• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 27፣2012/ የብሪታንያው ጠቅላይ ሚኒስትር ቦሪስ ጆንሰን ወደ ሆስፒታል መግባታቸው ተነገረ

የብሪታንያው ጠቅላይ ሚኒስትር ቦሪስ ጆንሰን በኮሮና ቫይረስ መያዛቸው ተረጋግጦ ራሳቸውን ከለዩ 10 ቀናት ቢሞላቸውም፤ህመማቸው ለውጥ ስላላሳየ ወደ ሆስፒታል መግባታቸው ተነገረ።
አስተያየት ይፃፉ (0 አስተያየት)

መጋቢት 27፣2012/ በኮሮና ቫይረስ መያዛቸው ተረጋግጦ፣ በለይቶ ማከሚያ ገብተው በጽኑ ሕክምና ክፍል ክትትል ሲደረግላቸው የነበሩት የ56 ዓመት የአዲስ አበባ ነዋሪ ማረፋቸውን የጤና ሚኒስትሯ ተናገሩ

መጋቢት 24፣2012 ወደ ለይቶ ማከሚያ የገቡት እነዚህ ግለሰብ ያረፉት ዛሬ ከምሽቱ 12:00 ሰዓት ላይ መሆኑን የጤና ሚኒስቴር እና የማኅበረሰብ ጤና ኢንስቲትዩት የጋራ መግለጫ አመልክቷል።በዛሬው ዕለት ቀደም ሲል፣ ከመጋቢት 22 ጀምሮ በለይቶ ማከሚያ ገብተው፣ የጽኑ ታማሚ ሕክምና በመከታተል ላይ የነበሩ የ60 ዓመት ሴት ማረፋቸውን ተቋማቱ ማሳወቃቸው ይታወሳል።

በዚህም መሠረት በኮሮና ቫይረስ ሳቢያ በሀገራችን ሕይወታቸው ያለፉ ሰዎች ቁጥር 2 ደርሷል።
ዘከሪያ መሐመድ
አስተያየት ይፃፉ (0 አስተያየት)

መጋቢት 27፣2012/ በቤጂንግ የኢትዮጵያ ኤምባሲ ከዲፕሎማቶች እና ከሌሎች ኢትዮጵያውያን የኮሮና ቫይረስ ስርጭት በሀገር ቤት እንዳይበረታ ከ 452,589 በላይ ዩዋን መሰብሰቡን ተናግሯል

የኢትዮጵያ መንግስት የሚሰራውን ለማገዝ በቤጂንግ ኤምባሲ በሻንሃይ ጓንዦ እና ቾንችን ያሉ ቆንስላ ጽ/ቤት ዲፕሎማቶች የአንድ ወር ደሞዛቸውን እንደለገሱ ሰምተናል።ከቤጂንግ የኢትዮጵያ ኤምባሲ አባላት ከ 9,000 በላይ ዩዋን ተሰብስቧል ተብሏል።በቻይና በትምህርት ላይ የሚገኙ ኢትዮጵያውያን እና በዚያ ከሚኖሩ ዜጎች ከ 100,000 በላይ ዩዋን መሰብሰቡን ኤምባሲው ተናግሯል።

በቫይረሱ ለተያዘ ወገንም የህክምና መሳሪያዎች ገዝቶ ወደ ኢትዮጵያ ለመስደድ ምርቶች እየተሰበሰቡ እና እየተፈለጉ መሆኑ ተሰምቷል።የተሰበሰበው ገንዘብ ይህንኑ ቫይረስ ለመከላከል እና ለመቊጣጠር ለቋቋመው ብሔራዊ ሐብት አሰባሳቢ ግብረ ሃይል መላኩንም ከኤምባሲው የመረጃ መረብ አንብበናል።

ከተደረገው ድጋፍ እና ከተሰበሰበው ገንዘብ በተጨማሪም ከተማሪዎች ከነዋሪዎች እና ከ ኤምባሲው ቆንስላ ጽ/ቤቶች የተውጣጣ ቡድን በቻይና ከሚገኙ የተለያዩ የመንግስት መስሪያ ቤቶች እና ግለሰቦች ተጨማሪ የገንዘብና የመሳሪያ ድጋፍ ለማሰባሰብ እየሰሩ ነው ተብሏል።

ተህቦ ንጉሴ
አስተያየት ይፃፉ (0 አስተያየት)

መጋቢት 27፣2012/ በሀገራችን በኮሮና ቫይረስ በሽታ COVID19 ምክንያት አንድ ታማሚ ህይወታቸው ማለፋ ተነገረ

አንዲት የ60 ዓመት ታማሚ መጋቢት 19 ፣2012 ዓ.ም በኮሮና ቫይረስ በሽታ ምልክት ታይቶባቸው በለይቶ ማከሚያ ገብተው የህክምና እርዳታ እየተደረገላቸው የነበረ ሲሆን በመጋቢት 22፣2012 ዓ.ም በኮሮና ቫይረስ እንደተገኘባቸው መረጋገጡ ይታወሳል፡፡ይሁንና ከመጋቢት 22 አንስቶ ላለፉት 6 ቀናት በፅኑ ህክምና ላይ የነበሩ ሲሆን በዛሬው እለት ህይወታቸው አልፏል፡፡

ህብረተሰቡ በዚህ ሳይደናገጥ ለተለያዩ ጉዳዮች በአንድ ቦታ መሰባሰብን በማስወገድ፣ እጅን አዘውትሮ በመታጠብ፣ በአካል ንክኪ የሚደረግ ሰላምታን በመተውና አካላዊ መራራቅን (ቢያነስ አንድ ሜትር) ተግባራዊ በማድረግ የበሽታውን ስርጭት እንዲከላከል በጥብቅ እናሳስባለን፡፡
አስተያየት ይፃፉ (0 አስተያየት)

መጋቢት 27፣2012/ ደቡብ ሱዳን የመጀመሪያ ነው የተባለውን የኮቪድ-19 ተጠቂ ማግኘቷን ይፋ አደረገች

በሀገሪቱ ፕሬዚደንት ጽሕፈት ቤት ስር የተቋቋመው የኮቪድ-19 ከፍተኛ ግብረኃይል ዛሬ ባወጣው መግለጫ፣ የሀገሪቱ የማኅበረሰብ ጤና ላቦራቶሪ ቅዳሜ ዕለት አንድ ግለሰብ የኮቪድ-19 ምርመራ ተደርጎለት ውጤቱ ፖዘቲቭ መሆኑ ተረጋግጧል ብሏል። የትኩሳት፣ የሳል፣ የራስ ምታትና የትንፋሽ መቃተት ምልክቶችን አሳይቶ የነበረው ይኸው ግለሰብ ከሦስት ቀናት በፊት (April 2፣2020) ወደ መንግሥታቱ ድርጅት ክሊኒክ ተልኮ እንደነበር በመግለጫው ተጠቅሷል።

የሀገሪቱ የጤና ሚኒስቴር ፈጣን ምላሽ ቡድን ያንኑ ዕለት ወደ ክሊኒኩ በመሄድ ናሙና ከወሰደ በኋላ ባደረገው ምርመራ፣ ቀዳሚውም ሆነ የመጨረሻ የማረጋገጫ ውጤቱ ፖዘቲቭ ሆኖ ማግኘቱን ዛሬ (እሁድ) ይፋ ባደረገው መግለጫ ጠቅሷል።የመጀመሪያ ነው የተባለው ግለሰብ ቫይረሱን ከየት እንዳገኘው፣ ወይም የውጭ ሀገር የጉዞ ታሪክ ያለው ስለመሆን ወይ አለመሆኑ መግለጫው አልጠቀሰም።

ዘከሪያ መሐመድ
አስተያየት ይፃፉ (0 አስተያየት)

መጋቢት 27፣2012/ በ24 ሰዓት ውስጥ ለ59 ሰዎች ላብራቶሪ ምርመራ ተደርጎ 5 ሰዎች በቫይረሱ መያዛቸው ተረጋግጧል

በ24 ሰዓት ውስጥ ለ59 ሰዎች ላብራቶሪ ምርመራ ተደርጎ 5 ሰዎች በቫይረሱ መያዛቸው ተረጋግጧል።ከእነዚህም ውስጥ ሶስቱ ኢትዮጵያውያን፣ አንድ ኤርትራዊ፣ እና አንድ ሊቢያዊ ናቸው።አጠቃላይ ቁጥሩም 43 ደርሷል።
አስተያየት ይፃፉ (0 አስተያየት)

መጋቢት 26፣ 2012/ በኤርትራ ዛሬ (መጋቢት 26) በተካሄደ ምርመራ 7 ሰዎች 5 ሴቶች እና 2 ወንዶች በCOVID-19 ቫይረስ የተያዙ መሆናቸው መረጋገጡን የሀገሪቱ የጤና ሚኒስቴር ተናገረ

በኤርትራ ዛሬ (መጋቢት 26) በተካሄደ ምርመራ 7 ሰዎች 5 ሴቶች እና 2 ወንዶች በCOVID-19 ቫይረስ የተያዙ መሆናቸው መረጋገጡን የሀገሪቱ የጤና ሚኒስቴር ተናገረ።ከሕሙማኑ ስድስቱ፣ ሀገሪቱ በመንገደኛ በረራዎች ላይ እግድ ከመጣሏ በፊት ከባህር ማዶ ወደ ኤርትራ ገብተው በለይቶ ማቆያ ውስጥ የነበሩ መሆናቸውን፣ ሰባተኛው ግን በሀገር ውስጥ በቫይረሱ የተያዘ መሆኑን ሚኒስቴሩ ባወጣው መግለጫ ጠቅሷል።

የሕሙማኑ ዕድሜ ከ21 እስከ 69 ዓመት እንደሆነም ሚኒስቴሩ ጠቅሷል። ይህም በኤርትራ እስከዛሬዋ ዕለት ድረስ በቫይረሱ መያዛቸው የተረጋገጡትን ሰዎች ጠቅላላ ቁጥር 29 አድርሶታል።ሁሉም ሕሙማን አስፈላጊ ሕክምና እየተደረገላቸው መሆኑን የጤና ሚኒስቴሩ መግለጫ ጠቁሟል።

ዘከሪያ መሐመድ
አስተያየት ይፃፉ (0 አስተያየት)

መጋቢት 26፣ 2012/ የሚኒስትሮች ምክር ቤት በዛሬው ዕለት በቪዲዮ ባካሄደው 81ኛ መደበኛ ስብሰባ በ2 አጀንዳዎች ላይ ተወያይቶ ውሳኔ ማሳለፉን የጠቅላይ ሚኒስትሩ ጽህፈት ቤት ተናግሯል

የሚኒስትሮች ምክር ቤት በዛሬው ዕለት በቪዲዮ ባካሄደው 81ኛ መደበኛ ስብሰባ በ2 አጀንዳዎች ላይ ተወያይቶ ውሳኔ ማሳለፉን የጠቅላይ ሚኒስትሩ ጽህፈት ቤት ተናግሯል፡፡ምክር ቤቱ በቅድሚያ የተወያየው የኤሌክትሮኒክ ግብይትን (Electronic Transaction) ለመደንገግ በቀረበ ረቂቅ አዋጅ ላይ ነው።አዋጁ፣ ከዚህ በፊት የወረቀት ገንዘብን መሠረት አድርገው ሲፈጸሙ የነበሩ የግብይትና የመንግሥት አገልግሎቶች በኤሌክትሮኒክ መልኩ ሕጋዊ እውቅና አግኝተው ሥራ ላይ እንዲውሉ የሚያደርግ ነው ተብሏል።

ምክር ቤቱ በረቂቅ አዋጁ ላይ በስፋት ከተወያየ በኋላ፣ማስተካከያዎችን በማከል አዋጁ እንዲፀድቅ ለሕዝብ ተወካዮች ምክር ቤት እንዲተላለፍ በሙሉ ድምጽ መወሰኑ ተሰምቷል።በመቀጠልም ምክር ቤቱ የኤካ ኮተቤ ሆስፒታልን ለማቋቋም በቀረበ ረቂቅ ደንብ ላይ ተወያይቷል።

ረቂቅ ደንቡ፣ ሆስፒታሉ የተቀናጀ፣ ጥራቱን የጠበቀ፣ ተገልጋይ ተኮርና ተደራሽነት ያለዉ የአዕምሮና የአካል ሕክምና አገልግሎቶችን አቀናጅቶ የሚሰጥ ሆኖ እንዲቋቋም በጤና ሚኒስቴር የቀረበ ረቂቅ ደንብ ሲሆን፣ ምክር ቤቱም በረቂቅ ደንቡ ላይ ከተወያየ በኋላ ደንቡ በነጋሪት ጋዜጣ ታትሞ ሥራ ላይ እንዲውል በሙሉ ድምጽ ወስኗል።

ዘከሪያ መሐመድ
አስተያየት ይፃፉ (0 አስተያየት)

መጋቢት 26፣2012/ በኮሮናቫይረስ የተያዙ 3 ተጨማሪ ሰዎች መገኘታቸው ተነገረ

በኢትዮጵያ ባለፉት 24 ሰዓት ውስጥ የላቦራቶሪ ምርመራ ከተደረገላቸው 89 ሰዎች ውስጥ 3 ሰዎች በኮሮናቫይረስ መያዛቸው ተረጋገጠ።ከዚህ ቀደም በቫይረሱ መያዛቸው የተረጋገጠው የ85 ዓመት ኢትዮጵያዊ አዛውንት አገግመዋል።ባለፉት 24 ሰዓት ውስጥ የተገኙትን ሶስት ሰዎች ጨምሮ በኢትዮጵያ ውስጥ በኮሮናቫይረስ የተያዙ ሰዎችን ቁጥር 38 እንደደረሰ ታውቋል።የጤና ሚኒስትሯ ዶ/ር ሊያ ታደሰ እንደገለጹት፤ ዛሬ በቫይረሱ መያዛቸው የተረጋገጡት ሦስቱም ግለሰቦች የውጭ አገሮች ጉዞ ታሪክ ያላቸውና ሁሉም በአዲስ አበባ የሚገኙ ናቸው።

''የመጀመሪያው ግለሰብ የ29 ዓመት ወንድ ሲሆን መጋቢት 10 ቀን፣2012 ዓ.ም ከዱባይ የመጣና በበሽታ ከተያዘ ሰው ጋር የቅርብ ንክኪ የነበረው ነው'' ብለዋል።ሁለተኛው የ34 ዓመት ወንድ መጋቢት 23፣2012 ዓ.ም ከዱባይ የመጣና በማቆያ የነበረና በቫይረሱ ከተያዘ ሰው ጋር የቅርብ ንክኪ የነበረው መሆኑ ታውቋል።

ሶስተኛዋ የ35 ዓመት ሴት በመጋቢት 25፣2012 ከስውዲን የመጣችና በማቆያ የነበረች መሆኗን ገልጸዋል።ዛሬ ከቫይረሱ ያገገሙትን የ85 አዛውንት ጨምሮ በድምሩ 4 ሰዎች ከቫይረሱ ማገገማቸውን ዶክተር ሊያ ጠቁመዋል።በአዲስ አበባና አዳማ እስካሁን ናሙናቸው ከተወሰደው የ641 ሰዎች የኮሮና ቫይረስ ምርመራ ውጤት የደረሰ ሲሆን፤ ከዚህም ውስጥ 510 ከቫይረሱ ነጻ መሆናቸው ተጠቁሟል። የቀሪዎቹ ውጤትም እየተጠበቀ መሆኑም ተገልጿል።
አስተያየት ይፃፉ (0 አስተያየት)

መጋቢት 25፣ 2012/ ወረርሽኙን መገናኛ ብዙሃን እንዴት እየዘገቡት ነው? ምንስ ይጠበቅባቸዋል?

የኮሮና ቫይረስ ወረርሽኝን ለመግታትና አሁን እስካለበት ደረጃ ድረስ መረጃ በማቀባበሉ ሂደት የመገናኛ ብዙሃን ሚና ምትክ የለሽ ነው ማለት ይቻላል፡፡እንዲህ ባለ ወቅት የመገናኛ ብዙሃን ከሚኖራቸው አዎንታዊ ጫና አሉታዊውም የዛኑ ያህል ጉዳቱ ከባድ እንደሚሆን ያየናቸው፣ የታዘብናቸው ጉዳዮች አሉ፡፡ ለመሆኑ፣ በርካቶች ቀልባቸውን ለመገናኛ ብዙሃን በሰጡበት በአሁኑ ጊዜ መገናኛ ብዙሃን እንዴት እየዘገቡት ነው? ምንስ ይጠበቅባቸዋል ሲል በየነ ወልዴ የአዲስ አበባ ዩኒቨርስቲ የጋዜጠኝነትና ተግባቦት ት/ቤት መምህራንን ጠይቋል፡፡

አስተያየት ይፃፉ (0 አስተያየት)

መጋቢት 25፣2012/ ከአኗኗራችን ሁኔታና በምርመራ ሂደት ካለፉ ሰዎች ቁጥር አናሳነት አንፃር የከፋ ነገር የምንሰማው ገና ወደፊት ነው የሚል ስጋት አንዣብቧል

ከሶስት ሳምንት በፊት የኮሮና ቫይረስ በኢትዮጵያ ተገኘ ተባለ፡፡ እያለ እያለ ዛሬ ላይ 35 ሰዎች መያዛቸው ምንም እንኳን የሞት አደጋ ባይኖርም ከሌሎች ሀገሮች አንፃር ይህ የቫይረሱ ስርጭት ዝቅተኛ የሚባል ነው፡፡ይሁንና ከአኗኗራችን ሁኔታ እና በምርመራ ሂደት ያለፉ ሰዎች ቁጥር አናሳነት አንፃር የከፋ ነገር የምንሰማው ገና ወደፊት ነው የሚል ስጋት አንዣብቧል፡፡

የስጋቱን ደረጃ ከፍ የሚያደርገው ደግሞ ምንም ዓይነት የጉዞ ታሪክ የሌላቸው ሰዎችም በቫይረሱ መያዛቸው እንደሆነ መታዘብ ይቻላል፡፡ በዚህ ጉዳይ ማህሌት ታደለ ከኢትዮጵያ ህብረተሰብ ጤና ኢንስቲትዩት ባለሙያ አነጋግራለች፡፡

አስተያየት ይፃፉ (0 አስተያየት)
Sheger 102.1 AudioNow Numbers