• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የሸገር የሳይንስ ወሬዎች/አሁን ዓለማችን ባለችበት ሁነት ሳቢያ፣ በዓለማችን የሚገኝ የትኛውም ሐገር ለልጆች ጤናማ አስተዳደግ እና ለወደፊት ሕይወታቸው የሚያግዝ በጎ አካባቢ መፍጠር አይችልም ሲል የዓለም የጤና ድርጅት አስጠነቀቀ

አሁን ዓለማችን ባለችበት ሁነት ሳቢያ፣ በዓለማችን የሚገኝ የትኛውም ሐገር ለልጆች ጤናማ አስተዳደግ እና ለወደፊት ሕይወታቸው የሚያግዝ በጎ አካባቢ መፍጠር አይችልም ሲል የዓለም የጤና ድርጅት አስጠነቀቀ…ባለሞያዎች እንደሚሉት፣ የዓየር ንብረት ለውጥ እንዲሁም ለጤና ጎጂ የሆኑ አመጋገቦችን እና የአልኮል መጠጦችን የሚያበረታቱ ማስታወቂያዎች መበርከት በመላው ዓለም ልጆች ጤናማ አስተዳደግ እና ብሩህ ነገ እንዳይኖራቸው ከፊታቸው ፈተና ደቅኗል፡፡

የዓለም የጤና ድርጅት፣ ዩኒሴፍ እና የላንሴት ኮምሽን በጋራ ያወጡት ሪፖርት … በ180 ሐገራት ያሉ ልጆች ጤናማ አስተዳደግ ኖሯቸው “ያብቡ” ዘንድ ያላቸውን እድል አነፃፅሯል፡፡ ለዚህም ትምህርትን፣ አመጋገብን እና በልጅነት የመቀጨት እድልን ተመልክቷል፡፡ባለሞያዎቹ እንደሚሉት የነገዋን አለም የሚረከቡ የዛሬዎቹ ሕፃናት ትልቅ ፈተና ፊታቸው ተደቅኗል - ከነዚህም ውስጥ ዋንኞቹ በአየር ንብረት ለውጥ ሳቢያ የሚከሰተው የአካባቢ መራቆት እና፤ ጎጂ አመጋገብና መጠጥን የሚያበረታቱ ማስታወቂያዎች ናቸው፡፡

ሐገራት እነዚህን ክፉ ተፅእኖ አሳዳሪ ሁነቶች ለመቀልበስ ቆርጠው ሊሰሩ ይገባል ሲል መክሯል ሪፖርቱ፡፡ለልጆች የተሻለ ዓለም ለመፍጠር ከቻሉ ሐገራት ዝርዝር ውስጥ ኖርዌይ፣ ደቡብ ኮርያ እና ኔዘርላንድ ከአንድ እስከ ሦስት ሲቀመጡ፤ ሶማሊያ፣ ቻድ እና ማእከላዊ አፍሪካ ሪፐብሊክ በቅደም ተከተል የመጨረሻውን ቦታ ይዘዋል፡፡ለልጆች የተሻለ ዓለም ለመፍጠር በመቻል ዝርዝር ውስጥ ኢትዮጵያ ከ180 ሐገራት 153ኛ ደረጃ ላይ ሰፍራለች፡፡
አስተያየት ይፃፉ (0 አስተያየት)

የካቲት 13፣ 2012/ በትራፊክ አደጋ የሚደርስ የሞት መጠንን ለመቀነስ እና አደጋውንም ለመከላከል ለሚሰሩ ስራዎች የገንዘብ ድጋፍ መደረጉ ተነገረ

በትራፊክ አደጋ የሚደርስ የሞት መጠንን ለመቀነስ እና አደጋውንም ለመከላከል ለሚሰሩ ስራዎች ከዓለም አቀፍ ለጋሽ ተቋም የገንዘብ ድጋፍ መደረጉ ተነገረ፡፡
ምህረት ስዩም
አስተያየት ይፃፉ (0 አስተያየት)

የካቲት 13፣ 2012/ ኢትዮጵያ የአፍሪካን የምድር ሀይል አዛዦች ጉባኤን በተሳካ ሁኔታ ማከናወኗ ተነገረ

ኢትዮጵያ የአፍሪካን የምድር ሀይል አዛዦች ጉባኤን በተሳካ ሁኔታ ማከናወኗ ተነገረ፡፡ የአፍሪካ ከፍተኛ ወታደራዊ አዛዦች በዚህ መጠን በአንድ ጊዜ ተሰባስበው ሲመክሩም የመጀመሪያቸው ነው ተብሏል፡፡
ተስፋዬ አለነ
አስተያየት ይፃፉ (0 አስተያየት)

የካቲት 13፣ 2012/ ባለፈው ሰኞ አማሻሽ ላይ ከሞላ ጎደል በአገሪቱ የሞባይል ኢንተርኔት እና የስልክ ድምፅ አገልግሎት ተቋርጦ ነበር

ባለፈው ሰኞ አማሻሽ ላይ ከሞላ ጎደል በአገሪቱ የሞባይል ኢንተርኔት እና የስልክ ድምፅ አገልግሎት ተቋርጦ ነበር፡፡ ለመሆኑ ምክንያቱ ምን ነበር ? የኢትዮቴሌኮም ዋና ስራ አስፈፃሚ ፍሬሕይወት ታምሩ ለሸገር ይህን ነግረዋል፡፡
ተህቦ ንጉሴ
አስተያየት ይፃፉ (0 አስተያየት)

የካቲት 13፣ 2012/ ኢትዮጵያ በ2022 ዓ.ም ከግብር 3.8 ትሪሊዮን ብር የመሰብሰብ ውጥን መያዟ ተነገረ

በያዝነው ዓመት 6 ወራት ውስጥ 125 ቢሊየን ብር ከገቢ ለመሰብሰብ አቅዳ 127 ቢሊየን ብር መሰብሰብ የቻለችው ኢትዮጵያ በግብር ከፋዮቿ ዘንድ ያለው እምነት እየጨመረ መምጣቱ ተነግሯል፡፡ለዚህም ማሳያው ባለፉት 6 ወራት ከተሰበሰበው ገቢ 85 በመቶው በፈቃደኝነት የተከፈለ መሆኑ እንደሆነ የገቢዎች ሚኒስትሯ ወ/ሮ አዳነች አቤቤ ትናንት መስሪያ ቤታቸው ባዘጋጀው የብርቱ ግብር ከፋዮች እውቅና አሰጣጥ መርሃ ግብር ላይ ተናግረዋል፡፡

በታህሳስ 2011 ዓ.ም የተጀመረው፣ የ“ግዴታዬን እወጣለሁ መብቴን እጠይቃለሁ” ዘመቻ መጠናቀቅን ተከትሎ በተዘጋጀው በዚሁ ሁነት ላይ ንግግር ያደረጉ ወ/ሮ አዳነች አቤቤ ኢትዮጵያ በ2022 ዓ.ም 3.8 ትሪሊዮን ብር ገቢ በመሰብሰብ 85 በመቶ ወጪዋን በራሷ አቅም የመሸፈን ውጥን እንዳላት ተናግረዋል፡፡

ይህም ይሳካ ዘንድ መስሪያ ቤታቸው የኤሌክትሮኒክስ አገልግሎት ከመስጠት ጀምሮ የአሰራር ሥርዓቱን ዓለም አቀፍ በማድረግ የመረጃና ቴክኖሎጂ ሥርዓቱን በስትራቴጂ በመደገፍ እንዲሁም የሰው ሀይል አቅምን በማሻሻል ላይ አተኩሮ እንደሚሰራ ተናግረዋል፡፡ወ/ሮ አዳነች ከንግግራቸው ባለፈ የምስጋና የእራት ግብዣ ያደረጉላቸው የአገሪቱ ቱባ ቱባ ግብር ከፋዮች በኢትዮጵያ ባህል በየገበታቸው እየተዘዋወሩና ብሉልኝ ጠጡልኝ እያሉ ለቀጣዩ የግብር ዘመን አደራ ሲሰጧቸው ተመልክተናል፡፡የገቢዎች ሚኒስቴር በቀሪዎቹ የእቅድ ወራት 142 ቢሊየን ብር ገቢ የመሰብሰብ ውጥን እንዳለው ሰምተናል፡፡

ቴዎድሮስ ብርሃኑ
አስተያየት ይፃፉ (0 አስተያየት)

የካቲት 13፣ 2012/ በተለያዩ ተቋማት የስራ ቦታ ማፅዳትና ማስዋብ ስራዎች እየተስፋፉ ነው

ይህ እንቅስቃሴ ደግሞ ከሰራተኞቻቸው ደህንነት እና ጥበቃ ጋር ቢቃኝ ለሰራተኛው፣ ለተገልጋዩ እርካታ የመጨመር እድሉን ያሰፋዋል የሚሉ ወገኖች አሉ፡፡
ቴዎድሮስ ብርሃኑ
አስተያየት ይፃፉ (0 አስተያየት)

የካቲት 13፣ 2012/ የአዲስ አበባ ከተማ የባህልና ቱሪዝም ቢሮ በቅርስነት የተመዘገበውን የደጃች ሙሉጌታ ይገዙ ቅርስ ለማስመለስ አልቻልኩም አለ

የአዲስ አበባ ከተማ የባህልና ቱሪዝም ቢሮ በቅርስነት የተመዘገበውን 4 ኪሎ ቅድስተ ማርያም አካባቢ የሚገኘውን የደጃች ሙሉጌታ ይገዙ ቅርስ ለማስመለስ አልቻልኩም አለ፡፡ ቢሮው በተደጋጋሚ ከወረዳው ፖሊስ መምሪያ ጋር ተባብሬ ቅርሱን ለማስመለስ ብሞክርም ባለድርብ ሕንፃው ቅርስ በደህንነት ሰዎች ተይዟል በሚል አምባጓሮ ተፈጥሯል ብሏል፡፡

በቤቱ ምድር ቤት ውስጥ ፈንጂ ተጠምዷል የሚል መረጃ እንደደረሳቸውም የቢሮው ኃላፊዎች ለሸገር ተናግረዋል፡፡ባህልና ቱሪዝም ቢሮ በዚህ ምክንያት በህግ የተቀመጠለትን መብት ተጠቅሞ ቅርሱን ማስመለስ እና ማስተዳደር እንዳልቻለ ለሸገር ነግሯል፡፡
ተህቦ ንጉሴ
አስተያየት ይፃፉ (0 አስተያየት)

የካቲት 13፣ 2012/ የኮሮና ቫይረስ ወደ ኢትዮጵያ ቢገባ ህሙማንን ለማከም ዝግጅት እያደረገ እንደሆነ የቅዱስ ጴጥሮስ ስፔሻላይዝድ ሆስፒታል ተናገረ

የኮሮና ቫይረስ ወደ ኢትዮጵያ ቢገባ ህሙማንን ለማከም ዝግጅት እያደረገ እንደሆነ የቅዱስ ጴጥሮስ ስፔሻላይዝድ ሆስፒታል ተናገረ፡፡
ወንድሙ ሀይሉ
አስተያየት ይፃፉ (0 አስተያየት)

የካቲት 13፣ 2012/ የኢትዮጵያ ኤሌክትሪክ አገልግሎት በመጪው ቅዳሜ የ1 ቀን ነፃ የስራ ዘመቻ ላደርግ ነው አለ

ቅዳሜ የካቲት 14፣ 2012 በቢሮ እና በመስክ ደረጃ የሚሰጡ አገልግሎቶች እንደ መደበኛዎቹ የስራ ቀናት ይከናወናሉ መባሉን ከተቋሙ ኮርፖሬት ኮሚኒኬሽን ቢሮ ሰምተናል፡፡ደንበኞችም በዕለቱ በመደበኛ የስራ ቀናት የሚሰጡትን አገልግሎቶች በሙሉ ማግኘት እንደሚችሉ ተነግሯል፡፡በመስክም ለኤሌክትሪክ ኃይል መዋዠቅ እና መቆራረጥ ምክንያት የሆኑ እና ከኤሌክትሪክ መስመሮች ጋር የተገናኙ ዛፎችን መቁረጥን ጨምሮ የዘመሙ ምሰሶዎችን ማቅናት፣ ቆጣሪዎችን ማገናኘት እና ሌሎች መደበኛ ተግባራት ይከወናሉ ተብሏል፡፡

የነፃ ስራ ዘመቻው ዋና አላማ በበጀት ዓመቱ ታቅደው ያልተሰሩ ውዝፍ ስራዎችን ማቃለል እንዲሁም በተለያዩ ምክንያቶች ያልተሰሩ የኤሌክትሪክ መስመሮች የጥገና እና የስርጭት ስራዎችን መስራት መሆኑን ሰምተናል፡፡በወቅቱ ላልተፈቱ የሕብረተሰቡ ቅሬታዎች ምላሽ መስጠትም የመርሃ ግብሩ ሌላኛው አላማ ነው ተብሏል፡፡

ነፃ የስራ ዘመቻው የኢትዮጵያ ኤሌክትሪክ አገልግሎት ዋናውን መስሪያ ቤት ጨምሮ በሁሉም የተቋሙ ቢሮዎች፣ ዲስትሪክቶች እና አገልግሎት መስጫ ማዕከላት እንደሚካሄድ ከተቋሙ ኮርፖሬት ኮሚኒኬሽን ቢሮ ያገኘነው መረጃ ያመለክታል፡፡በተያዘው ዓመት ከ15 ሺህ 600 በላይ የተቋሙ ሰራተኞች የተሳተፉባቸው እና 19.3 ሚሊየን ብር የሚገመት ወጪን ያስቀሩ ነፃ የስራ ዘመቻዎች ለ3 ጊዜ ያህል መካሄዳቸውንም መስሪያ ቤቱ አስታውሷል፡፡

ማህሌት ታደለ
አስተያየት ይፃፉ (0 አስተያየት)

የካቲት 12፣ 2012/ ከዚህ ቀደም በፓርኮች ላይ የተከሰቱ የእሳት አደጋዎች ብዙ ጉድለቶችን ቢጠቁሙም አሁንም የመከላከል አቅምን ማሳደግ ላይ ውሱንነቶች አሉ

በኢትዮጵያ ከዚህ ቀደም በፓርኮች ላይ የተከሰቱ የእሳት አደጋዎች ብዙ ጉድለቶችን ቢጠቁሙም አሁንም የመከላከል አቅምን ማሳደግ ላይ ውሱንነቶች አሉ ተባለ፡፡
ማህሌት ታደለ
አስተያየት ይፃፉ (0 አስተያየት)

የካቲት 12፣ 2012/ የአርብቶ አደሮች የመሬት ባለቤትነት ሊከበር እና ሊጠበቅ ይገባል ተባለ

የአርብቶ አደሮች የመሬት ባለቤትነት ሊከበር እና ሊጠበቅ ይገባል ተባለ፡፡
የኔነህ ሲሳይ
አስተያየት ይፃፉ (0 አስተያየት)
Sheger 102.1 AudioNow Numbers