• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በልተው ማደር የተሣናቸውን 20 በመቶ ያህል አዲስ አበቤዎች ለመደገፍ በአስተዳደሩ 450 ሚሊዮን ብር መመደቡ ተሠማ

ከአዲስ አበባ ከተማ ነዋሪዎች መካከል 20 በመቶ የሚደርሱት ከድህነት ወለል በታች በሚባል የድህነት ደረጃ የሚኖሩ ናቸው ተባለ…

እነዚህ ዜጐች የምግብ ዋስትና ያልተረጋገጠላቸውና በልተው ማደር የከበዳቸው ናቸው ተብለዋል፡፡

የደሀ ደሀ የተባሉ የአዲስ አበባ ነዋሪዎችን በልተው ማደር እንዲችሉ የከተማው አስተዳደር ከመጪው አመት ጀምሮ ለ10 አመት የሚዘልቅ የከተማ የምግብ ዋስትና መርሃ-ግብር ይጀምራል መባሉን ሰምተናል፡፡

ለዚህም 450 ሚሊዮን ብር መመደቡን በአዲስ አበባ ከተማ አስተዳደር የሠራተኛና ማህበራዊ ጉዳይ ቢሮ ኃላፊ የሆኑት አቶ ኤፍሬም ግዛው ተናግረዋል፡፡

350 ሚሊዮን ብሩ ከዓለም ባንክ የተገኘ ብድር ሲሆን መቶ ሚሊየን ብሩን የኢትዮጵያ መንግሥት በጅቶታል፡፡

ኃላፊው ዛሬ ለጋዜጠኞች በሰጡት መግለጫ እንዳሉት በመጪው 3 አመት ብቻ 66 ሺህ 150 ያህል የአዲስ አበባ ነዋሪዎች በልተው ለማደር የሚያስችላቸው ገንዘብ በየወሩ ይሰጣቸዋል፡፡

እነዚህ ዜጎች ጧሪ ቀባሪ የሌላቸውና በጤናና በዕድሜ ምክንያት መስራት የማይችሉ አረጋውያን የሚሳተፉበት ነው ተብሏል፡፡

 

የመሥራት አቅም ያላቸው ነገር ግን የሥራ ዕድልን ያላገኙ 415 ሺህ ያህል በልመና የሚተዳደሩ የጎዳና ተዳዳሪዎች፣ በወሲብ ንግድ የተሰማሩና ሌሎችም ዜጎች የሥራ ዕድል ተፈጥሮላቸው የወር ደሞዝተኛ በመሆን በልተው ማደር እንዲችሉ ይደረጋል ተብሏል፡፡

በአዲስ አበባ ከተማ የሚኖሩ የድሀ ደሀ የሆኑ ዜጐችን በልተው እንዲያድሩ ያስችላል የተባለውን መርሃ-ግብር ለመፈፀም ያስችል ዘንድም የከተማ የምግብ ዋስትናና ልማታዊ ሴፍትኔት ኤጀንሲ ተቋቁሞ ስራ መጀመሩን አቶ ኤፍሬም ተናግረዋል፡፡

የድሀ ድሀ የሆኑ የከተማው ነዋሪዎችን የመለየትና የመመዝገብ ሥራ በቅርቡ ይጀምራል መባሉን ሰምተናል፡፡

የከተማ የምግብ ዋስትና መርሃ-ግብር በመጪው አመት ተጀምሮ ለተከታታይ አስር ዓመታት ይቀጥላል ተብሏል፡፡

በከተማ አስተዳደሩ የሠራተኛና ማህበራዊ ጉዳይ ቢሮ ኃላፊ የሆኑት አቶ ኤፍሬም ግዛው አያይዘውም በከተማዋ አካበቢ የልማት ተነሺ የሆኑ ገበሬዎች እያነሷቸው ያሉ ጥያቄዎችን ለመመለስና ገበሬዎቹን መልሶ ለማቋቋም ራሱን የቻለ ፕሮጀክት ጽ/ቤት ተመስርቷል ብለዋል፡፡

ጽ/ቤቱ የልማት ተነሺ ለሆኑ ገበሬዎች ተመጣጣኝ ቦታ እንዲያገኙና ለማህበራዊ ችግር እንዳይጋለጡ ትኩረት ሰጥቶ ይሰራል፡፡

የሚሰጣቸውን የካሣ ክፍያ ማሻሻልን በተመለከተ ግን ኃላፊነት አንደሌለው ከአቶ ኤፍሬም ሰምተናል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers