ሸገር ወሬዎች እና ልዩ ወሬዎች

ነሐሴ 8፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

• በሃያት ቁጥር 2 የጋራ መኖሪያ ቤቶች ነዋሪዎች በአካባቢው ዘራፊዎች አማረውናል እያሉ ነው፡፡ የአዲስ አበባ ፖሊስ ኮሚሽን ችግሩ ስለመኖሩ አምኖ መላ ለመፈለግ አዲስ መርሃ-ግብር ጀምሬያለሁ ብሏል፡፡ (ቴዎድሮስ ብርሃኑ)
• በአዳማ ከተማም ቀማኞች አስቸግረዋል ተብሏል፡፡ (ወንድሙ ኃይሉ)
• በኢትዮጵያ ለልብ ቀዶ ህክምና አገልግሎት የሚሰጡ ጥቂት ሃኪሞች ቢኖሩም በህክምና ቦታ መስጫ እጦት ምክንያት እንደልብ እየሰሩ አይደለም ተባለ፡፡ (ትዕግሥት ዘሪሁን)
• በትላልቅ ፕሮጀክቶች ላይ ከዚህ ቀደም ያጋጠመውን አይነት ውድቀት ላለመድገም ፕሮጀክቶች የሚጀመሩት በህዝብ እንደራሴዎች ምክር ቤት ሲፀድቁ ብቻ ነው ተባለ፡፡ (ዮሐንስ የኋላወርቅ)
• የራስ አበበ አረጋይ ቤትና የተፈጥሮ ሐበት ቤተ-መዘክር በቅርስነት ቢመዘገቡም አፍርሱ ተብለናል ባሉ ተቋራጮች እየፈረሱ ነው ተባለ፡፡ (ምሥክር አወል)
• ከየመንግሥት መሥሪያ ቤቶች በሽያጭ የሚወገዱ አሮጌ ጐማዎች የአካባቢ ብክለት የማያደርሱበት መላ እየተጠና መሆኑ ተሠማ፡፡ (ትዕግሥት ዘሪሁን)
• የኢንዱስትሪ ግብዓቶች አቅራቢው መሥሪያ ቤት ድቤ ወስደው ያልከፈሉኝን ፋብሪካዎች ችሎት ልገትራቸው ነው አለ፡፡ (ወንድሙ ኃይሉ)
• ከግል ድርጅቶች ሠራተኞች ከ5 ቢሊዮን ብር በላይ የጡረታ መዋጮ ባለፈው አመት መሰብሰቡ ተሰማ፡፡ (ንጋቱ ረጋሣ)
• ኢትዮጵያ ለጐረቤት ሀገር ልካ ከሸጠችው ኤሌክትሪክ ኃይል ከ1 ነጥብ 7 ቢሊየን ብር በላይ ገቢ ማግኘቷ ተሰማ፡፡ (ዮሐንስ የኋላወርቅ)
• መሠረት በጐ አድራጐት ድርጅት ለ15 ሺ ህፃናት የትምህርት ቁሣቁስ እያሰባሰብኩ ነው አለ፡፡ (ንጋቱ ሙሉ)

የመንግሥት ባለ በጀት መሥሪያ ቤቶች በህዝብ ገንዘብ ቅንጡ ተሽከርካሪዎችን እንዳይገዙ፣ ድል ያለ ድግስ እንዳይደግሱና...

የመንግሥት ባለ በጀት መሥሪያ ቤቶች በህዝብ ገንዘብ ቅንጡ ተሽከርካሪዎችን እንዳይገዙ፣ ድል ያለ ድግስ እንዳይደግሱና ወጪያቸውን እንዲቆጥቡ የሚያደርግ መመሪያ ተላለፈላቸው…መመሪያውን ያወጣው የሚኒስትሮች ምክር ቤት ሲሆን መመሪያውን ያስተላለፈው ደግሞ የገንዘብና ኢኮኖሚ ትብብር ሚኒስቴር ነው፡፡

የህዝብ ግንኙነትና የኮሙኒኬሽን ዳይሬክተሩ አቶ ሃጂ ኢብሳ እንደነገሩን ከተያዘው ወር መጀመሪያ አንስቶ ተግባራዊ ይሆናል በተባለው መመሪያ መሠረት የባለ በጀት መሥሪያ ቤቶቹ ከዚህ በኋላ የቀን መቁጠሪያ ካላንደር፣ አጀንዳ፣ መፅሔቶችን፣ የደስታ መግለጫ ካርዶችን ጨምሮ አላስፈላጊ ናቸው የተባሉ ሕትመቶችን ማሳተም አይችሉም፡፡

ከዚህ ቀደም አንዳንድ የመንግሥት ባለሥልጣናት በውጭ ምንዛሬ እጅግ የተሞላቀቀ አጀንዳ በግል ስማቸው ሁሉ ያሳትሙ ነበር ያሉት አቶ ሃጂ ከእንግዲህ ግን እንዲህ  ያለው ቅብጠት አይታሰብም ነው ያሉት፡፡ከመንግሥት ከፍተኛ ኃላፊዎችና የሌሎች ተቋማት ኃላፊዎች በቀር የሞባይል ካርድ ገዝቶ መሙላት የተከለከለ ሲሆን ለመካከለኛ አመራሮችና ሠራተኞችም በመደበኛ የመሥመር ስልክ በተመጣጣኝ ወጪ ይጠቀሙ ተብሏል፡፡

ተጨማሪ ያንብቡ...

መቀመጫውን አዲስ አበባ ያደረገው የአሜሪካን ኤምባሲ ወደ ጂጂጋ፣ ሀረርና ባቢሌ አሜሪካውያን ጉዞ እንዳያደርጉ ያወጣውን

መቀመጫውን አዲስ አበባ ያደረገው የአሜሪካን ኤምባሲ ወደ ጂጂጋ፣ ሀረርና ባቢሌ አሜሪካውያን ጉዞ እንዳያደርጉ ያወጣውን ማስጠንቀቂያ የኢትዮጵያ መንግሥት መቃወሙ ተሠማ…ኤምባሲው ለዜጎቹ ባወጣው የደህንነት ማስጠንቀቂያው በኢትዮጵያ መንግሥት የፀጥታ ኃይሎች የሀረርና የባቢሌ ዋና መንገድ ዝግ ሆኗል ብሏል፡፡

ኤምባሲው ከአዲስ አበባ ተነስቶ ጂጂጋ ለመድረስ በሚደረገው የዋና መንገድ ጉዞ ላይ በባቢሌና በሀረር አቅራቢያ ግጭት በመፈጠሩና ተኩስ ጭምር በመኖሩ አሜሪካውያን ጉዞ እንዳያደርጉ ምክር መስጠቱ ተነግሯል፡፡የኢትዮጵያ መንግሥት የኮሙኒኬሽን ጉዳዮች ጽህፈት ቤት ኃላፊ ሚኒስትር ዶክተር ነገሬ ሌንጮ ነገሩኝ ብሎ መንግሥታዊው የወሬ ምንጭ የኢትዮጵያ ዜና አገልግሎት እንዳወራው ኤምባሲው ያወጣውን ማስጠንቀቂያ በተመለከተ ሚኒስትሩ ጉዳዩን ሀሰት ብለውታል፡፡

ኤምባሲው ለዜጎቹ ባወጣው የጉዞ ማስጠንቀቂያው ሁል ጊዜም ቢሆን አሜሪካውያን የሀገር ውስጥ የወሬ ተቋምትን መረጃዎችና አካባቢያቸውንም በንቃት እንዲከታተሉ መክሯል፡፡የኢትዮጵያ መንግሥት የኮሙኒኬሽን ጉዳዮች ፅህፈት ቤት ኃላፊ ሚኒስትር ዶክተር ነገሬ ሌንጮ በምሥራቃዊ የኢትዮጵያ አካባቢ ምንም የተዘጋ መንገድ እንደሌለና ግጭትም እንዳልተፈጠረ በመናገር የኤምባሲውን ማስጠንቀቂያ ተቃውሞ ነግሮኛል ሲል የወሬ ምንጩ ተናግሯል፡፡

የኔነህ ሲሳይ

የግል ድርጅቶች ሠራተኞች ማኀበራዊ ዋስትና ኤጀንሲ የሠራተኞቻቸውን የጡረታ መዋጮ በጊዜው ገቢ ያላደረጉ 12 ድርጅቶችን ንብረት...

የግል ድርጅቶች ሠራተኞች ማኀበራዊ ዋስትና ኤጀንሲ የሠራተኞቻቸውን የጡረታ መዋጮ በጊዜው ገቢ ያላደረጉ 12 ድርጅቶችን ንብረት አሳገድኩ አለ፡፡የግል ድርጀቶች ሠራተኞች ማኅበራዊ ዋስትና ኤጀንሲ ስለ ጡረታ መዋጮ በተለያየ መንገድ ለማስተማር እየሞከርኩ ነው ብሏል፡፡ከማስተማር ጎን ለጎን የህግ አግባብን በመከተል የጡረታ መዋጮ ገቢ እንዲሆን ክትትል እንደሚያደርግም ይናገራል፡፡

በተጠናቀቀው በጀት ዓመትም የሠራተኞቻቸውን የጡረታ መዋጮ ገቢ ካላደረጉ 170 የግል ድርጅቶች ሂሣብ ተቀናሽ እንዲደረግ በዋናው መሥሪያ ቤት ለባንኮች ደብዳቤ መፃፉን ሰምተናል፡፡ባንኮቹ ከግል ድርጅቶቹ ሂሣብ ተቀናሽ አድርገው ለኤጀንሲው እንዲያስገቡ የተጠየቁት ከ68 ሚሊየን ብር በላይ እንደሆነ የኤጀንሲው የኮሙኒኬሸን ጉዳዮች ዳይሬክተር አቶ ግዛቸው መንግሥቴ ነግረውናል፡፡ከዚህ ውስጥ ከ119 የግል ድርጀቶች ከ55 ሚሊየን ብር በላይ ገቢ ተደርጓል ብለዋል፡፡ በሪጅን ጽህፈት ቤቶች በተደረገ ተመሣሣይ ክትትልም ከ591 ድርጅቶች ከ46 ሚሊዮን ብር በላይ ወደ ጡረታ ፈንዱ ገቢ መደረጉን ሰምተናል፡፡

የ12 የግል ድርጅቶች ንብረቶች ደግሞ ተጣርቶ በህግ መታደገዱን አቶ ግዛቸው ነግረውናል፡፡ አራቱ ድርጅቶች የነበረባቸውን ውዝፍ የጡረታ መዋጮ ሙሉ ለሙሉ ከፍለው አጠናቀዋል ብለዋል፡፡በሦስት ድርጅቶች በቀረቡ 6 የባለ መብት ክርክሮች ላይ በአምስቱ ለኤጀንሲው መወሰኑንና አንዱ በሂደት ላይ መሆኑን ሰምተናል፡፡

ከ6 ሚሊየን ብር በላይ ውዝፍ የጡረታ መዋጮ እዳ ያለባቸው ሁለት ድርጅቶችን ንብረቶች ለመሸጥ ባንክ ጨረታ ያወጣ ቢሆንም የቀዳሚነት መብቱ የኤጀንሲው እንደሆነ ለባንኩ ማስታወቂያ እንዲደርሰው ተደርጓል ብለዋል፡፡

ንጋቱ ረጋሣ

ነሐሴ 5፣2009 የሸገር ወሬዎቻችን

• የመንግሥት ባለ በጀት መሥሪያ ቤቶች ወጪያቸውን በአግባቡና ሕግን ተከትለው እንዲጠቀሙ ጥብቅ መመሪያ ተሰጣቸው፡፡ (ዮሐንስየኋላወርቅ)
• በለገዳዲ ጥልቅ የውሃ አገልግሎት ማቆም፤ ከ100 ሺ በላይ የአዲስ አበባ ነዋሪዎች ለውሃ እጦት ተጋልጠዋል ተባለ፡፡ (ወንድሙኃይሉ)
• ኢትዮጵያን በተመለከተ አሜሪካ ያወጣችውን የጉዞ ማስጠንቀቂያ የኢትዮጵያ መንግሥት ተቃወመው፡፡ (የኔነህሲሣይ)
• የፌዴራል ዋና ኦዲተር መሥሪያ ቤት ተጠያቂነትን ለማጠናከር ለሚከወነው ሥራ መንግሥትና የህዝብ እንደራሴዎች ምክር ቤት የሚያደርጉትን ድጋፍ ሊያበረቱ ይገባል አለ፡፡ (እሸቴአሰፋ)
• ለህክምና ወደ አዲስ አበባ መጥተው የእለት ጉርስና መጠለያ አጥተው የሚቸገሩ የጥቁር አንበሣ ታካሚዎችን የሚደግፈው ጎጆ የህሙማን ማህበር ለህሙማኑ መጠለያ እንዲሆን ያስገነባው ህንፃ ተጠናቀቀ፡፡ ታካሚዎቹን በመጠለያ ለማሳረፍም ቀሪ ቁሶችን ለማሟላት የሚያስችል የገቢ ማሰባሰቢያ ፕሮግራም አዘጋጅቻለሁ ብሏል፡፡ (ትዕግሥትዘሪሁን)
• በአዲስ አበባ መንገዶች ላይ በየእለቱ ቅሬታ የሚደመጥ ቢሆንም የኛ አካባቢ የንግድ ተቋማትን ተከራይ እስከ ማሳጣት የደረሰ፣ መግቢያ መውጫ ያሳጣ ነው ይላሉ የገርጂ ነዋሪዎች፡፡ (ምሥክርአወል)
• የአፍሪካ የኩባንያ አስተዳደር አለም አቀፍ ጉባዔ በአዲስ አበባ እየተካሄደ ነው ተባለ፡፡ (ምህረትስዩም)
• የግል ድርጅቶች ሠራተኞች ማህበራዊ ዋስትና ኤጀንሲ የሠራተኞቻቸውን የጡረታ መዋጮ በጊዜው ገቢ ያላደረጉ 12 ድርጅቶችን ንብረት አሳገድኩ አለ፡፡ (ንጋቱረጋሣ)
• የሙሥና ወንጀሎችን ለመከላከልና ለማጋለጥ የህግ አስከባሪ ተቋማት የሚሰሩበት እቅድ ተዘጋጅቷል ተባለ፡፡ (ምህረትስዩም)

ለዛ የምሳ ሰዓት ፕሮግራም ነሐሴ 2፣2009

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

የኢትዮጵያ ገቢዎችና ጉምሩክ ባለሥልጣን ከነጋዴው የሰበሰብኩት የቀን ገቢ ግምት ገቢን ብቻ ሣይሆን እለታዊ ወጪውንም ጭምር ያካተተ ነው...

የኢትዮጵያ ገቢዎችና ጉምሩክ ባለሥልጣን ከነጋዴው የሰበሰብኩት የቀን ገቢ ግምት ገቢን ብቻ ሣይሆን እለታዊ ወጪውንም ጭምር ያካተተ ነው ፤ አለመግባባት የፈጠረውም ነጋዴው ይህን ባለመረዳቱ ነው ብሏል…የነጋዴው የቀን ገቢ ግምት ተብሎ የተሰበሰበው መረጃ ነጋዴው ለሚሸጠው እቃ ወይንም ለሚሰጠው አገልግሎት የሚያወጣውን የመግዣ ወጪ ያካተተ ነው ተብሏል፡፡ለማምረታ የሚያወጣውን፣ ለማከፋፈያና አስተዳደራዊ ጉዳዮች የሚያወጣውንም ወጪ በቀን ገቢ ግምቱ ተካቷል ተብሏል፡፡

በበልግ አብቃይና በአርብቶ አደር አካባቢዎች በመጪዎቹ አምስት ወራት 8 ነጥብ 5 ሚሊየን ሰዎች ድጋፍ ያስፈልጋቸዋል ተባለ

በበልግ አብቃይና በአርብቶ አደር አካባቢዎች በመጪዎቹ አምስት ወራት 8 ነጥብ 5 ሚሊየን ሰዎች ድጋፍ ያስፈልጋቸዋል ተባለ፡፡ይህን ያለው የአደጋ ስጋት ሥራ አመራር ኮሚሽን ነው፡፡ኮሚሽኑ እንደተናገረው በአካባቢዎቹ ከግንቦት 15 እስከ ሰኔ 15 ቀን 2009 ዓ.ም በተደረገ የምግብ ዋስትና የዳሰሳ ጥናት በመጪዎቹ አምስት ወራት የእለት ምግብ እርዳታ ፈላጊዎች ቁጥራቸው ይጨምራል ብሏል፡፡

ነሐሴ 3፣2009 የሸገር ወሬዎቻችን

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

• የጣና ሃይቅንና ተፋሰሱን ከእምቦጭ አረምና ከሌሎች ጉዳቶች ለመከላከል ያለመ የበጐ አድራጐት ድርጅት እውቅና አግኝቶ ሥራ መጀመሩ ተሰምቷል፡፡ (ምሥክር አወል)
• የኢትዮጵያ ገቢዎችና ጉምሩክ ባለሥልጣን ከነጋዴዎች የሰበሰብኩት የቀን ገቢ ግምት ገቢያቸውን ብቻ ሣይሆን ወጪያቸውንም ያካተተ እንደሆነ እወቁልኝ ብሏል፡፡ (ትዕግሥት ዘሪሁን)
• በበልግ አብቃይና በአርብቶ አደር አካባቢዎች በመጪዎቹ አምስት ወራት 8 ነጥብ 5 ሚሊየን ሰዎች ድጋፍ ያስፈልጋቸዋል ተባለ፡፡ (አስፋው ስለሺ)
• የኩላሊት ህመምተኞች አጥበት በጎ አድራጐት ድርጅት 5 ሚሊየን ብር የገንዘብ ድጋፍ አገኘ፡፡ (ንጋቱ ሙሉ)
• የአዲስ አበባን ተልከስካሽ ውሾች በክረምት ለማስወገድ አልተቻለም፡፡ (ወንድሙ ኃይሉ)
• መጪው የአየር ትንበያ ከኤልኒኖ ይልቅ የላኒና ምልክት አሳየ ተባለ፡፡ (ወንድሙ ኃይሉ)
• የኢትዮጵያ ኤሌክትሪክ አገልግሎት ስርቆት እያጋጠመኝ ነው አለ፡፡ (ወንድሙ ኃይሉ)
• የሀገር ውስጥ ጥጥ አምራቾች ገበያ አጥተዋልም፣ አላጡምም ተባለ፡፡ (ወንድሙ ኃይሉ)
• የኢትዮጵያ ግብርና ምርምር ኢንስቲቲዩት ለኢንዱስትሪ ግብአትና የውጪ ምንዛሬ ያስገኛሉ የተባሉ አዳዲስ ዝሪያዎችን ማውጣቱን ተናገረ፡፡ ለኢትዮጵያ ሰብል አስጊ የሆኑ በሽታዎችንም ለመከላከል ከተለያዩ ዩኒቨርስቲዎችና አለማቀፍ ድርጅቶች ጋር ጥረት እየተደረገ መሆኑም ተሰምቷል፡፡ (ዮሐንስ የኋላወርቅ)
• መንግሥት የህገ-ወጥ መድኃኒት ዝውውሮችን እና ጊዜ ያለፈባቸውን ምግብና መጠጦች እየተቆጣጠርኩ ነው አለ፡፡ (ወንድሙ ኃይሉ)
• በአዲስ አበባ ቦሌ ክ/ከተማ ገርጂ አካባቢ የሚሰራው ብሔራዊ ስታዲዮም የግንባታ ሠራተኞች ትናንት በሲሊንደር ፍንዳታ ጉዳት ደረሰባቸው፡፡ (ወንድሙ ኃይሉ)

የምግብ እርዳታ ፈላጊ ኢትዮጵያውያን ቁጥር ጨምሯል ተባለ

የምግብ እርዳታ ፈላጊ ኢትዮጵያውያን ቁጥር ጨምሯል ተባለ፡፡በአርብቶ አደርና በበልግ አብቃይ አካባቢዎች የሚኖሩ ኢትዮጵያውያን እርዳታ ፈላጊዎች ቁጥር ጨምሯል ያለው የብሔራዊ አደጋ ስጋት ሥራ አመራር ኮሚሽን ነው፡፡ኮሚሽኑ በጥናቴ ደረስኩበት እንዳለው በ2009 ዓ.ም በመጪዎቹ አምስት ወራት 8 ነጥብ 5 ሚሊየን ኢትዮጵያውያን ድጋፍ ፈላጊዎች ናቸው ብሏል፡፡ ቀደም ሲል ቁጥሩ 7 ነጥብ 8 ሚሊየን የነበረ ሲሆን በኮሚሽኑ ተደርጓል በተባለ ጥናት መሰረት ቁጥሩ ከፍ ማለቱ ተወርቷል፡፡

ኮሚሽኑ እንደሚለው ከሆነ የተረጂው ሰው ቁጥር የጨመረው የበልግ ዝናብ በመዛባቱ፣ የመኖ ግጦሽ ማነስና የውሃ እጥረት በመፈጠሩ እንዲሁም ሌሎች ችግሮች በመታየታቸው ነው ብሏል፡፡ 8 ነጥብ 5 ሚለየን ዜጎች በመጪዎቹ አምስት ወራት ማለትም ከነሐሴ 2009 ዓ.ም እስከ ታህሣስ 2010 ዓ.ም ድረስ የምግብ እርዳታ ያስፈልጋቸዋል ብሏል፡፡

የብሔራዊ አደጋ ስጋት አመራር ኮሚሽን ከፌዴራል ሚኒስቴር መሥሪያ ቤቶች ጋር፣ ከክልል ሴክተር ቢሮዎች ጋር እንዲሁም ከተባበሩት መንግሥታት ድርጅት የሁለትዮሽ  ስምምነት ያላቸውና አለም አቀፍ መንግሥታዊ ያልሆኑ ድርጅቶች ጋር በመሆን ይሄንን ጥናት በማድረግ የተረጂውንም ቁጥር መጨመር አረጋግጫለሁ ብሏል፡፡