪ ያንብቡ...

አስተያየት ይፃፉ (0 አስተያየት)

በሚቀጥሉት 10 ቀናት በኢትዮጵያ የተለያዩ አካባቢዎች በረዶ የቀላቀለና ከፍተኛ ዝናብ ሊኖር ስለሚችል...

በሚቀጥሉት 10 ቀናት በኢትዮጵያ የተለያዩ አካባቢዎች በረዶ የቀላቀለና ከፍተኛ ዝናብ ሊኖር ስለሚችል ጥንቃቄ አድርጉ ሲል የብሔራዊ ሜትዮሮሎጂ ኤጀንሲ አሣሰበ፡፡በክረምት ዝናብ ተጠቃሚ የሚሆኑ የሀገሪቱ ክፍሎች ላይ በቀጣዮቹ 10 ቀናት ዝናብ ሰጪ ገፅታዎች በመመዝገባቸው ዝናቡ ተጠናክሮ ሊቀጥል ይችላል፣ ቅፅበታዊ ጐርፍና አልፎ አልፎም በረዶ የቀላቀለ ዝናብ ሊከሰት ይችላልም ተብሏል፡፡

ጠንከር ያለ ዝናብ ይመዘግብባቸዋል ተብለው ከሚጠበቁ የሀገሪቱ ክፍሎች ውስጥ አዲስ አበባ፣ ከኦሮሚያ ክልል ምሥራቅና ምዕራብ ወለጋ ጅማ ኢሉ አባቦራ፣ የአርሲና የባሌ ዞኖች እንዲሁም በጋምቤላና ቤንሻንጉል ጉሙዝ ክልሎች መደበኛና ከመደበኛ በላይ ዝናብ ሊያገኙ እንደሚችሉ ኤጀንሲው ተንብይዋል፡፡በአማራና ትግራይ ክልሎችም አብዛኛው ክፍል ተመሣሣይ የአየር ትንበያ ይጠበቃል ተብሏል፡፡

በሀገሪቱ ደቡብ ኦሞና አጐራባች ዞኖች ደግሞ በአብዛኛው ደረቃማ የአየር ሁኔታ ይመዘገብባቸዋል፣ አነስተኛ ዝናብም ያገኛሉ ተብሏል፡፡በቀጣዮቹ 10 ቀናት የክረምቱ ዝናብ በመጠንና በሥርጭት ዝናብ በሚያኙ ተፋሰሶች ላይም ተጠናክሮ እንደሚቀጥል ኤጀንሲው ተናግሯል፡፡የዝናብ ሥርጭታቸው ከመደበኛ በላይና ከባድ ዝናብ በሚጠበቅባቸው አካባቢዎች የወንዞች ሙላት፣ የጐርፍና የመሬት መንሸራተት ሊከሰት ስለሚችልም ጥንቃቄ አድርጉ ሲል የብሔራዊ ሜትዮሮሎጂ ኤጀንሲ አሣስቧል፡፡

ምህረት ሥዩም
አስተያየት ይፃፉ (0 አስተያየት)

ሐምሌ 28፣2009 የሸገር ወሬዎቻችን

  • በሚቀጥሉት 10 ቀናት ከባድ ዝናብ ሊጥል ይችላልና ጥንቃቄ ሊደረግ ይገባል ተባለ፡፡ (ምህረት ስዩም)
  • በአዲስ አበባ ከሚገኙ 46 ሺ በላይ ወላጆቻቸውን በሞት ካጡ ህፃናት ከግማሽ በላይ የሆኑት ወላጆቻቸውን ያጡት በኤች.አይቪ.ኤድስ ነው ተባለ፡፡ (ንጋቱ ሙሉ)
  • የእሣትና ድንገተኛ አደጋዎች መከላከልና መቆጣጠር ለሚደርሱብኝ ወቀሳ እኔ ብቻ ተጠያቂ አይደለሁም ሌሎች መስራት በነበረባቸው ሥራዎች እየተወቀስኩ ነው አለ፡፡ (ምሥክር አወል)
  • የአሰሪውና የሠራተኛው ግንኙነት ሰላማዊ መሆን ለኢንዱስትሪው ሰላም ወሳኝ በመሆኑ አሰሪዎች ሠራተኞቻችሁ እንዲደራጁ ፍቀዱላቸው፤ ጥቅሙ የጋራ ነው ተብላችኋል፡፡ (አስፋው ስለሺ)
  • የሰነድ መብዛት የፈረሱና ወደ ግል የተዛወሩ የመንግሥት የልማት ድርጅቶች ሠራተኞች የጥቅማ ጥቅም ጥያቄ በተገቢው ፍጥነት እንዳይመለስ ያደረገ አንዱ ምክንያት ነው ተባለ፡፡ (ንጋቱ ረጋሣ)
  • ለ10 ወራት ተጥሎ የቆየው የአስቸኳይ ጊዜ አዋጅ ተነሳ፡፡ ሦስት ሚኒስትሮችም ዛሬ ተሾመዋል፡፡ (ትዕግሥት ዘሪሁን)
  • የቀድሞው የገንዘብና ኢኮኖሚ ትብብር ሚኒስትር ድኤታና የምክር ቤቱ አባል የሆኑት የአቶ አለማየሁ ጉቱ ያለመከሰስ መብት ተነሳ፡፡ (ትዕግሥት ዘሪሁን)
  • በሙስና ወንጀል ተጠርጥረው በቁጥጥር ሥር የዋሉ የመንግሥት ኃላፊዎች ጉዳይ በፍርድ ቤት መታየቱ ቀጥሏል፡፡ (እሸቴ አሰፋ)
አስተያየት ይፃፉ (0 አስተያየት)

በሸገር ኤፍ.ኤም 102.1 የለዛ ýሮግራም የአድማጮች የአመቱ ምርጥ

የተከበራችሁ የኪነ-ጥበብ ቤተሰቦች እነሆ በሸገር ኤፍ.ኤም 102.1 የለዛ ýሮግራም የአድማጮች የአመቱ ምርጥ ስራዎች ሽልማት ሥነ-ሥርዓት ለ7ኛ ጊዜ ይካሄዳል፡፡ በናንተ በኪነ-ጥበብ አፍቃሪዎች ድጋፍ እዚህ ተደርሷል ፤ እናመሰግናለን፡፡ በዘንድሮ የውድድር ሂደት የተሣተፉት ከሐምሌ 1፣2008 ዓ.ም ጀምሮ እስከ ሐምሌ፣2009 ዓ.ም ድረስ የወጡ የፊልምና የሙዚቃ ሥራዎች ናቸው፡፡ ዘንድሮ አዲስ ምድብ ካታጐሪን ጨምረናል ምርጥ “የቴሌቪዥን ተከታታይ ፊልም” በሚል፡፡

በአጠቃላይ ምድቦቹን 9 ያደርሳቸዋል፡፡ ምርጥ አልበም፣ ምርጥ ፊልም፣ ምርጥ ተዋናይ፣ ምርጥ ተዋናይት፣ ምርጥ አዲስ ድምፃዊ/ድምፃዊት፣ ምርጥ ነጠላ ዘፈን፣ ምርጥ የሙዚቃ ቪዲዮና የሕይወት ዘመን ተሸላሚ 9ኙ ምድቦች ናቸው፡፡

በምርጥ የሙዚቃ ቪዲዮ ላይ ተሣታፊ የሚሆኑት ሥራዎች በአልበምነት በዚህ በተጠቀሰው የመጀመሪያ ዓመት ውስጥ የቀረቡና በተጨማሪም የሙዚቃ ቪዲዮ የተሰራላቸው ሥራዎች ናቸው፡፡ ይህም የሚሆንበት ምክንያት የአልበም ሥራዎችን ለማበረታታትና ለሙያተኞቹና ለሥራቸው እውቅና ለመስጠት ነው፡፡ በእርግጥ ከዚህ በተጨማሪ በሙዚቃ ቪዲዮነት የቀረቡ ብዙ ሥራዎች እንዳሉ ቢታወቅም ዋና ዓላማው ይህ ስለሆነ ነው፡፡

ዘንድሮም የድምፅ አሰጣጡ ሂደት በመጀመሪያው ዙር በኢንተርኔት በ http://shegerfm.com/leza-first-round-102-1-fm-2009 የሚከናወን ሲሆን ሁለተኛ ዙር ላይ ሲገባ የምርጥ አምስት እጩዎች ሥራዎች ሲታወቁ ግን መለያ ኮድ ተሰጥቷቸው በ8101 የጽሑፍ መልዕክት ተጨማሪ የድምፅ አሰባሰብ ሂደት ለማከናወን ታስቧል፡፡ ይህም የሆነበት ዋነኛ ምክንያት በመጀመሪያው ዙር በዓመቱ ውስጥ የወጡትን ሥራዎች በሙሉ ኮድ መስጠትና በዚህ ሂደት ውስጥ ማካተቱ ለአያያዝ አመቺ ባለመሆኑ ነው፡፡

የሙዚቃ ሥራዎች ድምፅ አሰጣጡ ሂደት አሁንም መቶ ፐርሰንት ለአድማጭ የተሰጠ ሲሆን የውድድሩን ሂደት፣ የህዝቡን ድምፅ ቆጠራ ሂደቱም ላይ የተለያዩ ያገባቸዋል ያልናቸውን ማህበራትና ሌሎች ተቋማትን ለማሳተፍ አስበናል፡፡ በፊልም ሥራዎቹ ሂደት ላይ ደግሞ 60 ፐርሰንት ለዳኞች ቀሪው 40 ፐርሰንት ለተመልካች እንዲሆን ተደርጓል፡፡ በዚህ የምርጫ ሂደት ላይ ሁሉም ኪነ-ጥበብ አፍቃሪ ይገባዋል ላለው ኪነ-ጥበባዊ ሥራ ድምፁን ሰጥቶ የበኩሉን ድርሻ እንዲወጣ፣ እንዲያበረታታ የተለያዩ የሚዲያ አካላትም መረጃውን ለህብረተሰቡ እንዲያደርሱና በዚህም የበኩላቸውን ኪነ-ጥበባዊ ድርሻ ላይ ድጋፍ እንዲያደርጉ በአክብሮት እንጠይቃለን፡፡

መምረጫ አድራሻ:http://shegerfm.com/leza-first-round-102-1-fm-2009


“በጋራ ሆነን ኪነ-ጥበብን እናክብር”

አስተያየት ይፃፉ (3 Comments)

ሐምሌ 26፣ 2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የአባባ ተስፋዬ (አርቲስት ተስፋዬ ሣህሉ) የቀብር ሥነ ሥርዓት በዛሬው ዕለት በመንበረ ፀባኦት ቅድስት ሥላሴ ቤተክርስቲያን ተፈፅሟል፡፡ (ወንድሙ ኃይሉ)
  • አዲስ ሕይወት የሱሰኞች ማገገሚያ ማዕከል ነገ ይመረቃል፡፡ (ትዕግስት ዘሪሁን)
  • ለችግረኛ አካል ጉዳተኞች ዊልቸርና የአካል ድጋፍ በነፃ ይሰጣል ተባለ፡፡ (ወንድሙ ኃይሉ)
  • የአዲስ አበባ ነዋሪ የሆናችሁ የሳዑዲ ተመላሾች ወደ ሥራ ለመግባት የሚያስችላችሁን ምዝገባ ከምትኖሩበት ወረዳ አድርጉ ተብላችኋል፡፡ (አስፋው ስለሺ)
  • ከክልሎች ወደ አዲስ አበባ መጥተው የሴተኛ አዳሪነትን ሕይወት የሚቀላቀሉ ሴቶች መብዛት በከተማዋ የሚኖሩ ሴተኛ አዳሪዎች ካሉበት ሕይወት እንዲወጡ የማደርገውን ጥረት አክብዶብኛል ሲል የአዲስ አበባ ሴቶችና ሕፃናት ቢሮ ተናገረ፡፡ (ንጋቱ ሙሉ)
  • እንግሊዝ የኤሌክትሪክ አገልግሎት ላልደረሰባቸው የኢትዮጵያ አካባቢዎች ድጋፍ አደርጋለሁ አለች፡፡ (ዮሐንስ የኋላወርቅ)
አስተያየት ይፃፉ (0 አስተያየት)

ለዛ የምሳ ሰዓት ፕሮግራም ሐምሌ 25፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

አስተያየት ይፃፉ (0 አስተያየት)

ከጫት እርሻ ውስጥ ጫት ሊሰርቁ ከገቡ 5 የዩኒቨርሲቲ ተማሪዎች መካከል አንዱ ከጫት እርሻው ባለቤት ጋር ባደረገው ግብግብ ተገድሏል

ከጫት እርሻ ውስጥ ጫት ሊሰርቁ ከገቡ 5 የዩኒቨርሲቲ ተማሪዎች መካከል አንዱ ከጫት እርሻው ባለቤት ጋር ባደረገው ግብግብ ተገድሏል…‘የጫት ነገር ልኩን አልፏል - ኧረ አንደ ነገር ይደረግ’

“የከፍተኛ ትምህርት ተቋማት ተማሪዎች የጫት አምባሳደር ሆነዋል” የማህበራዊ ጥናት መድረክ ያስጠናው ጥናት ውጤት…አዳማ ውስጥ ብቻ 3 000 ያህል ጫት ቤቶች አሉ…

በቅርቡ ይፋ የሆነ አንድ የጥናት ውጤት፣ እጅግ አደገኛ ደረጃ ላይ የደረሰውን እና የሐገሪቱን አምራች ዜጋ አደገኛ አዘቅት ውስጥ ስለከተተው የጫት ነገር ያነሳል፡፡

“የከፍተኛ ትምህርት ተቋማት ተማሪዎች የጫት አምባሳደር ሆነዋል” የሚለው የማህበራዊ ጥናት መድረክ ያስጠናው ጥናት - በተማሪዎች ዶርሞች ውስጥ ጫት መቃም የተለመደ ሆኗል - ያስከተለውም ቀውስ እጅጉን አሳሳቢ ደረጃ ላይ ደርሷል ይላል፡፡

የዩኒቨርሲቲዎችን መቋቋም እግር በእግር እየተከተለ የሚደራው የጫት ንግድ የዩኒቨርሲቲ ተማሪዎችን እና መምህራኑን ከሌላው ማህበረሰብ በባሰ መልኩ ጫት ቃሚ አድርጓቸዋል ይላሉ ጥናቱን ያካሄዱት በአዲስ አበባ ዩኒቨርሲቲ የሶሽዮሎጂ ትምህርት ክፍል መምህርና ተመራማሪ ዶ/ር የራስወርቅ አድማሴ፡፡

ተጨማሪ ያንብቡ...

አስተያየት ይፃፉ (0 አስተያየት)

ሐምሌ 24፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የ40/60 የቤቶች ግንባታ ከመጀመሪያውም ቢሆን እንደታቀደው ያልተሰራና የዲዛይን ችግር የነበረበት ነው ተባለ፡፡ (ዮሐንስ የኋላወርቅ)
  • የአወሊያ የዕርዳታና የልማት ድርጅት ከዚህ ቀደም ከነበሩበት ችግሮች አምልጦ ራሱን እንዲችል ጥረት እየተደረገ መሆኑ ተነገረ፡፡ (ዮሐንስ የኋላወርቅ)
  • የአዲስ አበባ ቤቶች ልማት ፕሮጀክት ጽህፈት ቤት ሦስት የቀድሞ ኃላፊዎች የተጠረጠሩት ከመመሪያ ውጪ ክፍያ እና ግዢ ፈፅሞ በመንግሥት ላይ ጉዳት በማድረስ የሙስና ወንጀል ነው ተብሏል፡፡ (አስፋው ስለሺ)
  • የአንዳንድ ብሔራዊ ፓርኮችና የዱር እንስሣት መጠለያዎች ሁኔታ አሁንም አሳሳቢ ነው ተባለ፡፡ (ንጋቱ ረጋሣ)
  • የ10ኛ እና የ12ኛ ክፍል ውጤት ይፋ የሚሆንበት ቀን ታውቋል፡፡ (ምሥክር አወል)
  • በሜድ ባይ ኢትዮጵያ ፕሮጀክት የጫማ ምርቶችን ለአሜሪካ ገበያ በማቅረብ ሊገኝ የታቀደው ገቢ ሙሉ በሙሉ ሣይሣካ ቀርቷል፡፡ (ትዕግሥት ዘሪሁን)
  • መንግሥት የመኖሪያ ቤት ግንባታዬን በጣም ዝቅተኛ ገቢ ወደ አላቸው ለማዞር ተደራጅተው ራሳቸው መገንባት ለሚፈልጉ ቅድሚያ እሰጣለሁ ብሏል፡፡ (አስፋው ስለሺ)
አስተያየት ይፃፉ (0 አስተያየት)

የኢትዮጵያ መንግሥት በልዩ ልዩ አስተዋፅኦ አገልግለውኛል ላላቸው የውጭ ሀገር ዜጎች የትውልደ ኢትዮጵያ ፓስፓርት እንዲሰጥ መወሰኑ ተሠማ

የኢትዮጵያ መንግሥት በልዩ ልዩ አስተዋፅኦ አገልግለውኛል ላላቸው የውጭ ሀገር ዜጎች የትውልደ ኢትዮጵያ ፓስፓርት እንዲሰጥ መወሰኑ ተሠማ…የውጭ ጉዳይ ሚኒስቴር መሥሪያ ቤት ቃል አቀባይ መለስ አለም ዛሬ ለጋዜጠኞች እንደተናገሩት በኢትዮጵያ ከ3 ትውልድ በላይ በማሣለፍ እንዲሁም በልዩ ልዩ አገልግሎት ሀገሪቱን ለጠቀሙ ወገኖች የትውልደ ኢትዮጵያ ፓስፓርት እንዲያገኙ በተወሰነው መሠረት ቤተ-እሥራኤላውያን፣ የራስ-ተፈሪያን እምነት ተከታዮችና ልዩ ልዩ ግለሰቦች ይህን መብት እንዲያገኙ ተወስኗል፡፡

የውጭ ሀገር ዜጎቹ የኢትዮጵያን ፓስፓርት ሲያገኙ ያለምንም የመኖሪያ ፈቃድና ቪዛ እንደልባቸው መመላለስ ይችላሉ፡፡በመዋዕለ-ነዋይ በኩልም ኢትዮጵያን ተጠቃሚ ያደርጋታል ብለዋል፡፡ቃል አቀባይ ዛሬ በሰጡት ወቅታዊ መግለጫቸው ላይ የሳውዲ አረቢያ መንግሥት ትናንት ለሁለተኛ ጊዜ ያራዘመው የምህረት አዋጅ ተግባራዊ የሚሆነው ከቅድመ ሁኔታ ጋር እንደሆነ አስታውሰዋል፡፡ በሳውዲ አረቢያ የሚገኙ ኢትዮጵያውያን የምህረት ጊዜውን ተጠቅመው ወደ ሀገር ቤት በአፋጣኝ ካልተመለሱ የተሰጠው የምህረት ጊዜ ሊታጠፍ ይችላል ሲሉ ቃል አቀባዩ ተናግረዋል፡፡

የውጭ ጉዳይ ሚኒስቴር መሥሪያ ቤት ከብሔራዊ መረጃ ደህንነት አገልግሎት ጋር በመተባበር የኢትዮጵያን ፓስፓርት እንዲያገኙ የፈቀደላቸው ወገኖችን በተመለከተ ዝርዝር የአፈፃፀም ደንብ አዘጋጅቷል መባሉንም ከውጭ ጉዳይ ሚኒስቴር መሥሪያ ቤቱ ሰምተናል፡፡በሳውዲ አረቢያ የሚገኖሩና ሀገሪቱን ለቀው እንዲወጡ የተደረጉ ኢትዮጵያውያን በተመለከተ አዲስ አበባ ሲደርሱ ከቀይ-መስቀል፣ ከፖሊስ፣ ከአይ.ኦ.ኤም እንደዚሁም ከሌሎች ተቋማት ጋር በቅንጅት የሚሰራውን የአቀባበል ሥነ-ሥርዓት በተመለከተ የውጭ ጉዳይ ሚኒስቴር መሥሪያ ቤቱ የመገናኛ ብዙሃን አባላትን ቦሌ አየር ማረፊያ በመውሰድ አሳይቷቸዋል፡፡

የኔነህ ሲሳይ

አስተያየት ይፃፉ (1 Comment)

በአቃቂ በበግ ተራ በኩል ያለው የመኪና መተላለፊያ ድልድይ ተሰብሮ ከአገልግሎት ውጪ ሆኗል ተባለ

በአቃቂ በበግ ተራ በኩል ያለው የመኪና መተላለፊያ ድልድይ ተሰብሮ ከአገልግሎት ውጪ ሆኗል ተባለ፡፡የአዲስ አበባ መንገዶች ባለሥልጣን ህዝብ ግንኙነት ኃላፊ አቶ ጥዑማይ ወልደገብርኤል ለሸገር ሲናገሩ በአቃቂ ትንሹ ድልድይ ከአገልግሎት ውጪ ሆኖ በመዘጋቱ ሚኒባስ ታክሲዎችና በስፍራው ያሉ ፋብሪካዎች ሰርቪሶች መተላለፊያ አጥተው ስፍራው መጨናነቅ ገጥሞታል ብለዋል፡፡

በተሰበረው ድልድይ አቅራቢያ ተለዋጭ ድልድይ ለመሥራት የሚመች አይደለም ያሉት አቶ ጥዑማይ ከቶታል በኩል የሚመጡ መኪኖች በኪዳነ-ምህረት ቤተ-ክርስቲያን አድርገው ወደ ገላን በተቃራኒው የሚመጡ ደግሞ የቱሉ ዲምቱ ቀለበት መንገድን በተለዋጭነት ይጠቀሙ ብለዋል፡፡እነዚህ ተለዋጭ መንገዶች ረጅም ቢሆኑም የተሰበረው ድልድይ እስኪጠገን ብቸኛው አማራጭ ይኸው ነው ተብሏል፡፡

አሮጌውና ትልቁ የአቃቂ ድልድይም መሰነጣጠቅ እየገጠመው ስለሆነ ከ3 ቶን በላይ ክብደት ያላቸው መኪኖች እንዳይጓጓዙበት የአዲስ አበባ መንገዶች ባለሥልጣን ማስጠንቀቁን ነግረናችሁ ነበር፡፡

ወንድሙ ሀይሉ

አስተያየት ይፃፉ (0 አስተያየት)

ሐምሌ 20፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የኮሪያ አለም አቀፍ የጤና አጠባበቅ ፋውንዴሽን በኢትዮጵያ ለሚገኙ የልብ ታማሚ ህፃናት ህክምና ሊያደርጉ ነው ተባለ፡፡ (ምህረት ስዩም)
  • በአቃቂ የሚገኘው ትንሹ ድልድይ ከአገልግሎት ውጭ ሆነ፡፡ (ወንድሙ ኃይሉ)
  • በቅርቡ ከአደጋ መዝገብ በተፋቀው በሰሜን ተራሮች ብሔራዊ ፓርክ የብርቅዬ የዱር እንስሣት ብዛቱ እየጨመረ መሆኑ ተነገረ፡፡ (ንጋቱ ረጋሣ)
  • በ40/60 የጋራ መኖሪያ ቤት ግንባታ ከተሰማሩ ተቋራጮች 7ቱ ውላቸው መቋረጡ ተሠማ፡፡ (ዮሐንስ የኋላወርቅ)
  • በስርቆት ወንጀል የተጠረጠረው ተከሣሽ የፖሊስ አባል በእሥር ተቀጣ፡፡ (ምህረት ስዩም)
  • ለኢትዮጵያ ባለውለታ የውጭ አገር ሰዎች የትውልደ ኢትዮጵያ ፓስፓርት ሊሰጣቸው ነው፡፡ (የኔነህ ሲሣይ)
  • በዚህ አመት ከቆዳና የቆዳ ግብዓቶች የወጭ ንግድ ለማግኘት ከታቀደው ገቢ የተሳካው 42 በመቶው ብቻ ነው ተባለ፡፡ (ትዕግሥት ዘሪሁን)
  • ዘንድሮ በእሣትና ድንገተኛ አደጋዎች 82 ሰዎች ሕይወታቸውን አጡ፡፡ (ወንድሙ ኃይሉ)
  • ኢትዮጵያ በተጠናቀቀው በጀት ዓመት የስጋ፣ የማርና ሰም የእንስሣት መኖና የወተት ምርቶችን ወደ ውጭ ልካ 104 ሚሊዮን ዶላር ገቢ አግኝታለች ተባለ፡፡ (አስፋው ስለሺ)
  • የስዊድን መንግሥት በኢትዮጵያ ለሚሰሩ የአካባቢ ጥበቃ ሥራዎችና በድህነት ውስጥ ያሉ ኢትዮጵያውያን መደገፊያ ከ2 ቢሊየን ብር በላይ የገንዘብ ድጋፍ አደረገ፡፡ (ምህረት ስዩም)
  • መንግሥት በ2009 በጀት ዓመት የፈፀመው ግዢ ከቀዳሚው ዓመት በግማሽ ያነሰ ነው ተባለ፡፡ (ትዕግሥት ዘሪሁን)
  • የምግብ ዋስትናን ለማጠናከር የታለመ መርሐ-ግብር ይፋ ተደረገ፡፡ (ምሥክር አወል)
አስተያየት ይፃፉ (0 አስተያየት)
Sheger 102.1 AudioNow Numbers