• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጥቅምት 17፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • የዘውዲቱ ሆስፒታል የኩላሊት እጥበት ህክምና ከፊታችን ሣምንት ጀምሮ ለመስጠት መዘጋጀቱን ተናገረ፡፡ (ንጋቱ ሙሉ)
  • የአዲስ አበባ ነዋሪ ለአካባቢ ልማት ማገዣ ብሎ ከዕለት ጉርሱ ከፍሎ በ5 ዓመት ውስጥ 2 ቢሊዮን ብር ገደማ ማዋጣቱ ተነገረ፡፡ (ህይወት ፍሬስብሃት)
  • የአሽከርካሪ ብቃት ማረጋገጫ ረቂቅ አዋጁ በሦስት ነገሮች ላይ ትኩረት አድርጐ እንደተሻሻለ የፌዴራል ትራንስፖርት ባለሥልጣን ተናገረ፡፡ (ፍቅርተ መንገሻ)
  • መንግሥት ለእርሻ ኢንቨስትመንት መሬት እና ብድር ወስደው ያልሰሩትን ላስመልሳቸው ነው አለ፡፡ (ዮሐንስ የኋላወርቅ)
  • የሰብዓዊ መብት ኮሚሽን ከአስቸኳይ ጊዜ አዋጁ ጋር ተያያዥነት ያላቸው አቤቱታዎች ደርሰውኝ እያጣራኋቸው ነው አለ፡፡ (ተኀቦ ንጉሴ)
  • በኢትዮጵያ የደን ሽፋኑን ለመጨመር ጥረት እየተደረገ መሆኑን የአካባቢና የደን ሚኒስትሩ ተናገሩ፡፡ (ምሥክር አወል)
  • ሸገር የከተማ አውቶብስ አገልግሎት በአዲስ አበባ የሕዝብ መጓጓዣ ዕጥረት ወደሚታይባቸው አካባቢዎች አዳዲስ መሥመሮችን እየከፈትኩ ነው አለ፡፡ (መሠረት በዙ)
  • ዳሽን ባንክ ባለፈው የበጀት ዓመት 727 ሚሊዮን ብር በላይ አተረፍኩ አለ፡፡ (ንጋቱ ሙሉ)
  • ከሴቶች መብትና ጥቅም ጋር በተገናኘ በፌዴራል ጠቅላይ ፍርድ ቤት ሰበር ሰሚ ችሎት አስገዳጅ የህግ ትርጉም የተሰጠባቸው የተመረጡ ውሣኔዎች ሰነድ ዛሬ ይፋ ተደረገ፡፡ (ትዕግስት ዘሪሁን)
አስተያየት ይፃፉ (0 አስተያየት)

በሀገሪቱ ተከስቶ የነበረው የሰላም መደፍረስ ክፉኛ ከጐዳቸው ዘርፎች መካከል ቱሪዝም ዋነኛው መሆኑ ተነገረ

በሀገሪቱ ተከስቶ የነበረው የሰላም መደፍረስ ክፉኛ ከጐዳቸው ዘርፎች መካከል ቱሪዝም ዋነኛው መሆኑ ተነገረ፡፡ ዘርፉ ፈጥሯቸው ከነበሩ የሥራ እድሎች እስከ አገልግሎት ሰጪዎች ላይ ጥቃትን አስተናግዷል፡፡ ለአብነትም ስምጥ ሸለቆ አካባቢ ሎጆች ላይ የደረሰ ጥቃት ተጠቅሷል፡፡

የቱሪስቶች ፍልሰትንም አስተጓጉሏል፣ በተለይ በጐንደር አካባቢ ክፉኛ ተስተጓጉሎ እንደነበር የባህልና ቱሪዝም ሚኒስትሯ ኢንጂነር አይሻ መሀመድ ተናግረዋል፡፡መንግሥት ዘርፉ ወደነበረበት እንዲመለስና እንዲያገግም መዘጋጀቱንም ግልፅ አድርገዋል፡፡ ሚኒስትሯ አስጐብኚዎች የሚገጥማቸውን ችግሮችና ፈተናዎች ጠቁሙን፣ ምን ብናደርግስ መሰል ችግሮችን ማለፍ እንችላለን ሲሉ ተወያዬችን ጋብዘዋል፡፡

ተወያዬቹም ዘርፉ ሰላም በሌለበት እንቅስቃሴው የተገታ ነው፤ ለዚህም የአስቸኳይ ጊዜ አዋጁን እንደሚደግፉትና አንፃራዊ ለውጥ ለዘርፉ እንዳመጣላቸው ተናግረዋል፡፡ሆኖም ግን አሁንም ወደነበረበት ለመመለስ ብዙ መሰራት እንደሚጠበቅ ጠቁመዋል፡፡

የአስጐብኚ ድርጅቶች ተወካዬች ተደጋጋሚ የጉዞ ስረዛ እንደሚገጥማቸው ለሚኒስትሯ ነግረዋቸዋል፡፡

ለዚህም የዲፕሎማቶች ከ40 ኪሎ ሜትር በላይ ስትጓዙ አሳውቁን የሚለውን የአስቸኳይ ጊዜ አዋጅ ክፍል ኤምባሲዎች በአሉታዊ ጐን ተመልክተውት ወደ ሀገር ቤት ለጉብኝት ለሚመጡ ቱሪስቶች አሉታዊ መልዕክት ስለሚያስተላልፉ ነው ተብሏል፡፡

ቱሪስቶችን ዲፕሎማቶች ናችሁ አይደላችሁም የሚሉ ፍተሻዎችና መጉላላቶች በዝተውብናል ሲሉም እንደ ችግር አንስተዋል፡፡

ተጨማሪ ያንብቡ...

አስተያየት ይፃፉ (0 አስተያየት)

በሚኒስትርነትና በአምባሳደርነት ለአገራቸው አገልግሎት ያበረከቱት እና የኢትዮጵያ ወንጌላዊት ቤተ ክርስቲያን መካነ እየሱስ ፕሬዝደንት የነበሩት አቶ አማኑኤል አብርሃም አረፉ፡

ከወንጌላዊት ቤተ ክርስቲያን የክብር ዶክትሬት ያገኙት አቶ አማኑኤል ያረፉት በ103 አመታቸው ነው፡፡በወለጋ ቦጂ ወረዳ የተወለዱት አቶ አማኑኤል በስዊድን ወንጌላዊት ሚስዮን ትምህርት ቤት እና በተፈሪ መኮንን ትምህርት ቤት ዘመናዊ ትምህርትን ተከታትለዋል፡፡ በሐረርጌ አሰበተፈሪ ለመጀመሪያ ጊዜ ለተሰራው ትምህርት ቤት በሥራ መሪነት የሥራ አገልግሎታቸውን የጀመሩት አቶ አማኑኤል ወደ እንግሊዝ አገር የኤምባሲ ፀሐፊነት ተዘዋውረው አገልግለዋል፡፡

ከኢጣሊያ ወረራ በፊት ጀምሮ በፀሐፊነትና በእንግሊዝ፣ ህንድ፣ በኢጣሊያ ለ21 አመታት በሙሉ ሥልጣን አምባሳደርነት አገልግለዋል፡፡ከዚያም በኋላ ለ14 አመታት በመገናኛ፣ በማዕድን እና በልዩ ካበኔ ሚኒስትር ሆነው ሰርተዋል፡፡ከመንግሥት የሥራ ኃላፊነታቸው ጋርም የኢትዮጵያ ወንጌላዊት ቤተክርስቲያን የመካነ እየሱስ ፕሬዝዳንት ሆነው ለተከታታይ 22 አመታት በመንፈሳዊ መሪነታቸው ቆይተዋል፡፡

በመንፈሳዊ መሪነታቸው በቆዩባቸው አመታትም በሀገር ውስጥና በአለም አቀፍ መድረክ ቤተ ክርስቲያኗ ህጋዊ እውቅና እንድታገኝ ከፍተኛ ጥረት ያደረጉ መሆናቸው ይነገርላቸዋል፡፡አቶ አማኑኤል አብርሃም ያረፉት ጥቅምት 12 ሲሆን የቀብራቸው ሥነ-ስርዓት ነገ በጴጥሮስ ወጳውሎስ መካነ መቃብር ከቀኑ 8 ሰዓት እንደሚፈፀም ለመረዳት ችለናል፡፡

ፍቅርተ መንገሻ

አስተያየት ይፃፉ (1 Comment)

ባለፈው በጀት ዓመት የተዘጉ የ30 የበጐ አድራጐት ድርጅቶችና ማህበራት ንብረት ተመሳሳይ አላማ ላላቸው መሰሎቻቸው እንዲተላለፍ ተደርጓል ተባለ

የበጐ አድራጐት ድርጅቶችና ማህበራት በተለያየ ምክንያት ሲዘጉ ንብረቶቻቸው መሰል ወይም ተቀራራቢ አላማ ላላቸውና በሥራ ላይ ለሚገኙ ሌሎች መሰሎቻቸው እንዲተላለፍ ይደርጋል፡፡በዚሁ መሠረት አምና የተዘጉ የ30 የበጐ አድራጐት ድርጅቶችና ማህበራት ንብረቶች ተመሳሳይ ወይም ተቀራራቢ አላማ ላላቸው ሌሎች ድርጅቶችና ማህበራት መተላለፉ ተነግሯል፡፡

ድርጅቶቹና ማህበራቱ በገንዘብ ማጣት፣ በራሳቸው ጥያቄና እንቅስቃሴ ላይ ባለመሆናቸው የተዘጉ እንደሆነም ከበጐ አድራጐት ድርጅቶችና ማህበራት ኤጀንሲ ሰምተናል፡፡የኤጀንሲው ኮሙኒኬሽን ዳይሬክተር አቶ መስፍን ታደሰ እንዳሉት በዘንድሮው በጀት ዓመት የመጀመሪያ ሦስት ወራትም 12 የበጐ አድራጐት ድርጅቶችና ማህበራት ተዘግተዋል፡፡

ድርጅቶቹና ማህበራቱ የተዘጉት በበጀት ማጣት፣ በራሳቸ ጥያቄና ምንም እንቅስቃሴ ባለማድረጋቸው ነው ብለዋል፡፡ስድስት ድርጅቶችና ማህበራት ደግሞ ከመጀመሪያ እስከ መጨረሻ ማስጠንቀቂያ እንደተሰጣቸው ነው የነገሩን፡፡

ንጋቱ ረጋሳ
አስተያየት ይፃፉ (0 አስተያየት)

ጥቅምት 16፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በአሳሳቢ ደረጃ ላይ የሚገኙት ሦስት ብሔራዊ ፓርኮች ዳግም ክለሳ እየተደረገላቸው ነው፡፡ (ወንድሙ ኃይሉ)
  • ሰማይ ዝናብ አሳጥቶ ድርቅ ለጐበኛቸው ኢትዮጵያውያን መርጃ ይሆን ዘንድ ካናዳ 35 ሚሊዮን ዶላር ሰጥቼአለሁ ስትል ተናገረች፡፡ (ዮሐንስ የኋላወርቅ)
  • አዲስ አበባ ከአተት በሽታ እፎይ ብትልም ከሌሎች ቆሻሻ ወለድ ስጋቶች አልተላቀቀችም ተባለ፡፡ (መሠረት በዙ)
  • በኢትዮጵያ የተለያዩ አካባቢዎች ተከስቶ በሰነበተው ሁከት የተጐዳውን የቱሪዝም ዘርፍ ወደነበረበት ለመመለስ ጠንክሮ መሥራት እንደሚገባ የባሕልና ቱሪዝም ሚኒስትሯ ተናገሩ፡፡ (ምሥክር አወል)
  • ባለፈው በጀት ዓመት የተዘጉ የ30 የበጐ አድራጐት ድርጅቶችና ማህበራት ንብረት ተመሳሳይ አላማ ላላቸው መሰሎቻቸው እንዲተላለፍ ተደርጓል ተባለ፡፡ (ንጋቱ ረጋሣ)
  • የአውሮፓ ኅብረት ኢትዮጵያን ጨምሮ ለምሥራቅ አፍሪካ አገሮች ድርቅና የአየር ለውጥ ያስከተሉትን ተፅዕኖ ለማቃለል ከ66 ሚሊዮን ዩሮ በላይ መመደቡ ተሠማ፡፡ (የኔነህ ሲሣይ)
  • ከፍተኛ ዲፕሎማትና የኢትዮጵያ ወንጌላዊት ቤተ ክርስቲያን ፕሬዝዳንት የነበሩት አቶ አማኑኤል አብርሃም ከዚህ ዓለም በሞት ተለዩ፡፡ (ፍቅርተ መንገሻ)
አስተያየት ይፃፉ (0 አስተያየት)

የታቀደው ከሰመረ የአዲስ አበባን ደረቅ ቆሻሻ ወደ ሀይል ተቀይሮ ከ4 ወር በኋላ ታዩታላችሁ ተባለ

ከዛሬ 2 ዓመት በፊት መጠናቀቅ ሲገባው እስከ መጪው የካቲት ወር ድረስ የተሸጋገረው የአዲስ አበባ ደረቅ ቆሻሻ ወደ ሀይል ለዋጩ ሥራ በተለያዩ ምክንያቶች መጓተቱን የቆሻሻ መልሶ መጠቀምና ማስወገድ ፕሮጀክት ጽ/ቤት ኃላፊ አቶ ነጋ ፋንታሁን ለሸገር ተናግረዋል፡፡

የኢትዮጵያ ኤሌክትሪክ ኃይል ቆሻሻውን ወደ ሀይል በመለወጥ 50 ሜጋ ዋት ይገኝበታል ብሎ ግንባታውን ጀምሮታል፡፡ከውጭ የሚመጡ ዕቃዎች በጊዜ ተገዝተው ባለመግባታቸውና የኮንትራክተር የሙያዊ ብቃት በመቸገሩ ግንባታው በጊዜ አለመድረሱን ሰምተናል፡፡የአዲስ አበባ ደረቅ ቆሻሻ ሣይባክን ለተለያዩ አገልግሎቶች እንዲውል የአዲስ አበባ ከተማ አስተዳደር ቆሻሻውን መልሶ የመጠቀም የተለየዩ እቅዶች እንዳሉት ይናገራል፡፡ከነዚህ ዕቅዶቹ አንዱ የሆነው የከተማዋን ቆሻሻ ወደ ሀይል የመቀየር ፕሮጀክት 120 ሚሊዮን ዶላር ወጪ ጠያቂ ነው ተብሏል፡፡በየዕለቱ ከአዲስ አበባ ከተማ የሚወጣው ቆሻሻ መጠን 800 ቶን እንደሚደርስ የፅዳት አስተዳደር ኤጀንሲ ይናገራል፡፡

ከዚህ አለፍ ያለ መጠን ቆሻሻን ወደ ሀይል ቀይሮ ከተማዋ እንድትገለገልበት ያስችላል የተባለው ዘመናዊ ግንባታ መጠናቀቂያው ከመጪው የካቲት አያልፍም መባሉን ሰምተናል፡፡ይህ ግንባታ ከተጠናቀቀ አዲስ አበባ ወደ ሰንዳፋ ላንድ ፊል የምታራግፈው የቆሻሻ መጠን በብዙ እጥፍ እንደሚቀንስ የፅዳት አስተዳደር ኤጀንሲ ኃላፊዎች ከዚህ በፊት በሰጡን ቃለ መጠይቅ ላይ አንስተውልናል፡፡ቆሻሻውን ወደ ሀይል የመለወጡ ሥራ የአሁን ጊዜ ደረጃ ምን ላይ ደርሷል የሚለውን ከኢትዮጵያ ኤሌክትሪክ ኃይል ለመጠየቅ ያደረግነው ሙከራ አልተሣካም፡፡

ሕይወት ፍሬስብሃት
አስተያየት ይፃፉ (0 አስተያየት)

የሚበላና የሚጠጣ ቸግሯቸዋል፤ የምግብ እጥረት አለባቸው የተባሉ አምስት መቶ ሺህ ገደማ ለሚሆኑ ሰዎች ድጋፍ የሚያደርግ ፕሮጀክት ዛሬ ይፋ ሆነ

ኢንስፓየር የተባለውና ለነፍሰጡር፣ ለሚያጠቡና ከአምስት ዓመት በታች ያሉ ህፃናትን የሚያግዘው ፕሮጀክት ተግባራዊ የሚሆነው በአማራና በአፋር ክልል ባሉ 22 ወረዳዎች ነው ተብሏል፡፡ከተጀመረ 6 ወራትን ያስቆጠረውና ለ4 ዓመታት ይቆያል ለተባለው ፕሮጀክት ግሎባል አፌርስ ካናዳ የተባለው የካናዳ አለም አቀፍ ግብረ ሰናይ ድርጅት 30 ሚሊዮን የካናዳ ዶላር የገንዘብ ድጋፍ ማድረጉን ሰምተናል፡፡

በሴፍ ዘ ችልድረን ድርጅት አማካኝነት የሚተገበረው ይህ ፕሮጀክት እገዛ ያስፈልጋቸዋል ላላቸው ሴቶች የወተት ፍየሎችንና የስንዴ ዘር የሚሰጣቸው ሲሆን ለከብቶቻቸውም ህክምናና እንክብካቤ ያደርግላቸዋል ተብሏል፡፡ሰርተው ገንዘብ የሚያገኙበትን ዘዴ የሚፈጠርላቸው ሲሆን በጤና ተቋማትና በባለሙያዎች በኩልም አስፈላጊ የሆነ እንክብካቤና ክትትል እንዲደረግላቸው ለሁሉም ሥልጠና ይሰጣቸዋል መባሉን ሰምተናል፡፡

ዮሐንስ የኋላወርቅ
አስተያየት ይፃፉ (0 አስተያየት)

ከከተሞች መስፋፋት የኢንዱስትሪ እድገትና ከቴክኖሎጂ ምጥቀት ጋር ተያይዞ ዜጐች ረጅም ዕድሜ እየኖሩ የአረጋዊያን ቁጥርም እያደገ ነው ተባለ

የአረጋዊያኑ ቁጥር ጨምሯል ቢባልም እንደ ኢትዮጵያ ባሉ በማደግ ላይ ያሉ ሀገራት ላይ ግን በአረጋዊያኑ ላይ የሚደርሱ ሰው ሰራሽና የተፈጥሮ ችግሮች ጨምረዋል ተብሏል፡፡በአለም አቀፍ ደረጃ የሚከበረው የአረጋዊያን ቀን አስመልክቶ ዛሬ በሰራተኛና ማህበራዊ ጉዳይ ሚኒስቴር በተሰጠው ጋዜጣዊ መግለጫ ላይ ተገኝተን እንደሰማነው በኢትዮጵያ ከ4 ሚሊየን በላይ አረጋዊያን እንደሚገኙና አብዛኛዎቹም ዝቅተኛ የኑሮ ደረጃ ላይ የሚገኙና ለማህበራዊና ኢኮኖሚያዊ ችግሮች የተጋለጡ ናቸው፡፡

የተባበሩት መንግሥታት አረጋዊያን ክብር፣ የጤና እና የማህበራዊ ዋስትና አገልግሎቶች የማግኘት መብት እንዳላቸው ቢያስቀምጥም እነዚህ መብቶች በሙሉ አልተተገበሩም ያሉት የኢትዮጵያ አረጋዊያንና ጡረተኞች ብሔራዊ ማህበር ቦርድ  ሊቀ መንበር አቶ አባሙዳ አበበ ናቸው፡፡

ማህበሩ የአረጋዊያንን መብቶችና ጥቅሞች ለማስከበር ለአስር አመታት ስሰራ ቆይቻለሁም ብሏል፡፡የትውልድ ምሰሶና ዋልታ የሆኑት አረጋዊያን በህብረተሰቡ ውስጥ የማይተካ ድርሻ አላቸው ተብሏል፡፡ከእድሜ መግፋት ጋር ተያይዞ በሚመጣ ህመም፣ ረሀብ፣ የማህበራዊ ዋስትና አገልግሎት እጦት፣ የግጭትና የአደጋ ተጋላጭ መሆን እና ሌሎችም በአረጋዊያኑ ላይ የሚከሰቱ ችግሮች እንደሆኑና ለችግሮቹ ትኩረት ተሰጥቶ ይሰራበታል ያሉት ደግሞ አቶ ረመዳን አሸናፊ የሠራተኛና ማህበራዊ ጉዳይ ሚኒስቴር ሚንስትር ዴኤታ ናቸው፡፡

ተጨማሪ ያንብቡ...

አስተያየት ይፃፉ (0 አስተያየት)

የኢትዮጵያ ንግድ ባንክ የቅርንጫፎቼን ብዛት ጨምሬ የአገልግሎት አሰጣጤን በማዘመኔ ከውጭ የማገኘው የውጭ ምንዛሪዬ ጨምሮልኛል አለ

ባለፉት አምስት ዓመታት በአማካይ እስከ 2 ቢሊየን ዶላር የነበረው የባንኩ የውጭ ምንዛሬ ባሳለፍነው በጀት ዓመት ብቻ ወደ 5 ቢሊየን ዶላር ከፍ እንዳለለት ተናግሯል፡፡ለዚህም ከአሁን በፊት በተወሰኑ የባንኩ ቅርንጫፎች ይሰጥ የነበረው አገልግሎት አሁን በሁሉም ቅርንጫፎች መጀመሩ ለምንዛሬው መጨመር ምክንያት እንደሆነ የባንኩ የኮሙኒኬሽን ኃላፊ አቶ ኤፍሬም መኩሪያ ነግረውናል፡፡

ከዚህም በተጨማሪ ገንዘብ ከውጭ ለሚላክላቸው ሰዎች ባንኩ አንደ ማበረታቻ የሚያቀርባቸውን የሽልማቶች እጣ ቁጥር ዛሬ በብሔራዊ  ሎተሪ ዕጣ ማውጫ አዳራሽ ይፋ አድርጓል፡፡ የአንደኛ ዕጣ የኒሳን መኪና የሚያስገኘው ቁጥር 4301368 ሆኖ ወጥቷል፡፡ከመኪና ዕጣው በተጨማሪ አምስት ደረጃቸውን የጠበቁ ሶፋዎችና 50 ባለ 320 ሊትር ማቀዝቀዣዎች ዕጣም ወጥቷል፡፡

ለሽልማቱ ከ238 ሺህ በላይ ሰዎች በዕጣው ተካትተዋል ተብሏል፡፡የአሁኑ ሽልማት ለ6ተኛ ጊዜ መሆኑንም ሰምተናል፡፡ባንኩ በአሁን ሰዓት ከ1 ሺህ 150 በላይ ቅርንጫፎችና ከ280 ቢሊየን ብር በላይ ተቀማጭ ገንዘብ አለኝ ብሏል፡፡

ምስክር አወል
አስተያየት ይፃፉ (0 አስተያየት)

ጥቅምት 15፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

  • በኢትዮጵያ አረጋዊያን ላይ የሚደርሰው ማኅበረ ምጣኔ-ሐብታዊ ጫና ጨምሯል ተባለ፡፡ (ምህረት ስዩም)
  • የኢትዮጵያ ፖስታ አገልግሎት ድርጅት በጐረቤት ሐገሮች ቅርንጫፎችን ለመክፈት ማሰቡ ተሠማ፡፡ (ምስክር አወል)
  • የሚበላና የሚጠጣ ቸግሯቸዋል፤ የምግብ እጥረት አለባቸው የተባለ አምስት መቶ ሺህ ገደማ ለሚሆኑ ሰዎች ድጋፍ የሚያደርግ ፕሮጀክት ዛሬ ይፋ ሆነ፡፡ (ዮሐንስ የኋላወርቅ)
  • የቀድሞው አለ በጅምላ የአሁኑ የኢትዮጵያ የንግድ ሥራዎች ኮርፖሬሽን አገልግሎቱ መልካም ቢሆንም የዕቃ አቅርቦት ችግር አለበት ተባለ፡፡ (መሠረት በዙ)
  • አዋሽ ኢንተርናሽናል ባንክ በውጭ አገር የገንዘብ ዝውውርና ምንዛሪ በርካታ ደንበኞችን አገልግያለሁ አለ፡፡ (ንጋቱ ሙሉ)
  • ሰው ሰራሽ አካልና የአካል ድጋፍ ለምትፈልጉ ችግረኛ ሰዎች በነፃ ይሰጣችኋል ተብላችኋል፡፡ (ወንድሙ ኃይሉ)
  • ከመንፈቅ በላይ የዘገየው የኢትዮጵያ የንግድና የዘርፍ ማኅበራት ምክር  ቤት ምርጫ በቅርቡ ይካሄዳል ተባለ፡፡ (ንጋቱ ረጋሣ)
  • በአዲስ አበባ ቆሻሻን ወደ ኤሌክትሪክ የሚለውጠው ፕሮጀክት ከጥቂት ወራት በኋላ ሥራ ይጀምራል ተባለ፡፡ (ሕይወት ፍሬስብሃት)
  • የኢትዮጵያ ንግድ ባንክ በ2008 በጀት አመት ከውጭ ምንዛሬ 5 ቢሊዮን ዶላር አገኘሁ አለ፡፡ (ምስክር አወል)
አስተያየት ይፃፉ (0 አስተያየት)

ጥቅምት 11፣2009 የሸገር ወሬዎቻችን

  • የአዕምሮ ጤና ክብካቤ ማህበር የለጋሾችን እጅ እየተጠባበቅኩ ነው አለ፡፡ (ንጋቱ ሙሉ)
  • የአስቸኳይ ጊዜ ኮማንድ ፖስቱ አጥፍተዋል ያላቸውንና በቁጥጥር ሥር የሚያውላቸውን ዜጐች ስም ዝርዝር ለአስቸኳይ ጊዜ አዋጅ መርማሪ ቦርዱ የማሳወቅ ግዴታ አለበት ተባለ፡፡ (ትዕግሥት ዘሪሁን)
  • በጐች እና ፍየሎችን ከያዘ በቀናት ውስጥ የሚገድለው የደስታ መሰል በሽታን ለመከላከል የቁጥጥር ዘመቻ ተጀምሯል ተባለ፡፡ በሽታው በአርብቶ አደር አካባቢዎች መታየቱ ተነግሯል፡፡ (መሠረት በዙ)
  • ያለ ፍርድ ቤት ትዕዛዝ የሚደረግ ብርበራ የማህበረሰብ አቀፍ ፖሊስ አባልና የአካባቢው ነዋሪዎች በሚገኙበት መሆን አለበት ሲል የፌዴራል ጠቅላይ ዓቃቤ ህግ ተናገረ፡፡ (ንጋቱ ሙሉ)
  • የኢትዮጵያ ኤሌክትሪክ ኃይል ከ2 ቢሊዮን ብር በላይ በሚሆን ወጪ የዋና መሥሪያ ቤት ህንፃ ሊገነባ መሆኑ ተሠማ፡፡ (ምሥክር አወል)
  • የኢትዮ ጅቡቲ የባቡር ፕሮጀክት ትናንት ጋዜጠኞችና ሌሎች እንግዶችን ይዞ የሙከራ ጉዞ  አድርጓል፡፡ (ምህረት ስዩም)
አስተያየት ይፃፉ (0 አስተያየት)
Sheger 102.1 AudioNow Numbers